شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭعا «دوستىق وردەنىن» ۇسىندى ءارى سالتاناتتى تابىستاۋ سالتىن وتكىزدى
2022.11.01 16:08 كەلۋ قاينارى : حالىق تورابى
 |
10 - ايدىڭ 31 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭعا جۇڭحۋا حالىق رەسپۋبليكاسىنىڭ «دوستىق وردەنىن» ۇسىندى ءارى سالتاناتتى تابىستاۋ سالتىن وتكىزدى. سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
|
«حالىق گازەتى»، 10 - ايدىڭ 31 - كۇنى، بەيجيڭ (ءتىلشى جاڭ يۋاننان). 10 - ايدىڭ 31 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭعا جۇڭحۋا حالىق رەسپۋبليكاسىنىڭ «دوستىق وردەنىن» ۇسىندى ءارى سالتاناتتى تابىستاۋ سالتىن وتكىزدى.
سالتاناتتى التىن ءتۇستى زال ايبىندى دا دۋماندى بەينەگە شومدى، ۇلكەن قىزىل ءتۇستى ارتقى كورىنىس تاقتاسىنداعى «دوستىق وردەنىنىڭ» ورنەگى ەرەكشە كوز تارتادى. ارتقى كورىنىس تاقتاسىنىڭ الدىندا جۇڭگو كوممۋنيستىك پارتياسى مەن ۆيەتنام كوممۋنيستىك پارتياسىنىڭ تۋلارى، جۇڭگو، ۆيەتنام ەكى ەلدىڭ مەملەكەت تۋلارى رەتتى ءتىزىلدى.
سالت باستالدى، جۇڭگو حالىق ازاتتىق ارمياسىنىڭ قۇرمەت قاراۋىلى جينالىس الاڭىنا كىرىپ، وردەن بەرۋ تەكشەسىنە شىعىپ، ەكى جاققا ءبولىنىپ تۇردى.
قۇرمەت مۋزىكاسى ىشىندە شي جينپيڭ مەن رۋان فۋجۇڭ زالعا بىرگە كىردى. جۇڭگو مەن ۆيەتنامنىڭ سيلى قوناقتارى تۇگەل ورىندارىنان تۇرىپ، قىزۋ شاپالاق سوقتى.
شي جينپيڭ مەن رۋان فۋجۇڭ وردەن ۇسنۋ تەكشەسىنە شىقتى.
اسكەري وركەستر ۆيەتنام، جۇڭگو ەكى ەلدىڭ مەملەكەت گيمندەرىن ورىندادى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى، پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماداقتاۋ - سيلاۋ قىزمەتى كوميتەتى مەڭگەرۋشىسىنىڭ ورىنباسارى ۋاڭ ي جۇڭحۋا حالىق رەسپۋبليكاسى ءتوراعاسىنىڭ وردەن ۇسىنۋ بۇيرىعىن وقىدى.
قۇرمەت قاراۋىلى «دوستىق وردەنىن» قورعاپ الاڭعا كىردى.
قۇرمەت مۋزىكاسى باستالىسىمەن شي جينپيڭ رۋان فۋجۇڭعا سالتاناتتى تۇردە وردەن تاقتى. تۇتاس زالدان دۋ قول شاپالاق ءۇنى كوتەرىلدى.
شي جينپيڭ ءسوز سويلەدى. شي جينپيڭ بىلاي دەپ اتاپ كورسەتتى: باس شۋجي رۋان فۋجۇڭ − مىزعىماس ماركسيزمشى، جۇڭگو كوممۋنيستىك پارتياسىنىڭ جاقىن جولداسى جانە شىنايى دوسى. باس شۋجي رۋان فۋجۇڭنىڭ ايرىقشا ءمان بەرۋى مەن تىكەلەي جەبەۋىندە، جۇڭگو مەن ۆيەتنام ەكى پارتيانىڭ، ەكى ەلدىڭ ءداستۇرلى دوستىعى بەكەمدەلىپ، ساياسي ءوزارا سەنىمدىلىگى ۇزدىكسىز كۇشەيىپ، ناقتى سەلبەستىگى ۇزدىكسىز تەرەڭدەپ، اۋىس - كۇيىس جاساۋى، ءوزارا ۇلگى الۋى كۇن سايىن جيىلەدى. «دوستىق وردەنى» جۇڭگو كوممۋنيستىك پارتياسى مەن جۇڭگو حالقىنىڭ باس شۋجي رۋان فۋجۇڭعا جانە ۆيەتنام حالقىنا دەگەن دوستىق سۇيىسپەنشىلىگىنە ۋاكىلدىك ەتەدى، جۇڭگو مەن ۆيەتنامنىڭ «جولداستىققا قوسا باۋىرلاستىعى بار» تەرەڭ سۇيىسپەنشىلىگىنىڭ سيمۆولى، وندا ەكى پارتيا مەن ەكى ەل حالىقتارىنىڭ كوركەم بولاشاققا بىرگە تالپىنعان شىنايى ءۇمىتى قامتىلىپ جاتىر.
شي جينپيڭ بىلاي دەپ اتاپ كورسەتتى: جۇڭگو مەن ۆيەتنام تاۋ - وزەندەرى جالعاسقان، ەتەنە تاتۋ كورشىلەر، جاقسى دوستار، مۇراتتاس، تاعدىرلاس جاقسى جولداس، جاقسى سەرىكتەر، ادامزاتتىڭ بەيبىتشىلىك جانە العا باسۋ ىستەرىنە كۇش سالاتىن تاعدىرلاس ورتاق تۇلعا. ەكى ەلدىڭ سوتسياليستىك وسىزامانداندىرۋ قۇرىلىسىن ىلگەرىلەتۋ ساپارىندا جۇڭگو كوممۋنيستىك پارتياسى باس شۋجي رۋان فۋجۇڭ باستاعان ۆيەتنام كوممۋنيستىك پارتياسىمەن بىرگە ماۋ زىدۇڭ، حۋ جىميڭ قاتارلى ەكى پارتيانىڭ، ەكى ەلدىڭ اعا بۋىن باسشىلارى ءوز قولدارىمەن سومداعان جانە دەن قويا جەتىلدىرگەن ءداستۇرلى دوستىقتى ويداعىداي جالعاستىرىپ، جۇڭگو - ۆيەتنام قارىم - قاتىناسىنىڭ اناعۇرلىم زور دامۋعا قول جەتكىزۋىنە بىرگە جەتەكشىلىك ەتۋدى قالايدى.
رۋان فۋجۇڭ قارىمتا لەبىز ءبىلدىردى. راۋن فۋجۇڭ مىنانى ءبىلدىردى: باس شۋجي شي جينپيڭنىڭ ماعان جۇڭحۋا حالىق رەسپۋبليكاسىنىڭ «دوستىق وردەنىن» ۇسىنعانىنا شىن جۇرەكتەن العىس ايتامىن، وسى ايرىقشا داڭق جۇڭگو پارتياسىنىڭ، ۇكىمەتىنىڭ جانە حالقىنىڭ ۆيەتنام پارتياسىنا، ۇكىمەتىنە جانە حالقىنا، سونداي - اق مەنى قامتىعان ۆيەتنامنىڭ ءار كەزەكتى باسشىلارىنا دەگەن تەرەڭ دوستىعىن ايگىلەدى ءارى ۆيەتنامنىڭ ۆيەتنام مەن جۇڭگونىڭ دوستىعىنا ۇزاق ۋاقىت كۇش سالۋىنا زور شابىت بولدى. مەن وسى وسكەلەڭ داڭقتى اسا قۇرمەتپەن قابىلداپ، ءوز قىزمەت ورنىمدا ۆيەتنام حالقىمەن بىرگە سوتسياليزم جولىمەن جۇرۋدە ۇزدىكسىز تاباندى بولىپ، ۆيەتنام مەن جۇڭگونىڭ «جولداستىققا قوسا باۋىرلاستىعى بار» دوستىق قارىم - قاتىناسىن ۇزدىكسىز بەكەمدەپ جانە تەرەڭدەتىپ، اناعۇرلىم جارقىن بولاشاقتى بىرگە جۇزەگە اسىرامىز. ۆيەتنام - جۇڭگو دوستىعىنىڭ ماڭگى جالعاسۋىن تىلەيمىن، «جولداستىققا قوسا باۋىرلاستىعى بار» ۆيەتنام - جۇڭگو قارىم - قاتىناسىنىڭ ۇرپاقتان - ۇرپاقتان جالعاسىپ حالىقارالىق قارىم - قاتىناستىڭ ۇلگىسىنە اينالۋىن تىلەيمىن.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ وردەن ۇسىنۋ سالتىنا قاتىناستى.
وردەن ۇسىنۋ سالتىنان كەيىن شي جينپيڭ رۋان فۋجۇڭمەن شاي ىشە وتىرىپ، ەكى پارتيانىڭ، ەكى ەلدىڭ ءداستۇرلى دوستىعى مەن دامۋ بولاشاعى جونىندە اقتارىلا اڭگىمەلەستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
