جاڭادان وزگەرىس ەنگىزىلگەن مال شارۋاشىلىعى زاڭىندا مال شارۋاشىلىعىن جاسىل دامىتۋ كۇشەيتىلگەن
2022.10.31 15:36 كەلۋ قاينارى : حالىق تورابى
13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 13 – رەتكى ءماجىلىسى 10 – ايدىڭ 30 – كۇنى جاڭادان وزگەرىس ەنگىزىلگەن مال شارۋاشىلىعى زاڭىنا داۋىس بەرىپ، ماقۇلدادى، مال شارۋاشىلىعىن جوعارى ساپالى دامىتۋدى ىلگەرىلەتۋ، مالدىڭ كوڭى مەن قۇستىڭ ساڭعىرىعىن زالالسىزداندىرىپ ءبىرجاقتى ەتۋدى ويداعىداي ىستەۋ، مال سانى مەن جايىلىمنىڭ تەپە – تەڭدىگىن ىلگەرىلەتۋ قاتارلى جاقتاردا مال شارۋاشىلىعىن جاسىل دامىتۋ كۇشەيتىلگەن.
مال، قۇس باعىمشىلىعى وندىرىسىنە كورنەكتى تۇردە قولداۋ كورسەتۋ ءارى شابىتتاندىرۋ، مال شارۋاشىلىعىنىڭ جوعارى ساپالى دامۋىن ىلگەرىلەتۋ ءۇشىن، جاڭادان وزگەرىس ەنگىزىلگەن مال شارۋاشىلىعى زاڭىندا اۋدان دارەجەلىدەن جوعارى ۇكىمەت ورىندارىنىڭ مال شارۋاشىلىعىن دامىتۋدى حالىق شارۋاشىلىعى مەن قوعام دامۋىنىڭ پلانىنا ەنگىزۋى كەرەك ەكەندىگى ايقىندالعان ءارى مەملەكەتتىك وسىزاماندانعان مال، قۇس باعىمشىلىعى جۇيەسىن ورناتۋ، كەمەلدەندىرۋ قاجەت ەكەندىگى ورتاعا قويىلعان. مال، قۇس باعىمشىلىعى الاڭىنىڭ ورنىن تاڭداۋ، ونى سالۋ بارىسىندا مەملەكەت جەرى كەڭىستىگىنىڭ پلانىنا سايكەس كەلۋى ءارى قاتىستى زاڭ – تۇزىمدەردەگى بەلگىلەمەلەرگە بويسۇنۋ كەرەك؛ زاڭ – تۇزىمدەردەگى بەلگىلەمەلەرگە قايشى كەلۋگە بولمايدى، باعىمشىلىققا تيىم سالىناتىن وڭىردە مال، قۇس باعىمشىلىعى الاڭىن سالۋعا بولمايدى.
جاڭادان وزگەرىس ەنگىزىلگەن مال شارۋاشىلىعى زاڭىندا مالدا، قۇستا بولاتىن ىندەتتەردەن ساقتانۋ جانە ونى ەمدەۋدى كۇشەيتۋ، مالدىڭ كوڭىن، قۇستىڭ ساڭعىرىعىن زالالسىزداندىرىپ ءبىرجاقتى ەتۋ، الەۋمەتتىك دەنساۋلىق ساقتاۋ حاۋىپسىزدىگىن قامتاماسىزداندىرۋ جاقتارىنداعى بەلگىلەمەلەرگە وزگەرىس ەنگىزىپ، كەمەلدەندىرگەن. مۇندا مەملەكەتتىڭ شارا قولدانىپ، مالدا، قۇستا بولاتىن ىندەتتى باقىلاپ - تەكسەرەتىنى، مالدارعا، قۇستارعا قاجەتتى ۆاكسينانى زەرتتەپ جاسايتىنى سىندى مازمۇندار قوسىلعان، مال، قۇس باعىمشىلىعىمەن شۇعىلدانعاندا، اۋىرىپ ولگەن مالدى، قۇستى الباتى تاستاۋعا نەمەسە الباتى ءبىرجاقتى ەتۋگە بولمايتىنى ايقىندالعان، قاتىستى تارماقتاعى «مالدىڭ كوڭىن، قۇستىڭ ساڭعىرىعىن ءبىرجاقتى ەتىپ پايدالانۋ» دەگەن ءسوز «مالدىڭ كوڭىن، قۇستىڭ ساڭعىرىعىن زالالسىزداندىرىپ ءبىرجاقتى ەتۋ جانە بايلىققا اينالدىرىپ پايدالانۋ» دەپ وزگەرتىلگەن ت.ب.
جايىلىم زاڭىنا قاتىستى بەلگىلەمەلەرمەن ۇشتاستىرۋ جاعىندا، جاڭادان وزگەرىس ەنگىزىلگەن مال شارۋاشىلىعى زاڭىندا جايىلىم مەن مال سانىنىڭ تەپە – تەڭدىگىن ساقتاۋعا ساياتىن ناقتى شارالار جونىندەگى بەلگىلەمە قوسىلعان. مەملەكەت مالدى قورادا باعۋ، جارتىلاي قورادا باعۋ، ماۋسىمدىق سيپاتتى مال جايۋ، رايون بەلگىلەپ، اۋىستىرىپ مال باعۋ قاتارلى مال باعۋ تاسىلدەرىنە شابىت بەرەدى ءارى جالپىلاستىرادى، مال شوعىرىن ۇيلەسىمدى ورنالاستىرىپ، جايىلىم مەن مال سانىنىڭ تەپە –تەڭدىگىن ساقتايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
