بۇكىل شينجياڭدا كۇزگى استىقتىڭ ％90تەن استامى جيىپ الىندى
بيىل استىقتان مول ءونىم الىناتىندىعى تۇراقتاندى
2022.10.31 15:26 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 10 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، كەزەكتە رايونىمىزدىڭ جەر - جەرى ەگىس ۋاقىتىن مىقتاپ يگەرىپ، كۇزگى استىق داقىلدارىنان ءونىم الۋ قىزمەتىن جاپپاي ىلگەرىلەتۋدە ەكەن، قازىر بۇكىل رايوندا (جەرگىلىكتى ورىن) 16 ميلليون مۋعا جۋىق كۇزگى استىق جيىپ الىنعان، جينالۋ اياق الىسى ％90تەن اسىپ، بىلتىرعى سول تۇستاعىدان تەز بولعان، تۇتاس جىلدا استىقتان مول ءونىم الىناتىندىعى تۇراقتاندىرىلعان.
جۇگەرى − رايونىمىزدىڭ كۇزگى استىق نەگىزگى داقىلى، كۇز كىرگەننەن بەرى، ءار دارەجەلى اۋىل شارۋاشىلىعى، اۋىل - قىستاق تاراۋلارى الدىن الا قىزمەت دايىندىق جوباسىن جاساپ، جۇگەرى ورۋ ماشينا - جابدىقتارىنىڭ قامداۋ مەن قاجەتسىنۋى سياقتى ينفورماتسيالاردى دەر كەزىندە يگەرىپ، اۋىل شارۋاشىلىعى ماشينالارىمەن قامدايتىن، قاجەت ەتەتىن ەكى جاقتى جۇمىس تاپسىرىسى توقتامىن جاساسۋعا ۇيىمداستىردى، ماشينا - جابدىقتارى كەمشىل، ەڭبەككۇشى تاپشى شارۋا وتباسىلارىنا، سونداي - اق ”شاعىن، بىتىراڭقى، شەتكەرى“ جەر بولىكتەرىنىڭ جۇمىس قاجەتىنە ەرەكشە نازار اۋدارىپ، ”كىم ىستەيدى، قاي كەزدە ىستەيدى“ دەگەن سياقتى ماسەلەلەردى ۇشتاستىرىپ، تياناقتاندىرىپ، جيىن - تەرىن ماشينالارىن اتىزدا جۇمىس جۇرگىزۋگە دەر كەزىندە ورنالاستىرىپ، داقىلداردىڭ قامبالانۋىنا شىنايى كەپىلدىك ەتتى. قازىر جينالعان كۇزگى استىق داقىلدارىنىڭ ىشىندە 14 ميلليون 600 مىڭ مۋدان استام جەردەگى جۇگەرىدەن ءونىم الىنىپ، سايكەس مەزگىلدەگىدەن 800 مىڭ مۋدان استام ارتىپ، ءونىم الىناتىن اۋماقتىڭ ％98ىن ۇستادى، سانجى حۇيزۋ اۆتونوميالى وبلىسى، تارباعاتاي ايماعى سياقتى جۇگەرى وندىرەتىن كوپتەگەن رايونداردا بارلىق جيىپ الۋ قىزمەتى ورىندالىپ بولدى. 350 مىڭ مۋ جەردەگى سويا بۇرشاقتان ءونىم الىنىپ، ءونىم الىناتىن اۋماقتىڭ ％86ىن ۇستادى؛ 120 مىڭ مۋ جەردەگى جەر جاڭعاعىنان ءونىم الىنىپ، ءونىم الىناتىن اۋماقتىڭ ％93ىن ۇستادى.
كۇزگى استىق جيىن - تەرىن كەزىندەگى اتىز باسقارۋدى ويداعىداي ىستەۋ ءۇشىن، رايونىمىزدىڭ اۋىل شارۋاشىلىعى، اۋىل - قىستاق تاراۋلارى كۇزگى جيىن - تەرىن، كۇزگى تۇقىم سەبۋ، كۇزگى باپتاۋ جۇمىسىنا قىزمەت وتەۋدى، جەتەكشىلىك ەتۋ قىزمەتىن كوپ ءتۇرلى جولدارمەن ورىستەتىپ، كۇزدىك داقىل اتىزدارىن باسقارۋدى جانە اپاتتان ساقتانۋدى، اپات زيانىن ازايتۋدى كۇشەيتىپ، جەرگىلىكتى جاعدايعا قاراي تۇرگە ءبولىپ جەتەكشىلىك ەتۋدى جانە تەحنيكالىق قىزمەت وتەۋدى ورىستەتىپ، كۇز ماۋسىمىنداعى اۋىل شارۋاشىلىعى ءوندىرىسىنىڭ تاماشا بەتالىسىن ساقتادى. جۇگەرىنى لايىعىنا قاراي جايىراق جيناۋ سياقتى تەحنيكالىق شارالاردى بەلسەنە جالپىلاستىرىپ، ءونىم مولشەرى مەن ساپاسىن قۇلشىنا جوعارىلاتىپ، بۇكىل رايونداعى جۇگەرىنىڭ بىرلىك ءونىمى تاعى دا تاريحتاعى ەڭ جوعارى دەڭگەيدى جاراتتى.
بيىل جىل باسىنان بەرى بۇكىل رايون استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن ىشكەرىلەي اتقارىپ، جوعارى ولشەمدى ەگىنجاي قۇرىلىسىن بەلسەنە ىلگەرىلەتىپ، جۇيەلىلەندىرىلگەن تۇقىم ءسىڭىرۋ، تەرەڭ جىرتىپ، تەرەڭ بوساتۋ سياقتى ءونىمدى ارتتىرۋدىڭ شەشۋشى تەحنيكالارىن جالپىلاستىرىپ، استىق وندىرىسىنە پايدالانىلاتىن سۋدى الدىمەن قامتاماسىز ەتتى، وڭىرلىك سيپاتتى كوكتەمگى قۋاڭشىلىق جانە ”بوگەتتىك“ قۋاڭشىلىق تۋىلمادى، جازعى استىقتىڭ جالپى ءونىم مولشەرى 6 ميلليون 551 مىڭ 700 تونناعا جەتىپ، جەر اۋدانى، جالپى ءونىم، بىرلىك ءونىم سىندى جاقتاردا ”ءۇش ارتۋدى“ جۇزەگە اسىرىپ، ءۇرتىس كوپ جىل بويى جازعى استىقتان مول ءونىم الۋدىڭ تاماشا جاعدايى بەكەمدەلىپ، ”رايون ىشىندە ىركىندى قالۋ، مەملەكەتتى قامداۋ“ سىندى استىق ءوندىرىسىنىڭ جاڭا باعىتى دايەكتىلەندىرىلىپ، تياناقتاندىرىلىپ، استىق جالپى ءوندىرىس قۋاتى ۇزدىكسىز جوعارىلادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
