شي جينپيڭ يان - ان توڭكەرىسىن ەسكە ءتۇسىرۋ ورنىن قۇرمەتپەن كورگەندە مىنانى دارىپتەدى
پارتيا قۇرۋ ۇلى رۋحى مەن يان - ان رۋحىن اسقاقتاتىپ، پارتيا 20 - قۇرىلتايىندا العا قويىلعان نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزۋ كەرەك
2022.10.28 16:50 كەلۋ قاينارى : حالىق تورابى
 |
10 – ايدىڭ 27 – كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شيلەردى باستاپ يان - ان توڭكەرىسىن ەسكە ءتۇسىرۋ ورنىن قۇرمەتپەن كوردى. سۋرەتتە: شي جينپيڭ ياڭجياليڭدە ج ك پ 7 – قۇرىلتايىنىڭ ءماجىلىس جۇرتىن قۇرمەتپەن كورۋدە. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
پارتيا قۇرۋ ۇلى رۋحىن، يان - ان رۋحىن ساۋلەلەندىرىپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، كۇرەس رۋحىن ساۋلەلەندىرىپ، پارتيا 20 - قۇرىلتايىندا العا قويىلعان نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزۋ كەرەك
■ يان - ان مەزگىلىندە قالىپتاسقان جانە ساۋلەلەندىرىلگەن داڭقتى ءداستۇر مەن تاماشا ستيل، جەتىلدىرىلىپ، قالىپتاستىرىلعان، بەرىك، دۇرىس ساياسي بەتالىستى، يدەيانى ازات ەتىپ، شىندىقتى ءىس جۇزىنەن ىزدەۋ يدەيالىق لۋشيانىن، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىن، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، يگىلىك جاراتۋ رۋحىن نەگىزگى مازمۇن ەتكەن يان - ان رۋحى − پارتيانىڭ قاستەرلى رۋحاني بايلىعى، ونى ۇرپاقتان - ۇرپاققا جالعاستىرۋ كەرەك
■ بۇكىل پارتياداعى جولداستار دۇرىس ساياسي بەتالىستا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، اعا بۋىن توڭكەرىسشىلەر باستاعان ۇلى ىستەردى ۇزدىكسىز ىلگەرىلەتۋى كەرەك
■ بۇكىل پارتياداعى جولداستار حالىقتىق مايداندا بەرىك تۇرىپ، پارتيانىڭ نەگىزگى ماقساتىن امالياتتا ايگىلەپ، پارتيانىڭ بۇقارالىق لۋشيانىن دايەكتىلەندىرىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، حالىقتى وزەك ەتكەن دامۋ يدەياسىن سانالى تۇردە ءتۇرلى قىزمەتتەرمەن ساباقتاستىرىپ، بىرگە بايۋدى تىڭعىلىقتى ىلگەرىلەتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋى كەرەك
■ بۇكىل پارتياداعى جولداستار ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحىن بارىنشا ساۋلەلەندىرۋى، كەلەشەكتە زاتتىق تۇرمىسىمىز قانشاما باي بولسا دا، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحىن، ءسوز جوق، جوعالتپاۋى، تىڭعىلىقتى، شوگەل بولىپ، ناقتى ىستەۋى، ءوز ىستەرىن زەيىن - زەردەسىن شوعىرلاندىرا وتىرىپ جاقسى ىستەۋى، مەملەكەت پەن ۇلتتىڭ دامۋىن ءوز كۇش - قۋاتىنىڭ نەگىزىنە قويۋى كەرەك
■ بۇكىل پارتياداعى جولداستار اعا بۋىن توڭكەرىسشىلەر مەن كوممۋنيستەر قالدىرعان داڭقتى ءداستۇر مەن تاڭداۋلى ستيلدى ويداعىداي جالعاستىرىپ، ويداعىداي ساۋلەلەندىرىپ، پارتيانىڭ وزىنە توڭكەرىس جاساۋىن باتىلدىقپەن ىلگەرىلەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ العاباسارلىعى مەن كىرشىكسىزدىگىن باستان - اياق ساقتاپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى بولۋىنا شىنايى كەپىلدىك ەتۋى كەرەك
■ بۇكىل پارتياداعى جولداستار كۇرەسكەرلىك رۋحتى ساۋلەلەندىرىپ، كۇرەس قابىلەتىن جوعارىلاتىپ، العا باسۋ جولىنداعى ءتۇرلى قيىنشىلىقتار مەن سىن - سايىستى باتىل جەڭىپ، قايسارلىقپەن كۇرەس جۇرگىزۋ ارقىلى ىستەردى دامىتۋدىڭ جاڭا ءورىسىن اشۋى كەرەك
■ پارتيانىڭ 20 - قۇرىلتايىندا قازىرگى جانە بۇدان بىلايعى ءبىر مەزگىلدەگى پارتيا مەن مەملەكەتتىڭ كەلەلى باعىت - ساياساتتارى بەلگىلەنىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسى جاسالدى. جاڭا جورىققا شەرۋ تارتىپ، جاڭا كۇرەس نىساناسىنا قاراي اتتانايىق
«حالىق گازەتى»، 10 – ايدىڭ 27 – كۇنى، يان – ان. پارتيانىڭ 20 - قۇرىلتايى جابىلعانىنا ءبىر اپتا بولماي جاتىپ، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شيلەردى باستاپ، بەيجيڭنەن يان - انعا ارنايى بارىپ، يان - ان توڭكەرىسىن ەسكە ءتۇسىرۋ ورنىن قۇرمەتپەن كورىپ، توڭكەرىستىك سوعىس كەزىندەگى پارتيا ورتالىق كوميتەتىنىڭ يان - انداعى ەرەكشە ساتتەرىن ەسكە ءتۇسىرىپ، اعا بۋىن توڭكەرىسشىلەردىڭ ەسەلى ەڭبەگىن ساعىنا ەسكە الدى، جاڭا كەزەكتى ورتالىق كوميتەت باسشىلىق كوللەكتيۆىنىڭ توڭكەرىستىك رۋحتى جالعاستىرىپ، كۇرەس رۋحىنا مۇراگەرلىك ەتىپ، جاڭا ەمتيحان تاپسىرۋ جولىندا تاريح پەن حالىققا جاڭا ۇزدىك جاۋاپ قايتارۋ بەرىك سەنىمىن ايگىلەدى. شي جينپيڭ بىلاي دەپ دارىپتەدى: پارتيا قۇرۋ ۇلى رۋحىن، يان - ان رۋحىن ساۋلەلەندىرىپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، كۇرەس رۋحىن ساۋلەلەندىرىپ، پارتيا 20 - قۇرىلتايىندا العا قويىلعان نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزۋ كەرەك.
10 - ايدىڭ 27 - كۇنى تۇستەن بۇرىن شي جينپيڭ قاتارلىلار اۆتوكولىككە توپتىق وتىرىپ يان - ان قالاسىنىڭ باتىس سولتۇستىگىنە ورنالاسقان ياڭجياليڭ توڭكەرىستىك بايىرعى تۇراعىنا كەلدى. 1938 - جىلى 11 - ايدا ج ك پ ورتالىق كوميتەتىنىڭ ورگانى فىڭحۋاڭشاننان ياڭجياليڭگە كوشىپ باردى. ياڭجياليڭدەگى كەزىندە پارتيامىز مەملەكەتتىك 7 - قۇرىلتايىن اشىپ، يان - ان ستيل دۇرىستاۋ قوزعالىسىن ورىستەتىپ، جۇڭگو حالقىنىڭ جاپون شاپقىنشىلارىنا قارسى سوعىسىنا باسشىلىق ەتتى.
شي جينپيڭ قاتارلىلار الدىمەن جۇڭگو كوممۋنيستىك پارتياسىنىڭ 7 – قۇرىلتايىنىڭ ءماجىلىس جۇرتىنا كەلدى. 1945 - جىلى 4 - ايدان 6 - ايعا دەيىن پارتيانىڭ 7 - قۇرىلتايى وسى ارادا اشىلدى. پارتيامىز قۇرىلعان كەزدە 50 نەشە پارتيا مۇشەسى عانا بار ەدى، پارتيانىڭ 7 - قۇرىلتايى اشىلعان كەزدە پارتيا مۇشەسى ءبىر ميلليون 210 مىڭ ادام بولدى. شي جينپيڭ باياۋ ءجۇرىپ ءماجىلىس الاڭىن قۇرمەتپەن كوردى، ول مىنالاردى ءبىلدىردى: پارتيانىڭ 7 - قۇرىلتايى پارتيا تاريحىندا ماڭىزدى بەلەستىك مانگە يە، بۇل پارتيامىزدىڭ ساياسي، يدەيالىق، ۇيىمدىق جاقتاردان تولىسا باستاعانىن اڭعارتادى. ساياسي جاقتا، پارتيا يان - ان ستيل دۇرىستاۋ قوزعالىسى ارقىلى بۇكىل پارتيانى ماۋ زىدۇڭنىڭ تۋى استىنا ىنتىماقتاستىرىپ، پارتيانىڭ بۇرىن بولىپ كورمەگەن بىرلىگى مەن ىنتىماعىن جۇزەگە اسىردى. يدەيالىق جاقتا، پارتيا ماۋ زىدۇڭ يدەياسىنىڭ بۇكىل پارتياداعى جەتەكشىلىك ورنىن تۇراقتاندىرىپ، ماۋ زىدۇڭ يدەياسىن پارتيا ۋستاۆىنا ەنگىزدى. ۇيىمدىق جاقتا، پارتيا ماۋ زىدۇڭ تۋىن بيىك ۇستاعان، ۇزاق ۋاقىتتىق سىننان وتكەن ساياساتشىلار توبىن قالىپتاستىردى. پارتيانىڭ 7 - قۇرىلتايى پارتيا تاريحىندا توتەنشە ماڭىزدى ورىنعا يە بولىپ، پارتيانىڭ كەيىن كەلە جەڭىستەن جەڭىسكە جەتۋىنە دۇرىس باعدار كورسەتىپ، دۇرىس جول اشتى.
وسىدان كەيىن شي جينپيڭ قاتارلىلار ماۋ زىدۇڭ قاتارلى اعا بۋىن توڭكەرىسشىلەردىڭ كونە تۇراعىنا كەلىپ، اعا بۋىن توڭكەرىسشىلەردىڭ ياڭجياليڭدەگى توڭكەرىستىك كەشىرمەسىن قايتا ەسكە الىپ، توڭكەرىستىك بايىرعى تۇراقتى قورعاۋ جاعدايىن ۇعىستى. يان - انداعى كەزىندە، ياڭجياليڭ ماۋ زىدۇڭنىڭ ەڭ ۇزاق قونىستانعان جەرى بولاتىن، ايگىلى «جەر تولەدەگى سۇحپات» ءدال وسى ارادا جۇرگىزىلگەن. «جەر تولەدەگى سۇحپاتتىڭ» باستى مازمۇنى بىلىقپالىقتى وڭاۋ، گۇلدەنۋ، قۇلدىراۋ سىندى تاريح پەريودىنان قالاي اتتاپ شىعۋ، حالىقتىڭ قۇرىپ - جوعالۋىنان ساقتانۋ، اكىمياتتىڭ ۇزاق ۋاقىت جالعاسۋىنا كەپىلدىك ەتۋ ماسەلەسىنە جاۋاپ بەرۋ بولدى. «جەر تولەدەگى سۇحپاتتا» ماۋ زىدۇڭ جولداس بۇل سۇراۋلارعا ءبىرىنشى بولىپ جاۋاپ بەردى، اتاپ ايتقاندا، حالىققا ۇكىمەتتى باقىلاتتى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋ امالياتىندا بۇل سۇراققا ەكىنشى رەت جاۋاپ بەردى، مىنە بۇل پارتيانىڭ وزىندىك توڭكەرىسى بولىپ تابىلادى. شي جينپيڭ بىلاي دەپ اتاپ كورسەتتى: يان - ان توڭكەرىسىنىڭ بايىرعى تۇراعى پارتيامىزدىڭ يان - ان مەزگىلىندەگى جۇڭگو توڭكەرىسىنە باسشىلىق ەتۋ، ماركسيزمنىڭ جۇڭگوشالانۋى، زامانالانۋى جولىندا ىزدەنىس جاساۋ شۇعىلالى بارىسىنا كۋا بولدى، ول − ماڭگى وقىپ بىتىرە المايتىن وقۋلىق، ءار جولى كەلگەن سايىن بۇرىنعىنى ەسكە الىپ، جاڭانى ءبىلىپ، تەرەڭ تاربيە الۋعا جانە وي تولعاۋعا بولادى. بايىرعى توڭكەرىستىك تۇراقتى ويداعىداي باسقارىپ، ويداعىداي زەرتتەپ، امالياتپەن ۇشتاستىرىپ، ياڭجياليڭ حيكاياسىن، پارتيانىڭ 7 - قۇرىلتايىنىڭ حيكاياسىن ويداعىداي بايانداۋ كەرەك.
ءتۇسىندىرۋشى سوناۋ جىلدارى سولتۇستىك شانشي حالقىنىڭ حالىق ءانى «اقبوز ات اۋەنى» نەگىزىندە «شىعىس قىزاردى» ءانىن جازۋ جانە ايتۋ بارىسىن تانىستىردى ءارى ناق مايداندا ورىندادى. شي جينپيڭ بىلاي دەپ اتاپ كورسەتتى: پارتيانى جىرلايتىن، ءتوراعا ماۋ زىدۇڭدى جىرلايتىن وسى ادەبيەت - كوركەمونەر تۋىندىلارىنىڭ بارلىعىن حالىق بۇقاراسى وزدىگىنەن جاراتقان، بۇل حالىقتىڭ ماۋ زىدۇڭنىڭ سوزىنە قۇلاق اسقانىن، حالىقتىڭ ماۋ زىدۇڭدى قادىرلەگەنىن تولىق تۇسىندىرەدى.
وسىدان كەيىن شي جينپيڭ قاتارلىلار اۆتوكولىككە توپتىق وتىرىپ، يان - ان توڭكەرىستىك ەسكەرتكىش سارايىنا بارىپ، «ۇلى ساپار − ج ك پ ورتالىق كوميتەتىنىڭ يان - انداعى 13 جىلى تاريح كورمەسىن» ەكسكۋرسيالادى.
1935 - جىلدان 1948 - جىلعا دەيىن يان - اندى وزەك ەتكەن شانشي، گانسۋ، نيڭشيا شەكارا رايونى ج ك پ ورتالىق كوميتەتى تۇرعان جەر، جۇڭگو حالقىنىڭ جاپون شاپقىنشىلارىنا قارسى سوعىسىنا ساياسي جەتەكشىلىك ەتۋ ورتالىعى مەن جۇڭگو حالقىنىڭ ازاتتىق كۇرەسىنىڭ جالپى ارتقى شەبى بولدى. كورمەدە پارتيا ورتالىق كوميتەتى مەن ماۋ زىدۇڭ قاتارلى اعا بۋىن توڭكەرىسشىلەر ماركسيزمنىڭ نەگىزگى قاعيدالارىن جۇڭگو توڭكەرىسىنىڭ ناقتى امالياتىمەن ۇشتاستىرعان، يان - اندا بۇكىل مەملەكەت توڭكەرىسىنە باسشىلىق ەتىپ، جەڭىسكە جەتكەن شۇعىلالى تاريح جان - جاقتى، جۇيەلى ايگىلەنگەن. شي جينپيڭ قاتارلىلار «ج ك پ ورتالىق كوميتەتىنىڭ جانە قىزىل ارميانىڭ ۇزاق جورىعىنىڭ تابان تىرەر تياناعى»، «جۇڭگو حالقىنىڭ جاپون شاپقىنشىلارىنا قارسى سوعىسىنىڭ ساياسي جەتەكشىلىك ورتالىعى»، «جاڭا دەموكراتيزمنىڭ ۇلگى سىناق رايونىن قۇرۋ»، «بۇكىل مەملەكەت بويىنشا جەڭىسكە جەتۋدىڭ شىعار ءتۇيىنى»، «يان - ان رۋحى ماڭگى شۇعىلا شاشادى» قاتارلى كورمە مازمۇندارىن رەتى بويىنشا ەكسكۋرسيالادى. شي جينپيڭ ءالسىن - ءالى ايالداپ، زەر سالا كورىپ، كوپشىلىكپەن بىرگە پارتيا ورتالىق كوميتەتىنىڭ يان - انداعى وزگەشە ساتتەرىن ەسكە الدى.
ەكسكۋرسيا اياقتالاردا شي جينپيڭ ماڭىزدى ءسوز سويلەدى. ول مىنالاردى ءبىلدىردى: يان - ان − جۇڭگو توڭكەرىسىنىڭ قاسيەتتى جەرى، جاڭا جۇڭگونىڭ بەسىگى. 1935 - جىلدان 1948 - جىلعا دەيىن پارتيا ورتالىق كوميتەتى مەن ماۋ زىدۇڭ قاتارلى اعا بۋىن توڭكەرىسشىلەر يان - اندا 13 جىل تۇرمىس كەشىرىپ جانە شايقاس جاساپ، جۇڭگونىڭ توڭكەرىستىك ىستەرىنە باسشىلىق ەتىپ، توڭكەرىس تومەنگى ورلەۋدەن جوعارى ورلەۋگە كوتەرىلىپ، تاريحي بۇرىلىس جۇزەگە اسىپ، جۇڭگونىڭ بولاشاعى مەن تاعدىرىنا بۇرىلىس جاسالدى. باۋتا تاۋى اسقاق بوي كوتەرىپ، يانحى وزەنى جوڭكىلە اعا بەرەدى. يان - اننىڭ استىقپەن ءنار بەرۋىندە جۇڭگو كوممۋنيستىك پارتياسى دامىپ زورايدى، جۇڭگو توڭكەرىسى جەڭىستەن جەڭىسكە بەتالدى. يان - ان جانە يان - ان حالقى جۇڭگونىڭ توڭكەرىستىك ىستەرىنە وراسان زور ۇلەس قوستى، ءبىز مۇنى ماڭگى ەستە ساقتاۋىمىز كەرەك.
شي جينپيڭ تەرەڭ تەبىرەنىسپەن بىلاي دەدى: مەن يان - ان رايونىندا 7 جىل تۇرمىس كەشىرىپ، ەڭبەك ىستەدىم، اكەمنىڭ زامانداس دوستارى دا وسى ارادان شىققان، مەن بۇل اراعا توتەنشە قانىقپىن. سوناۋ جىلدارى سولتۇستىك شانشيدە ءوندىرىس اترەتتەرىنە تۇسكەن كەزىمدە، يان - اننان ءوتىپ بارا جاتقانىمدا، ءار جولى 7 - قۇرىلتايدىڭ ءماجىلىس جۇرتى، ياڭجياليڭ، زاۋيۋان، فىڭحۋاڭشان قاتارلى توڭكەرىستىك بايىرعى تۇراقتاردى كورىپ وتەتىنمىن. ورتالىققا بارىپ قىزمەت ىستەگەننەن كەيىن ىلگەرىندى - كەيىندى 3 رەت يان - انعا كەلىپ تەكسەرۋ - زەرتتەۋ جۇرگىزدىم. بۇل جولى ورتالىق كوميتەت ساياسي بيۋروسىنىڭ تۇراقتى مۇشەلەرىمەن بىرگە جاڭا كەزەكتى ورتالىق كوميتەت باسشىلىق كوللەكتيۆىنىڭ يان - ان مەزگىلىندەگى پارتيا قالىپتاستىرعان تاڭداۋلى توڭكەرىستىك ءداستۇر مەن ستيلگە مۇراگەرلىك ەتەتىنىن جانە ونى ساۋلەلەندىرەتىنىن، يان - ان رۋحىن اسقاقتاتاتىنىن ايگىلەۋ ءۇشىن كەلدىك.
شي جينپيڭ بىلاي دەپ دارىپتەدى: يان - ان مەزگىلىندە قالىپتاسقان جانە ساۋلەلەندىرىلگەن داڭقتى ءداستۇر مەن تاماشا ستيل، جەتىلدىرىلىپ، قالىپتاستىرىلعان، بەرىك، دۇرىس ساياسي بەتالىستى، يدەيانى ازات ەتىپ، شىندىقتى ءىس جۇزىنەن ىزدەۋ يدەيالىق لۋشيانىن، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىن، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، يگىلىك جاراتۋ رۋحىن نەگىزگى مازمۇن ەتكەن يان - ان رۋحى − پارتيانىڭ قاستەرلى رۋحاني بايلىعى، ونى ۇرپاقتان - ۇرپاققا جالعاستىرۋ كەرەك.
شي جينپيڭ بىلاي دەپ اتاپ كورسەتتى: بەرىك، دۇرىس ساياسي بەتالىس − يان - ان رۋحىنىڭ جاۋھارى. 1938 - جىلى ماۋ زىدۇڭ جولداس يان - ان جاپون شاپقىنشىلارىنا قارسى تۇرۋ اسكەري - ساياسي داشۋەسىندە «جاپون شاپقىنشىلارىنا قارسى تۇرۋ اسكەري - ساياسي داشۋەسىندە نەنى ۇيرەنۋ كەرەك» دەگەنگە جاۋاپ بەرگەن كەزدە: «ەڭ الدىمەن ساياسي بەتالىستى ۇيرەنۋ كەرەك» دەپ اتاپ كورسەتكەن بولاتىن. بۇكىل پارتياداعى جولداستار دۇرىس ساياسي بەتالىستا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، اعا بۋىن توڭكەرىسشىلەر باستاعان ۇلى ىستەردى ۇزدىكسىز ىلگەرىلەتۋى كەرەك.
شي جينپيڭ بىلاي دەپ دارىپتەدى: يان - ان مەزگىلىندە پارتيا بۇكىل ىنتا - پەيىلمەن حالىق ءۇشىن قىزمەت وتەۋ ءتۇبىرلى ماقساتىن العا قويدى ءارى پارتيا ۋستاۆىنا ەنگىزدى، كوممۋنيستىك پارتيا سىندى «وسى قوسىننىڭ بۇكىلدەي حالىقتى ازات ەتۋ ءۇشىن، حالىق مۇددەسى ءۇشىن ءۇزىلدى - كەسىلدى قىزمەت ىستەيتىن قوسىن» ەكەنىن دارىپتەدى، پارتياداعى كادرلاردان «بۇقارامەن مىزعىماستان ءبىر مايداندا تۇرۋدى» تالاپ ەتتى، «حالىق بۇقاراسى ءمانساپقا بۋلاناتىنداردى ەمەس، حالىق ءۇشىن قىزمەت ەتەتىندەردى عانا كورەتىن» جالىندى جاعدايدى قالىپتاستىردى. بۇكىل پارتياداعى جولداستار حالىقتىق مايداندا بەرىك تۇرىپ، پارتيانىڭ نەگىزگى ماقساتىن امالياتتا ايگىلەپ، پارتيانىڭ بۇقارالىق لۋشيانىن دايەكتىلەندىرىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، حالىقتى وزەك ەتكەن دامۋ يدەياسىن سانالى تۇردە ءتۇرلى قىزمەتتەرمەن ساباقتاستىرىپ، بىرگە بايۋدى تىڭعىلىقتى ىلگەرىلەتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋى كەرەك.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتى مەن قىزىل ارميا يان - اندا قونىس تەپكەننەن كەيىن، جاۋدىڭ اسكەري قورشاۋى مەن ەكونوميكالىق قۇرساۋلاۋى سەبەبىنەن شارت - جاعداي توتەنشە جاپالى بولدى. يان - انداعى ارميا مەن حالىق ماۋ زىدۇڭ جولداس العا قويعان «وزدەرى كىرىسىپ، كيىم - كەشەك، ازىق – تۇلىكتى جەتكىلىكتى ازىرلەۋ» ۇندەۋىنە بەلسەنە ءۇن قوسىپ، دابىرالى قاۋىرت ءوندىرىس قوزعالىسىن ورىستەتىپ، جاپون شاپقىنشىلارىنا قارسى سوعىستىڭ الدىڭعى شەبىنە پارمەندى قولداۋ كورسەتتى. بۇكىل پارتياداعى جولداستار ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحىن بارىنشا ساۋلەلەندىرۋى، كەلەشەكتە زاتتىق تۇرمىسىمىز قانشاما باي بولسا دا، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ رۋحىن، ءسوز جوق، جوعالتپاۋى، تىڭعىلىقتى، شوگەل بولىپ، ناقتى ىستەۋى، ءوز ىستەرىن زەيىن - زەردەسىن شوعىرلاندىرا وتىرىپ جاقسى ىستەۋى، مەملەكەت پەن ۇلتتىڭ دامۋىن ءوز كۇش - قۋاتىنىڭ نەگىزىنە قويۋى كەرەك.
شي جينپيڭ بىلاي دەپ دارىپتەدى: سوناۋ جىلدارى ماۋ زىدۇڭ جولداس قاتارلى اعا بۋىن توڭكەرىسشىلەر يان - اندا جەر كەپەدە جاتىپ، قارا استىق جەپ، كەزدەمە كيىم كيىپ، «يان - ان ستيلى» ارقىلى «شي - ان ستيلىن» جەڭىلىسكە ۇشىراتتى. بۇكىل پارتياداعى جولداستار اعا بۋىن توڭكەرىسشىلەر مەن كوممۋنيستەر قالدىرعان داڭقتى ءداستۇر مەن تاڭداۋلى ستيلدى ويداعىداي جالعاستىرىپ، ويداعىداي ساۋلەلەندىرىپ، پارتيانىڭ وزىنە توڭكەرىس جاساۋىن باتىلدىقپەن ىلگەرىلەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ العاباسارلىعى مەن كىرشىكسىزدىگىن باستان - اياق ساقتاپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى بولۋىنا شىنايى كەپىلدىك ەتۋى كەرەك.
چى جينپيڭ بىلاي دەپ اتاپ كورسەتتى: يان - ان مەزگىلىندە پارتيا قايسار كۇرەسكەرلىك رۋحى جانە ەلدەن ەرەك كۇرەس قابىلەتى ارقىلى جاپونيا ميلليتاريزمىنىڭ شاپقىنشىلىعىنا قارسى تۇرۋ كۇرەسىن پارمەندى ورىستەتىپ، شي - ان وقيعاسى، 7 - شىلدە وقيعاسى، چۇڭچيڭ كەلىسسوزى قاتارلى ءبىرسىپىرا زور سىن - سايىسقا ءونىمدى تۇردە توتەپ بەرىپ، بۇكىل مەملەكەتتىڭ توڭكەرىستىك كۇرەسىنە پارمەندى باسشىلىق جانە قولباسشىلىق ەتىپ، گومينداڭ ارمياسىنىڭ شانشي، گانسۋ، نيڭشيا شەكارا رايونىنا جاساعان ءتۇيىندى شابۋىلىنا پارمەندى قارسى تۇردى، سوك پەن مىلتىققا سۇيەنىپ جۇڭگو توڭكەرىسىندە جاڭا جاعداي جارىققا شىعاردى. بۇكىل پارتياداعى جولداستار كۇرەسكەرلىك رۋحتى ساۋلەلەندىرىپ، كۇرەس قابىلەتىن جوعارىلاتىپ، العا باسۋ جولىنداعى ءتۇرلى قيىنشىلىقتار مەن سىن - سايىستى باتىل جەڭىپ، قايسارلىقپەن كۇرەس جۇرگىزۋ ارقىلى ىستەردى دامىتۋدىڭ جاڭا ءورىسىن اشۋى كەرەك.
شي جينپيڭ بىلاي دەپ دارىپتەدى: پارتيانىڭ 20 - قۇرىلتايىندا قازىرگى جانە بۇدان بىلايعى ءبىر مەزگىلدەگى پارتيا مەن مەملەكەتتىڭ كەلەلى باعىت - ساياساتتارى بەلگىلەنىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسى جاسالدى. جاڭا جورىققا شەرۋ تارتىپ، جاڭا كۇرەس نىساناسىنا قاراي اتتانايىق!
اتتاناردا شي جينپيڭ سول جەردەگى ساقا پارتيا مۇشەلەرىمەن، سونداي - اق ساقا قىزىل ارميا جاۋىنگەرلەرىنىڭ، ساقا 8 – ارميانىڭ، قۇربانداردىڭ ۇرپاقتارىمەن، پارتيا مەكتەبى كادرلار شۋەيۋانىنىڭ وقىتۋشىلارىمەن، سونداي - اق ەسكەرتكىش سارايى قىزمەتكەرلەرىمەن ىستىق ىقىلاسپەن اڭگىمەلەسىپ، كوپشىلىكتى توڭكەرىستىك رۋحتى اسقاقتاتىپ، پارتيا حيكاياسىن جاقسى بايانداپ، ادامداردى بۇلجىماستان پارتيانىڭ سوزىنە قۇلاق اسۋعا، پارتياعا ىلەسۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋگە جەتەلەۋگە شابىتتاندىردى. ناق مايداندا شاتىرلاعان شاپالاق ءۇنى ۇزاققا دەيىن باسىلمادى.
ليۋ گوجۇڭ، چىن شي جانە ورتالىقتىڭ قاتىستى تاراۋلارىنداعى جاۋاپتى جولداستار، شانشي ولكەسىندەگى قاتىستى جاۋاپتى جولداستار جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
10 – ايدىڭ 27 – كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شيلەردى باستاپ يان - ان توڭكەرىسىن ەسكە ءتۇسىرۋ ورنىن قۇرمەتپەن كوردى. سۋرەتتە: شي جينپيڭ يان - ان توڭكەرىسى ەسكەرتكىش سارايىندا «ۇلى ساپار − ج ك پ ورتالىق كوميتەتىنىڭ يان - انداعى 13 جىلى تاريح كورمەسىن» ەكسكۋرسيالاۋ اياقتالاردا ماڭىزدى ءسوز سويلەۋدە. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
