شي جينپيڭ پاكيستاننىڭ زۇڭليى شاحبازبەن كەزدەستى
2022.11.03 16:11 كەلۋ قاينارى : حالىق تورابى
 |
11 - ايدىڭ 2 – كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن پاكيستاننىڭ زۇڭليى شاحبازبەن كەزدەستى.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
شينحۋا اگەنتتىگى، 11 – ايدىڭ 2 – كۇنى، بەيجيڭ. مەملەكەت ءتوراعاسى شي جينپيڭ 11 - ايدىڭ 2 - كۇنى تۇستەن بۇرىن حالىق سارايىندا جۇڭگوعا رەسمي ساپارمەن كەلگەن پاكيستاننىڭ زۇڭليى شاحبازبەن كەزدەستى.
شي جينپيڭ بىلاي دەپ اتاپ كورسەتتى: ءسىزدىڭ جۇڭگوعا ساپارلاي كەلگەنىڭىزدى قارسى الامىن، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ اشىلعانىن دەرەۋ حات جازىپ قۇتتىقتاعانىڭىزعا العىس ايتامىن. جۇڭگو مەن پاكيستان − ابزال دوستار، سەنىمدى سەرىكتەر، تاتۋ باۋىرلاستار. تاياۋ جىلداردان بەرى ەكى ەل دۇنيە ءجۇزى جاعدايىندا بىلىقپالىق تۋىلعاندا ءوزارا قولداۋ كورسەتىپ، قايراتتانا العا باسىپ، جۇڭگو مەن پاكيستاننىڭ «مىزعىماس دوستىعىن» ايگىلەدى. جۇڭگو جاق جۇڭگو - پاكيستان قارىم - قاتىناسىنا باستان - اياق ستراتەگيالىق بيىكتەن جانە ۇزاق بولاشاقتىق تۇرعىدان قارايدى، پاكيستاندى باستان - اياق توڭىرەكتىك ديپلوماتيانىڭ الدىمەن ەسكەرىلەتىن بەتالىسىنا قويادى، پاكيستان جاقپەن بىرگە جالپى بەتتىك ستراتەگيالىق سەلبەستىك دەڭگەيىن جوعارىلاتىپ، جاڭا داۋىردەگى اناعۇرلىم نىعايعان جۇڭگو - پاكيستان تاعدىرلاس ورتاق تۇلعاسىن قۇرۋدى جەدەلدەتىپ، جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسىنا تىڭ قوزعاۋشى كۇش ۇستەۋدى قالايدى.
شي جينپيڭ بىلاي دەپ دارىپتەدى: جۇڭگو جاق پاكيستان جاقتىڭ جۇڭگومەن دوستىق سەلبەستىگىن تاباندىلىقپەن ىلگەرىلەتكەنىن القايدى، پاكيستان جاقتىڭ جۇڭگونىڭ وزەكتى جانە كوكەيتەستى قاداعالاپ وتىرعان كەلەلى ىستەرىنە ساياتىن ماسەلەلەردە جۇڭگو جاقتى قولداعانىنا العىس ايتادى، پاكيستان جاقتىڭ مەملەكەتتىڭ يەلىك ۇقىعى مەن تەرريتوريا تۇتاستىعىن، دامۋ مۇددەسىن، ۇلتتىڭ ار - نامىسىن قورعاۋىن باتىل قولدايدى، پاكيستاننىڭ ورنىقتىلىقتى، ىنتىماقتى، دامۋدى، كوركەيۋدى جۇزەگە اسىرۋىن باتىل قولدايدى. جۇڭگو جاق پاكيستان حالقىنىڭ ەرەكشە اۋىر تاسقىن اپاتىنا ۇشىراعانىنا قاتتى قايعىرادى، ۇستەمەلەپ شۇعىل كومەك كورسەتىپ، پاكيستاننىڭ اپاتتان كەيىنگى قايتا قۇرۋىنا كومەكتەسەدى، پاكيستان جاقتىڭ اپاتتان كەيىنگى اۋىل شارۋاشىلىق ءوندىرىسىن قالپىنا كەلتىرۋىن قولدايدى، اپاتتان ساقتانۋ، اپات زيانىن ازايتۋ، كليمات وزگەرىسىنە توتەپ بەرۋ سەلبەستىگىن كۇشەيتەدى.
شي جينپيڭ جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا قول جەتكەن ماڭىزدى جەتىستىكتەردى تانىستىردى. شي جينپيڭ بىلاي دەپ اتاپ كورسەتتى: جۇڭگو سىرتقا ەسىك اشۋ سىندى نەگىزگى مەملەكەت ساياساتىندا ۇزدىكسىز تاباندى بولىپ، جۇڭگونىڭ جاڭا دامۋى ارقىلى پاكيستاندى قامتىعان دۇنيە جۇزىندەگى ەلدەرگە ۇزدىكسىز جاڭا وراي جاراتادى. جۇڭگو جاق پاكيستان جاقپەن دامۋ ستراتەگياسىن ۇشتاستىرۋدى تەرەڭدەتۋدى قالايدى. ەكى جاق جۇڭگو - پاكيستان ەكونوميكالىق ءدالىزى بىرلەسكەن سەلبەستىك كوميتەتى مەحانيزمىنەن ويداعىداي پايدالانىپ، جۇڭگو - پاكيستان ەكونوميكالىق ءدالىزى قۇرىلىسىن اناعۇرلىم جوعارى ونىمدىلىكپەن ىلگەرىلەتىپ، «ءبىر بەلدەۋ، ءبىر جولدىڭ» ساپالى دامۋىنداعى ۇلگى ينجەنەرياسى ەتىپ قۇرىپ شىعۋى كەرەك. گۋادار پورتىنىڭ سايكەستى نەگىزدىك قۇرىلعى قۇرىلىسىن جەدەل ىلگەرىلەتىپ، پورتتىڭ وڭىرلىك ۇلاسپالى دامۋعا بەلسەندى ىقپال جاساۋ، جەتەكتەۋ رولىن ساۋلەلەندىرۋ كەرەك. ەكى جاق بىرگە قۇلشىنىپ، 1 - ءنومىرلى تەمىر جول نەگىزگى لەنياسىنىڭ ساپاسىن جوعارىلاتۋ، قايتا قۇرۋ نىسانى مەن كاراچي قالا اينالماسى تەمىر جول نىسانىنىڭ ەرتەرەك اتقارىلۋىنا شارت - جاعداي ازىرلەۋى كەرەك. جۇڭگو جاق پاكيستاننىڭ ساپالى اۋىل شارۋاشىلىق ونىمدەرىن جۇڭگوعا ەكسپورتتاۋ كولەمىن كەڭەيتۋىن قارسى الادى، پاكيستان جاقپەن سيفرلى ەكونوميكا، ەلەكتروندىق ساۋدا، فوتوۆولت سياقتى جاڭا ەنەرگيا سەلبەستىگىن كەڭەيتىپ، اۋىل شارۋاشىلىعى، عىلىم - تەحنيكا، حالىق تۇرمىسى سياقتى سالالارداعى سەلبەستىكتى تىڭعىلىقتى ىلگەرىلەتۋدى قالايدى، پاكيستان جاقتىڭ فينانس جاعدايىن ورنىقتىرۋىنا قولىنان كەلگەنىنشە ۇزدىكسىز قولداۋ كورسەتەدى. جۇڭگو جاق جۇڭگونىڭ ونەركاسىبى مىعىم ولكەلەرىنىڭ پاكيستان جاقپەن جۇپ قۇراپ، كاسىپ سالاسى سەلبەستىگىن ىلگەرىلەتۋىن قولدايدى، پاكيستان جاقتىڭ تاماشا تيجارات - ساۋدا ورتاسىن ازىرلەۋىن ءۇمىت ەتەمىن. مەن پاكيستانداعى جۇڭگولىقتاردىڭ حاۋىپسىزدىك ماسەلەسىنە ايرىقشا نازار اۋدارامىن، پاكيستان جاقتىڭ پاكيستانعا بارىپ سەلبەستىك ورىستەتكەن جۇڭگونىڭ قۇرىلىمدارى مەن ادامدارىنا سەنىمدى حاۋىپسىزدىك ورتاسىن ازىرلەۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولماعان تاسىلمەن ورىستەۋدە. ەرەسەن قۇبىلمالى دۇنيە ءجۇزى جاعدايىندا ەكى جاق تاريحتىڭ دۇرىس جاعىندا تۇرىپ، حالىقارالىق كوپ جاقتى مەحانيزمدە جوعارى دەڭگەيدەگى سەلبەستىكتى جالعاستىرىپ، كەلەلى حالىقارالىق، وڭىرلىك ماسەلەلەردە تىعىز سايكەسىپ، ناعىز كوپ جاقتىلىقتى، حالىقارالىق ادىلدىك پەن تەڭدىكتى، وركەندەپ كەلە جاتقان ەلدەردىڭ ورتاق مۇددەسىن قورعاپ، دۇنيە ءجۇزىن تۇراقتىلىقپەن جانە وڭ ەنەرگيامەن قامداۋى كەرەك. جۇڭگو جاق پاكيستان جاقپەن بىرگە دۇنيە جۇزىلىك دامۋ باستاماسىن جانە دۇنيە جۇزىلىك حاۋىپسىزدىك باستاماسىن ويداعىداي تياناقتاندىرۋدى ىلگەرىلەتىپ، دۇنيە ءجۇزى ەكونوميكاسىن جونگە سالۋ جۇيەسىنىڭ اناعۇرلىم ءادىل، ۇيلەسىمدى، جالپىعا ءتيىمدى، ورتاق يگىلىكتەنەتىن بەتالىسقا قاراي دامۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرىپ، ەكى ەلدىڭ دامۋىنا پارمەندى قامتاماسىزدىق ازىرلەپ، دۇنيە ءجۇزىنىڭ بەيبىتشىلىگىنە، ورنىقتىلىعىنا جانە ورتاق كوركەيۋىنە ءتىپتى دە كوپ ۇلەس قوسۋدى قالايدى.
شاحباز مىنالاردى ءبىلدىردى: مەن بەلەستىك مانگە يە جۇڭگو كوممۋنيستىك پارتياسىنىڭ 20 - قۇرىلتايى ءساتتى اشىلعاننان كەيىن تۇڭعىش توپتا ۇسىنىس بويىنشا جۇڭگوعا ساپارلاي كەلگەن شەتەل باسشىلارىنىڭ ءبىرى بولعانىمدى ەرەكشە ماقتانىش سەزىنەمىن، بۇل پاكيستان مەن جۇڭگو اراسىنداعى تەرەڭ «مىزعىماس دوستىقتى» تولىق ايگىلەدى. مەن پاكيستان ۇكىمەتى مەن حالقى اتىنان ءتوراعا شي جينپيڭنىڭ ج ك پ ورتالىق كوميتەتىنىڭ باس شۋجيلىگىنە تاعى دا سايلانعانىن قۋانىشپەن قۇتتىقتايمىن. وتكەن 10 جىلدان بەرى ءتوراعا شي جينپيڭنىڭ ءدانىشپان باسشىلىعىندا، جۇڭگو ءداۋىر كەرەمەتىنە جاتاتىن ۇلى دامۋ جەتىستىكتەرىنە قول جەتكىزدى ءارى حالىقارادا كوپ جاقتىلىقتا تاباندى بولىپ، ىنتىماق پەن سەلبەستىكتى جەبەپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا ماڭىزدى ۇلەس قوسىپ، جاۋاپكەرلىك ارقالايتىن ءىرى ەلدىك قاسيەتىن تولىق ايگىلەدى. دۇنيە ءجۇزى جۇڭگودان ايرىلا المايدى، ءارقانداي كۇش جۇڭگونىڭ دامۋىن وقشاۋ قالدىرا المايدى، بوگەي المايدى. ءتوراعا شي جينپيڭنىڭ كورەگەندىكپەن جۇڭگونىڭ اناعۇرلىم شۇعىلالى تابىستارعا قول جەتكىزۋىنە ۇزدىكسىز باسشىلىق ەتىپ قانا قويماي، دۇنيە ءجۇزىنىڭ اناعۇرلىم نۇرلى بولاشاققا بەت الۋىنا دا جەتەكشىلىك ەتەتىنىنە سەنەمىن.
شاحباز مىنالاردى ءبىلدىردى: پاكيستان مەن جۇڭگونىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قاتىناسىن تەرەڭدەتۋ − پاكيستاننىڭ ديپلوماتيالىق ساياساتىنىڭ ىرگە تاسى جانە قوعامداعى ءار سالانىڭ ورتاق تانىمى. جۇڭگو ۇكىمەتى مەن حالقىنىڭ پاكيستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى كومەك كورسەتكەنىنە ءارى پاكيستان ەرەكشە اۋىر تاسقىن اپاتىنا ۇشىراعاننان كەيىن جومارتتىقپەن كومەك كورسەتكەنىنە شىن جۇرەكتەن العىس ايتامىن. ەشقانداي مەملەكەت پاكيستان قاتارلى وركەندەپ كەلە جاتقان ەلدەرگە جۇڭگو سياقتى شىن نيەتىمەن كومەكتەسكەن ەمەس. پاكيستان جاق ءبىر جۇڭگو ساياساتىن باتىل اتقارادى، جۇڭگو جاقتىڭ تايۋان، شينجياڭعا ساياتىن ىستەر، شياڭگاڭعا ساياتىن ىستەر سياقتى وزەكتى مۇددە ماسەلەلەرىندەگى تۇرعىسىن باتىل قولدايدى، جۇڭگونىڭ ەل باسقارۋداعى ءساتتى تاجىريبەلەرىن ۇيرەنىپ، ۇلگى الىپ، ءوز كۇشىنە سۇيەنىپ ءومىر سۇرۋدە تاباندى بولۋدى، سونىمەن بىرگە، جۇڭگومەن ءار سالاداعى سەلبەستىكتى تەرەڭدەتىپ، وزىندىك دامۋدى اناعۇرلىم ويداعىداي جۇزەگە اسىرۋدى ءۇمىت ەتەمىن، بۇل − پاكيستاننىڭ بولاشاقتاعى العا باسۋ بەتالىسى جانە بىردەن - ءبىر تالعامى. جۇڭگو - پاكيستان ەكونوميكالىق ءدالىزى قۇرىلىسى پاكيستاننىڭ ەكونوميكالىق، قوعامدىق دامۋىنا تەرەڭ ىقپال جاسادى، پاكيستان جاق جۇڭگو جاقپەن بىرگە «ءبىر بەلدەۋ، ءبىر جولدى» جوعارى ساپامەن قۇرۋدى ۇزدىكسىز ىلگەرىلەتۋدى قالايدى، جۇڭگو جاقتىڭ 1 - ءنومىرلى تەمىر جول نەگىزگى جەلىسىنىڭ ساپاسىن جوعارىلاتۋ، جاڭالاۋ جانە كاراچي قالا اينالماسى تەمىر جولى سياقتى ماڭىزدى نەگىزدىك قۇرىلعى نىسان قۇرىلىستارىن ىلگەرىلەتۋگە زور كۇشپەن قولداۋ كورسەتۋىن ءۇمىت ەتەمىن. پاكيستان جاق حاۋىپسىزدىكتى قورعاۋ شارالارىن اناعۇرلىم كۇشەيتىپ، پاكيستانداعى جۇڭگونىڭ قۇرىلىمدارى مەن ادامدارىنىڭ حاۋىپسىزدىگىن بار كۇشپەن قورعايدى. پاكيستان ءتوراعا شي جينپيڭ العا قويعان دۇنيە جۇزىلىك دامۋ باستاماسىن جانە دۇنيە جۇزىلىك حاۋىپسىزدىك باستاماسىن بار كۇشپەن قولدايدى، جۇڭگو جاقپەن حالىقارالىق، وڭىرلىك ىستەردە بايلانىس جاساۋدى، سەلبەسۋدى كۇشەيتىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا بەلسەندى ۇلەس قوسۋدى قالايدى. پاكيستان مەن جۇڭگونىڭ دوستىعى مىزعىمايدى، پاكيستان جۇڭگومەن ماڭگى تاباندىلىقپەن بىرگە بولادى.
كەڭەس اياقتاعاننان كەيىن شي جينپيڭ حالىق سارايىنىڭ التىن ءتۇستى زالىندا شابحازعا ارناپ قارسى الۋ قوناعاسىن وتكىزدى.
ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
