بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ پاكيستاننىڭ زۇڭليى شاحبازبەن كەڭەس وتكىزگەندە مىنانى دارىپتەدى

ءداستۇرلى دوستىقتى اسقاقتاتىپ، جان – جاقتى سەلبەستىكتى كەڭەيتىپ، ءتىپتى دە تىعىز جۇڭگو - پاكيستان تاعدىرلاس ورتاق تۇلعاسىن قۇرۋدى ىلگەرىلەتۋ كەرەك

2022.11.03 16:14     كەلۋ قاينارى : حالىق تورابى


11 - ايدىڭ 2 - كۇنى تۇستەن كەيىن مەملەكەتتىك كەڭەستىڭ زۇڭليى لي كىچياڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن پاكيستاننىڭ زۇڭليى شاحبازبەن كەڭەس وتكىزدى. سۋرەتتە: لي كىچياڭ حالىق سارايىنىڭ سولتۇستىك زالىندا شاحبازعا ارناپ قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

  شينحۋا اگەنتتىگى، 11 – ايدىڭ 2 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 2 - كۇنى تۇستەن كەيىن حالىق سارايىندا جۇڭگوعا رەسمي ساپارمەن كەلگەن پاكيستاننىڭ زۇڭليى شاحبازبەن كەڭەس وتكىزدى.

  لي كىچياڭ مىنانى ءبىلدىردى: جۇڭگو مەن پاكيستان بارلىق جاعدايدا بىردەي ستراتەگيالىق سەلبەستىك سەرىكتەر، ەتەنە كورشىلەر جانە مىزعىماس دوستار. جۇڭگو جاق جۇڭگو – پاكيستان قارىم – قاتىناسىنا ايرىقشا ءمان بەرەدى، ءتوراعا شي جينپيڭ سىزبەن دوستىق تۇرعىدا كەزدەسىپ، ەكى ەل قاتىناسىنىڭ دامۋىن پارمەندى ىلگەرىلەتتىڭىزدەر. جۇڭگو جاق پاكيستان جاقپەن ءداستۇرلى دوستىقتى ساۋلەلەندىرىپ، جان - جاقتى سەلبەستىكتى كەڭەيتىپ، ءتىپتى دە تىعىز جۇڭگو - پاكيستان تاعدىرلاس ورتاق تۇلعاسىن قۇرۋدى ىلگەرىلەتىپ، ەكى ەل حالىقتارىنا باقىت جاراتىپ، ءوڭىردىڭ بەيبىتشىلىگىن، ورنىقتىلىعىن جانە گۇلدەنۋىن جەبەۋدى قالايدى.

  لي كىچياڭ پاكيستاندا بيىل اۋىر تاسقىن اپاتى تۋىلۋىنا بايلانىستى تاعى دا حال سۇراپ، پاكيستاننىڭ اپاتتان كەيىنگى قايتا قۇرۋىن، شۇعىل جاعدايعا توتەپ بەرۋ، باسقارۋ قابىلەتىن كۇشەيتۋىن قولدايتىنىن ءارى پاكيستانعا شاماسىنىڭ جەتىسىنشە كومەك بەرۋدى قالايتىنىن ءبىلدىردى. لي كىچياڭ مىنانى ءبىلدىردى: جۇڭگو جاق پاكيستان جاقپەن دامۋ ستراتەگياسىن ۇشتاستىرۋدى كۇشەيتىپ، پورت، قاتىناس، ەنەرگيا، كاسىپ جانە قوعام، حالىق تۇرمىسى سياقتى سالالارداعى ناقتى سەلبەستىكتى تەرەڭدەتۋدى قالايدى. حالىق تۇرمىسىنا تيىمدىلىك جەتكىزەتىن جۇڭگو - پاكيستان ەكونوميكالىق ءدالىزى قۇرىلىسىن ورنىقتى ىلگەرىلەتىپ، سەلبەستىك نىساندارىنىڭ باياندىلىعىنا ءمان بەرۋ كەرەك. «پاكيستانداعى جۇڭگو جاقتىڭ ادامدارىنىڭ، نىساندارىنىڭ جانە قۇرىلىمدارىنىڭ حاۋىپسىزدىگىن قورعاۋدى كۇشەيتۋ قىزمەت جوباسىنا» اقىلداسىپ قول قويۋدى وراي ەتىپ، پاكيستانداعى جۇڭگو جاقتىڭ ادامدارىنىڭ، نىساندارىنىڭ جانە قۇرىلىمدارىنىڭ حاۋىپسىزدىگىن بار كۇشپەن قامتاماسىزداندىرۋ كەرەك. جۇڭگو ىندەتتەن ساقتانۋ قىزمەتىن ويداعىداي ىستەۋ العى شارتىندا ەكى ەل كەزەكشى ۇشاقتارىنىڭ ورنىقتى اينالىمىنا شىنايى كەپىلدىك ەتىپ، ەكى جاقتاعى ادامداردىڭ اقاۋسىز، ءتارتىپتى بارىس - كەلىسىن قامتاماسىز ەتۋدى قالايدى.

  شاحباز مىنالاردى ءبىلدىردى: پاكيستان مەن جۇڭگو − ەتەنە باۋىرلاس، جۇڭگومەن دوستىق قاتىناستى بەكەمدەۋ جانە دامىتۋ − پاكيستاننىڭ ديپلوماتيالىق ساياساتىنىڭ ىرگە تاسى. پاكيستان جۇڭگونىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە جۇڭگونى قاي - قاشان دا باتىل قولدايدى، جۇڭگونىڭ پاكيستان ەكونوميكاسىنىڭ دامۋىنا جانە اپاتتان كەيىنگى قايتا قۇرۋىنا كورسەتكەن قاستەرلى كومەگىنە شىن جۇرەكتەن العىس ايتامىن، جۇڭگومەن بىرگە جۇڭگو - پاكيستان ەكونوميكالىق ءدالىزى قۇرىلىسىن بەلسەنە ىلگەرىلەتىپ، اۋىل شارۋاشىلىعى، نەگىزدىك قۇرىلعى، تازا ەنەرگيا سياقتى سالالارداعى سەلبەستىكتى كۇشەيتىپ، پاكيستان - جۇڭگو قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايمىن. شاحباز مىنانى دارىپتەدى: پاكيستان جاق پاكيستان مەن جۇڭگونىڭ دوستىعىن بۇلدىرەتىن ارەكەتتەرگە جول بەرمەيدى، بارىنشا قۇلشىنىپ، بارلىق شارانى قولدانىپ، پاكيستانداعى جۇڭگو جاقتىڭ ادامدارى مەن قۇرىلىمدارىنىڭ حاۋىپسىزدىگىنە كەپىلدىك ەتەدى.

  ەكى جاق تاعى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىردى.

  كەڭەستەن كەيىن ەكى ەل زۇڭليىلەرى ەكونوميكا - ساۋدا، قارجى قوسۋ، ەلەكتروندى ساۋدا، سيفرلى ەكونوميكا، مادەنيەت، زاڭ اتقارۋ حاۋىپسىزدىگى سياقتى كوپ ءتۇرلى ۇكىمەتتەر ارا سەلبەستىك كەلىسىمىنە قول قويۋعا كۋا بولدى.

  كەڭەستىڭ الدىندا لي كىچياڭ حالىق سارايىنىڭ سولتۇستىك زالىندا شاحبازعا ارناپ قارسى الۋ سالتىن وتكىزدى.

  ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار


11 - ايدىڭ 2 - كۇنى تۇستەن كەيىن مەملەكەتتىك كەڭەستىڭ زۇڭليى لي كىچياڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن پاكيستاننىڭ زۇڭليى شاحبازبەن كەڭەس وتكىزدى. سۋرەتتە: لي كىچياڭ حالىق سارايىنىڭ سولتۇستىك زالىندا شاحبازعا ارناپ قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن