شينجياڭدا ءتورت ماڭىزدى ەكولوگيالىق ورىندى جان – جاقتى جونگە سالۋ نىسانىن اتقارۋ باستالدى
2022.11.07 16:09 كەلۋ قاينارى : حالىق تورابى
شينجياڭ گازەتىنىڭ 11 – ايدىڭ 6 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى شى شيننىڭ شينجياڭ ۇيعۇر اۆتونوميالى رايوندىق دامۋ – رەفورما كوميتەتىنەن ۇعىسۋىنشا، اۆتونوميالى رايون ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ جاعىنداعى كەلەلى ينجەنەريالار قۇرىلىسىن ۇزدىكسىز ىلگەرىلەتەدى، بيىل جىل باسىنان بەرى، تارىم وزەنىنىڭ نەگىزگى اعارى، حوتان وزەنى الابى، تيانشان تاۋىنداعى ورمان مەن جايىلىمدى قورعاۋ، ىلە وزەنى اڭعارى سىندى ءتورت ماڭىزدى ەكولوگيالىق ورىندى جان – جاقتى جونگە سالۋ نىسانىن اتقارۋدى باستاعان.
پارتيا 20 – قۇرىلتايىنىڭ بايانداماسىندا مىنالار اتاپ كورسەتىلگەن: ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن جوعارىلاتۋ كەرەك. مەملەكەتتىڭ ءتۇيىندى ەكولوگيالىق فۋنكتسيالىق رايوندارىن، ەكولوگيانى قورعاۋ قىزىل سىزىعىن، جاراتىلىستىق قورىق ورىندارى قاتارلىلاردى باستى ءتۇيىن ەتىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ جاعىنداعى كەلەلى ينجەنەريالاردى اتقارۋدى جەدەل ىلگەرىلەتۋ كەرەك.
اۆتونوميالى رايون بيىل اتقارۋدى باستاعان ءتورت ماڭىزدى ەكولوگيالىق ورىندى جان – جاقتى جوندەۋدەن وتكىزۋ نىسانى 27 اۋداندى (قالا، رايون) قامتىعان، تابيعي ورماندى قورعاۋ، قورعانىس ورمانى جۇيەسىن قۇرۋ، جايىلىمدى قورعاۋ جانە قالپىنا كەلتىرۋ، قۇمايتتانۋدى جونگە سالۋ قاتارلى ينجەنەريا قۇرىلىستارىن ءتۇيىندى تۇردە ورىستەتتى. قازىرگە دەيىن، نىسانداردىڭ قۇرىلىسى جالپى بەتتىك باستالدى ءارى جوسپارداعى مىندەت بويىنشا تارتىپپەن ورىستەتىلۋدە.
اۆتونوميالى رايوندىق دامۋ – رەفورما جاساۋ كوميتەتىنىڭ قاتىستى جاۋاپتىسىنىڭ ايتۋىنشا، نىسانداردى اتقارۋ شينجياڭنىڭ ورمان، جايىلىم ەكولوگيالىق جۇيەسىنىڭ ساپاسىن جوعارىلاتۋعا، ەكولوگيالىق جۇيەنىڭ ورنىقتىلىعىن ۇزدىكسىز كۇشەيتۋگە ءتيىمدى.
جۋىرداعى جىلداردان بەرى، اۆتونوميالى رايوندىق دامۋ – رەفورما كوميتەتى شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، «ەكى تاۋ» تانىمىن بەلسەندى تۇردە امالياتتا ايگىلەپ، تاۋ، سۋ، ورمان، ەگىس اتىزى، كول، جايىلىم، ءشولدى ءبىر تۇلعالاندىرىپ قورعاۋ جانە جۇيەلى جونگە سالۋدى ءبىرتۇتاس جوسپارلاپ، ماڭىزدى ەكولوگيالىق جۇيەنى قورعاۋ مەن قالپىنا كەلتىرۋدەگى كەلەلى ينجەنەريالاردى ۇزدىكسىز ىلگەرىلەتىپ، جاسىل تيپتەگى بۇرىلىس جاساۋدى ىلگەرىلەتىپ، جوعارى ساپالى دامۋدى جەبەدى.
كەلەسى قادامدا، اۆتونوميالى رايوندىق دامۋ – رەفورما كوميتەتى پارتيانىڭ 20 – قۇرىلتايىنىڭ رۋحىن ىشكەرىلەي دايەكتى تياناقتاندىرىپ، ماڭىزدى ەكولوگيالىق جۇيەنى قورعاۋ مەن قالپىنا كەلتىرۋدەگى كەلەلى ينجەنەريالاردى تىڭعىلىقتى ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزاماندانعان شينجياڭدى قۇرۋعا قۇلشىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
