الەۋمەتتىك اۋماق تۇرعىندارىنا دەن قويا، سۇيىسپەنشىلىكپەن قىزمەت وتەدى
− قۇلجا قالاسى قازانچى الەۋمەتتىك اۋماعىنداعى پارتيا مۇشەلەرى مەن كادرلار بۇقارانىڭ قيىنشىلىعى مەن تالاپ - تىلەگىن بار كۇشپەن ويداعىداي شەشتى
□ انار بۇلت \ شينجياڭ گازەتىنىڭ ءتىلشىسى بارشا تەگىس
2022.11.09 16:07 كەلۋ قاينارى : شينجياڭ گازەتى
11 - ايدىڭ 6 - كۇنى قۇلجا قالاسى قازانچى ءمالىسى قازانچى الەۋمەتتىك اۋماعىندا تۇرعىندار تارتىپپەن قيمىلداپ، بوي جازىپ، كەرەك - جاراق ساتىپ الدى. تۇستە، وسى الەۋمەتتىك اۋماقتىڭ پارتيا ياچەيكا شۋجيى گۇلباھىرام ابىلەز بەينە ەكران جيىنىن اشىپ، الەۋمەتتىك اۋماق كادرلارىنان بۇقارانىڭ قيىنشىلىعى مەن تالاپ - تىلەگىن، ءسوز جوق، بار كۇشپەن ويداعىداي شەشىم ەتۋدى قايتالاي تالاپ ەتتى.
”الەۋمەتتىك اۋماقتا 593 وتباسى، 2058 جان سانى بار، ％95تەن استامى از ۇلت بۇقاراسى“. گۇلباھىرام بىلاي دەدى: وسى رەت ىندەت تۋىلعاننان كەيىن الەۋمەتتىك اۋماقتاعى ءاربىر پارتيا مۇشەسى ونەگەلىلىك، باستاماشىلدىق رولدارىن ساۋلەلەندىرىپ، بۇقارانىڭ ءتۇرلى تالاپ - تىلەگىن شەشتى، - ”ءبىز ءار كۇنى ۋاقىت شىعارىپ، الەۋمەتتىك اۋماقتىڭ پارتيا مۇشەلەرى مەن كادرلارىن ۇيىمداستىرىپ، ءتۇرلى فورمالارمەن پارتيا 20 - قۇرىلتايىنىڭ رۋحىن ۇيرەنەمىز، الەۋمەتتىك اۋماقتاعى 14 پارتيا مۇشەسى ىندەتتەن ساقتانۋدىڭ الدىڭعى شەبىنەن تاپجىلمادى“.
وسى الەۋمەتتىك اۋماقتىڭ ىلە وزەنى 6 - كوشەسى 15 - ءنومىرلى ۇيىندە تۇراتىن تۇرعىن ءماۋليدام قادىر وتباسىنىڭ قاقپاسى ايقارا اشىق تۇرىپتى، ءتىلشى وتباسىنداعىلاردىڭ ءجۇزىم ساباعىن كومىپ جاتقانىن كوردى. ءماۋليدام تىلشىگە وسى بىرنەشە جىلدا 3 بالاعا قاراۋ ءۇشىن جۇمىس ىستەمەگەنىن، كىرە اۆتوكولىگى سەرىكتەستىگىندە شوفەرلىك ىستەيتىن كۇيەۋى تىلەۋالدى ءومارجاننىڭ وتباسىنىڭ بىردەن - ءبىر كىرىس قاينارى ەكەندىگىن ايتتى. ”ىندەت تۋىلعاننان كەيىن، كىرە اۆتوكولىگى توقتادى، الەۋمەتتىك اۋماق كادرى ءالانۇر عوپۇر وتباسىمىزدىڭ جاعدايىنا قانىق ەدى، بىزگە ۋاقىتشا قۇتقارۋ - كومەكتەسۋ قاراجاتىن ءوتىنىش ەتىپ بەردى“. ءماۋليدام بىلاي دەدى: الەۋمەتتىك اۋماق تاعى تەگىن كۇرىش، ۇن، ماي، ەت، كوكونىس بۋماسىن اپارىپ، ولاردىڭ ەڭ قيىن كەزەڭنەن الاڭسىز وتۋىنە مۇمكىندىك جاسادى. ”وسى بىرنەشە كۇننەن بەرى سىرتقا شىعىپ قيمىلدادىق، ەندى ءبىراز ۋاقىتتان كەيىن كۇيەۋىم كىرە اۆتوكولىگىن قايتا جۇرگىزىپ اقشا تابادى“.
”وسى الەۋمەتتىك اۋماقتىڭ كادرلارى بۇقاراعا ءبىر وتباسىنىڭ ادامدارىنداي ەرەكشە جاقسى مامىلە جاسايدى“، - دەدى كوشەدە كەزەكشىلىكتە تۇرعان قۇلجا قالالىق دامۋ جانە رەفورما كوميتەتىنەن تومەنگە تۇسكەن كادر ءزاينۇر اياز.
اڭگىمەلەسۋ بارىسىندا گۇلباھىرام تولاسسىز تەلەفون قابىلداپ، قول تەلەفونىنداعى حات - حابارعا ۇزدىكسىز قاراۋمەن بولدى. ”مەن تۇرعىنداردىڭ 18 ۋيشين توبىندامىن، تۇرعىنداردىڭ توپتا اڭىس ەتكەن ماسەلەلەرىن دەر كەزىندە ءبىلىپ وتىرۋىم كەرەك“، - دەدى ول.
قازانچى الەۋمەتتىك اۋماعى گۋاڭميڭ كوشەسى 40 - عيماراتىندا تۇراتىن ءرايلا يۇنۇس سىرتقا شىعىپ بوي جازۋعا دايىندالىپ جاتىپتى. گۇلباھىرام وعان امانداسىپ: ”ءرايلا، كوزىڭ ءالى قىزارىپ تۇر ەكەن، وسى بىرنەشە كۇندە قان قىسىمىڭ قانداي“؟ - دەپ سۇرادى.
”شۋجي، سىزدەردىڭ ۋاعىندا ءدارى جەتكىزىپ بەرۋلەرىڭىزدىڭ ارقاسىندا وسى بىرنەشە كۇندە عيماراتتان ءتۇسىپ قيمىلداي الاتىن بولدىق، كورىم بولىپ قالدىم“! - دەدى ءرايلا. ءرايلانىڭ كيىم - كەشەك دۇكەنىن اشقانىنا ءبىر جىل تولماعان، ايلىق تازا كىرىسى 1800 يۋانعا دا جەتپەيدى ەكەن. وسى رەت ىندەت تۋىلعاننان كەيىن، جالعىز تۇراتىن ءرايلا الەۋمەتتىك اۋماق كادرلارىنىڭ كوڭىل بولەتىن وبيەكتىسى بولعان، وعان ءار ۋاق قاجەتتى دارىلەرىن تولىقتاپ، جەتكىزىپ بەرىپ تۇردى، ءرايلانىڭ تۇرمىس اۋىرتپالىعىن جەڭىلدەتۋ ءۇشىن، وعان تاعى ءتۇرلى تۇرمىستىق بۇيىمداردى تەگىن بەرگەن.
”الەۋمەتتىك اۋماق كادرلارى باردا ءارقانداي ىستەن الاڭدامايمىن“، - دەدى ءرايلا، الەۋمەتتىك اۋماق كادرلارىنىڭ قامقورلىعى وعان ەرەكشە جىلۋلىق سەزىندىردى.
قازانچى الەۋمەتتىك اۋماعىنىڭ زىيوۋ كوشەسىندە جۇرسەڭىز، كۇن شۋاقتاپ وتىرعان قارتتاردى، سوقىرتەكە ويناپ جۇرگەن بالالاردى كورەسىز. تۇرعىن ءناسىردىن ابلااحات اۋلاسىندا ارەكەت جاساپ ءجۇر. ”بۇيرەك قالجىراۋ ناۋقاسىنا شالدىققانىما ءبىر جىلدان استام ۋاقىت بولدى، ىندەت تۋىلعاندا، ەڭ ۋايىمدايتىنىم ءبىر اپتادا 3 رەت قان ءسۇزدىرۋ“، - دەدى ءناسىردىن باسىن شايقاپ. اۋرۋ ازابى ونى ابدەن اۋرە - سارساڭعا ءتۇسىرىپتى، وسى رەت ىندەت تۋىلعاننان كەيىن الەۋمەتتىك اۋماق قاراستى اۋماقتاعى بۇيرەك دياليزىن جاساتاتىن ناۋقاستارعا ىرىقتىلىقپەن حابارلاسىپ، اپارىپ - اكەلۋگە اۆتوكولىك ورنالاستىردى.
”الەۋمەتتىك اۋماقتا تەك ءبىر عانا قامتاماسىز ەتۋ اۆتوكولىگى بار، ەرەكشە قاربالاس، الايدا مەنى قان سۇزدىرۋگە اپاراتىن الەۋمەتتىك اۋماق كادرى ءانۋار قۇربان مەن ارزىگۇل ءدىلمۇرات ەشقاشان كەشىككەن ەمەس“، - دەدى ءناسىردىن، - ”الەۋمەتتىك اۋماق ماعان تەگىن كوكونىس بۋماسىن، ەت اكەلىپ بەردى، تاعى ۋاقىتشا قۇتقارۋ - كومەكتەسۋ قاراجاتىن تاراتتى، بۇل مەنىڭ اۋىرتپالىعىمدى نەداۋىر جەڭىلدەتتى“.
”بۇگىن 300گە جۋىق نان ساتتىم، وسى بىرنەشە كۇندە ادام كوبەيدى، ساۋدام جامان ەمەس“. قازانچى الەۋمەتتىك اۋماعى گۋاڭميڭ كوشەسى 6 - ءنومىرلى مامەتجان فىڭلۋە ءدامحاناسىنا كىرگەنىمىزدە، قوجايىن مامەتجان سىمايىل، ءبىر جاعىنان، داۋىستاپ قوناق شاقىرا ءجۇرىپ، ءبىر جاعىنان، گۇلباھىراممەن امانداستى. مامەتجاننىڭ دۇكەن اشقانىنا 30 نەشە جىل بولعان، نەگىزىنەن، نان مەن سامسا ساتادى، ايلىق تازا كىرىسى 3000 يۋاننىڭ ۇستىندە. ”ءۇيىم باسقا الەۋمەتتىك اۋماقتا، ءبىر ءتاۋىرى، الەۋمەتتىك اۋماق كۇش شىعارىپ، جۇمىسىمدى قالپىنا كەلتىرۋىمە كومەكتەستى“، - دەدى مامەتجان، - الەۋمەتتىك اۋماق قامداۋ ساۋداگەرىن سايكەستىرىپ، ۇن، ەت سياقتى شيكىزاتتاردىڭ تاۋسىلىپ قالماۋىنا كەپىلدىك ەتتى.
قۇلجا كوشەسى 4 - تاركوشەسىندە يمام تۇرداحۇن قاريدارلارعا الما ولشەپ قاربالاستاپ جاتتى، دۇكەندە جەمىس، ايران، ءسۇت، نان سياقتى ازىق - تۇلىكتەر مولىنان تىزىلگەن. ”الەۋمەتتىك اۋماق كادىرلارى زات دايىنداۋىما، زات اكەلۋىمە كومەكتەسىپ سايكەستىردى، ءتىپتى كەيدە زات تاسۋىما دا قول ۇشىن بەردى“، - دەدى يمام، - وسى بىرنەشە كۇندە ساۋدام جاقساردى، قامداۋ ساۋداگەرىنەن زات اكەلۋىم ءبىرشاما بوگەتسىز بولدى، كوشەلەر دە دۋماندانا ءتۇستى.
تىلشىلىك اقىرلاسقاندا تۇستەن كەيىن ساعات 6عا تاياپ قالعان ەدى، گۇلباھىرامنىڭ تەلەفونى تاعى شىرىلداپ سالا بەردى، وسى جولى تەلەفون شالعان تۇرعىندار ەمەس، باستاۋىش مەكتەپ وقيتىن ۇلىنىڭ وقىتۋشىسى ەكەن. ”ەكىنشى بالامنىڭ ۇيرەنۋ ناتيجەسى ءبىراز تومەندەپتى، وقىتۋشى جۋىقتان بەرى ۇنەمى تەلەفون شالاتىن بولىپ ءجۇر“، - دەدى گۇلباھىرام، - ىندەت تۋىلعاننان بەرى جولداسىم ەكەۋىمىز دە ىندەتتەن ساقتانۋدىڭ الدىڭعى شەبىندە بولدىق، ۇلكەن بالامدى ەنەم، ەكىنشى بالامدى شەشەم قاراپ، ءوزىم ءار كۇنى الەۋمەتتىك اۋماقتىڭ قىزمەتىمەن قاربالاس جۇرگەندىگىمنەن وتباسىمداعىلارعا كوپ قارايلاسا المادىم.
گۇلباھىرام: ”ايتسەدە، جۇمىس ورنىمدا بولادى ەكەنمىن، كەۋدەمدەگى پارتيا زناگىنىڭ ءۇمىتىن، ءسوز جوق، اقتاپ، ءار ۇلت بۇقاراسىنا ويداعىداي قىزمەت وتەيمىن“، - دەدى.
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
