زاتتىق ماتەريالدارمەن قامداۋدى قامتاماسىزداندىرۋ جىلدام، مەيىرلى بولدى
− ءتىلشى ءۇرىمجى جوعارى، جاڭا تەحنيكالىق اشۋ رايونى (جاڭا قالا رايونى) گاۋشينجيە ءمالىسى گۇيلين كوشەسى الەۋمەتتىك اۋماعىنىڭ باسى - قاسىنا تىلشىلىك ىستەي باردى
□ انار بۇلت \ شينجياڭ گازەتىنىڭ ءتىلشىسى ليۋ يميڭ
2022.11.15 15:15 كەلۋ قاينارى : شينجياڭ گازەتى
ۇساق - تۇيەك تاعامدار، قاربىز، ءتاتتى كارتوپ، اۆتوماتتى قازان، بۇدان باسقا كولىكتەن ءتۇسىرىلىپ جاتقان قالبىر - قالبىر جاڭا ەت بۋماسى بار... 11 - ايدىڭ 12 - كۇنى ساعات 12دە، ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) ۋانكى · گۇڭيۋانلي شاعىن اۋماعى (سولتۇستىك اۋماعى) شىعىس قاقپاسىنىڭ الدىندا، تۇرعىنداردىڭ ءبىر كۇننىڭ الدىندا تاپسىرىس بەرگەن ءار ءتۇرلى تۇرمىستىق زاتتىق ماتەريالدارى ىركەس - تىركەس جەتكىزىلىپ، الەۋمەتتىك اۋماق قىزمەتكەرلەرى زارارسىزداندىرىپ، ميكروبىن جويىپ جاتتى.
سول كۇنى ءتىلشى وسى شاعىن اۋماققا كەلىپ، زاتتىق ماتەريالدارمەن قامداۋ احۋالىن باسى - قاسىندا ۇعىسىپ، وسى شاعىن اۋماقتا (سولتۇستىك اۋماعى) 576 وتباسى، 1346 تۇرعىن بار ەكەندىگىن، وسىنىڭ الدىندا، تۇرعىنداردى، نەگىزىنەن، كوكونىس بۋماسى، ەت بۋماسى سياقتى تۇرمىستىق زاتتىق ماتەريالدارمەن عانا قامداسا، وسىدان بىلاي بۇدان دا كوپ زاتتاردى الا الاتىندىعىن ۇعىستى.
”وسىنىڭ الدىندا، كوپتەگەن تۇرعىندار كوكونىس بۋماسىنداعى كوكونىستەردىڭ ءتۇرى از ءارى جەتكىزۋ پەريودى ءبىرشاما ۇزاق، كوكونىس بۋماسىنا 3 كۇندە ءبىر رەت، ەت بۋماسىنا ءبىر اپتادا ءبىر رەت تاپسىرىس الىناتىندىعىن ايتقان ەدى“. ءۇرىمجى جوعارى، جاڭا تەحنيكالىق اشۋ رايونى (جاڭا قالا رايونى) گاۋشينجيە ءمالىسى گۇيلين جولى الەۋمەتتىك اۋماعى پارتيا باس ياچەيكاسىنىڭ ورىنباسار شۋجيى شاڭ مانمان بىلاي دەپ تانىستىردى: تۇرعىنداردىڭ اناعۇرلىم مول كوكونىس تۇتىنۋىنا مۇمكىندىك جاساۋ، قامداۋدى قامتاماسىز ەتۋ ونىمدىلىگىن جوعارىلاتۋ ءۇشىن، الەۋمەتتىك اۋماق ءبىرتالاي جەرمەن بايلانىس جاساۋ ارقىلى ساپالى زاتتاردى تاڭداپ جەتكىزۋدى سايكەستىردى ءارى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ العى شارتىندا، شاعىن اۋماق توڭىرەگىندەگى دۇكەندەردىڭ اشۋعا بولاتىندارىن اشقىزىپ، تۇرعىندارعا زات ساتىپ الۋدىڭ مول مۇمكىندىگىن ازىرلەدى.
سول كۇنى تۇستەن بۇرىن، ءتىلشى شاعىن اۋماقتىڭ توڭىرەگىندەگى قولايلى دۇكەن، كوكونىس دۇكەنى، جاڭا ونىمدەر دۇكەنى، ءدارى - دارمەك دۇكەنى، قوسىمشا ازىق - تۇلىك دۇكەنى سياقتى دۇكەندەردىڭ تەگىس اشىلعانىن، زات جەتكىزۋشىلەردىڭ زاتتاردى ۇزدىكسىز شاعىن اۋماق قاقپاسىنا جەتكىزىپ جاتقاندىعىن، شاعىن اۋماق قىزمەتكەرلەرىنىڭ دەرەۋ كەلىپ زارارسىزداندىرىپ، ميكروبىن جويىپ جاتقاندىعىن كوردى.
قامداۋ ونىمدىلىگىن جوعارىلاتۋ ءۇشىن، گۇيلين جولى الەۋمەتتىك اۋماعى تۇرعىنداردىڭ تاپسىرىس بەرۋدەگى ارالىق بۋىنداردى ازايتىپ، ساۋداگەرلەر تۇرعىنداردىڭ قاجەتىن تىكەلەي ۇعىستى، تۇرعىندار عيمارات ءنومىرى جانە سول كۇنگى ۋاقىتقا سايكەس تاق، جۇپ ءنومىر بويىنشا تىركەلۋ ءتاسىلىن قولدانىپ، قاجەتتى زاتتىق ماتەريالدارعا تاپسىرىس بەردى.
”ءبىزدىڭ ءارقايسى دۇكەندەردىڭ ءبارىنىڭ ۋيشيندا زات ساتىپ الۋ توبى بار، ءار كۇنى ساعات 18دەن 24كە دەيىن، تۇرعىندار وزدەرىنىڭ قاجەتى بويىنشا، توپتا تىركەلۋ ارقىلى تاۋارلارعا تاپسىرىس بەرە الادى“. قوم جاڭا ونىمدەر تۇرمىستىق ەرەن بازارىنىڭ جاۋاپتىسى يىن حاۋ بىلاي دەپ تانىستىردى: تىركەلۋ تامامدالعان سوڭ، ساۋداگەرلەر تۇندەلەتىپ تۇرعىندارعا زات ازىرلەپ، كەلەسى كۇنى تاڭەرتەڭ تۇرعىنداردىڭ قولىنا جەتكىزۋگە شىنايى كەپىلدىك ەتەدى.
”مۇنداي ءتارتىپتى قامداۋ ۇلگىسى جاعدايىندا، قازىر الەۋمەتتىك اۋماعىمىزدىڭ تۇرعىندارىنا قاجەتتى زاتتىق ماتەريالدارعا بۇگىن تاپسىرىس قابىلداپ، ەرتەسى جەتكىزىپ بەرە الامىز“، - دەدى شاڭ مانمان.
سونىمەن بىرگە، گۇيلين جولى الەۋمەتتىك اۋماعى شاعىن اۋماقتاعى دۇكەندەردى تۇرعىنداردىڭ قاجەتىنە قاراي زات قاينارىن بەلسەنە دايىنداپ، زات كىرگىزۋ مولشەرى مەن قور مولشەرىن ارتتىرىپ، تۇرعىنداردى ءتۇرى مول، ساپاسى جاقسى، باعاسى ءتيىمدى تاۋارلارمەن مۇمكىندىگىنشە قامداۋعا جۇمىلدىردى.
”ءبىزدىڭ ءوزىمىزدىڭ زاتپەن قامداۋشىمىز بار، ودان بولەك ءار كۇنى 1 - دارەجەلى بازارلاردان زات كىرگىزەمىز، كوپتەگەن زات قاينارى ارناسى ارقىلى كوپشىلىكتى زاتپەن قامداۋعا كەپىلدىك ەتەمىز“. جەمىس - جيدەك، كوكونىس دۇكەنىنىڭ جاۋاپتىسى جاۋ رۇي ءبىر كۇندە 2 توننا اينالاسىندا زات كىرگىزەتىندىگىن، مۇنىڭ تۇرعىنداردىڭ قاجەتىن، نەگىزىنەن، قاناعاتتاندىرا الاتىندىعىن ايتتى.
”ءاربىر دۇكەننىڭ زات قاينارى باسىمدىعى تۇرلىشە، كوپشىلىك ءجيى تىلدەسىپ تۇرادى، ماسەلەن، تۇرعىندار ۋيشين توبىندا ءتاتتى كارتوپ الامىز دەسە، كوكونىس دۇكەنى مەن جاڭا ونىمدەر دۇكەنىنىڭ بارىنەن زات تابا الادى، سوسىن سالىستىرىپ كورىپ، قايسىسى ءتيىمدى، ساپاسى اناعۇرلىم جاقسى بولسا سونى تاڭداپ الادى“، - دەدى يىن حاۋ.
دۇكەندەر قامداۋدى ويداعىداي قامتاماسىزداندىردى، الەۋمەتتىك اۋماق تا حاۋىپسىزدىك وتكەلىن مىقتى يگەردى، ءار كۇنى ساۋداگەرلەردىڭ ءوندىرىس، تيجارات ورىندارىن جانە زاتتىق ماتەريالداردى زارارسىزداندىرۋ، ميكروب جويۋ قىزمەتىن جاقسى ىستەۋگە قۋزاپ، جەتكىزۋ بۋىنىنىڭ بارىندە جۋىسپاي جەتكىزۋ تالاپ ەتىلدى. ”تۇرعىندار جەتكىزىلگەن تاۋارلاردىڭ ءبارىنىڭ ساپاسىنىڭ وتە جاقسى ەكەندىگىن ايتىپ وتىر“، - دەدى شاڭ مانمان.
ءتىلشى دۇكەننىڭ الدىنان مىنانى كوردى: جۇك اۆتوكولىكتەرى جۇكتەرىن تۇسىرگەننەن كەيىن، دۇكەن قىزمەتكەرلەرى الدىمەن زاتتاردىڭ سىرتقى قورابىن زارارسىزداندىرىپ، ميكروبىن جويىپ، ونان سوڭ دۇكەننىڭ ىشىنە كىرگىزدى، زاتتىق ماتەريالدارمەن قامداۋ بۋىنىنا ات سالىسقان قىزمەتكەرلەردىڭ بارلىعى 2 - دارەجەلى قورعانۋ كيىمىن كيىپتى. ساۋداگەرلەر تۇرعىندارعا زات جەتكىزگەندە، تاۋاردى شاعىن اۋماقتىڭ قاقپاسىنا قويعاننان كەيىن، دەرەۋ كەتەدى.
”قازىر ءبىز تۇرعىندار جونىنەن العاندا، ءبىر تۇتاس تاپسىرىسپەن ساتىپ الاتىن كوكونىس بۋماسى مەن ەت بۋماسى − ءبىر ءتۇرلى زاتتىق ماتەريالدارمەن تولىقتاۋ سانالادى، ايتسەدە، الەۋمەتتىك اۋماق ساپا وتكەلىن دە مىقتى يگەرەدى“. شاڭ مانمان بىلاي دەدى: ەگەر تۇرعىندار كوكونىستىڭ جاڭا ەمەس نەمەسە ەت ساپاسىنىڭ ناشار ەكەندىگىن بايقاسا، الەۋمەتتىك اۋماق دەرەۋ زاتپەن قامداۋشى ساۋداگەرمەن حابارلاسىپ، تۇرعىندارعا باعالىق پارىقتى قايتارتىپ بەرەدى، كوكونىس بۋماسىندا، ەت بۋماسىندا ءجيى - ءجيى ماسەلە بايقالسا، زاتپەن قامداۋشى ساۋداگەردى اۋىستىرادى.
شاڭ مانمان ءسوزىن ساباقتاپ بىلاي دەدى: تۇرعىنداردىڭ ايتۋىنشا، قازىر زاتتاردىڭ ساپاسى جامان ەمەس، وسىنىڭ الدىندا، ءىشىنارا تۇرعىندار شياڭگۋ جەگىسى كەلگەندە، ساۋداگەرلەر حابار تاپقان سوڭ، تاياۋداعى دۇكەندەر كوكونىس بۋماسىنا ساڭىراۋقۇلاق تەكتەستەردى قوسىپتى.
”ءبىزدىڭ زات ساتىپ الۋ قاجەتىمىز بولسا، الەۋمەتتىك اۋماق امالىن تاۋىپ شەشەدى، تۇرعىندار دا ولاردىڭ كوپ ەڭبەك ءسىڭىرىپ وتىرعانىن ءبىلىپ وتىر، تۇرعىندار بۇعان ءدان ريزا“، - دەدى تۇرعىن لي شيا.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
