بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەلىمىزدە قانتتى نەسەپ اۋرۋىنا شالدىققان ناۋقاستار سانى 140 ميلليون ادامنان اسادى

سۋسىندى كوپ ءىشۋ، تاماقتى كوپ جەۋ، كورۋ قۋاتى السىرەۋ قاتارلى اۋرۋ بەلگىلەرى بايقالسا، اباي بولعان ءجون

2022.11.14 17:15     كەلۋ قاينارى : حالىق تورابى

  بۇگىن بىرلەسكەن مەملەكەتتەر ۇيىمى بەلگىلەگەن قانتتى نەسەپ اۋرۋىنان ساقتانۋ كۇنى. بۇگىنگى كۇننىڭ باستى تاقىرىبى — «ءتالىم - تاربيە بەرۋ ارقىلى بولاشاقتا تۋىلۋى ىقتيمال جاعدايدان ساقتاندىرۋ»، باستى ماقساتى — ادامدارعا قانتتى نەسەپ اۋرۋىنا شالدىعۋ مولشەرىنىڭ جىل سايىن بىرتىندەپ ارتىپ كەلە جاتقانىن ءارى وسى اۋرۋعا شالدىققان جاستار سانىنىڭ ارتۋ بەتالىسىن بايقاتقانىن ءبىلدىرىپ، ناۋقاستاردىڭ ءوزىن - ءوزى ەمدەۋ، ءوزىن - ءوزى تەكسەرۋ شەبەرلىگىن جوعارىلاتىپ، ەرتە ساقتانۋ، ەرتە بايقاۋ، ەرتە ەمدەۋدىڭ وتە ماڭىزدى ەكەنىن ۇعىندىرۋ.

  بەيجيڭ داشۋەسى حالىقارالىق ەمحاناسى ىشكى سەكرەتسيا ءبولىمىنىڭ باس شيپاگەرى جاۋ دان: قانتتى نەسەپ اۋرۋى وتە ءجيى كەزدەسەتىن سوزىلمالى سيپاتتى اس قورىتۋ جولى اۋرۋى، ونىڭ باستى بەلگىسى قانداعى قانت قۇرامىنىڭ جوعارىلاۋىن نەگىز ەتەدى، سونىمەن بىرگە، زات الماسۋدىڭ قالىپسىزدىعىنا ساياتىن باسقا دا بەلگىلەردى بايقاتادى، مىسالى: سەمىرۋ، جوعارى قان قىسىمى، قانداعى ماي قۇرامى جوعارىلاۋ قاتارلىلار. قانتتى نەسەپ اۋرۋى باستىسى 1 - تيپتەگى قاتتى نەسەپ اۋرۋى، 2 - تيپتەگى قانتتى نەسەپ اۋرۋى، جۇكتىلىككە قاتىستى قانتتى نەسەپ اۋرۋى جانە باسقا ءىشىنارا ەرەكشە تيپتەر بولىپ بولىنەدى، جۇڭگودا %90 تەن استام ناۋقاستىڭ بارلىعى 2 - تيپتەگى قانتتى نەسەپ اۋرۋىنا شالدىققان بولىپ ەسەپتەلەدى، — دەدى.

  مامانداردىڭ تىلشىگە ايتۋىنشا، قانتتى نەسەپ اۋرۋىنىڭ ەڭ تيپتىك كلينيكالىق بەلگىسى «ءۇشتىڭ كوبەيۋى، ءبىردىڭ ازايۋى»، اتاپ ايتقاندا، نەسەپ كوپ بولۋ، سۋسىندى كوپ ءىشۋ، تاماقتى كوپ جەۋ جانە دەنە سالماعى جەڭىلدەۋ. مۇنان سىرت، ءىشىنارا تيپتىك ەمەس اۋرۋ بەلگىلەرى بار، ولار تەرىنىڭ قۇرعاۋى، قۇرساقتىڭ تەز اشۋى، شارشاپ تۇرۋ جانە كورۋ قۋاتىنىڭ السىرەۋى قاتارلىلار. ۇزاق ۋاقىت بويى قانداعى قانت قۇرامى جوعارى بولسا، زات الماسۋ قالىپسىز بولسا، بۇكىل دەنەدەگى كوز، بۇيرەك، نەرۆ، جۇرەك، قان تامىرى قاتارلى كوپ ورگان زياندالۋى مۇمكىن. مىسالى، قانتتى نەسەپكە بايلانىستى كوز تور قابىعىنىڭ اۋرۋدان وزگەرۋى، ءتىس ءتۇبى سىرتقى قاباتىنىڭ قابىنۋى، جۇرەك بۇلشىق ەتىنىڭ ولەتتەنۋى، قانتتى نەسەپ اۋرۋى سيپاتىندىق بۇيرەك اۋرۋى قاتارلىلار ناۋقاستاردىڭ ءومىرى مەن تۇرمىس ساپاسىنا اۋىر ىقپال جاسايدى. ماماندار مىنانى ءبىلدىردى: ەرتە باستان دياگنوزىن تۇراقتاندىرىپ، ەمدەۋ ارقىلى قانداعى قانت قۇرامىن ۇيلەسىمدى مولشەردە تەجەۋ ارقىلى قوسالقى اۋرۋلاردىڭ تۋىلۋىنان نەمەسە اسقىنۋىنان ساقتانۋعا، ياكي، ونى كەشەۋىلدەتۋگە بولادى.

  بەيجيڭ داشۋەسى حالىقارالىق ەمحاناسى ىشكى سەكرەتسيالىق اۋرۋلار ءبولىمىنىڭ مەڭگەرۋشى شيپاگەرى جاڭ شياۋمەي: ەلىمىزدە قانتتى نەسەپ اۋرۋىنا شالدىققان ناۋقاستاردىڭ سانى 140 ميلليون ادامنان اسادى، ەرەسەكتەر اراسىندا قانتتى نەسەپ اۋرۋىنا شالدىعۋ مولشەرى %12.8، ەلىمىزدە جاستاردىڭ قانتتى نەسەپ اۋرۋىنا شالدىعۋ سالىستىرماسى دا بىرتىندەپ ارتۋدا، — دەيدى.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار