ىلە قازاق اۆتونوميالى وبلىسى:
قۇتقارۋ - ەمدەۋ جۇيەسىن كەمەلدەندىرىپ، بۇقارانىڭ ەمدەلۋىنە كەپىلدىك ەتۋگە كۇش سالدى
□ انار بۇلت \ شينجياڭ گازەتىنىڭ ءتىلشىسى بارشا تەگىس
2022.11.14 16:57 كەلۋ قاينارى : شينجياڭ گازەتى
11 - ايدىڭ 8 - كۇنى، ىلە قازاق اۆتونوميالى وبلىسى دوستىق شيپاحاناسىنىڭ قاقپاسىنداعى الدىن الا تەكسەرىپ، اۋرۋ تۇرىنە قاراي ءبولۋ ورنىندا، اۋرۋ كورسەتۋگە كەلگەن ناۋقاستار قىزمەتكەرلەردىڭ نۇسقاۋىندا شيپاحاناعا اۋرۋ كورسەتۋگە تارتىپپەن كىرىپ جاتتى. قۇلجا قالاسىنىڭ تۇرعىنى سۇريا تۇرسۇن: ”شيپاحانا بىزدەن انتيگەندىك سىناما الدى، 15 مينۋتتاي كۇتىپ ناتيجەسى شىققان سوڭ، كىرىپ اۋرۋ كورسەتۋىمىزگە بولادى“، - دەسە، جانىندا تۇرعان قالا تۇرعىنى سايرا قالمۇرات: ”الەۋمەتتىك اۋماققا ايتىپ تىركەتكەن سوڭ، الەۋمەتتىك اۋماقتىڭ كادرلارى دەرەۋ ماشينا ورنالاستىرىپ، مەنى شيپاحاناعا الىپ كەلدى“، - دەدى.
وسى رەتكى ىندەت تۋىلعاننان بەرى، ىلە وبلىستىق پارتكوم مەن ۇكىمەت مەديتسينالىق بايلىقتاردى ۇزدىكسىز رەتتەپ، ءبىر تۇتاس جوسپارلاپ، بۇكىل وبلىستاعى ەمدەۋ قۇرىلىمدارىنا ءبىر تۇتاس جۇيە بويىنشا باسقارۋ جۇرگىزىپ، مەديتسينالىق قۇتقارۋ - ەمدەۋ قىزمەتىن يكەمدى رەتتەپ، ”قىزىل كودتى شيپاحانا (بەلگىلەنگەن قۇتقارۋ - ەمدەۋ شيپاحاناسى)، سارى كودتى شيپاحانا (حاۋىپ - قاتەر توبىنداعى ادامدار باراتىن شيپاحانا)، جاسىل كودتى شيپاحانا (جاي شيپاحانا)“ ءۇش ءبىر تۇلعالانعان مەديتسينالىق قۇتقارۋ - ەمدەۋ جۇيەسىن ورناتىپ، كەمەلدەندىرىپ، ناۋقاستاردى قابىلداۋ - ەمدەۋدى دارەجەگە، تۇرگە ءبولىپ ورىستەتىپ، ءار ۇلت بۇقاراسىنىڭ اۋرۋ كورسەتۋ قاجەتىن بار كۇشپەن قامتاماسىز ەتتى.
”شيپاحانامىز 10 - ايدىڭ 16 - كۇنىنەن باستاپ، امبولاتوريادا تەكسەرۋدى، ناۋقاستار اۋماعىنا قابىلداپ ەمدەۋدى بىرتىندەپ قالپىنا كەلتىردى، قازىرگە دەيىن ىشكى اۋرۋلار ءبولىمى، سىرتقى اۋرۋلار ءبولىمى، ايەلدەر (تۋىت) ءبولىمى، بالالار ءبولىمى امبولاتورياسى، شۇعىل قۇتقارۋ سياقتى بولىمدەردى اشىپ، ناۋقاستار اۋماعىنان 614 توسەك - ورىن شىعاردى، شيپاحانانىڭ ءار ءبولىمى كاسىپتىك تىرەكتىلەردى ناۋقاس قابىلداۋعا ورنالاستىردى، قازىر ءار بولىمدە ۇنەمى كەزدەسەتىن اۋرۋلارعا دياگنوز قويۋعا جانە ونى ەمدەۋگە، وپەراتسيا جاساۋعا، اسىرەسە، قاتەرلى، سالماقتى ناۋقاستاردى قۇتقارۋ - ەمدەۋگە بولادى“. ىلە وبلىسى دوستىق شيپاحاناسى پارتكومىنىڭ مۇشەسى، شيپاحانانىڭ ورىنباسار باستىعى، اعا شيپاگەر شۇي ميننىڭ ايتۋىنشا، شيپاحانا تاعى زەردەلى ينتەرنەت جەلىسىندە دياگنوز قويۋ - ەمدەۋ جۇيەسىن اشقان، يتەرنەت جەلىسىندەگى دياگنوز قويۋ - ەمدەۋ ءاربىر كلينيكالىق ءبولىمدى قامتيدى ەكەن.
قۇلجا قالاسى انا - بالالار دەنساۋلىعىن قورعاۋ شيپاحاناسىنىڭ ورىنباسار باستىعى شاڭ حايچيڭنىڭ ايتۋىنشا، اۆتونوميالى رايوننىڭ، ىلە وبلىسىنىڭ جانە وبلىسقا توتە قاراستى ءارقايسى اۋدان، قالالاردىڭ مەديتسينالىق قۇرىلىمدارى 91 مەديتسينالىق قىزمەتكەر شىعارىپ، انا - بالالار دەنساۋلىعىن قورعاۋ شيپاحاناسىنىڭ مەديتسينالىق قۇتقارۋ - ەمدەۋ، ارتقى شەپتى قامتاماسىز ەتۋ سياقتى قىزمەتتەرىنە كومەك بەرۋمەن بىرگە، انا - بالالار دەنساۋلىعىن قورعاۋ شيپاحاناسى شيپاحاناعا كىرگەن جۇكتى جانە بوسانعان ايەلدەرگە، اۋىسىپ كەلگەن ناۋقاستارعا جاسىل ارنا اشىپ، شيپاحاناعا ناۋقاس كەلسە قابىلدايتىن ادام بولۋ، شيپاحانا اۋىستىراتىن بولسا جەتكىزىپ قوياتىن ادام بولۋ سىندى ساڭلاۋسىز جالعاسىم قالىپتاستىرىپ، ناۋقاستاردى مەديتسينالىق ەمدەۋ - قۇتقارۋدىڭ حاۋىپسىزدىگىنە شىنايى كەپىلدىك ەتكەن.
ىلە وبلىسىنداعى ءارقايسى مەديتسينالىق قۇرىلىمدار قىزۋ امبولاتورياسىن، شۇعىل ەمدەۋدى ءتۇيىندى تۇردە قامتاماسىز ەتۋدەن سىرت، ادەتتەگى امبولاتوريا مەن ارنايى اۋرۋلارعا ارنالعان امبولاتوريانى بىرتىندەپ اشىپ، امبولاتوريالىق قىزمەت وتەۋ قامداۋىن ارتتىرىپ، اشۋعا تيىستىلەرىن مۇمكىندىگىنشە اشىپ، شيپاحاناعا الىنۋعا تيىستىلەرىن مۇمكىندىگىنشە شيپاحاناعا الدى. مەديتسينالىق قۇرىلىمداردىڭ امبولاتوريالارى دياگنوز قويۋ جانە ەمدەۋدى الدىن الا كەلىسۋدى بەلسەنە ىلگەرىلەتىپ، تەلەفون، ۋيشين الەۋمەتتىك ءنومىرى سياقتى ءتۇرلى ارنالار ارقىلى ۋاقىت كەزەڭدەرىنە بولە وتىرىپ الدىن الا كەلىسۋ بويىنشا ناۋقاس قابىلداپ، ءار ۇلت بۇقاراسىنىڭ اۋرۋ كورسەتۋىنىڭ، ەمدەلۋىنىڭ حاۋىپسىز، ءتارتىپتى ءجۇرىلۋىن قامتاماسىز ەتتى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
