ەلىمىزدەگى تۇڭعىش ەرەكشە تەرەڭ تريلليون تەكشەمەترلىك ءىرى گاز اۋماعىندا جيىنى 200 ميلليارد تەكشەمەتر تابيعي گاز ءوندىرىلدى
2022.11.14 16:54 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى جاڭ سىمين 11 - ايدىڭ 12 - كۇنى ۇرىمجىدەن حابارلايدى. 11 - ايدىڭ 11 - كۇنىنە دەيىن، وڭتۇستىك تيانشان باۋرايىنداعى تابيعي گازدى باتىستان شىعىسقا جەتكىزۋدىڭ نەگىزگى گاز قاينار ءوڭىرى − تارىم مۇنايلىعى كىلا - كىشىن تەرەڭ قاباتتى تريلليون تەكشەمەترلىك ءىرى گاز اۋماعىندا جيىنى 200 ميلليارد 591 ميلليون تەكشەمەتر تابيعي گاز ءوندىرىلدى، بۇل 181 ميلليون توننا ولشەمدى كومىردىڭ ورنىن باسىپ، 197 ميلليون توننا كومىر قىشقىل گازىن از ىعىستىرۋمەن بارابار.
كىلا - كىشىن تەرەڭ قاباتتى گاز اۋماعى ەلىمىزدەگى تۇڭعىش ەرەكشە تەرەڭ تريلليون تەكشەمەترلىك ءىرى گاز اۋماعى. بيىل تارىم مۇنايلىعى كىلا 2 - گاز الابىن اشۋدى رەتتەۋ جانە كىشىن تەرەڭ قاباتتى گاز الابى 10 ميلليارد تەكشەمەتر ورنىقتى ءوندىرۋ ينجەنەرياسىن جۇرگىزىپ، تابيعي گازدى باتىستان شىعىسقا جەتكىزۋدىڭ ”سەنىمىن“ بەكەمدەدى. كىلا - كىشىن تەرەڭ قاباتتى گاز اۋماعىندا جالپى ءونىم مولشەرى 10 ميلليارد تەكشەمەتردەن اساتىن 6 گاز ۇڭعىماسى، جالپى ءونىم مولشەرى ءبىر ميلليارد تەكشەمەتردەن اساتىن 17 گاز ۇڭعىماسى جارىققا شىقتى.
وسى رەتكى ىندەت تۋىلعاننان بەرى، اسىرەسە، قىس تۇسكەننەن بەرى تارىم مۇنايلىعى ىندەتتەن ساقتانۋ قىزمەتىن ويداعىداي ىستەپ، ءوندىرىستى ورنىقتىرىپ، كىلا - كىشىن تەرەڭ قاباتتى گاز اۋماعى ءار كۇنى تابيعي گازدى باتىستان شىعىسقا جەتكىزۋدىڭ سوڭعى اعارىنا 45 ميلليون تەكشەمەتر تابيعي گاز جەتكىزىپ، ەلىمىزدىڭ شىعىس بولىك وڭىرلەرىنىڭ ەنەرگيا جانە كاسىپ سالاسى قۇرىلىمىن ساپالىلاندىرۋدى، رەتتەۋدى ونان ارى جەبەدى.
كىلا - كىشىن تەرەڭ قاباتتى گاز اۋماعى تارىم ويپاتىنىڭ سولتۇستىك جيەگىنە ورنالاسقان، جەر استى قۇرىلىمى كۇردەلى، گازدىڭ ساقتالۋ تەرەڭدىگى 4500 مەتردەن 8100 مەترگە دەيىن جەتەدى. تارىم مۇنايلىعى نەگىزگى گەولوگيا نازارياسىندا جاڭالىق اشۋ مەن ينجەنەريالىق تەحنيكادان قامال الۋ ارقىلى قالىپتان تىس جوعارى قىسىمداعى تابيعي گازدى جوعارى ءونىمدى اشۋدىڭ ۇلگىسى مەن 8000 مەتر دارەجەسىندەگى ەرەكشە تەرەڭ جەردە، اسا جوعارى قىسىمدا ساقتالعان گازدى اشۋدىڭ سايكەستى تەحنيكالارى جەلىسىن قالىپتاستىرىپ، ەلىمىزدىڭ تابيعي گازدى جوعارى ونىممەن اشۋدان ۇلگى كورسەتۋ بازالارى − كىلا 2 - گاز الابى، ەلىمىزدەگى تۇڭعىش جىلدىق ءونىم مولشەرى 10 ميلليارد تەكشەمەترلىك ەرەكشە تەرەڭ قاباتتاعى قۇمدى تاۋ جىنىستارى گاز الابى − كىشىن تەرەڭ قاباتتى گاز الابى، ەلىمىزدەگى قۇرلىقتاعى ەڭ تەرەڭ گاز الابى − كىشىن 9 - گاز الابى سياقتى ”جۇڭگو تەرەڭدىگى“ كوورديناتاسىن اشتى.
كىلا - كىشىن تەرەڭ قاباتتى گاز اۋماعىنىڭ كولەمدىك جاقتان ءونىمىن ارتتىرۋدى ارقاۋ ەتكەن تارىم مۇنايلىعى جاڭا اۋماقتا جوعارى ونىممەن ءوندىرىس قۋاتىن قالىپتاستىرۋدى، ەرەكشە تەرەڭدەگى، اسا جوعارى قىسىمدى گاز ساقتالعان جەردەگى سۋدى جونگە سالۋدى، تابيعي گازدى ءبىر جاقتى ەتۋ قۇرىلعىسىن جوعارى ونىممەن جۇرگىزۋدى تۇتقا ەتىپ، ەرەكشە تەرەڭدەگى، اسا جوعارى قىسىمدى گاز الابىن جوعارى ونىممەن اشۋ، ءوندىرۋ، باسقارۋ تەحنيكاسىنا بەلسەنە ىزدەنىس جاساپ، حالىقتىق شارۋاشىلىقتىڭ دامۋىنا جاسىل ەنەرگيا قامتاماسىزدىعىن ازىرلەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
