”شىدامدىلىق پەن تاباندىلىق بولسا، ىندەتتەن تۇبىندە ايىعامىز“
− اۆتونوميالى رايوندىق قازىنا مەڭگەرمەسىنىڭ نەگىزگى ساتىعا تۇسكەن قىزمەت اترەتى بۇقارانىڭ مۇڭ - مۇقتاجىن شەشتى
□ انار بۇلت \ شينجياڭ گازەتىنىڭ ءتىلشىسى ران حۋ
2022.11.14 16:56 كەلۋ قاينارى : شينجياڭ گازەتى
11 - ايدىڭ 9 - كۇنى، ۇرىمجىدە قار ارالاس جاڭبىر جاۋىپ، اۋا تەمپەراتۋراسى نولدەن تومەن ءبىر سەلتسي گرادۋسقا ءتۇستى، ءۇرىمجى قالاسى لاڭتيان فىڭجيڭ 2 - مەرزىمى شاعىن اۋماعىن تاپجىلماي كۇزەتىپ جاتقان اۆتونوميالى رايوندىق قازىنا مەڭگەرمەسىنىڭ نەگىزگى ساتىعا تۇسكەن قىزمەت اترەتىنىڭ مۇشەلەرى، كۇندەگىسىنشە، قورعانۋ كيىمدەرىن كيىپ، شاعىن اۋماقتى زاتتىق ماتەريالمەن قامداۋدى قامتاماسىز ەتۋ، قوقسىقتاردى تازالاپ، تاسىپ اكەتۋ، قورشاعان ورتانى زارارسىزداندىرۋ، ميكروب جويۋ، تالاپ - تىلەكتەردى ءبىتىرۋ سياقتى جۇمىستارعا كىرىسىپ كەتتى.
اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسى جۋىقتا 4 پارتيالى كادردى نەگىزگى ساتىعا تۇسەتىن قىزمەت اترەتى ەتىپ ۇيىمداستىرىپ، نەگىزگى ساتىداعى الەۋمەتتىك اۋماقتا ىندەتتەن ساقتانۋ - تىزگىندەۋ قىزمەتىنە سايكەسۋگە جىبەردى. ”وسىناۋ ءتۇتىنسىز شايقاستا، پارتيا مۇشەسى بولعان مەنىڭ اتويلاپ الدا جۇرەتىن جاۋاپكەرشىلىگىم، بورىشىم بار، ىندەتپەن شايقاس ءۇشىن ءوز ۇلەسىمدى قوسامىن“، - دەدى قىزمەت اترەتىنىڭ مۇشەسى، اۆتونوميالى رايوندىق قازىنا مەڭگەرمەسى ۇكىمەتتىك ساتىپ الۋ باسقارماسىنىڭ 1 - دارەجەلى مەڭگەرۋشى قىزمەتكەرى فىڭ جىجياڭ“.
قىزمەت اترەتى تۇرۋعا كەلگەن جيشۇن جولى سولتۇستىك الەۋمەتتىك اۋماعى لاڭتيان فىڭجيڭ 2 - مەرزىمى شاعىن اۋماعى كوپ ۇلت شوعىرلى قونىستانعان شاعىن اۋماق. ونىڭ باسىم كوپشىلىگى از ۇلت بۇقاراسى، وندا 40 عيماراتتاعى 159 كۋرپوستا جالپى 1521 وتباسى، 4164 بۇقارا قىزمەت وتەۋگە مۇقتاج.
ماشاقاتتى مىندەت الدىندا، قىزمەت اترەتىنىڭ باستىعى، قازىنا مەڭگەرمەسى قازىنالىق قارجىنى باعالاۋ ورتالىعىنىڭ 2 - دارەجەلى تەكسەرۋ - زەرتتەۋشىسى جاڭ رۇڭ اترەت مۇشەلەرىن تولىق يدەيالىق دايىندىقپەن جانە قايسار قىزمەت قاجىرلىلىعىمەن الەۋمەتتىك اۋماقتىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋگە بار كۇشپەن سايكەسۋگە ىنتالاندىردى. ول اترەت مۇشەلەرىنە ىندەتتەن ساقتانۋ ساياساتتارىن ءدال يگەرۋدى، بۇقارانىڭ پىكىرىنە سابىرلىلىقپەن قۇلاق ءتۇرۋدى، بۇقارانىڭ تالاپ - تىلەگىن تىڭعىلىقتى شەشۋدى، بۇقارانىڭ كوڭىلىن ورنىقتىرۋعا قۇلشىنۋدى تاپسىردى.
”بۇقارادا قيىنشىلىق نەمەسە مۇقتاجدىق بولسا، ءبىز قالايدا بار كۇشىمىزبەن كومەكتەسىپ شەشىپ بەرۋىمىز كەرەك، وسىلاي ىستەگەندە عانا، كۇش - قايرات توپتاپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزە الامىز“. جاڭ رۇڭ مەن ونىڭ سەرىكتەرى وسىلاي دەدى ءارى وسىلاي ىستەدى دە. شاعىن اۋماققا كەلگەن سوڭ، قىزمەت اترەتى قاشاندا بۇقارانىڭ ءىس جۇزىندىك قيىنشىلىعىن شەشۋدى قىزمەتتەگى ماڭىزدىنىڭ ماڭىزدىسى ەتىپ، الەۋمەتتىك اۋماقتاعى بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن ءبىر - بىرلەي انىقتاپ، بۇقارانىڭ قيىنشىلىعىن بەلسەنە سايكەستىرىپ شەشىپ، قايشىلىق، داۋ - شاردى شەشىپ، بۇقارانىڭ جاقسى باعاسىن الدى.
تۇرعىن ارزۇگۇل وسمان جالعىز باستى انا، تۇرمىسىندا ءبىراز قيىنشىلعى بار. ونىڭ وتباسى جاعدايىنان حابار تاپقان سوڭ، اترەت مۇشەلەرى قامقورلىقپەن جىلۋ اتاۋ تاسىلىمەن كۇرىش، ۇن، ماي، جۇمىرتقا سياقتى تۇرمىستىق زاتتار اپارىپ بەرەدى. بۇل زاتتاردى تاپسىرىپ العان سوڭ، ارزۇگۇل: ”پارتيا مەن ۇكىمەتتىڭ قامقورلىعىنا راقىمەت، وزدەرىڭنىڭ كومەكتەرىڭە العىس“، - دەدى ايرىقشا تولقىپ.
ءار كۇنى تاڭەرتەڭ ەرتەمەن، قىزمەت اترەتىنىڭ مۇشەسى، قازىنا مەڭگەرمەسى فينانس قىزمەتى باسقارماسىندا ىستەيتىن ليۋ لي ىلعي دا شاعىن اۋماقتىڭ قاقپاسىنداعى قاراۋىل كۇركەسىنە ەڭ الدىمەن بارىپ، كىرەتىن - شىعاتىن زاتتىق ماتەريالداردى تەكسەرەدى جانە شاعىن اۋماقتىڭ قورشاعان ورتاسىنا زارارسىزداندىرۋ، ميكروب جويۋ جۇمىسىن جۇرگىزەدى، ”قورشاعان ورتانى زارارسىزداندىرۋدى، ميكروب جويۋدى ءار كۇنى ويداعىداي تياناقتاندىرۋ − ىندەتتەن ساقتانۋ - تىزگىندەۋدى ويداعىداي ىستەۋدىڭ نەگىزدىك قىزمەتى، سول سەبەپتى، مەن تيتتەي دە سامارقاۋلىق تانىتقىم كەلمەيدى“.
الەۋمەتتىك اۋماقتاعى از ۇلت بۇقاراسىمەن اناعۇرلىم ويداعىداي پىكىرلەسۋ، اۋىس - كۇيىس جاساۋ ءۇشىن، قازىنا مەڭگەرمەسى پارتيا باسشىلىق گرۋپپاسى مەملەكەت قازىناسى باسقارماسىنىڭ 4 - دارەجەلى تەكسەرۋ - زەرتتەۋشىسى قۇدىرەت ابىلەزدى اترەت مۇشەسى بولۋعا ارنايى تاڭداپ جىبەرىپتى. ”قازىرگى ىندەتتەن ساقتانۋ قىزمەتىنە ات سالىسا العاندىعىم پارتيا ۇيىمىنىڭ ماعان دەگەن سەنىمى، سونداي - اق ءبىر كوممۋنيستىڭ باس تارتپاس جاۋاپكەرشىلىگى سانالادى، - دەدى قۇدىرەت ابىلەز.
قار ارالاس جاڭبىر ىشىندە اترەت مۇشەلەرىنىڭ قاربالاس بەينەلەرى ەشقاشان سايابىر تاپقان ەمەس. ”ىندەت جوعالماي، ءبىز كەتپەيمىز! كوپشىلىك ءبىر نيەتپەن ىندەتكە قارسى اتتانىپ، شىدامدىلىق جانە تاباندىلىق كورسەتسە، ىندەتتەن تۇبىندە ايىعامىز“، - دەدى جاڭ رۇڭ.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
