بەيجيڭ، شينجياڭ ەكى جەردەگى بالالار اۋرۋى ءبولىمىنىڭ ماماندارى بىرلەسىپ دياگنوز قويدى، شيپاحانا، ءدارى - دارمەك كاسىپورىندارى كۇش بىرىكتىرە سايكەستى
قان ۇيىتۋ يقۋاتى كەدەرگىگە ۇشىراعان 5 ايلىق نارەستە حاۋىپتەن قۇتىلدى
□ انار بۇلت \ شينجياڭ گازەتىنىڭ ءتىلشىسى سۋ لۋپيڭ
2022.11.14 16:55 كەلۋ قاينارى : شينجياڭ گازەتى
11 - ايدىڭ 12 - كۇنى ءۇرىمجى قالالىق 1 - حالىق شيپاحاناسى (ءۇرىمجى بالالار شيپاحاناسى) PICUىندە (سالماقتى ناۋقاس بالالاردى باقىلاۋ - كۇتىمدەۋ بولمەسى) تۋىلعانىنا 5 اي بولعان شياۋكى (جاناما اتى) ءتاتتى ۇيقىدا جاتىر. كوپ جاقتىڭ بىرگە قۇلشىنۋىندا، تۋما حاراكتەرلى قان ۇيىتۋ زاتى Ⅶكەمىستىگى ناۋقاسىنا شالدىققان شياۋكىعا دەر كەزىندە قۇتقارۋ - ەمدەۋ جۇرگىزىلىپ، حاۋىپتەن قۇتقارىلدى.
شياۋكى كورلا قالاسىنان كەلگەن، تۋادا قان ۇيىتۋ زاتى Ⅶ كەمشىل بولعاندىقتان، قان ۇيىتۋ يقۋاتى كەدەرگىگە ۇشىراعان. تۋىلعانىنان باستاپ، مەرزىمدى ۋاقىتتا قان ۇيىتۋ زاتىن قۇيدىرىپ وتىرۋىنا تۋرا كەلەدى. 11 - ايدىڭ 8 - كۇنى شياۋكى ۇيىندە اياق استىنان قۇسادى، 2 كۇن جالعاستى قۇسقاندا ءوڭى قۋارىپ، ەسىن بىلمەي قالادى، سونىمەن 11 - ايدىڭ 10 - كۇنى ءۇرىمجى بالالار شيپاحاناسىنىڭ شۇعىل ەمدەۋ بولىمىنە شۇعىل قۇتقارۋ - ەمدەۋگە اكەلىنەدى.
ءۇرىمجى بالالار شيپاحاناسى دەرەۋ شۇعىل، قاتەرلى، سالماقتى ناۋقاستار جاسىل ارناسىن ىسكە قوسىپ، شۇعىل ەمدەۋ ءبولىمى ناۋقاس تاريحىن ۇعىسىپ جانە العاشقى قادامدا دياگنوز قويعاننان كەيىن، دەرەۋ شياۋكىعا ءبىر رەت قان ۇيىتۋ فەرمەنتوگەن قوسپاسىن قۇيىپ قان ۇيىتۋ زاتىن تولىقتادى ءارى شياۋكىنى قان سۇيىقتىعى بولىمىنە قابىلداپ ەمدەدى. سول كۇنى شياۋكى شوشىنىپ تالىپ قالادى، جاۋاپتى شيپاگەر دەرەۋ ونىڭ باسىن CT اسپابىمەن تەكسەرىپ، باس سۇيەكتىڭ ىشىنەن قان شىققاندىعىن، قان شىققان ورىن ءبىرشاما كوپ، شىققان قان ءبىرشاما مول ەكەندىگىن، ەگەر دەر كەزىندە ءبىر جاقتى ەتىلمەسە، شياۋكىنىڭ تىنىس جۇيەسىنە ىقپال جاساۋى جانە ومىرىنە حاۋىپ ءتونۋى مۇمكىندىگىن بايقايدى. PICUدە شۇعىل دياگنوز قويعاننان كەيىن، شياۋكىنى سالماقتى ناۋقاستاردى باقىلاۋ - كۇتىمدەۋ بولمەسىنە كىرگىزىپ ىشكەرىلەي ەمدەدى.
PICUگە اپارىلعاننان كەيىن، شياۋكىدا تيپتىك باس سۇيەكتىڭ ىشكى قىسىمى جوعارىلاۋ بەينەسى بايقالىپ، ەكى كوزىنىڭ قاراشىعى پارىقتى ۇلعايىپ، قان قىسىمى ءبىرشاما جوعارىلاپ، بۇلشىق ەتتىڭ سوزىلۋى كۇشەيەدى، جاۋاپتى شيپاگەر ابەيبوللا رەيىم مەن سول كۇنگى كەزەكشى ەمدەۋ - كۇتىمدەۋ قىزمەتكەرلەرى دەرەۋ شياۋكىعا سۋسىزداندىرىپ باس سۇيەكتىڭ قىسىمىن تومەندەتۋ، قان توقتاتۋ، تىنىشتاندىرۋ، شوشىنىپ تالۋىن باسۋ سياقتى ناۋقاسىنا قاراي ەمدەۋلەر جۇرگىزەدى. كوپ وتپەي شياۋكىنىڭ ناۋقاس جاعدايى مەڭگەرىلدى.
قۇتقارۋ - ەمدەۋمەن قوسا، PICUدىڭ مەڭگەرۋشىسى ليۋ لۋ بەلسەندىلىكپەن قان سۇيىقتىعى بولىمىمەن جانە استانا مەديتسينا داشۋەسىنە قاراستى بەيجيڭ بالالار شيپاحاناسىنداعى ماماندارمەن حابارلاسىپ، ولارعا شياۋكىنىڭ گەن مالىمەتى مەن اۋرۋ تاريحىن جولدادى. ەكى جەردىڭ ماماندارىنىڭ بىرلەسىپ دياگنوز قويۋىمەن، شياۋكىنى ەمدەۋ جوباسى تۇراقتاندى، ياعني ءار 4 ساعاتتا ءبىر رەت قان ۇيىتۋ زاتى Ⅶ ۋكولىن قۇيىپ، قاننىڭ شىعا بەرۋىنىڭ الدىن الۋ قاجەت بولدى.
”بالاعا بۇرىن ءدارىنىڭ ورنىنا ىلعي قان ۇيىتۋ فەرمەنتوگەن قوسپاسىن قۇيعان، الايدا بۇل ءدارىنىڭ قۇرامى تومەن، بالانىڭ Ⅶ زاتى كەمدىگىنەن تۋىلعان ماسەلەسىن شەشە المايدى“. ليۋ لۋ بىلاي دەدى: قان ۇيىتۋ زاتى Ⅶ كەمىستىگى ناۋقاسى سيرەك كەزدەسەتىن اۋرۋ، ونى ەمدەۋگە پايدالانىلاتىن قان ۇيىتۋ زاتى Ⅶ ۋكولى دا دايىن تۇرمايدى، سيرەك كەزدەسەتىن، يمپورت ەتىلەتىن دارىگە جاتادى.
11 - ايدىڭ 10 - كۇنى تۇستەن بۇرىن PICU مەن قان سۇيىقتىعى ءبولىمى شياۋكىنىڭ جاعدايىن شيپاحاناعا مالىمدەيدى، شيپاحانا پارتكومىنىڭ شۋجيى ليۋ جياڭليڭ دەرەۋ ءدارى - دارمەك بولىمىندەگىلەرگە ءىرى ءدارى - دارمەك كاسىپورىندارىمەن حابارلاسىپ، امالىن تاۋىپ بالانىڭ جانىن قۇتقاراتىن ءدارى - دارمەكتى تابۋ جونىندە نۇسقاۋ بەرەدى.
شياۋكىنىڭ ناۋقاس جاعدايىن، ءدارى دوزاسىن تۇسىندىرگەننەن كەيىن، شيپاحاناداعى ءارقايسى بولىمدەردىڭ كوپ بولىپ سايكەسۋىندە، سول كۇنى تۇستە مەملەكەتتىك ءدارى - دارمەك جارناسى مەڭگەرىلگەن جارنا شەكتى سەرىكتەستىگى شينجياڭ شينتى باتىس بولىك ءدارى - دارمەك كاسىپورنىنىڭ قىزمەتكەرى ءدارىنى شيپاحاناعا جەتكىزىپ بەرەدى، ”بۇل ءدارى ءبىرشاما قىمبات، ءبىز امالىن تاۋىپ ەڭ تەز جۇمىس تارتىبىمەن قان ۇيىتۋ زاتى Ⅶ ۋكولىن ەمدەۋ قامسىزداندىرۋى ەسەبىنە ەنگىزىپ، بالانى ەمدەتۋدى ەمدەۋ قامسىزداندىرۋى بويىنشا ەسەپتەن كوتەرتۋگە مۇمكىندىك جاسايمىز“، - دەدى ليۋ جياڭليڭ.
قازىر ەمدەۋدەن جانە ءدارى - دارمەك ىستەتۋدەن شياۋكىنىڭ تىرشىلىك بەلگىلەرى بىرتىندەپ تۇراقتانىپ، رۋحاني كۇيى بىرتىندەپ جاقساردى. شياۋكىنىڭ رۋحاني كۇيىنىڭ كۇننەن - كۇنگە جاقسارىپ كەلە جاتقاندىعىن كورىپ، ۇرەيى ۇشقان اتا - اناسىنىڭ كوڭىلى دە ورنىقتى.
”مەن پارتيامىزعا، مەملەكەتىمىزگە، ءبىزدىڭ مىناۋ قۇرمەتكە لايىق ءارى جاۋاپكەرشىلىگى كۇشتى شيپاگەر - سەسترالارىمىزعا شىن جۇرەكتەن العىس ايتامىن، سىزدەر بالامىزعا تىرشىلىك ءۇمىتىن سيلادىڭىزدار“، - دەپ جازدى 11 - ايدىڭ 11 - كۇنى شياۋكىنىڭ اكەسى ميكروبلوگىنا.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
