دۇنيە ءجۇزى جان سانى سەگىز ميلليارد ادامعا جەتتى
2022.11.15 15:55 كەلۋ قاينارى : حالىق تورابى
بىرلەسكەن مەملەكەتتەر ۇيىمىنىڭ «2022 - جىلعى دۇنيە ءجۇزى جان سانىنا نازار» اتتى مالىمەتى. سۋرەتتىڭ كەلۋ قاينارى: بىرلەسكەن مەملەكەتتەر ۇيىمىنىڭ تورابى
جۇڭگو اقپارات تورابىنىڭ 11 - ايدىڭ 15 - كۇنى بەيجيڭنەن بەرگەن حابارى. (جاڭ ناييۋە) بىرلەسكەن مەملەكەتتەر ۇيىمىنىڭ «2022 - جىلعى دۇنيە ءجۇزى جان سانىنا نازار» اتتى مالىمەتىندە مەجەلەۋىنشە، دۇنيە ءجۇزى جان سانى بۇگىن سەگىز ميلليارد ادامعا جەتەدى. بۇل قۇجاتتان ءبىز تاعى قانداي مالىمەتتەرگە يە بولامىز؟
— جەتى ميللياردتان سەگىز ميللياردقا جەتۋگە قانشا ۋاقىت كەتتى؟
11 جىل. بىرلەسكەن مەملەكەتتەر ۇيىمى جان سانى قورىنىڭ ساناعىنا قاراعاندا، دۇنيە ءجۇزى جان سانى 2011 - جىلى 10 - ايدىڭ 31 - كۇنى جەتى ميلليارد ادامعا جەتكەن. دۇنيە ءجۇزى جان سانىنىڭ جەتى ميلليارد ادامنان سەگىز ميلليارد ادامعا جەتۋىنە 11 جىل جارىم اي ۋاقىت كەتكەن.
— دۇنيە ءجۇزى جان سانى ەڭ كوپ بولعاندا قانشا ادام بولادى؟
شامامەن ون ميلليارد 400 ميلليون ادام بولادى. بىرلەسكەن مەملەكەتتەر ۇيىمىنىڭ ەڭ جاڭا مەجەسىنە قاراعاندا، وسى عاسىردىڭ 80 - جىلدارىنا بارعاندا، دۇنيە ءجۇزى جان سانى ون ميلليارد 400 ميلليون ادامدىق ەڭ جوعارى شەككە جەتەدى ءارى 2100 - جىلعا دەيىن وسى ورەنى ساقتايدى.
الايدا، ۇقساماعان زەرتتەۋ قۇرىلىمدارى ورتاعا قويعان ساندى مالىمەتتەردە پارىقتار ساقتالۋدا، مىسالى، ا ق ش ۋاشينگتون داشۋەسى دەنساۋلىق كورسەتكىشى جانە باعالاۋ زەرتتەۋ بولىمشەسىنىڭ 2020 - جىلعى زەرتتەۋ ناتيجەسىنە قاراعاندا، دۇنيە ءجۇزى جان سانى 2064 - جىلى ەڭ جوعارى شەككە جەتەدى، الايدا، ون ميلليارد ادامعا جەتپەيدى، ونىڭ ۇستىنە، 2100 - جىلعا بارعاندا سەگىز ميلليارد 800 ميلليون ادامعا ازايادى.
— قازىر دۇنيە جۇزىندە قاي جەردىڭ جان سانى ەڭ كوپ؟
ازيادا. 2022 - جىلى، جان سانى ەڭ كوپ ەكى ءوڭىردىڭ ەكەۋى دە ازيادا: مۇندا، شىعىس ازيا مەن شىعىس وڭتۇستىك ازيانىڭ جان سانى ەكى ميليارد 300 ميلليون ادام (شامامەن دۇنيە ءجۇزى جان سانىنىڭ %29 ىن ۇستايدى)، ورتا ازيا مەن وڭتۇستىك ازيا جان سانى ەكى ميلليارد 100 ميلليون ادام (شامامەن دۇنيە ءجۇزى جان سانىنىڭ %26 ىن ۇستايدى).
— ءۇندىستاننىڭ جان سانى جۇڭگودان اسا ما؟
جۋىق ارادا اسادى. جۇڭگو مەن ءۇندىستاننىڭ جان سانى جەكە - جەكە ءبىر ميلليارد 400 ميلليون ادامنان اسادى، ەكەۋى دە جوعارىدا اتالعان ەكى ءوڭىردىڭ جان سانىنىڭ كوپ بولىگىن ۇستايدى. ءۇندىستان ەڭ ەرتە بولعاندا 2023 - جىلى دۇنيە جۇزىندەگى جان سانى ەڭ كوپ ەل بولادى دەپ مەجەلەنگەن ءارى 2050 - جىلى ءۇندىستاننىڭ جان سانى ءبىر ميلليارد 670 ميلليون ادامعا جەتەدى.
— قاي جەردە جاڭادان ارتاتىن جان سانى ەڭ كوپ بولادى؟
بىرلەسكەن مەملەكەتتەر ۇيىمىنىڭ مەجەلەۋىنشە، 2050 - جىلعا بارعاندا، دۇنيە ءجۇزى بويىنشا جاڭادان ارتاتىن جان سانىنىڭ جارىمىنان استامى كونگو (كينشاسا)، ەگيپەت، ەفيوفيا، ءۇندىستان، نيگەريا، پاكيستان، فيليپپين جانە تانزانيا سىندى سەگىز مەملەكەتكە شوعىرلانادى.
— جان سانى تاعى دا ۇزدىكسىز ارتا ما؟
سولاي، الايدا، ارتۋ قارقىنى قازىر باسەڭدەۋدە. دۇنيە ءجۇزى جان سانىنىڭ 1962 - جىلدان 1965 - جىلعا دەيىنگى ارالىقتا ارتۋ مولشەرى جىلىنا %2.1 بولعان، سودان بىلاي ارتۋ قارقىنى كۇرت تومەندەگەن، 2020 - جىلى %1 كە جەتپەگەن. 2050 - جىلعا بارعاندا، دۇنيە ءجۇزى جان سانىنىڭ ارتۋ مولشەرى %0.5 اينالاسىنا تومەندەۋى مۇمكىن.
مۇنان سىرت، 2021 - جىلى دۇنيە ءجۇزى جان سانىنىڭ تۋىت مولشەرى ورتا ەسەپپەن 2.3 بولعان، اتاپ ايتقاندا، ءاربىر ايەل ءومىر بويى ورتا ەسەپپەن 2.3 بالالى بولادى، ال، 1950 - جىلى تۋىت مولشەرى 5 بولاتىن، 2050 - جىلى شامامەن 2.1 گە تومەندەۋى مۇمكىن.
— ادامداردىڭ عۇمىر جاسى قالاي بولادى؟
دۇنيە ءجۇزى بويىنشا ورتاشا مەجەلى عۇمىر جاسى ۇزدىكسىز جوعارىلاۋدا. 2019 - جىلى دۇنيە ءجۇزى بويىنشا مەجەلى عۇمىر جاسى 72.8 جاس بولعان، بۇل 1990 - جىلداعىمەن سالىستىرعاندا توعىز جاس ارتقان؛ 2050 - جىلعا بارعاندا، ورتاشا مەجەلى عۇمىر جاسى مەجەمەن 77.2 جاس بولادى.
الايدا، مەجەلى عۇمىر جاسىنىڭ ۇزدىكسىز جوعارىلاۋى مەن تۋىت مولشەرىنىڭ تومەندەۋى قاباتتاسىپ، جان سانىنىڭ قارتتانۋىن اسقىندىرادى، 65 جاستان اسقان جان سانىنىڭ جالپى جان سانىنان ۇستايتىن سالىستىرماسى 2022 - جىلى %10 بولسا، 2050 - جىلعا بارعاندا %16 كە ارتادى.
— بىرلەسكەن مەملەكەتتەر ۇيىمى قانداي پىكىر ءبىلدىردى؟
بىرلەسكەن مەملەكەتتەر ۇيىمىنىڭ باس حاتشىسى گۋتەرەس «سەگىز ميلليارد جان سانى، توننىڭ ىشكى باۋىنداي ادامزات» اتتى بايانداماسىندا ادامزاتتىڭ ۇلى شاڭىراعىنىڭ ىرگەسى كۇن سايىن كەڭەيۋمەن بىرگە، كۇن سايىن اۋىرلاسقان تەڭسىزدىك ماسەلەسىنە دە ءدوپ كەلۋدە. ەگەر وسى ماسەلەلەر شەشىلمەسە، دۇنيە جۇزىندە شيەلەنىسكەن جاعداي مەن سەنىمسىزدىك، داعدارىس پەن قاقتىعىس ورىن الادى، — دەگەن.
ول تاعى ءدانىشپان گانديدىڭ سوزىنەن سيتات كەلتىرىپ: «الەمدەگى دۇنيەلەر ءاربىر ادامنىڭ قاجەتىن قاناعاتتاندىرۋعا جەتكىلىكتى، الايدا، ءاربىر ادامنىڭ ءناپسىسىن قاناعاتتاندىرۋعا جەتكىلىكسىز»، — دەدى.
كەلۋ قاينارى: حالىق تورابى
 |
ماتەريالدىق سۋرەت: ءۇندىستاننىڭ بومبەي قالاسىنداعى ادامدار شوعىرى.
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
