بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بازاردى باقىلاۋ – باسقارۋ باس مەكەمەسى ازىق – تۇلىككە قوسپا قوسۋدى باسقارۋ جونىندەگى جاڭا بەلگىلەمەنى جاريالادى

قوعامداعىلاردان اشىق تۇردە پىكىر قابىلدايدى

2022.11.15 14:38     كەلۋ قاينارى : حالىق تورابى

  حالىق تورابىنىڭ ءتىلشىسى سۇن بوياڭ 11 – ايدىڭ 14 – كۇنى بەيجيڭنەن حابارلايدى. ءتىلشىنىڭ بازاردى باقىلاۋ – باسقارۋ باس مەكەمەسىنەن ۇعىسۋىنشا، ازىق – تۇلىككە قوسپا قوسۋدى باسقارۋدى اناعۇرلىم جۇيەگە ءتۇسىرۋ ءۇشىن، بازاردى باقىلاۋ – باسقارۋ باس مەكەمەسى «اس – سۋ سالاسىنداعى قىزمەت وتەۋمەن قامداۋشىلاردىڭ ازىق – تۇلىككە قوسپا قوسۋىن باسقارۋدى اناعۇرلىم جۇيەگە ءتۇسىرۋ جونىندەگى ۇقتىرۋدى (پىكىر الىناتىن نۇسقا)» (تومەندە قىسقارتىلىپ «پىكىر الىناتىن نۇسقا» دەپ اتالادى) دايىنداپ، قوعامداعىلاردان اشىق تۇردە پىكىر قابىلدادى.

  «پىكىر الىناتىن نۇسقادا» مىنالار تالاپ ەتىلگەن: اس – سۋ سالاسىندا قىزمەت وتەۋشىلەر «ازىق – تۇلىك حاۋىپسىزدىگى جونىندەگى مەملەكەتتىك ولشەم: ازىق – تۇلىككە قوسپا قوسۋ ولشەمىندەگى» بەلگىلەمە بويىنشا، ازىق – تۇلىككە قوسپا قوسۋ پرينسيبى، ازىق – تۇلىككە پايدالانۋعا رۇقسات بەرىلگەن قوسپالار، پايدالانۋ كولەمى جانە ەڭ جوعارى پايدالانۋ مولشەرى نەمەسە قالدىق مولشەرى قاتارلىلارعا قاتاڭ بويسۇنىپ، ازىق – تۇلىككە قوسپا قوسۋدى جۇيەلى باسقارۋى كەرەك.

  «پىكىر الىناتىن نۇسقادا» مىنالار ورتاعا قويىلعان: اس – سۋ سالاسىندا قىزمەت وتەۋشىلەر «ازىق – تۇلىك حاۋىپسىزدىگى جونىندەگى مەملەكەتتىك ولشەم: اس – سۋ سالاسىندا قىزمەت وتەۋدە ءبىرتۇتاس قولدانىلاتىن تازالىق ولشەمىندەگى» بەلگىلەمە بويىنشا، ازىق – تۇلىك قوسپاسىن ارناۋلى ىشكاپتا (ورىندا) ساقتاۋى، «ازىق – تۇلىك قوسپاسى» دەگەن بەلگى قويۋى ءارى ازىق – تۇلىك، ازىق – تۇلىككە قاتىستى بۇيىمدار قاتارلىلاردان ءبولىپ ساقتاۋى كەرەك.

  «پىكىر الىناتىن نۇسقادا» مىنالار تالاپ ەتىلگەن: اس – سۋ سالاسىندا قىزمەت وتەۋشىلەردىڭ ازىق – تۇلىك قوسپاسىنان پايدالانۋ ارقىلى ازىق – تۇلىكتىڭ شىرىگەنىن، بۇزىلعانىن جاسىرۋىنا بولمايدى؛ ازىق – تۇلىكتىڭ وزىندە بولاتىن نەمەسە مانەرلەۋ بارىسىندا تۋىلعان ساپالىق كەمىستىگىن جاسىرۋ، ياكي، باسقا زات ارالاستىرۋ، جالعان زات ارالاستىرۋ، جالعاننان جاساۋ ماقساتىندا ازىق – تۇلىك قوسپاسىنان پايدالانۋىنا بولمايدى. سونىمەن بىرگە، اس – سۋ سالاسىندا قىزمەت وتەۋشىلەردى تۇتىنۋشىلارعا ازىق – تۇلىك قوسپاسىن جۇيەلى پايدالاناتىنى جونىندە ۋادە بەرۋگە، ازىق – تۇلىك قوسپاسىنان پايدالانۋ جاعدايىن اشىق جاريالاۋعا شابىتتاندىرۋ كەرەك.

  «پىكىر الىناتىن نۇسقادا» مىنالار ورتاعا قويىلعان: جەر – جەردەگى بازاردى باقىلاۋ – باسقارۋ تاراۋلارى اس – سۋ سالاسىندا قىزمەت وتەۋشىلەردى ازىق – تۇلىك حاۋىپسىزدىگى جاعىنداعى نەگىزگى تۇلعالىق جاۋاپكەرشىلىگىن تياناقتاندىرۋعا، وسى ۇقتىرۋداعى تالاپتاردى قاتاڭ اتقارۋعا، ازىق – تۇلىك قوسپاسىن باسقارۋدى جۇيەگە تۇسىرۋگە قۋزاۋى كەرەك. اس – سۋ سالاسىندا قىزمەت وتەۋ تۇيىنىنە باقىلاۋ – تەكسەرۋ جۇرگىزۋ مەن ۇلگى الىپ تەكسەرۋ جۇرگىزۋدى كۇشەيتىپ، ازىق – تۇلىك قوسپاسىن كولەمنەن ارتىق، مولشەردەن ارتىق پايدالانعانداردىڭ بارلىعىن «جۇڭحۋا حالىق رەسپۋبليكاسىنىڭ ازىق – تۇلىك حاۋىپسىزدىگى زاڭىنىڭ» 124 – تارماعىنداعى بەلگىلەمە بويىنشا انىقتاپ ءبىرجاقتى ەتۋى كەرەك. قىلمىس كۇمانىن تۋدىرعانداردى تۇگەلدەي قوعام حاۋىپسىزدىگى ورگاندارىنا جوتكەپ بەرۋ كەرەك.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار