شينجياڭنىڭ ％95 ەگىستىك جەرى ورمان تورابىمەن قورعالدى

2022.11.15 15:09 كەلۋ قاينارى : ءتاڭىرتاۋ تورابى

كوشىرۋ

باسىپ شىعارۋ

لەبىز جازۋ

　　انار بۇلت \ شينجياڭ گازەتىنىڭ ءتىلشىسى ساۋ حۋا 11 - ايدىڭ 13 - كۇنى ۇرىمجىدەن حابارلايدى. قازىر قابا اۋدانى ساربۇلاق قالاشىعىنىڭ بوراننان ساقتانىپ، قۇمدى تىزگىندەۋ ىقتاسىن ورمانى ينجەنەرياسىنىڭ جۇمىس باسىندا جۇمىسشىلار دابىرالى تۇردە شىرعاناق كوشەتىن وتىرعىزۋمەن قاربالاس بولىپ جاتىر. كوپ ۇزاماي بۇل ارادا ءبىر جاسىل قالتقى ورناپ، توڭىرەگىندەگى ەگىنجايلاردى، جايلىمداردى قورعايتىن بولادى.

　　ءتىلشىنىڭ اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىنشا، 1978 - جىلى ەلىمىز ”ءۇش تەرىستىك“ ىقتاسىن ورمانى ينجەنەرياسى قۇرىلىسىن باستاعان 44 جىلدان بەرى، شينجياڭدا جيىنى 75 ميلليون 538 مىڭ 400 مۋ ورمان وتىرعىزىلىپ، تيانشان الابىنداعى ％95 ەگىستىك جەر ورمان تورابىنىڭ قورعاۋىنا يە بولىپ، ەگىن، مال شارۋاشىلىعى ءوندىرىس شارت - جاعدايى، ەكولوگيالىق ورتا كورنەكتى جاقسارعان.

　　”ءۇش تەرىستىك“ ىقتاسىن ورمانى ينجەنەرياسى قۇرىلىسى ورىستەتىلگەننەن بەرى، شينجياڭ اقسۋ ايماعىنىڭ كوكيار شولەيتتى ءوڭىرىن جاسىلداندىرۋ ينجەنەرياسى، ءۇرىمجى قالاسىنىڭ تاقىر تاۋلارىن جاسىلداندىرۋ ينجەنەرياسى، تارباعاتاي ايماعىنىڭ سارعۋسىن جەل وتىنە ورمان وتىرعىزىپ جاسىلداندىرۋ ينجەنەرياسى، بايىنعولين موڭعۇل اۆتونوميالى وبلىسى كورلا قالاسىنىڭ شىعىس تاۋلارىن جاسىلداندىرۋ ينجەنەرياسى، ىلە قازاق اۆتونوميالى وبلىسىنىڭ ميلليون مۋلىق ەكولوگيالىق، ەكونوميكالىق ورمان قۇرىلىسى ينجەنەرياسى سياقتى ءبىر توپ ورمان شارۋاشىلىعى بويىنشا ەكولوگيانى وڭالتۋ ينجەنەرياسى جوسپارلانىپ اتقارىلىپ، ورماننىڭ، جايلىمنىڭ وسىمدىك جامىلعىسىمەن قامتىلۋ دەڭگەيى مەن ورمانمەن كومكەرىلۋ مولشەرىن ونان ارى جوعارىلاتىپ، جەردىڭ شولەيتتەنۋىنەن، قۇمايتتانۋىنان ءونىمدى ساقتاندى جانە تەجەدى. مەملەكەتتىك 6 - رەتكى شولەيتتەنۋ مەن قۇمايتتانۋدى باقىلاۋ - ولشەۋ ناتيجەسىنەن قاراعاندا، شينجياڭنىڭ قۇمايتتانعان جانە شولەيتتەنگەن جەر اۋدانى تۇڭعىش رەت ”ەكى جاعىنان بىردەي كەمەيۋدى“ جۇزەگە اسىرعان.

　　قازىر شينجياڭنىڭ ەگىنجاي ىقتاسىن ورمانى قۇرىلىسىنىڭ جەر اۋدانى 4 ميلليون 280 مىڭ مۋعا جەتىپ، 12 ايماق، وبلىس، قالا، 82 اۋدان (قالا) ەگىنجايدى ورمانمەن كومكەرۋدى نەگىزىنەن جۇزەگە اسىپ، 45 اۋدان (قالا) ەگىنجايدى ورمانمەن كومكەرۋ نەگىزىندە جازىقتاردى جاسىلداندىرۋدى ولشەمگە جەتكىزدى، شينجياڭ ەگىنجاي ىقتاسىن ورمانىن، بوراننان ساقتانىپ، قۇمدى تىزگىندەۋ سيپاتتى كولەمدى نەگىزگى ورمان بەلدەۋىن جانە تابيعي شولەيت ورمانىن نەگىزگى تۇلعا ەتكەن جاسىل القاپتى كەشەندى ىقتاسىن ورمانى جۇيەسىن العاشقى ادىمدا قالىپتاستىرىپ، بوران شاڭ - توزاڭى، تومەن تەمپەراتۋرالى ۇسىك اپاتى سياقتى سۇركەيلى شارت - جاعدايدىڭ اۋىل شارۋاشىلىعىنا ىقپالىن اسا زور دەڭگەيدە ازايتىپ، اۋىل شارۋاشىلىعىندا ءونىمدى مولايتىپ، كىرىستى ارتتىرۋدى جەبەدى.

　　سوڭعى جىلدارى، ”ءۇش تەرىستىك“ ىقتاسىن ورمانى سياقتى ءتۇيىندى ينجەنەريالاردىڭ ارقاسىندا شينجياڭنىڭ جەمىس ورمانى شارۋاشىلىعى قاۋىرت دامىدى. 2021 - جىلى بۇكىل رايوننىڭ جەمىس ورمانىنىڭ ەگىلگەن جەر اۋدانى 18 ميلليون 500 مىڭ مۋعا (بيڭتۋان قامتىلمايدى) جەتتى، جىلىنا 8 ميلليون 640 مىڭ توننا جەمىس ونىمدەرى ءوندىرىلىپ، جەمىس ورمانى شارۋاشىلىعى شينجياڭنىڭ اۋىل شارۋاشىلىعى قۇرىلىمىن رەتتەۋدەگى، ساپالىلاندىرۋداعى، اۋىل - قىستاق شارۋاشىلىعىن شالقىتۋداعى، شارۋالاردىڭ كىرىسىن ارتتىرۋدى جەبەۋدەگى ماڭىزدى كاسىپ سالاسىنا اينالدى.

جاۋاپتى رەداكتورى : نۇرعيسا قۇرمانجان ۇلى

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved