شينجياڭنىڭ بانكە سالاسى ىندەت كەزىندە 23 ميلليارد يۋاننان استام قارىز اقشا نەگىزگى سوماسىنىڭ قايتارىلۋ ۋاقىتىن ۇزارتتى
15 مىڭ 707 ءار ءتۇرلى كاسىپورىنعا تيىمدىلىك جەتكىزدى
2022.11.15 15:11 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 11 - ايدىڭ 13 - كۇنى ۇرىمجىدەن حابارلايدى. شينجياڭ بانكە - قامسىزداندىرۋ ىستەرىن باقىلاۋ - باسقارۋ مەكەمەسىنەن ۇعىسۋىمىزشا، 8 - ايدىڭ 10 - كۇنىنەن 10 - ايدىڭ سوڭىنا دەيىن قاراستى بانكە سالاسى مەن فينانس قۇرىلىمدارى ورتا، شاعىن، ۇساق كاسىپورىندار، جەكە ساۋدا - ونەركاسىپشىلەر جانە جۇك اۆتوموبيلى شوفەرلارى العان 23 ميلليارد 247 ميلليون يۋان قارىز اقشا نەگىزگى سوماسىنىڭ قايتارىلۋ ۋاقىتىن ۇزارتقان، بۇل بيىل الدىڭعى 7 ايداعى جالپى سوماعا تەڭ بولعان؛ 15 مىڭ 707 ءار ءتۇرلى كاسىپورىنعا تيىمدىلىك جەتكىزگەن، بۇل بيىل الدىڭعى 7 ايداعى جالپى سومانىڭ 88. 1 ەسەسىنە تەڭ بولعان.
8 - ايدىڭ 10 - كۇنىنەن 10 - ايدىڭ سوڭىنا دەيىن شينجياڭنىڭ بانكە سالاسى 501 ميلليون يۋان ءوسىم سوماسىنىڭ تولەنۋ ۋاقىتىن ۇزارتقان، بۇل الدىڭعى 7 ايداعى جالپى سومانىڭ 65. 1 ەسەسىنە تەڭ بولعان؛ 5524 ءار ءتۇرلى كاسىپورىنعا تيىمدىلىك جەتكىزدى، بۇل الدىڭعى 7 ايداعى جالپى سومانىڭ 84. 5 ەسەسىنە تەڭ بولعان.
جەكە كاسىپكەر جاڭ يۇنليان ءۇرىمجى قالاسى شياۋشيمىن ساۋدا شەڭبەرىندە كيىم - كەشەك دۇكەنىن اشادى، ونىڭ 2 جىلدىڭ الدىندا ءۇرىمجى بانكەسىنەن ءوتىنىش ەتىپ العان 500 مىڭ يۋان قارىز اقشاسىنىڭ قايتارىلۋ ۋاقىتى 11 - ايدىڭ 11 - كۇنى تولادى ەكەن. ءبىر ايدىڭ الدىندا ءۇرىمجى بانكەسىنىڭ كليەنت ديرەكتورى ىرىقتىلىقپەن ونىمەن حابارلاسىپ، قارىز قايتارۋ ۋاقىتىن ۇزارتۋدى قاجەت ەتەتىن - ەتپەيتىنىن سۇرايدى. 11 - ايدىڭ 1 - كۇنى جاڭ يۇنليان بانكەنىڭ كليەنت ديرەكتورىنا تەلەفون شالىپ، قارىز قايتارۋ ۋاقىتىن ۇزارتۋدى ءوتىنىش ەتەدى، ءوتىنىشى كەلەسى كۇنى بەكىتىلەدى.
جۇڭگو بانكە - قامسىزداندىرۋدى باقىلاۋ - باسقارۋ كوميتەتىنىڭ «ىندەت ىقپالىنان قيىنشىلىقتا قالعان كاسىپتەر، كاسىپورىندار قاتارلىلارعا فينانستىق قىزمەت وتەۋدى اناعۇرلىم ويداعىداي ىستەۋ جونىندەگى حابارلاندىرۋ» تالابىنا ساي، جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالىپ شيپاحاناعا جاتىپ ەمدەلگەن نەمەسە اۋاشالانعان، ىندەت ىقپالىنان اۋاشالانىپ باقىلانعان نەمەسە كىرىس كوزىنەن ايرىلعان قاۋىم جونىندە، ساۋدا بانكەسى قاتارلى فينانس قۇرىلىمدارى ولاردىڭ جەكە تۇرعىن ءۇي، تۇتىنۋ سياقتىلار ءۇشىن العان قارىز اقشانى قايتارۋ ۋاقىتىن ۇيلەسىمدى ۇزارتۋ، قارىز اقشا مەرزىمىن ۇزارتۋ، قارىز اقشانىڭ نەگىزگى سوماسىنىڭ قايتارىلۋ ۋاقىتىن ۇزارتۋ سياقتى تاسىلدەردى يكەمدى قولدانىپ، قارىز قايتارۋ جوسپارىن رەتتەدى. ساۋدا بانكەسى قاتارلى فينانس قۇرىلىمدارى بازارلاندىرۋ پرينسيبىنە ساي، جەكە ساۋدا - ونەركاسىپشىلەرمەن جانە ورتا، شاعىن، ۇساق كاسىپورىندارمەن (ورتا، شاعىن، ۇساق كاسىپورىندار يەسى قامتىلادى) وزدەرى كەڭەسىپ، ولاردىڭ قارىز اقشاسىنىڭ نەگىزگى سوماسى مەن ءوسىمىن كەشىكتىرىپ قايتارۋ ساياساتىن اتقارىپ، ۇزارتۋعا تيىستىلەرىن مۇمكىندىگىنشە ۇزارتۋدى قۇلشىنا ورىندادى.
ساياساتتىڭ تياناقتانۋ سەرپىنىن ارتتىرۋ ءۇشىن، بانكە سالاسى، فينانس قۇرىلىمدارى پورتال سايتى، قول تەلەفون APPى، ۋيشين الەۋمەتتىك ءنومىرى سياقتى ارنالارمەن فينانس ارقىلى قيىنشىلىقتان ارىلتۋ ساياساتىن ۇگىتتەپ، قيىنشىلىقتان ارىلتۋ فينانستىق ونىمدەرىن تانىستىرىپ، كليەنتتەرگە ”ساۋساقتاعى بانكە“، ”الاقانداعى بانكە“ سياقتى ينتەرنەت ارناسىمەن سەنىمدى قارىز ءوتىنىش ەتۋ قولايلىلىعىن، قولجەتىمدىلىگىن جوعارىلاتۋعا جەتەكشىلىك ەتتى.
وسى رەتكى ىندەت تۋىلعاننان بەرى، شينجياڭ بانكە - قامسىزداندىرۋدى باقىلاۋ - باسقارۋ مەكەمەسى دەر كەزىندە تىنىش كۇيدە باسقارۋ مەزگىلىندەگى تۇتىنۋشىلاردىڭ ۇقىق - مۇددەسىن قورعاۋ مەحانيزمىن تاباندا ورناتىپ، رەسمي سايتتا بانكە قۇرىلىمىنىڭ قىزمەت وتەۋ ىستىق لەنياسىن ەكى توپتاجاريالاپ، ءارقايسى بانكەنىڭ ىندەت كەزىندەگى قىزمەت وتەۋ ىستىق لەنياسىنىڭ قابىلداۋ احۋالىن اپتا سايىن ورنالاستىرىپ، ۇيلەسىمدى ۋاقىتتا ينتەرنەت جەلىسىندە ورنالاستىرۋ جيىنىن اشىپ، ءارقايسى بانكە، قامسىزداندىرۋ قۇرىلىمدارىنان تۇلعالىق جاۋاپكەرشىلىكتى تياناقتاندىرۋدى تالاپ ەتىپ، شاعىم بەرۋ ىستىق لەنياسىن ۋاقىتشا اۋىستىرۋ، ينتەرنەت جەلىسىندە شاعىم بەرۋ ارناسىن كۇشەيتۋ سياقتى تاسىلدەر ارقىلى تۇتىنۋشىلاردىڭ تالاپ - تىلەگىن ايتۋىنا جانە شەشۋ ارناسىنىڭ ىركىلىسسىز بولۋىنا كەپىلدىك ەتتى.
سونىمەن قاتار، شينجياڭ بانكە - قامسىزداندىرۋدى باقىلاۋ - باسقارۋ مەكەمەسىنىڭ ءارقايسى باسقارما، كەڭسە جاۋاپتىلارى مەن كاسىپتىك تىرەكتى قىزمەتكەرلەر مەكەمە - ورىندارىنان تاپجىلماي، بۇقارانىڭ ءۇنىن ەستيتىن ادام بولۋىنا، ماسەلە تۋىلعاندا باسقاراتىن ادام بولۋعا، قيىنشىلىق بولعاندا كومەكتەسەتىن ادام بولۋعا شىنايى كەپىلدىك ەتىپ، تەلەفون بەرۋ، ينتەرنەت جەلىسى سياقتى ارنالار ارقىلى تۇتىنۋشىلاردىڭ كەڭەس سۇراۋ، كومەك سۇراۋ، شاعىم ايتۋ ىستەرىنە جاۋاپ قايتاردى.
شينجياڭ بانكە - قامسىزداندىرۋدى باقىلاۋ - باسقارۋ مەكەمەسىنىڭ ورىنباسار باستىعى حۋاڭ فۋنيڭ مىنالاردى ءبىلدىردى: قاراستى بانكە، قامسىزداندىرۋ قۇرىلىمدارى ساياسات تالابىنا ساي، تۇتىنۋشىلاردىڭ ۇيلەسىمدى تالاپ - تىلەگىن بەلسەنە قاناعاتتاندىرىپ ءارى قاتىستى ءتۇسىندىرۋ، ناقتاپ ۇعىندىرۋ قىزمەتىن ويداعىداي ىستەپ، كۇدىكتى، قيىن، كۇردەلى شاعىمدارعا قاراتا، ءبىر كليەنتكە ءبىر ساياسات اتقارىپ، ”تويتارا سالۋدان“ ساقتاندى، قازىر تۇتىنۋشىلاردىڭ بەرگەن شاعىمدارى تۇگەلدەي دەر كەزىندە ۇيلەسىمدى ءبىر جاقتى ەتىلدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
