شي جينپيڭ ا ق ش - تىڭ زۇڭتۇڭى بايدەنمەن بالي ارالىندا كەزدەسۋ وتكىزدى
2022.11.15 16:13 كەلۋ قاينارى : حالىق تورابى
سول جەر ۋاقىتى بويىنشا 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ يندونەزيانىڭ بالي ارالىندا ا ق ش - نىڭ زۇڭتۇڭى بايدەنمەن كەزدەسۋ وتكىزدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
«حالىق گازەتى»، 11 – ايدىڭ 14 – كۇنى يندونەزيا بالي ارالى (تىلشىلەر دۋ شاڭزى، ۋاڭ يۇنسۇڭ). سول جەر ۋاقىتى بويىنشا 11 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ يندونەزيانىڭ بالي ارالىندا ا ق ش - نىڭ زۇڭتۇڭى بايدەنمەن كەزدەسۋ وتكىزدى. ەكى ەل باسشىلارى جۇڭگو - ا ق ش قارىم - قاتىناسىنداعى ستراتەگيالىق ماسەلەلەر، سونداي - اق كەلەلى دۇنيە جۇزىلىك جانە وڭىرلىك ماسەلەلەر جونىندە بۇكپەسىز، ىشكەرىلەي كوزقاراس الماستىردى.
شي جينپيڭ بىلاي دەپ اتاپ كورسەتتى: قازىر جۇڭگو - ا ق ش قارىم - قاتىناسى ءدوپ كەلگەن جاعداي ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسپەيدى، حالىقارالىق قوعامنىڭ تىلەگىنە دە ۇيلەسپەيدى. جۇڭگو مەن ا ق ش تاريحقا، دۇنيە جۇزىنە، حالىققا جاۋاپتى بولۋ پوزيتسياسىمەن جاڭا داۋىردەگى ەكى ەلدىڭ دۇرىس قارىم - قاتىناس جولىن قاراستىرىپ، ەكى ەل قارىم - قاتىناسى دامۋىنىڭ دۇرىس بەتالىسىن تاۋىپ، جۇڭگو - ا ق ش قارىم - قاتىناسىنىڭ اقاۋسىز، ورنىقتى دامۋ ارناسىنا قايتا ورالۋىن ىلگەرىلەتىپ، ەكى ەلگە باقىت جاراتىپ، دۇنيە جۇزىنە تيىمدىلىك جەتكىزۋى كەرەك.
شي جينپيڭ جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ نەگىزگى جاعدايىن جانە ماڭىزدى جەتىستىكتەرىن تانىستىرا كەلىپ، بىلاي دەپ اتاپ كورسەتتى: جۇڭگو پارتياسى مەن ۇكىمەتىنىڭ ىشكى - سىرتقى ساياساتتارى اشىق، جاريالى، ستراتەگيالىق ماقساتى بۇكپەسىز بولىپ، وسكەلەڭ ۇلاسپالىلىق پەن ورنىقتىلىقتى ساقتاپ كەلەدى. ءبىز جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز ىسكە اسىرۋدى شىعار ءتۇيىن ەتىپ، رەفورما جاساپ، ەسىك اشۋدى تاباندىلىقپەن جۇرگىزىپ، اشىق ۇستالعان دۇنيە ءجۇزى ەكونوميكاسىن قۇرۋدى ىلگەرىلەتتىك. جۇڭگو دەربەس، ءوز - وزىنە قوجايىن بولۋ سىندى بەيبىت ديپلوماتيالىق ساياساتتى ۇزدىكسىز باتىل اتقارىپ، باستان - اياق ءىستىڭ ناق ءوزىنىڭ دۇرىس - بۇرىستىعىنا قاراي ۇستاناتىن مايدان جانە پوزيتسيا بەلگىلەپ، سۇحباتتاسىپ كەڭەسۋدى، داۋ - شاردى بەيبىت شەشۋدى دارىپتەپ، دۇنيە جۇزىلىك سەرىكتەستىك قاتىناستى تەرەڭدەتتى جانە كەڭەيتتى، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتتى، جۇڭگو بەيبىت دامۋدا، اشىق ۇستالعان دامۋدا، ورتاق يگىلىكتەنەتىن دامۋدا تاباندى بولىپ، دۇنيە جۇزىلىك دامۋعا ات سالىسۋشى، ىلگەرىلەتۋشى بولىپ، ءار ەلمەن بىرگە ورتاق دامۋدى جۇزەگە اسىرۋدا.
شي جينپيڭ مىنالاردى اتاپ كورسەتتى: دۇنيە ءجۇزى كەلەلى تاريحي بۇرىلىس كەزەڭىندە تۇر، ءار ەل بۇرىن بولىپ كورمەگەن سىن - سايىسقا ءدوپ كەلۋمەن بىرگە، بۇرىن بولىپ كورمەگەن ورايدى دا مىقتى يگەرۋى كەرەك بولىپ وتىر. ءبىز جۇڭگو - اق ش قارىم - قاتىناسىنا وسىنداي بيىك تۇرعىدان مامىلە جاساۋىمىز جانە ءبىر جاقتى ەتۋىمىز كەرەك. جۇڭگو مەن ا ق ش قارىم - قاتىناسى «سەن ۇتىلىپ، مەن ۇتامىن، سەن قۇلدىراپ، مەن گۇلدەنەمىن» دەيتىن نولدىك سايىس بولماۋى كەرەك، جۇڭگو مەن ا ق ش - نىڭ ءوز ەلدەرىنىڭ تابىسقا جەتۋى ءبىر - بىرىنە سايىس بولماۋى، وراي جاراتۋى كەرەك. ۇلان - اسىر جەر شارى جۇڭگو مەن ا ق ش - نىڭ وزىندىك دامۋىنا، ورتاق كوركەيتىپ - گۇلدەنۋىنە بۇكىلدەي جەتكىلىكتى. ەكى جاق قارسى جاقتىڭ ىشكى - سىرتقى ساياساتى مەن ستراتەگيالىق ماقساتىنا دۇرىس مامىلە جاساۋى كەرەك، قارسىلاسپاۋ، قايتا پىكىرلەسۋ، ەكى جاعى تەڭ پايداعا كەنەلۋ، استە نولدىك سايىس جاريالاماۋ سىندى قاتىناس نەگىزگى ارناسىن ورناتۋى كەرەك. مەن زۇڭتۇڭ مىرزانىڭ «تورتكە ۇرىنباۋعا» قاتىستى لەبىزىنە ايرىقشا ءمان بەرەمىن. جۇڭگو بۇرىننان قازىرگى حالىقارالىق ءتارتىپتى وزگەرتۋگە ۇرىنعان ەمەس، ا ق ش - نىڭ ىشكى ىسىنە كيلىكپەيدى، ا ق ش – نا سايىس جاريالاۋ جانە ورنىن باسىپ الۋ نيەتى جوق. ەكى جاق ءوزارا قۇرمەت ەتۋدە، بەيبىت قاتار تۇرۋدا، سەلبەسە ورتاق يگىلىكتەنۋدە تاباندى بولىپ، جۇڭگو - ا ق ش قارىم - قاتىناسىنىڭ دۇرىس بەتالىسپەن العا ىلگەرىلەۋىنە بىرگە كەپىلدىك ەتۋى كەرەك، باعىتتان اۋىتقۋعا، جۇگەنسىز كەتۋگە بولمايدى، قاقتىعسۋعا ءتىپتى دە بولمايدى. حالىقارالىق قاتىناستىڭ نەگىزگى ولشەمىنە جانە جۇڭگو مەن ا ق ش - نىڭ ءۇش بىرلەسكەن مازمۇنداماسىنا بويسۇنۋ كەرەك، بۇل − ەكى جاقتىڭ قايشىلىق پەن الاۋىزدىقتى مەڭگەرۋىنىڭ، قارسىلاسۋ مەن قاقتىعىستان ساقتانۋىنىڭ تەتىگى ءارى جۇڭگو - ا ق ش قارىم - قاتىناسىنىڭ ەڭ ماڭىزدى قورعانۋ جانە حاۋىپسىزدىك تورى بولىپ تابىلادى.
شي جينپيڭ تايۋان ماسەلەسىنىڭ توركىنىن جانە جۇڭگو جاقتىڭ پرينسيپتىك تۇرعىسىن جۇيەلى پايىمدادى. شي جينپيڭ مىنالاردى دارىپتەدى: تايۋان ماسەلەسى − جۇڭگونىڭ وزەكتى مۇددەسىنىڭ وزەگى، جۇڭگو - ا ق ش قارىم - قاتىناسىنىڭ ساياسي نەگىزىنىڭ نەگىزى، جۇڭگو - ا ق ش قارىم - قاتىناسىندا اتتاپ وتۋگە بولمايتىن ءبىرىنشى قىزىل سىزىق. تايۋان ماسەلەسىن شەشۋ − جۇڭگولىقتاردىڭ ءوز ءىسى، جۇڭگونىڭ ىشكى ءىسى. وتاننىڭ تۇتاستىعى مەن تەرريتوريا تۇتاستىعىن قورعاۋ − جۇڭگو حالقى مەن جۇڭحۋا ۇلتىنىڭ ورتاق تىلەگى. ءارقانداي ادامنىڭ تايۋاندى جۇڭگودان ءبولىپ اكەتۋدى ويلاۋى جۇڭگونىڭ ۇلتتىق ادىلەتتىلىگىنە قايشى، جۇڭگو حالقى بۇعان استە جول بەرمەيدى! ءبىز تايۋان بۇعازىنىڭ بەيبىتشىلىگى مەن ورنىقتىلىعىن كورۋدى ءۇمىت ەتەمىز ءارى وسىلاي بولۋىنا باستان - اياق كۇش سالامىز، ءبىراق «تايۋاندى دەربەستەندىرۋشىلەر» تايۋان بۇعازىنىڭ بەيبىتشىلىگىمەن جانە ورنىقتىلىعىمەن وت پەن سۋداي وتاسپاي كەلەدى. ا ق ش - نىڭ ءسوزى مەن ارەكەتى بىردەي بولىپ، ءبىر جۇڭگو ساياساتىنان جانە جۇڭگو مەن ا ق ش - نىڭ ءۇش بىرلەسكەن مازمۇنداماسىنان جازباۋىن ءۇمىت ەتەمىن. زۇڭتۇڭ مىرزا «تايۋاندى دەربەستەندىرۋدى» قولدامايمىز، تايۋاندى جۇڭگومەن باسەكەلەسۋدىڭ نەمەسە جۇڭگونى شاۋجايلاۋدىڭ قۇرالى ەتپەيمىز دەپ تالاي رەت ايتقان ەدى. ا ق ش جاقتىڭ زۇڭتۇڭ مىرزانىڭ ۋادەسىن شىنايى تياناقتاندىرۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: ەركىندىك، دەموكراتيا، ادامدىق ۇقىق − ادامزاتتىڭ ورتاق تالپىنىسى ءارى جۇڭگو كوممۋنيستىك پارتياسىنىڭ دايەكتى تالپىنىسى. ا ق ش - ندا ا ق ش ۇلگىسىندەگى دەموكراتيا بار، جۇڭگودا جۇڭگو ۇلگىسىندەگى دەموكراتيا بار، ءبارى دە ءوز ەلىنىڭ مەملەكەت جاعدايىنا ۇيلەسەدى. جۇڭگونىڭ جالپى بارىستىق حالىق دەموكراتياسى جۇڭگونىڭ مەملەكەت جاعدايى مەن تاريحي مادەنيەتىن نەگىز ەتىپ، حالىقتىڭ تىلەگىن ايگىلەدى، ءبىز مۇنى ماقتانىش ەتەمىز. ءارقانداي ەلدىڭ دەموكراتيالىق ءتۇزىمى ەڭ مۇلتىكسىز بولۋى مۇمكىن ەمەس، ۇزدىكسىز دامۋدى، كەمەلدەندىرۋدى قاجەت ەتەدى. ەكى جاقتىڭ ناقتى الاۋىزدىقتاردى شەشۋ جونىندە ىزدەنىس جاساۋىنا بولادى، ونىڭ العى شارتى تەڭ تۇرعىدا اۋىس - كۇيىس جاساۋ بولۋ كەرەك. ايتىلمىس «دەموكراتيالىق قارسىلاسۋ ۇقىعى» بۇگىنگى دۇنيە ءجۇزىنىڭ ەرەكشەلىگى ەمەس، ءداۋىردىڭ دامۋ اعىمىنا ءتىپتى دە ۇيلەسپەيدى.
شي جينپيڭ مىنالاردى اتاپ كورسەتتى: ا ق ش كاپيتاليزممەن شۇعىلدانادى، جۇڭگو سوتسياليزممەن شۇعىلدانادى، ەكى جاق ۇقساماعان جولمەن جۇرەدى. مۇنداي ۇقساماستىق بۇگىنگى تاڭدا عانا ەمەس، بۇدان بىلاي دا ءومىر سۇرە بەرەدى. جۇڭگو كوممۋنيستىك پارتياسىنىڭ باسشىلىعى مەن جۇڭگونىڭ سوتسياليستىك ءتۇزىمىنىڭ ءبىر ميلليارد 400 ميلليون حالىقتىڭ قولداپ - قۋاتتاۋىنا يە بولۋى − جۇڭگونىڭ دامۋى مەن ورنىقتىلىعىنىڭ ءتۇبىرلى كەپىلى. جۇڭگو مەن ا ق ش - نىڭ تاتۋ - ءتاتتى وتۋىندە ەڭ ماڭىزدىسى وسى ۇقساماستىقتى مويىنداۋى، وسى ۇقساماستىققا قۇرمەت ەتۋى كەرەك، ءبىرىڭعايلىققا زورلانىپ، قارسى جاقتىڭ ءتۇزىمىن وزگەرتۋگە، ءتىپتى اۋدارىپ تاستاۋعا ۇرىنباۋ كەرەك. ا ق ش جاق قاتىستى ۋادەسىن ناقتى ارەكەتپەن ايگىلەۋى كەرەك، ايتقانى مەن ىستەگەنى ەكى باسقا بولماۋعا ءتيىس.
شي جينپيڭ مىنالاردى دارىپتەدى: جۇڭگو مەن ا ق ش − تاريحى، مادەنيەتى، قوعامدىق ءتۇزىمى، دامۋ جولى ۇقسامايتىن ەكى ءىرى ەل، بۇرىن پارىقتار مەن الاۋىزدىقتار بولىپ كەلگەن، بۇدان كەيىن دە بولادى، ءبىراق بۇل جۇڭگو - ا ق ش قارىم - قاتىناسىنىڭ دامۋىنا كەدەرگى بولماۋعا ءتيىس. ءارقانداي كەزدە دۇنيە جۇزىندە باسەكە بولادى، ءبىراق باسەكەدە ءوزارا اينا ەتۋ، ءوزارا قۋىپ جەتۋ، ورتاق العا باسۋ كەرەك، استە مەن ۇتام، سەن ۇتىلاسىڭ، مەن قالامىن، سەن قۇريسىڭ دەسپەۋ كەرەك. جۇڭگو تالىقپاي تالپىناتىن داڭقتى داستۇرگە يە، سوققى بەرۋ مەن تەجەۋ اتاۋلى جۇڭگو حالقىنىڭ ەركى مەن ىنتاسىن ونان ارى تاسقىنداتادى. ساۋدا سوعىسىن، عىلىم - تەحنيكا سوعىسىن جۇرگىزۋ، قولمەن «قورعان جاساۋ»، «قول ءۇزىپ، تىزبەكتى بۇزۋعا» جان سالا ۇرىنۋ بازار شارۋاشىلىعى پرينسيبىنە بۇكىلدەي قايشى، حالىقارالىق ساۋدا ەرەجەسىن بۇلدىرەدى، بۇل وزگەنى زيانداۋمەن بىرگە، وزىنە دە ءتيىمسىز. ءبىز ەكونوميكا - ساۋدا، عىلىم - تەحنيكا اۋىس - كۇيىسىن ساياسيلاندىرۋعا، قارۋعا اينالدىرۋعا قارسى تۇرامىز. قازىرگى جاعدايدا جۇڭگو مەن ا ق ش - نىڭ ورتاق مۇددەسى ازايعان جوق، قايتا كوبەيە تۇسەدى. جۇڭگو مەن ا ق ش - نىڭ قاقتىعىسپاۋى، قارسىلاسپاۋى، بەيبىت قاتار تۇرۋى − ەكى ەلدىڭ ەڭ نەگىزگى ورتاق مۇددەسى. جۇڭگو مەن ا ق ش - نىڭ ەكونوميكاسى ىشكەرىلەي توعىسىپ، جاڭا دامۋ مىندەتىنە ءدوپ كەلىپ وتىر، قارسى جاقتىڭ دامۋىنان يگىلىكتەنۋگە تۋرا كەلەدى، بۇل دا − ورتاق مۇددە. دۇنيە جۇزىلىك ەكونوميكادا ىندەتتەن كەيىنگى قايتا جاندانۋ، كليمات وزگەرىسىنە توتەپ بەرۋ، وڭىرلىك قولامتالى ماسەلەلەردى شەشۋ دە جۇڭگو مەن ا ق ش - نىڭ سايكەسۋىنەن، سەلبەسۋىنەن ايرىلا المايدى، بۇل دا ورتاق مۇددە بولىپ وتىر. ەكى جاق ءوزارا قۇرمەتتەپ، ءوزارا پايدا جەتكىزىپ، جالپىلىقتى كوزدە ۇستاپ، ەكى جاقتىڭ سەلبەستىگىنە جاقسى ورتا جانە ورنىقتى قارىم - قاتىناس ازىرلەۋى كەرەك.
بايدەن مىنالاردى ءبىلدىردى: ءتوراعا شي جينپيڭمەن تانىسقانىما كوپ جىل بولدى، ۇنەمى پىكىر الماستىرىپ كەلەمىن، ءبىراق مۇنداي تانىستىق قايتكەن كۇندە دە بەتپە - بەت كەزدەسۋدىڭ ورنىن باسا المايدى. ءسىزدىڭ ج ك پ ورتالىق كوميتەتىنىڭ باس شۋجيلىگىنە تاعى دا سايلانعانىڭىزدى قۇتتىقتايمىن. ا ق ش پەن جۇڭگو ەكى ءىرى ەل رەتىندە سىندارلى قاتىناستى جالعاستىرۋعا مىندەتتى. ا ق ش ەكى ەل باسشىلارىنىڭ جانە ۇكىمەتتىڭ ءار دارەجەلى بايلانىس ارنالارىنىڭ ىركىلىسسىزدىگىن جالعاستىرۋعا كۇش سالىپ، ەكى جاقتىڭ الاۋىزدىعى بار ماسەلەلەرى جونىندە بۇكپەسىز پىكىرلەسىپ، كليمات وزگەرىسى، استىق حاۋىپسىزدىگى سياقتى ماڭىزدى دۇنيە جۇزىلىك سىن - سايىسقا توتەپ بەرۋ ءۇشىن قاجەتتى سەلبەستىكتى كۇشەيتىپ، شەشۋشى رول اتقارادى. بۇل ا ق ش، جۇڭگو ەكى ەل جانە ەكى ەل حالىقتارى جونىنەن توتەنشە ماڭىزدى، بۇكىل دۇنيە ءجۇزى جونىنەن دە توتەنشە ماڭىزدى. مىنانى قايتالاي دارىپتەگىم كەلەدى: ورنىقتى جانە دامىعان جۇڭگو ا ق ش - نىڭ جانە دۇنيە ءجۇزىنىڭ مۇددەسىنە ۇيلەسەدى. ا ق ش جۇڭگونىڭ تۇزىلىسىنە قۇرمەت ەتەدى، جۇڭگونىڭ ءتۇزىلىسىن وزگەرتۋگە ۇرىنبايدى، «جاڭا قىرعي قاباقتىققا» سالىنبايدى، وداقتاستىق قاتىناستى كۇشەيتۋ ارقىلى جۇڭگوعا قارسى تۇرمايدى، «تايۋاندى دەربەستەندىرۋدى» قولدامايدى، «ەكى جۇڭگونى»، «ءبىر جۇڭگو، ءبىر تايۋاندى» دا قولدامايدى، جۇڭگومەن قاقتىعىسىپ قالۋدى قالامايدى. ا ق ش جاقتىڭ جۇڭگودان «قول ءۇزۋ» ويى جوق، جۇڭگو ەكونوميكاسىنىڭ دامۋىنا كەدەرگىلىك جاساۋ ويى جوق، جۇڭگونى قورشاپ قۇرساۋلاۋ ويى جوق.
بايدەن مىنالاردى ءبىلدىردى: ا ق ش - جۇڭگو قارىم - قاتىناسىنىڭ قالاي دامۋى بولاشاقتاعى دۇنيە ءجۇزىنىڭ بەتالىسى جونىنەن توتەنشە ماڭىزدى. ا ق ش پەن جۇڭگو وزدەرىنىڭ الاۋىزدىقتاردى تەجەي الاتىنىن، جاڭساق تۇسىنىك، قاتە تۇجىرىم نەمەسە قيان – كەسكى باسەكەنىڭ قارسىلاسۋعا، اۋەلى قاقتىعىسقا اينالىپ كەتۋىنەن ساقتانا الاتىنىن جانە ونى تەجەي الاتىنىن دۇنيە جۇزىنە ايگىلەۋى كەرەك، بۇل − ەكى جاقتىڭ ورتاق جاۋاپكەرلىگى. ا ق ش جاق ا ق ش - جۇڭگو قارىم - قاتىناسىنا جەتەكشىلىك ەتەتىن پرينسيپتى تۇراقتاندىرۋ كەرەكتىگىن مويىندايدى، ەكى جاقتىڭ قاتىستى ۇيىرمەلەرى قالىپتاسقان ورتاق تانىم نەگىزىندە ۇزدىكسىز كەڭەسىپ، ەرتەرەك ءبىر اۋىزدىلىققا كەلۋى كەرەك. ا ق ش ۇكىمەتى ءبىر جۇڭگو ساياساتىن اتقارادى، تايۋان ماسەلەسىن قۇرال ەتىپ جۇڭگونى شاۋجايلاۋعا ۇرىنبايدى، تايۋان بۇعازىنىڭ بەيبىت جانە ورنىقتى بولۋىن ءۇمىت ەتەدى.
ەكى ەلدىڭ مەملەكەت باسشىلارى ەكى جاقتىڭ ديپلوماتيا ۇيىرمەلەرىنىڭ ستراتەگيالىق پىكىرلەسۋدى جالعاستىرىپ، ۇنەمىلىك كەڭەس ورىستەتۋىنە ماقۇل بولدى. ەكى ەل قازىنا توبىنىڭ ماكرولىق ەكونوميكا ساياساتى، ەكونوميكا - ساۋدا سياقتى ماسەلەلەر جونىندە سۇحباتتاسۋ، سايكەستىرۋ ىستەرىن جۇرگىزۋىنە ماقۇل بولدى. بىرلەسكەن مەملەكەتتەر ۇيىمى كىليمات وزگەرىسى جۇلگەلىك جالپىلىق شارتىنىڭ 27 - كەزەكتى شارت جاساسقان جاقتار ءماجىلىسىنىڭ جەڭىستى، ءساتتى وتكىزىلۋىن ىلگەرلەتۋگە ماقۇل بولدى. ەكى جاق ەكى ەلدىڭ الەۋمەتتىك دەنساۋلىق ساقتاۋ، اۋىل شارۋاشىلىعى جانە استىق حاۋىپسىزدىگى جونىندە سۇحباتتاسىپ سەلبەستىك جاساۋى جونىندە ءبىر اۋىزدىلىققا كەلدى. جۇڭگو مەن اق ش - نىڭ سەلبەستىك قىزمەت گرۋپپاسىنان ويداعىداي پايدالانىپ، ءتىپتى دە كوپ ناقتى ماسەلەنى شەشۋدى ىلگەرىلەتۋگە ماقۇل بولدى. جۇڭگو مەن ا ق ش - نىڭ گۋمانيتارلىق اۋىس - كۇيىسى توتەنشە ماڭىزدى، ەكى ەلدىڭ ءار سالاداعى ادامدارىنىڭ بارىس - كەلىسىن كەڭەيتۋگە دەم بەرۋ كەرەك دەگەنگە ماقۇل بولدى.
ەكى ەل باسشىلارى تاعى ۋكراينا داعدارىسى سياقتى ماسەلەلەر جونىندە پىكىر اۋىستىردى. شي جينپيڭ مىنالاردى اتاپ كورسەتتى: جۇڭگو ۋكراينانىڭ قازىرگى جاعدايىنا ايرىقشا نازار اۋدارادى. داعدارىس بۇرق ەتە تۇسكەننەن كەيىن مەن «ءتورتتى ورىنداۋدى» ورتاعا قويدىم، تاياۋدا مەن تاعى دا «ءتورت ورتاقتىقتى» العا قويدىم. ۋكراينا داعدارىسى سىندى دۇنيە جۇزىلىك كۇردەلى داعدارىس جونىندە مىناداي بىرنەشە ءتۇرلى ماسەلەگە مۇقيات وي جۇگىرتۋگە تۋرا كەلەدى: ءبىرىنشى، قاقتىعىستا، سوعىستا جەڭۋشى جوق؛ ەكىنشى، كۇردەلى ماسەلەلەردىڭ ادەتتەگىدەي شەشۋ ءتاسىلى بولمايدى؛ ءۇشىنشى، ءىرى ەلدەردىڭ قارسىلاسۋىنان ساقتانۋ كەرەك. جۇڭگو جاق باستان - اياق بەيبىتشىلىك جاعىندا تۇرىپ، ۇزدىكسىز بەيبىتشىلىكتى ءناسيحاتتاپ، كەلىسسوز وتكىزۋدى جەبەيدى، رەسەي، ۋكراينا ەكى جاقتىڭ بەيبىتشىلىك كەلىسسوزىن قالپىنا كەلتىرۋىن قولدايدى ءارى ءۇمىت ەتەدى، سونىمەن بىرگە ا ق ش، ناتو، ەۆروپا وداعىنىڭ رەسەيمەن جاپپاي سۇحباتتاسۋىن ءۇمىت ەتەدى.
ەكى ەل باسشىلارى دا كەزدەسۋ ىشكەرىلەي، بۇكپەسىز جانە سىندارلى جۇرگىزىلدى دەپ قارادى، ەكى ەلدىڭ قىزمەت ۇيىرمەلەرىنە ەكى ەل باسشىلارى كەلىسكەن ماڭىزدى ورتاق تانىمداردى دەر كەزىندە تىعىز ىلەسە تياناقتاندىرىپ، ناقتى ارەكەت قولدانىپ، جۇڭگو - ا ق ش قارىم - قاتىناسىنىڭ ورنىقتى دامۋ ارناسىنا قايتا ورالۋىن ىلگەرىلەتۋدى تاپسىردى. ەكى ەلدىڭ مەملەكەت باسشىلارى ۇنەمىلىك بايلانىستى ۇزدىكسىز جالعاستىرۋعا ماقۇل بولدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
