ۋاكىل گۇلامبەر راۋشان:
پارتيانىڭ ”تاماشا ءۇنىن“ ”ەڭ سوڭعى ءبىر كيلومەترگە“ دەيىن جەتكىزەمىن
□ انار بۇلت \ شينجياڭ گازەتىنىڭ ءتىلشىسى لي ياڭ
2022.11.15 15:13 كەلۋ قاينارى : شينجياڭ گازەتى
11 - ايدىڭ 3 - كۇنى ساعات 11دە، گۇلامبەر راۋشان تاشقورعان تاجىك اۆتونوميالى اۋدانى سالىق ىستەرى جۇيەسىنە پارتيا 20 - قۇرىلتايىنىڭ رۋحى جونىندە ۇگىت لەكسيا جاساي سالا، دەرەۋ اۋدان قالاشىعىنان 180 كيلومەتردەن استام جەردەگى مارياڭ اۋىلىنىڭ دي قىستاعىنا جانە قاسىنداعى ءپىل قىستاعىنا ۇگىت لەكسيا جاساۋعا اتتاندى.
گۇلامبەر راۋشان − پارتيا 20 - قۇرىلتايىنىڭ ۋاكىلى، تاشقورعان تاجىكابات قالاشىعىنىڭ ۇگىت كادرى. گۇلامبەر راۋشان بەيجيڭنەن قايتىپ كەلگەننەن كەيىن، ىلگەرىندى - كەيىندى قاشقار ايماعىندا، تاشقورعاننىڭ ءارقايسى جۇيەلەرىندە، ءارقايسى اۋىل - قالاشىقتارىندا 8 رەت ۇگىت لەكسيا جاسادى. وسى جولى ول تاشقورعاننىڭ ەڭ شالعاي قىستاعىنا بارىپ، پارتيانىڭ ”تاماشا ءۇنىن“ ”ەڭ سوڭعى ءبىر كيلومەترگە“ دەيىن جەتكىزبەك.
اۋدان قالاشىعىنان تەڭىز دەڭگەيىنەن ورتاشا بيىكتىگى 3700 مەتر كەلەتىن مارياڭ اۋىلىنا بارۋ ءۇشىن تەڭىز دەڭگەيىنەن 4900 مەتر بيىك ەكى قارلى تاۋدان اسىپ وتۋگە تۋرا كەلەدى. اۋىلدىق ۇكىمەتتەن دي قىستاعىنا دەيىن، ودان ارى قىستاق كوميتەتىنەن 16 كيلومەتر كەلەتىن جەردەگى ەڭ شەتكەرى ءبىر قىستاق تۇرعىندارى گرۋپپاسىنا دەيىنگى تاۋ جولى كۇدىر بولعاندىقتان، ول اراعا جەتكەندە ساعات 17 بولدى.
ۇگىت لەكسيا جاساۋ بارىسىندا، گۇلامبەر راۋشان قىستاق تۇرعىندارىنا باس شۋجي شي جينپيڭنىڭ جاساعان بايانداماسىن تىڭداعانداعى اسەرىن بايانداپ: ”ەرەكشە اسەرلەندىم، ەرىكسىزدەن باسقا ۋاكىلدەرمەن بىرگە قايتا - قايتا شاپالاق سوقتىم“، - دەدى.
”پارتيا 20 - قۇرىلتايىنىڭ بايانداماسىندا مەملەكەت دەگەنىمىز حالىق، حالىق دەگەنىمىز مەملەكەت. جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى دەپ باسا دارىپتەلدى. وسى ءسوز كوڭىلىمنەن ويىپ ورىن الدى“. گۇلامبەر راۋشان: ءدال پارتيانىڭ ابزال ساياساتى بولعاندىقتان، كوپشىلىكتىڭ تۇرمىسى كۇننەن - كۇنگە جاقسارا ءتۇستى، - دەدى.
2019 - جىلى 12 - ايدان بۇرىن ەلەكترمەن تۇراقتى قامدالماعاندىقتان، مارياڭ اۋىلدىق باستاۋىش مەكتەبىنىڭ وسىزاماندانعان ەلەكترلى وقىتۋ ساباقحاناسى تەك اشەكەي بۇيىمعا اينالعان ەدى. بۇگىنگى تاڭدا، وسى شەكاراداعى اۋىلعا ەلەكتر جەلىسى تۇتاسىپ، وقۋشىلار كوپ مەديالى ساباقحانادان پايدالاندى، وتباسىلار ەلەكترلى جىلىتۋدان يگىلىكتەندى، تۇرمىستا ەلەكتروماگنيتتىك پەش، كىرجۋعىش سياقتى وسى زامانعى ەلەكتر اسپاپتارىنىڭ بارلىعى بار، باقىت سەزىمى زور دارەجەدە جوعارىلادى.
”قازىر اۋرۋ كورسەتسەك ەمدەۋ قامسىزداندىرۋى بار، بالالاردى وقىتۋدا قامتاماسىزدىق بار، اۋدان تاعى ساياحات كاسىبىن زور كۇشپەن دامىتىپ، كوپتەگەن قىستاق تۇرعىندارى ساياحاتپەن كىرىس كىرگىزىپ وتىر، قالتالارى دا قامپايا ءتۇستى، وسىنىڭ ءبارى قاسىمىزداعى ناقتى وزگەرىستەر. پارتيانىڭ سوزىنە قۇلاق اسساق، پارتيانىڭ مەيىرىنە العىس ايتساق، پارتياعا ىلەسسەك، ءبىز پارتيانىڭ باستاۋىندا پارتيا 20 - قۇرىلتايىندا كەسكىندەلگەن ايبىندى جوبانى جۇزەگە اسىرا الامىز“! گۇلامبەر راۋشان وسىنى ايتقاندا قىستاق تۇرعىندارى تۇس - تۇستان شاتىرلاتا شاپالاق سوقتى.
ءپىل قىستاعى كەزىندە بالالاردىڭ جالاما جارتاستاردى باسىپ وقۋعا بارىپ - كەلۋىمەن ەلگە تانىلعان قىستاق بولاتىن، بۇگىنگى تاڭدا، بەت - بەينەسى مۇلدە وزگەرگەن. تەپ - تەگىس جول قاتەرلى جالاما جارتاس جولىنىڭ ورنىن باسىپ، قاراڭعى توپىراق ۇيلەر قۇرىلعىلارى تولىق بەيقۇت ۇيگە اينالدى... 11 - ايدىڭ 4 - كۇنى تۇستەن بۇرىن گۇلامبەر راۋشان وسى قىستاقتىڭ قىستاق كوميتەتىنە كەلىپ، ىلگەرىندى - كەيىندى مەملەكەتتە ءبىر تۇتاس قولدانىلاتىن تىلمەن، ۇيعۇر تىلىمەن، تاجىك تىلىمەن ۇگىت لەكسيا جاسادى.
گۇلامبەر راۋشان قىزمەت ىستەيتىن تاجىكابات قالاشىعى − 2000 - جىلى قونىس جاڭالاپ كوشىرىلىپ قۇرىلعان قالاشىق. ول جەردەگى بۇقارانىڭ كوبى بۇرىن ءۇستىرتتى وڭىردە مال باعىپ كۇنەلتەتىن. سوڭعى جىلدارى جۇمىستانۋدى، شارۋاشىلىق قۇرۋدى دەمەۋ، كاسىپ سالالارىن دامىتۋ، ولقىلىقتاردى تولىقتاۋ ارقىلى بۇقارانىڭ تۇرمىسى بارعان سايىن شالقي ءتۇستى. ”پارتيانىڭ 20 - قۇرىلتايى بىزگە ايقىن العا باسۋ بەتالىسىن كورسەتتى، جۇرتتىڭ كۇش - قايراتى تاسقىنداي ءتۇستى“، - دەدى ول.
گۇلامبەر راۋشان قالاشىقتىڭ جاڭا ءداۋىر وركەنيەتى امالياتتىق پۋنكتىنە سۇيەنىپ، ادەبيەت - كوركەمونەر نومىرلەرىن دايىنداپ، بۇقارا قۋانا قابىلدايتىن تاسىلدەر ارقىلى پارتيا 20 - قۇرىلتايى رۋحىنىڭ كوكەيگە ۇيالاپ، كوڭىلگە ورنىعۋىن ىلگەرىلەتۋدى جوسپارلاپ وتىر. سونىمەن بىرگە جاس ەرىكتىلەر، ساقا پارتيا مۇشەلەرى، ساقا كادرلار، اۋىل لەكسياشىلارى سياقتىلاردى ۇگىت لەكسيا جاساۋعا باۋلىپ، سولار ارقىلى پارتيا 20 - قۇرىلتايىنىڭ رۋحىن اناعۇرلىم ويداعىداي ۇگىتتەپ، دايەكتىلەندىرمەك. ”مەن پارتيانىڭ ’تاماشا ءۇنىن‘ اۋىلداستارعا ۇزدىكسىز بەتپە - بەت جەتكىزىپ، كورىكتى شينجياڭدى جۇدىرىقتاي جۇمىلىپ بىرگە قۇرۋدىڭ قۇدىرەتتى كۇش - قۋاتىن ۇيىستىرامىن“، - دەدى گۇلامبەر راۋشان تولىق سەنىممەن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
