بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك ءدارى - دارمەكتى باقىلاۋ - باسقارۋ باس مەكەمەسى: جەتى توپتاعى ساندەنۋ بۇيىمدارىنان پايدالانۋعا تيىم سالىنعان شيكىزاتتار بايقالعان

2022.11.16 16:13     كەلۋ قاينارى : حالىق تورابى

  مەملەكەتتىك ءدارى - دارمەكتى باقىلاۋ - باسقارۋ باس مەكەمەسىنىڭ تورابى 11 - ايدىڭ 15 - كۇنى جەتى توپتاعى ساندەنۋ بۇيىمدارىنان پايدالانۋعا تيىم سالىنعان شيكىزاتتاردىڭ انىقتالعانى جونىندە ۇقتىرۋ شىعارعان.

  ۇقتىرۋدا مىنالار اتاپ كورسەتىلگەن: 2022 - جىلى ساندەنۋ بۇيىمدارىن باقىلاۋ جونىندە مەملەكەت بويىنشا ۇلگى الىپ تەكسەرۋ جۇرگىزۋ بارىسىندا، گۋاڭشي جۋاڭزۋ اۆتونوميالى رايوندى ازىق - تۇلىك، ءدارى - دارمەكتى تەكسەرۋ بولىمشەسى قاتارلى ورىندار تەكسەرۋ جۇرگىزۋ ارقىلى گۋاڭجوۋ يۇيچيڭتاڭ ساندەنۋ بۇيىمدارى شەكتى سەرىكتەستىگى ءوندىردى دەگەن بەلگى سالىنعان يۇيچيڭتاڭ ۇلۋ مايىن شيكىزات ەتكەن ساپالى داق كەتىرۋ مايى قاتارلى جەتى توپتاعى ساندەنۋ بۇيىمدارىنان «ساندەنۋ بۇيىمدارىنىڭ حاۋىپسىزدىگىنە ساياتىن تەحنيكالىق ولشەمدە (2015 - جىلعى نۇسقاسى)» بەلگىلەنگەن تيىم سالىنعان شيكىزاتتاردى انىقتاعان. مۇندا، ءونىم بەلگىسىندە وندىرگەن كاسىپورىن گۋاڭجوۋ ۋىن - دا نازىك مانەرلەۋ حيميا ونەركاسىبى شەكتى سەرىكتەستىگى، اماناتتاۋشى جاق گۋاڭجوۋ جاڭساي دەنساۋلىق ساقتاۋ - ساندەنۋ بۇيىمدارى شەكتى سەرىكتەستىگى دەپ بەلگىلەنگەن ەكى توپتاعى ۋىن - دا شاش مايلاۋ، بوياۋ سۇيىقتىعىنان (تابيعي قارا ءتۇستى) تيىم سالىنعان شيكىزات انىقتالۋمەن بىرگە، ءونىمنىڭ قۇرامىنىڭ سالىستىرماسى دا بەلگىلەمەگە ساي كەلمەيتىن ماسەلە بار ەكەنى انىقتالعان.

  «ساندەنۋ بۇيىمدارىن باقىلاۋ - باسقارۋ ەرەجەسى» مەن «ساندەنۋ بۇيىمدارىن ءوندىرۋدى، تيجارات ەتۋدى باقىلاۋ - باسقارۋ ادىسىنە» ساي، مەملەكەتتىك ءدارى - دارمەكتەردى باقىلاۋ - باسقارۋ مەكەمەسى گۋاڭدۇڭ ولكەلىك ءدارى - دارمەكتەردى باقىلاۋ - باسقارۋ تاراۋلارىنان جوعارىدا اتالعان جەتى توپتاعى بەلگىلەمەگە ۇيلەسپەيتىن ساندەنۋ بۇيىمدارىنا ساياتىن تىركەۋگە الدىرۋشى، ەستەلىككە الدىرۋشى، امانات بويىنشا ءوندىرۋشى كاسىپورىندارعا زاڭ بويىنشا دەلو تۇرعىزىپ تەكسەرۋ جۇرگىزۋدى تالاپ ەتكەن، قاتىستى كاسىپورىنداردى دەرەۋ زاڭ بويىنشا حاۋىپ - قاتەردى تەجەۋ شارالارىن اتقارۋعا ءارى وزىنە - ءوزى تەكسەرۋ جۇرگىزۋگە، رەتكە سالۋعا، وزگەرتۋگە بۇيىرعان؛ ءارقايسى ولكەلىك (اۆتونوميالى رايون، توتە قاراستى قالا) ءدارى - دارمەكتى باقىلاۋ - باسقارۋ تاراۋالارى قاتىستى ساندەنۋ بۇيىمدارىن تيجارات ەتۋشىلەردى جوعارىدا اتالعان ساندەنۋ بۇيىمدارىن تيجارات ەتۋدى توقتاتۋعا بۇيىرعان، ولاردىڭ بۇيىمداردى ەنگىزۋ، تەكسەرۋ ەستەلىكتەرى قاتارلى جاعدايلارىن زاڭ بويىنشا تەكسەرگەن، زاڭعا قايشى ونىمدەردىڭ تەگىن تەكتەۋدى ورىستەتكەن؛ زاڭعا قايشى ارەكەتتەر بايقالسا، زاڭ بويىنشا قاتاڭ انىقتاپ ءبىرجاقتى ەتەدى؛ قىلمىس كۇمانىن تۋدىرسا، زاڭ بويىنشا قوعام حاۋىپسىزدىگى ورگاندارىنا جوتكەپ بەرەدى.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار