«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
20 - كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرى جۇڭگولىق - شەتەلدىك تىلشىلەرمەن كەزدەسكەندە سويلەنگەن ءسوز
2022.11.16 16:16 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 15 – كۇنى، بەيجيڭ. 11 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 22 – سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «20 - كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە سويلەنگەن ءسوز» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنىڭ ارقاسىندا، ءبىز دەر كەزىندە جاپپاي دوڭگەلەك داۋلەتتى قوعام ورناتتىق، ءبىرىنشى 100 جىلدىق كۇرەس نىساناسىن جۇزەگە اسىردىق. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەمىز.
ماقالادا مىنالار اتاپ كورسەتىلدى: جاڭا جورىقتا ءبىز قاشان دا ەكپىندەي ىلگەرىلەيتىن رۋحاني كۇيدى ساقتاۋىمىز كەرەك. جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ اسىل ارمانى مەن تىلەگىن ارقالاعان، وعان جۇڭگو حالقىنىڭ كۇرەسى مەن ماڭداي تەرى سىڭگەن. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى مەن جۇڭگو حالقىنىڭ ۇزاق ۋاقىتتىق امالياتتىق ىزدەنىسىنىڭ جەمىسى، ۇلى ءارى جاپالى ءىس. ءبىز قاجىرلىلىقپەن ىستەپ، جاۋاپكەرلىك ارقالاپ، ىسكەرلىك كورسەتىپ، اناعۇرلىم كۇشتى تاريحي ىرىقتىلىق رۋحىمەن ماركسيزمنىڭ جۇڭگوشالانۋىن، زامانالانۋىن ىلگەرىلەتىپ، جاڭا داۋىردەگى جۇڭگوشا سوتسياليزمنىڭ تىڭ داستانىن ۇزدىكسىز جازىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا جۇزەگە اسىرۋىمىز كەرەك. جاڭا جورىقتا ءبىز بارلىعىن حالىق ءۇشىن ىستەۋدە، بارلىعىندا حالىققا سۇيەنۋدە باستان - اياق تاباندى بولۋىمىز كەرەك. العا باسۋ جولىندا مەيلى بوران - شاشىن بولسىن، الدە اساۋ تولقىندار بولسىن، حالىق ماڭگى ءبىزدىڭ ەڭ بەرىك سۇيەنىشىمىز، ەڭ قۇدىرەتتى جىگەرىمىز. ءبىز باستان - اياق حالىقپەن بىرگە بولىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋىمىز كەرەك. جاڭا جورىقتا ءبىز پارتيانىڭ وزىندىك توڭكەرىسىن باستان - اياق ىلگەرىلەتۋىمىز كەرەك. سان - ساناقسىز وزگەرىستى باستان كەشسە دە، اۋەلگى ماقساتىنان اينىماعان پارتيا عانا نەگىزى مىعىم بولىپ، مىزعىماي تۇرا الادى؛ شۇعىلالى ناتيجە جاراتسا دا، جۇرەكتىلىكپەن وزىنە - ءوزى توڭكەرىس جاساعان پارتيا عانا الماس قامالى بولمايتىن جەڭىمپاز بولا الادى. جاڭا جورىقتاعى جاڭا سىن - سايىس، جاڭا سىناقتار الدىندا ءبىز، ءسوز جوق، اسا قىراعى بولىپ، ەمتيحان تاپسىراتىن سەرگەكتىك پەن بايسالدىلىقتى ماڭگى ساقتاپ، پارتيانى جاپپاي قاتاڭ باسقارۋدى قاجىماي - تالماي ىلگەرىلەتىپ، 100 جىلدىق ءىرى پارتيانى وزىنە - ءوزى توڭكەرىس جاساۋ بارىسىندا جالىندى ومىرشەڭدىگىن ۇزدىكسىز تاسقىنداتىپ، باستان - اياق جۇڭگو حالقىنىڭ ەڭ سەنىمدى، ەڭ بەرىك تىرەگىنە اينالدىرۋىمىز كەرەك. جاڭا جورىقتا ءبىز باستان - اياق بۇكىل ادامزاتتىڭ ورتاق قۇنىن ساۋلەلەندىرۋىمىز كەرەك. ءبىز ادامزاتتىڭ بولاشاعى مەن تاعدىرىن دۇنيە جۇزىندەگى ءار ەل حالقى مەڭگەرۋى جانە بەلگىلەۋى كەرەك دەگەندى ەجەلدەن دارىپتەپ كەلەمىز. ءبىز ءار ەل حالقىمەن بىرگە بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتى اسقاقتاتىپ، دۇنيە ءجۇزىنىڭ بەيبىتشىلىگىن قورعاپ، دۇنيە ءجۇزىنىڭ دامۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتەمىز.
ماقالادا مىنالار اتاپ كورسەتىلدى: جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ دامۋى دا جۇڭگوعا مۇقتاج. جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، اينالىمى كەڭ، ۇزاق ۋاقىت جاقسارعان نەگىزگى جاعدايى وزگەرمەيدى. جۇڭگونىڭ اشىق ەسىگى تەك بارعان سايىن كەڭەيەدى. ءبىز رەفورما جاساپ، ەسىك اشۋدى تاباندىلىقپەن جاپپاي تەرەڭدەتىپ، ساپالى دامۋدى تاباندىلىقپەن ىلگەرىلەتىپ، ءوزىمىزدىڭ دامۋىمىز ارقىلى دۇنيە جۇزىنە اناعۇرلىم كوپ وراي جاراتامىز.
ماقالادا مىنالار دارىپتەلدى: جاڭا جورىق − داڭق پەن ارمانعا تولى ۇزاق جورىق. ۇلى جوبا جاسالدى، دابىل الدەقاشان قاعىلدى. ءبىز اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەپ، ءتىپتى دە شۇعىلالى بولاشاق جاراتۋعا قۇلشىنۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
