شي جينپيڭ يتاليانىڭ زۇڭليى مەرونيمەن كەزدەستى
2022.11.17 16:23 كەلۋ قاينارى : حالىق تورابى
 |
سول جەر ۋاقىتى بويىنشا 11 - ايدىڭ 16 - كۇنى كەشتە مەملەكەت ءتوراعاسى شي جينپيڭ يندونەزيانىڭ بالي ارالىندا يتاليانىڭ زۇڭليى مەرونيمەن كەزدەستى.
سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
|
«حالىق گازەتى»، 11 - ايدىڭ 16 - كۇنى، يندونەزيانىڭ بالي ارالى (تىلشىلەر ۋاڭ يۇنسۇڭ، لي شياڭ). سول جەر ۋاقىتى بويىنشا 11 - ايدىڭ 16 - كۇنى كەشتە مەملەكەت ءتوراعاسى شي جينپيڭ بالي ارالىندا يتاليانىڭ زۇڭليى مەرونيمەن كەزدەستى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەن يتاليا ەكى ەل جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا قارسى اتتانىپ، ءوزارا مادەنيەت جانە ساياحات جىلىن، جۇڭگودا «يتاليانىڭ قاينارى − بايىرعى ريم وركەنيەت كورمەسىن» وتكىزدى، بۇلار ەكى ەلدىڭ دوستىق بارىس - كەلىسىنىڭ جاندى كۋاسىنا اينالدى. جۇڭگو مەن يتاليا ەكەۋى دە − وركەنيەتتى بايىرعى ەلدەر، ءوزارا جان - جاقتى ستراتەگيالىق سەرىكتەر، كەڭ كولەمدى ورتاق مۇددەگە جانە تەرەڭ سەلبەستىك نەگىزىنە يە. ەكى جاق دوستىق ءداستۇرىن جالعاستىرىپ جانە ساۋلەلەندىرىپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىن ءتۇسىنىپ جانە قولداپ، پارىقتاردى ساقتاپ، ورتاقتىققا ۇمتىلىپ، ورتاق تانىمدى كەڭەيتىپ، قوعامدىق ءتۇزىمى، مادەنيەت استارى تۇرلىشە ەلدەردىڭ قارىم - قاتىناسىن دامىتۋدا ۇلگى كورسەتۋى كەرەك.
شي جينپيڭ مىنالاردى دارىپتەدى: ەكى جاقتىڭ جۇڭگو - يتاليا ۇكىمەتتەر كوميتەتى مەن ءار سالاداعى تىلدەسۋ مەحانيزمىنەن ويداعىداي پايدالانىپ، جوعارى دەڭگەيلى جاساۋ، تازا ەنەرگيا، اۆياتسيا - عارىش جانە بازار سياقتى سالالارداعى سەلبەستىكتىڭ ارتۋ تۇيىندەرىن اشۋىن ءۇمىت ەتەمىن. جۇڭگو جاق جوعارى دەڭگەيدە سىرتقا ەسىك اشۋدا تاباندى بولىپ، يتاليانىڭ اناعۇرلىم كوپ ساپالى ونىمدەرىن يمپورت ەتۋدى قالايدى، يتاليانىڭ 2023 - جىلعى جۇڭگو حالىقارالىق تۇتىنۋ بۇيىمدارى كورمەسىنىڭ نەگىزگى قوناق ەلى بولۋىن قارسى الادى. ەكى جاق 2026 - جىلعى ميلان قىسقى وليمپياداسىنا نازار اۋدارىپ، قار - مۇز سپورتى مەن كاسىپ سالاسى سەلبەستىگىن كۇشەيتۋى كەرەك. جۇڭگو جاق يتاليا جاقپەن 20 ەل توبى سياقتى كوپ جاقتى تۇعىرلاردا تىلدەسۋدى، سايكەسۋدى ۇزدىكسىز كۇشەيتىپ، ىنتىماقتى، سەلبەستىكتى تەرەڭدەتىپ، ناعىز كوپ جاقتىلىقتى اسقاقتاتىپ، دۇنيە جۇزىلىك ەكونوميكا سياقتى كەلەلى سىن - سايىسقا قول ۇستاسا توتەپ بەرۋدى قالايدى. قازىرگى جاعدايدا جۇڭگو - ەۆروپا قارىم - قاتىناسىنىڭ ورنىقتى، باياندى دامۋىن ىلگەرىلەتۋ ماڭىزدى مانگە يە. يتاليا جاقتىڭ ەۆروپا وداعىنىڭ جۇڭگوعا دەربەس، ءوز - وزىنە قوجا بولۋ ساياساتىن بۇلجىماي اتقارۋىندا ماڭىزدى رول اتقارۋىن ءۇمىت ەتەمىن.
مەروني مىنالاردى ءبىلدىردى: مەن ءتوراعا شي جينپيڭمەن كەزدەسۋ ورايىنا يە بولعانىما توتەنشە قۋانىشتامىن. يتاليا مەن جۇڭگو ەكەۋى دە − وركەنيەتتى بايىرعى ەلدەر، دوستىق بارىس - كەلىسىنىڭ تاريحى ۇزاق. يتاليا ەكى ەلدىڭ مادەنيەت جانە ساياحات جىلى قيمىلىنا ريزا، ەكى ەلدىڭ ساۋدا، مادەنيەت سياقتى سالالارداعى اۋىس - كۇيىسىن، سەلبەستىگىن ۇزدىكسىز ىلگەرىلەتۋدى قالايدى. يتاليا جاق توپقا ءبولىنىپ قارسىلاسۋدى قۇپتامايدى، ءار ەل ءبىر - ءبىرىنىڭ ايىرماشىلىعى مەن الاۋىزدىعىنا قۇرمەت ەتۋى، ىنتىماقتى كۇشەيتۋى، تىلدەسۋگە، اۋىس - كۇيىسكە كۇش سالۋى، ءوزارا ءتۇسىنىسۋدى كۇشەيتۋى كەرەك دەپ قارايدى. جۇڭگو − دۇنيە جۇزىندەگى ءىرى ەل، ازيانىڭ دۇنيە جۇزىلىك ىستەردەگى ماڭىزى بارعان سايىن زورايۋدا، يتاليا جۇڭگومەن بىرلەسكەن مەملەكەتتەر ۇيىمى، 20 ەل توبى سياقتى جۇلگەلەردە تىعىز سەلبەسىپ، بۇگىنگى دۇنيە ءجۇزى ءدوپ كەلىپ وتىرعان ءتۇرلى شۇعىل سىن - سايىسقا اناعۇرلىم ءونىمدى توتەپ بەرۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
