شي جينپيڭ بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن كەزدەستى
2022.11.17 16:20 كەلۋ قاينارى : حالىق تورابى
 |
سول جەر ۋاقىتى بويىنشا 11 - ايدىڭ 16 - كۇنى تۇستەن كەيىن شي جينپيڭ يندونەزيانىڭ بالي ارالىندا بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن كەزدەستى.
سۋرەتتى شينحۋا اگەنتتىگىنىڭ ءتىلشىسى يان يان تۇسىرەەن
|
«حالىق گازەتى»، 11 - ايدىڭ 16 - كۇنى، يندونەزيانىڭ بالي ارالى (تىلشىلەر گۋان كىجياڭ، ۋاڭ يۇنسۇڭ). سول جەر ۋاقىتى بويىنشا 11 - ايدىڭ 16 - كۇنى تۇستەن كەيىن مەملەكەت ءتوراعاسى شي جينپيڭ بالي ارالىندا بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن كەزدەستى.
شي جينپيڭ بىلاي دەپ اتاپ كورسەتتى: قازىر حالىقارالىق جاعدايدا كەلەلى وزگەرىس تۋىلۋدا. ءبىز ادامزاتتىڭ بولاشاعى مەن تاعدىرىن ماڭىزدى ورىنعا قويىپ، تار جول، تايعاق كەشۋلەردەن بىرگە ءوتىپ، قيىنشىلىقتاردى بىرگە جەڭۋىمىز كەرەك. اسىرەسە، ءىرى ەلدەر ءوز باسىنان ونەگە كورسەتىپ، باستاماشىلدىق رولىن ساۋلەلەندىرىپ، دۇنيە جۇزىنە كوپتەپ سەنىم جانە كۇش ۇستەۋى كەرەك. مەن بەيبىتشىلىك، دامۋ، سەلبەستىك، تەڭ يگىلىكتەنۋ سىندى تاريحي اعىمدى ءالى دە توسۋعا بولمايتىنىنا، ادامزاتتىڭ بولاشاعى نۇرلى بولاتىنىنا كامىل سەنەمىن.
شي جينپيڭ مىنالاردى دارىپتەدى: جۇڭگو − بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنىڭ بەرىك قولداۋشىسى. دۇنيە ءجۇزىنىڭ بەيبىتشىلىگىن جۇزەگە اسىرۋ ءۇشىن، «بىرلەسكەن مەملەكەتتەر ۇيىمى ۋستاۆىنىڭ» نەگىزگى ماقساتى مەن پرينسيبىنە، ءسوز جوق، بويسۇنۋ كەرەك، ءار ەلدىڭ ۇيلەسىمدى حاۋىپسىزدىككە كوڭىل بولۋىنە، ءسوز جوق، ءمان بەرۋ كەرەك. قازىر دۇنيە ءجۇزىنىڭ دامۋ اياق الىسى بۇرىن بولىپ كورىلمەگەن سايىسقا ءدوپ كەلىپ وتىر، وركەندەپ كەلە جاتقان ەلدەر، اسىرەسە، ءالسىز ەلدەر اۋىر سوققىعا ۇشىرادى. ءبىز دامۋدى حالىقارالىق كۇن ءتارتىپتىڭ وزەگى ەتىپ، دۇنيە جۇزىلىك دامۋدىڭ جاڭا قوزعاۋشى كۇشىن جەتىلدىرىپ، دۇنيە جۇزىلىك دامۋدىڭ سەرىكتەستىك قاتىناسىن ورناتىپ، اناعۇرلىم پارمەندى، جاسىل، اقاۋسىز دۇنيە جۇزىلىك دامۋدى جۇزەگە اسىرۋدى ىلگەرىلەتىپ، دامۋ جەتىستىكتەرىنەن ءاربىر مەملەكەتتى، ءاربىر ادامدى اناعۇرلىم كوپ، اناعۇرلىم ءادىل يگىلىكتەندىرۋىمىز كەرەك. بۇل جاعىندا ءار ەل ۇران شاقىرماي، قايتا كوبىرەك ناتيجە كورسەتۋى كەرەك. جۇڭگو بىرلەسكەن مەملەكەتتەر ۇيىمىمەن سەلبەستىكتى كۇشەيتىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن بىرگە ىلگەرىلەتىپ، ناقتى جەتىستىكتەرگە قول جەتكىزۋدى قالايدى. ءبىز جۇڭگو ۇلگىسىندەگى وسىزامانداندىرۋ ارقىلى ادامزاتتىڭ تۇتاس تۇلعالىق العا باسۋىن ىلگەرىلەتىپ، جۇڭگونىڭ جاڭا دامۋى ارقىلى دۇنيە جۇزىنە جاڭا وراي جاراتىپ، اۋمالى - توكپەلى دۇنيە جۇزىنە اناعۇرلىم كوپ ورنىقتىلىق جانە تۇراقتىلىق ازىرلەيمىز. جۇڭگو جاق ناعىز كوپ جاقتىلىقتا ۇزدىكسىز تاباندى بولىپ، بىرلەسكەن مەملەكەتتەر ۇيىمىنىڭ قىزمەتىن باتىل قولدايدى.
گۋتەرەس شي جينپيڭنىڭ ج ك پ ورتالىق كوميتەتىنىڭ باس شۋجيلىگىنە تاعى دا تاعايىندالعانىن تاعى ءبىر رەت قۇتتىقتادى. ول مىنالاردى ءبىلدىردى: وركەندەپ كەلە جاتقان ەلدەر استىق، ەنەرگيا، كليمات وزگەرىسى سياقتى داعدارىستاردى باستان كەشىرۋدە، دۇنيە ءجۇزى دامۋىنىڭ تەڭسىزدىگى، بىركەلكىسىزدىگى قۇبىلىسى توتەنشە اۋىر. بىرلەسكەن مەملەكەتتەر ۇيىمى جۇڭگونىڭ كوپ جاقتىلىقتا تاباندى بولعانىن بارىنشا القايدى. جۇڭگو العا قويعان دۇنيە جۇزىلىك دامۋ باستاماسى بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىبىمەن قابىستى، وركەندەپ كەلە جاتقان ەلدەردىڭ بىرگە دامۋىنا كومەكتەسۋ جاعىندا جۇڭگونىڭ جاساعان قۇلشىنىستارى تەڭدەسسىز. بىرلەسكەن مەملەكەتتەر ۇيىمى ءبىر جۇڭگو پرينسيبىن باتىل قولدايدى، ءبىر جۇڭگو پرينسيبى − سوقتىعۋعا بولمايتىن قىزىل سىزىق، ونى، ءسوز جوق، قۇرمەتتەۋ كەرەك. بىرلەسكەن مەملەكەتتەر ۇيىمى جۇڭگومەن ۇزدىكسىز تىعىز سەلبەستىك جاساۋدى قالايدى، جۇڭگونىڭ دۇنيە ءجۇزىنىڭ بەيبىتشىلىگى مەن دامۋىن قورعاۋدا اناعۇرلىم ماڭىزدى رول اتقارۋىن ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
