ولار بۇقارا ەڭ مۇقتاج جەرلەردە دامىل تاپپادى
− اۆتونوميالى رايونداعى مەكەمە - ورىنداردان نەگىزگى ساتىعا تۇسكەن كادرلاردىڭ ءبىر نيەتپەن ىندەتكە قارسى اتتانۋى تۋرالى ەستەلىك
□ انار بۇلت \ شينجياڭ گازەتىنىڭ تىلشىلەرى جاڭ يانفاڭ، ياڭ شۋحان، ۋاڭ نا
2022.11.17 15:23 كەلۋ قاينارى : شينجياڭ گازەتى
قاي جەردە ىندەت تۋىلسا، پارتيا مۇشەلەرى مەن كادرلار سول جەردە شايقاس جۇرگىزۋى كەرەك. 10 - ايدان بەرى، اۆتونوميالى رايونداعى مەكەمە - ورىنداردان نەگىزگى ساتىعا تۇسكەن كادرلار ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنە دەرەۋ كىرىستى. كوكونىس، ءدارى - دارمەك جەتكىزدى، قوقىر - قوقسىقتاردى تازالاپ، تاسىدى، ورتانى زارارسىزداندىردى، ميكروبىن جويدى، كوڭىل كۇيلەردى ورنىقتىردى... ولار بۇقارا ەڭ مۇقتاج جەرلەردە دامىل تاپپاي، بار زەيىن - زەردەسىمەن، كۇش - قۋاتىمەن بۇقارانىڭ قيىنشىلىعىن، تالاپ - تىلەكتەرىن شەشىپ، ىندەتپەن شايقاسۋدىڭ الدىڭعى شەبىندە اۋەلگى ماقساتتى، بورىشتى شىڭدادى.
تۇرعىنداردىڭ جاقسى ”قىزمەت وتەۋشىسى“ بولدى
11 - ايدىڭ 11 - كۇنى ءتۇس، بۇكىل قاباتتىڭ الەۋمەتتىك جەرلەرىندە سول كۇنگى ەكىنشى رەتكى زارارسىزاندىرۋدى، ميكروب جويۋدى ەندى عانا ورىنداعان جاڭ كۇن دەمالۋعا مۇرشاسى كەلمەي، تىزگىن ۇشىمەن شاعىن اۋماقتىڭ قاقپاسىنا بارىپ تۇرعىندار ساتىپ العان ءدارى - دارمەكتەردى الىپ، ۇيلەرىنە جەتكىزىپ بەردى، تاعى ەكى وتباسىنىڭ سۋىن، ەلەكترىن ساتىپ الىپ بەردى. ”ءبارى دە شۇعىل قاجەتتى نارسەلەر، كەزەك كۇتتىرمەيدى“، - دەدى ول.
جاڭ كۇن اۆتونوميالى رايوندىق پارتكوم قارت كادرلار مەكەمەسى ۇگىت - تاربيە (ينفورماتسيا) باسقارماسىنىڭ باستىعى، ءۇرىمجى قالاسى تيانشان رايونى باقىت جولى ءمالىسى باقىت جولى وڭتۇستىك الەۋمەتتىك اۋماعى باقىت اۋلاسى شاعىن اۋماعىنا تۇسكەن ونىڭ ىندەتتەن ساقتانۋ - تىزگىندەۋ قىزمەتىنە قاتىناسقانىنا ءبىر ايدان استى، باستى قىزمەتى قوقىر - قوقسىقتاردى تازالاۋ، تاسۋ، زاتتىق ماتەريالداردى جەتكىزۋ، ورتانى زارارسىزداندىرۋ، ميكروبىن جويۋ سياقتىلار. ونىڭ ءوز سوزىمەن ايتقاندا، بۇل وسى شاعىن اۋماقتىڭ 3 - ءنومىرلى عيماراتىنىڭ 2 - كورپۋسىنداعى 51 وتباسىنىڭ تۇرعىنىنا جاقسى قىزمەت وتەۋ ءۇشىن.
قورعانۋ كيىمىن كيىپ، 30 كيلوگرام سالماقتاعى زارارسىزداندىرۋ بۇرىككىشىن ارقالاعان جاڭ كۇن ءار كۇنى 1 - قاباتتان 18 - قاباتقا دەيىن ءجۇرىپ شىعىپ، 3 رەت زارارسىزداندىرىپ، ميكروبىن جويادى، ءار رەتتە ءبىر ساعاتتان استام ۋاقىت جۇمساپ، قاباتتىڭ بۇرىش - بۇرىشىن قاعىس قالدىرمايدى، وسىلايشا ءبىر رەت شىعىپ - تۇسكەندە قارا تەرگە مالشىنىپ، بىلەگى تالىپ، قالجىراپ قالادى. تۇستەن كەيىن، جاڭ كۇن وتباسىلاردىڭ قوقىر - قوقسىعىن ءبىر - بىرلەپ جيناپ الىپ، شاعىن اۋماقتىڭ قوقىر - قوقسىق پۋنكتىنە اپارىپ تاستاعاندا، زاتتىق ماتەريالداردى جەتكىزۋ ۋاقىتى دا بولىپ قوياتىن.
”تۇرعىندار تاپسىرىس بەرگەن زاتتىق ماتەريالداردىڭ ءتۇرى ءبىرشاما كوپ، قالتاعا ناقتى ءۇي ءنومىرى جازىلماسا، مەن تىزىمدىك بويىنشا بىردەن - بىردەن اداقتاپ - انىقتاعاننان كەيىن، بارىپ تۇرعىنداردىڭ ەسىك الدىنا جەتكىزەمىن“. جاڭ كۇن بىلاي دەدى: قاباتتاعى 6 قاريا زەردەلى قول تەلەفون پايدالانۋدى جاقسى بىلمەيدى، ءار رەت زاتتىق ماتەريالداردى جەتكىزىپ بولعاننان كەيىن، ۋيشين توبىندا ۇقتىرۋدان سىرت، قاريالاردىڭ ەسىگىن ارنايى قاعىپ، ولاردىڭ زاتتىق ماتەريالدارىنىڭ تۇگەلدەي جەتكىزىلۋىنە شىنايى كەپىلدىك ەتەمىن.
بۇكىل قاباتتىڭ زاتتىق ماتەريالدارىن جاڭ كۇن جالعىز ءوزى جەتكىزەتىندىكتەن، ونىڭ ۇستىنە كۇرىش، ۇن، ماي، جاشىك تولى جەمىس - جيدەك جانە باسقا دا ۇلكەن زاتتاردى جالعىز ءوزى كوتەرەتىندىكتەن، ءتۇن ورتاسىنا دەيىن قاربالاستايدى.
جاڭ كۇننىڭ ىندەتتەن ساقتانۋ - تىزگىندەۋ الدىڭعى شەبىندە تاپجىلماي تۇرۋى بۇل عانا ەمەس. 2020 - جىلدان بەرى، ءۇرىمجىدە ىندەت تۋىلعان سايىن ول قاشاندا ىرىقتى تۇردە ەرىكتى بولىپ تىزىمدەلىپ، العان بەتتەن قايتپاي، ىندەتكە قارسى اتتانۋدىڭ الدىڭعى شەبىندە جۇمىس ىستەپ كەلەدى.
”مەنىڭ 21 جىلدىق پارتيا ستاجىم بار، قيىن ساتتە اتويلاپ الدا ءجۇرۋ پارتيا مۇشەسىنىڭ بۇلتارتپاس جاۋاپكەرشىلىگى“، - دەدى جاڭ كۇن، - دامىلداماي قىزمەت ىستەۋ جاپالى بولعانىمەن، تۇرعىنداردىڭ شىنايى العىستارى جۇرەگىمدى شەكسىز مەيىرگە بولەدى.
تۇرعىنداردىڭ ”پسيحيكالىق ءجون سىلتەۋشىسى“ بولدى
”اپاي، بۇگىن كوڭىل كۇيىڭىز كورىم بە؟ تاعى قانداي قاجەتىڭىز بار“؟ 11 - ايدىڭ 13 - كۇنى، اۆتونوميالى رايوندىق توتەنشە جاعدايعا توتەپ بەرۋدى باسقارۋ مەڭگەرمەسىنەن نەگىزگى ساتىعا تۇسكەن كادر ابدۇكەرىم تۇرسۇننىڭ تەلەفونىن قابىلداعاندا، 55 جاستاعى سۇڭ ليفاڭ ىڭعايسىزدانىپ: ”قازىر كوڭىل كۇيىم كوپ جاقسى، ۇيدە ءبارى بار“، - دەدى.
10 - ايدىڭ 18 - كۇنى، ۇندەۋگە بەلسەندىلىكپەن ءۇن قوسقان ابدۇكەرىم تيانشان رايونى جەڭىس جولى ءمالىسى شينجياڭ داشۋەسى الەۋمەتتىك اۋماعى شينجياڭ داشۋەسى باھار جولى تۇرعىندار اۋلاسىنا تومەنگە ءتۇسىپ، باسقا قىزمەتكەرلەرمەن بىرگە، زاتتىق ماتەريال جەتكىزۋ، ورتانى زارارسىزداندىرۋ ميكروب جويۋ، سياقتى قىزمەتتەردى ورىستەتتى.
ابدۇكەرىم كوپشىلىككە قىزمەت وتەپ جۇرگەندە، قىراعىلىقپەن ءىشىنارا تۇرعىنداردىڭ كوڭىل كۇيىنىڭ تىم جاقسى ەمەس ەكەندىگىن بايقايدى. سونىمەن ول تەلەفون شالۋ، ۋيشيندە اڭگىمەلەسۋ ارقىلى ولارعا پسيحيكالىق جاقتان ءجون سىلتەيدى. ”كوممۋنيستىك پارتيا مۇشەسى شەشۋشى ساتتە حالىق بۇقاراسىنىڭ قيىنشىلىعىن شەشىپ، ۋايىمنان ارىلتۋى كەرەك“، - دەدى ول.
شاعىن اۋماقتاعى ءبىر اپاي جايشىلىقتا الاڭ ءبيىن بيلەۋدى ۇناتاتىن، ىندەت كەزىندە ۇيدەن شىعا الماعاندىقتان، كوڭىل كۇيى تىم ورنىقپاي، ۋيشين توبىندا ۇنەمى نارازىلىق بىلدىرەتىن بولدى.
”اپاي، شەشەم جاقىندا دەنساۋلىقتى جاقسارتاتىن ءبىر ءتۇرلى چيگۇڭ ۇيرەندى، ارەكەتى قاراپايىم ءارى جەڭىل، ادام وڭايلىقپەن جارالانبايدى، قارتتاردىڭ ماشىقتانۋىنا اسا لايىقتى، قان تامىرلاردى اشادى، جۇرەك پەن وكپەگە دە پايدالى“... ابدۇكەرىم قاريانىڭ ۋيشينىن ىرىقتىلىقپەن قوسىپ، ونىمەن اڭگىمەلەسە باستادى. وسىدان كەيىن، ول اپايعا ۇنەمى تەلەفون شالىپ، قاتىستى ساياساتتار مەن ىندەتتەن ساقتانۋ بىلىمدەرىن ءتۇسىندىرىپ، الاڭ ءبيىنىڭ تۇرلەرى، تاماق پىسىرۋ ادىستەرى سياقتىلار جونىندە اڭگىمەلەستى. اڭگىمەلەسە كەلە، اپايدىڭ كوڭىل كۇيى بىرتىندەپ جاقسارىپ، ابدۇكەرىمگە ىرىقتى تۇردە ءوزىنىڭ كۇندەلىكتى جاعدايىن اڭگىمەلەپ بەرەتىن بولدى.
”پسيحيكالىق جاقتان ءجون سىلتەۋدى ويداعىداي ىستەسەك بولعانى، تۇرعىندار جاعدايدى تۇسىنەدى“. ابدۇكەرىم بىلاي دەدى: نەگىزگى ساتىعا تۇسكەن كادر رەتىندە، ءبىز تۇرعىنداردى زاتتىق ماتەريالدارمەن قامتاماسىز ەتۋ سياقتى قىزمەتتەردى سايكەسە ويداعىداي ىستەپ قانا قالماستان، تۇرعىنداردىڭ ”پسيحيكالىق ءجون سىلتەۋشىسى“ دە بولا ءبىلۋىمىز، كوپشىلىكتى تۇرمىسقا اقاۋسىز پوزيتسيادا بولىپ، قيىن وتكەلدەن ءبىر نيەتپەن كۇش قوسىپ ءوتىپ كەتۋگە جەتەكتەۋىمىز كەرەك.
زاتتىق ماتەريال جەتكىزەتىن ”جەدەل جەتكىزۋشىلەرگە“ اينالدى
”مەنىڭ ەكى قالتا ءسۇت تالقانىم كەلىپ تۇر ەكەن، اكەلىپ بەرە سالىڭىزشى“. ”ماقۇل، قازىر بارايىن، تاعى زات الدىرعاندار بار ما“؟ 11 - ايدىڭ 12 - كۇنى، ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) مۇناي جاڭا قىستاعى ءمالىسى جينشان الەۋمەتتىك اۋماعى لوۋلان شينچىڭ شاعىن اۋماعىندا، سۇڭ گىڭجيە ۋيشين توبىنان زاتتىق ماتەريال اكەلۋ جونىندەگى ينفورماتسيانى كورە سالا، اۆتوكولىكپەن شاعىن اۋماقتىڭ قاقپاسىنا بارىپ جولدامالاردى الىپ، تۇرعىندارعا جەتكىزىپ بەردى، باس - اياعىنا 5 مينۋت بولعان جوق.
سۇڭ گىڭجيە اۆتونوميالى رايوندىق حالىق پروكۋراتۋراسىنىڭ ءبىر باسقارما دارەجەلى كادرى، لوۋلان شينچىڭ شاعىن اۋماعىنا ءتۇسىپ، ىندەتتەن ساقتانۋ - تىزگىندەۋ قىزمەتىنە قاتىناسقاننان بەرى، ول ”جەدەل جولداما جەتكىزۋشى“ بولىپ، ءار كۇنى تۇرعىندارعا كوكونىس بۋماسى، ەت بۋماسى، جەمىس - جيدەك بۋماسى، ءدارى - دارمەك سياقتىلاردى جەتكىزىپ كەلەدى.
الەۋمەتتىك اۋماق تۇرعىنداردى تۇرمىستىق زاتتىق ماتەريالدارمەن قامداۋدى بار كۇشپەن قامتاماسىز ەتۋ ءۇشىن، لوۋلان شينچىڭ شاعىن اۋماعىنىڭ قاقپاسىنان زاتتىق ماتەريالداردى شوعىرلى وتكەرمەلەۋ ءتۇيىنىن قۇردى، زات جەتكىزۋشىلەر زاتتىق ماتەريالداردى وسى اراعا جەتكىزگەننەن كەيىن، الەۋمەتتىك اۋماق قىزمەتكەرلەرى مەن ەرىكتىلەر اۆتوموبيلدەن ءتۇسىرىپ، زارارسىزداندىرىپ، ميكروبىن جويىپ، ءبىراز ۋاقىت قويعاننان كەيىن، وتباسىلارعا جەتكىزىپ بەرەدى.
11 - ايدىڭ 9 - كۇنى ساعات 20 شاماسىندا، تۇرعىنداردىڭ ءبىر كۇن بۇرىن تاپسىرىس بەرگەن زاتتىق ماتەريالدارى شاعىن اۋماققا جەتكەندە، قار ۇشقىنداپ جاۋا باستادى. سۇڭ گىڭجيە مەن الەۋمەتتىك اۋماق قىزمەتكەرلەرى، ەرىكتىلەر كۇننىڭ سۋىعى مەن جولدىڭ تايعاقتىعىنا قاراماي، ولشەمدى ءتارتىپ بويىنشا 500 نەشە كوكونىس بۋماسىن ءبىر - بىرلەپ اۆتوموبيلدەن ءتۇسىرىپ، زارارسىزداندىرىپ، ءبىراز ۋاقىت قويىپ، اۆتوكولىككە تيەپ، 3 ساعاتتان ارتىق ۋاقىت قاربالاستاپ، اقىرى بارلىق زاتتىق ماتەريالدى جەتكىزىپ بولدى.
الەۋمەتتىك اۋماقتاعى ىندەتكە قارسى اتتانۋدىڭ الدىڭعى شەبىندە قاربالاستاپ شارشاۋمەن قوسا، ۆيرۋسپەن جۇعىمدالۋ حاۋىپ - قاتەرى الدىندا، سۇڭ گىڭجيە ەش تايسالمادى، شەگىنشەكتەمەدى، ول ءوزىنىڭ پروكۋراتۋرا كادر ساقشىسى عانا ەمەس، اۋەلى، 20 جىلدىق پارتيا ستاجى بار كوممۋنيستىك پارتيا مۇشەسى، 16 جىل اسكەردە بولعان قوسىننان بوساعان اسكەري ەكەندىگىن ايتا كەلىپ: ”پارتيا ۇيىمى قاجەت ەتەدى ەكەن، حالىق قاجەت ەتەدى ەكەن، مەن قاي - قاشان دا كەۋدە كەرە العا شىعىپ، دەرەۋ اتتانامىن“، - دەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
