بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەل بىرلىگىنەن بەرىك قامال تۇرعىزىپ قورعانىس شەبىن بەكەمدەپ، بار كۇشپەن اماندىققا كەپىلدىك ەتتى

− اۆتونوميالى رايوندىق حالىق قۇرىلتايى تۇراقتى كوميتەتىنىڭ ورگان كادرلارى الدىڭعى شەپكە بارىپ، ءبىر نيەتپەن ىندەتكە قارسى اتتاندى

□انار بۇلت \ شينجياڭ گازەتىنىڭ ءتىلشىسى لياڭ ليحۋا

2022.11.18 16:21     كەلۋ قاينارى : شينجياڭ گازەتى

  10 - ايدىڭ 28 - كۇنىنەن بەرى اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ پارتيا باسشىلىق گرۋپپاسى اۆتونوميالى رايوندىق پارتكومنىڭ ۇندەۋىنە بەلسەنە ءۇن قوسىپ، 15 ورگان كادرىن ءۇرىمجى قالاسىنىڭ تيانشان رايونى مەن سايباق رايونىنداعى 11 الەۋمەتتىك اۋماققا بارىپ، ىندەتكە قارسى اتتانۋدىڭ الدىڭعى شەبىنە ات سالىسىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ، ىندەتتى جويۋ شايقاسىنىڭ جەڭىسىنە قول جەتكىزۋگە كۇش قوسۋعا دەرەۋ ۇيىمداستىردى، ورنالاستىردى.

  ”نەعۇرلىم شەشۋشى ءسات بولعان سايىن، سولعۇرلىم كەۋدە كەرىپ الدىعا شىعامىن“

  اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتى قوعامدىق زاڭ شىعارۋ باسقارماسىنىڭ ورىنباسار باستىعى ليۋ سان ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان 2 جىلدان استام ۋاقىتتىق قىزمەتىن بيىل 5 - ايدا عانا اياقتاتىپ ۇيىنە قايتىپ كەلدى، مەكەمە ونىڭ ۇيىندە جاسى ۇلعايعان اكە - شەشەسى مەن جاس بالاسى بار ەكەنىن ەسكەرىپ، ونىڭ نەگىزگى ساتىعا ءتۇسۋ ءوتىنىشىن قايتارىپ جىبەرەدى. ليۋ سان جاعدايدان حابار تاپقان سوڭ، مەكەمەمەن جالعاستى بايلانىس جاساپ، الەۋمەتتىك اۋماققا ءتۇسىپ قىزمەت وتەۋدى ءوتىنىش ەتەدى، ول: ”مەن پارتيا مۇشەسىمىن، ىندەت تۋىلعان ەكەن بار كۇشىمدى سالىپ، اتويلاپ الدا ءجۇرۋىم كەرەك“، - دەدى.

  زاتتىق ماتەريالداردى جەتكىزۋدەن، قوقىر - قوقسىقتاردى تازالاپ تاسۋعا دەيىن... ليۋ سان دەرەۋ تيانشان رايونى جاستار جولى ءمالىسى حۇڭشان جولى وڭتۇستىك الەۋمەتتىك اۋماعىنىڭ ”جەتكىزۋشىسىنە“، ”ۇگىتشىسىنە“ اينالىپ، ءار كۇنى شاعىن اۋماق ىشىندە ارلى - بەرلى شاپقىلاپ، تۇرعىندار عيماراتىنا شىعىپ - ءتۇسىپ، قاربالاستىققا ءتۇستى.

  لي اپايدىڭ ۇيىندەگىلەر ءبىر قۇمىرا سپيرت ساتىپ الادى، ۋاڭ اپەكەنىڭ ۇيىندەگىلەر اسقازان ءدارىسىن ساتىپ الادى... ونىڭ ەستەلىك داپتەرى الۋان ءتۇرلى قاجەتتى دۇنيەلەردىڭ اتىمەن تولعان، مىنە بۇل سەنىم، ونان دا ماڭىزدىسى، جاۋاپكەرشىلىك.

  قىزمەت قىم - قۋىت ءارى باكىن - شۇكىن ىستەر بولعانىمەن، ليۋ سان شارشاپ - شالدىقتىم دەپ كورگەن ەمەس. ءاربىر وتباسىنا قاجەتتى كوكونىس، جەمىس - جيدەك، كۇرىش، ۇن سياقتى زاتتىق ماتەريالداردىڭ بارلىعىن ول بىردەن - بىردەن سالىستىرىپ، ءبىر - بىردەن زارارسىزداندىرادى، ميكروبىن جويادى. ليفت جوق كورپۋستاردا ول ءار قاباتقا ءجۇرىپ شىعىپ، زاتتاردى ءاربىر وتباسىنا جەتكىزىپ، ءاربىر ءىستى تىندىرىمدى، ويداعىداي ىستەپ، ءار ۇلت تۇرعىندارىن الاڭسىز، قامسىز ەتتى.

  ءار كۇنى ۇزاق ۋاقىت ءورلى - قىرلى شاپقىلاپ، زاتتىق ماتەريالداردى توقتاۋسىز تاسىعاندىقتان، ول ەكى اياعىنان باسا الماي، قولدارى دىرىلدەپ كەتەتىن، ءبىراق جالعاستى تاباندىلىق تانىتىپ، تۇرعىندار ەڭ سەنىم ارتاتىن، ەڭ ارقا سۇيەيتىن ”تۇرمىس باسقارۋشى“ بولۋعا قۇلشىندى.

  ”نەعۇرلىم شەشۋشى ءسات بولعان سايىن، سولعۇرلىم كەۋدە كەرىپ الدىعا شىعىپ، كوممۋنيستىك پارتيا مۇشەسىنىڭ جاۋاپكەرشىلىگى مەن جاۋاپكەرشىلىك ارقالاۋىن ءىس جۇزىندىك ارەكەتىمىزبەن ءتۇسىندىرۋىمىز كەرەك“، - دەدى ليۋ سان باتىل تۇردە.

  ”بۇقارانىڭ ءىسى − مەنىڭ ءىسىم“

  ءار كۇنى ساعات 11 مولشەرىندە شينجياڭ حالىق سارايى باسقارۋ ورتالىعىنىڭ كادرى شيە شينلي 20 كيلوگرامعا جۋىق زارارسىزداندىرۋ كۇبىسىن ارقالاپ، شاعىن اۋماقتاعى عيماراتتاردى قابات - قابات بويىنشا زارارسىزداندىرادى، ميكروبىن جويادى.

  ءار كۇنى شىعىپ - تۇسكەن باسپالداعى 500دەن اسادى، ارلى - بەرلى جۇرگەن جولى 6 كيلومەتردەن اسادى، ءار رەت زارارسىزداندىرىپ، ميكروبىن جويىپ بولعاندا كيىمى شىلقىلداپ، اياقتارى سىزداپ اۋىرىپ كەتەدى، دەسەدە ول ۇنەمى: ”بۇل دەنە شىنىقتىرۋدىڭ تاپتىرماس ورايى“، - دەپ ازىلدەيتىن.

  10 - ايدىڭ 28 - كۇنى سايباق رايونى 1 - تامىز ءمالىسى لاۋمانچىڭ الەۋمەتتىك اۋماعىنا تۇسكەننەن بەرى، شيە شينلي ءار كۇنى الەۋمەتتىك اۋماق قىزمەتكەرلەرىمەن، ەرىكتىلەرمەن بىرگە تۇرعىندار ۋيشين توبىندا تۇرعىنداردىڭ قاجەتىن ساناققا الىپ، كوپشىلىككە دەر كەزىندە كوكونىس، جەمىس - جيدەك سياقتى تۇرمىستىق زاتتىق ماتەريالداردى جەتكىزىپ، قيىنشىلىقتارى مەن تالاپ - تىلەكتەرىن سايكەستىرىپ شەشتى.

  تۇرعىن ۋاڭ پيڭنىڭ 87 جاستاعى شەشەسى سايباق رايونى حۇڭچياۋ وڭتۇستىك الەۋمەتتىك اۋماعىندا تۇرادى. جايشىلىقتا ءوزى قارايلاساتىن، تاياۋ ۋاقىتتان بەرى ىندەت سەبەبىنەن بارۋعا امالسىز قالىپ، كاريانىڭ كوڭىل كۇيىندە قالىپسىزدىق بايقالادى، سونىمەن ۋاڭ پيڭ ابىرجىپ قاتتى الاڭدايدى. شيە شينلي بۇل جاعدايدان حابار تاپقاننان كەيىن، دەر كەزىندە ۋاڭ پيڭمەن اقىلداسىپ، قارسى جاقتىڭ الەۋمەتتىك اۋماعىمەن بايلانىس جاساپ، سايكەسىپ، ىندەت تارالۋ حاۋىپ - قاتەرى جوق دەپ تۇراقتاندىرعاننان كەيىن، اۆتوموبيل جىبەرىپ قارتتى ۋاڭ پيڭنىڭ ۇيىنە جەتكىزىپ قويادى.

  ”بۇقارانىڭ ءىسى − مەنىڭ ءىسم“. شيە شينلي: ءىس جۇزىندىك ارەكەتىمىز ارقىلى بۇقارا ءۇشىن ناقتى ىستەر ىستەۋىمىز، قيىن ماسەلەلەرىن شەشۋىمىز كەرەك، - دەدى.

  ”شەگە قاعۋ رۋحىمەن الدىڭعى شەپتەن تاپجىلمايمىن“

  الەۋمەتتىك اۋماققا ءتۇسۋ جونىندەگى ۇقتىرۋدى تاپسىرىپ العاننان كەيىن، شينجياڭ حالىق سارايى باسقارۋ ورتالىعىنىڭ ورىنباسار مەڭگەرۋشىسى نيجات ابىلىميت دەرەۋ سايباق رايونى چيماشان ءمالىسى چيماشان جولى باتىس الەۋمەتتىك اۋماعىنا بارىپ تىزىمدەلدى. حىسۋان تەكسەرۋشىلەر تاپشى بولعاندىقتان، نيجات ىرىقتىلىقپەن تىزىمدەلىپ، تەكسەرۋشىلەرگە سەلبەسىپ ەكىلىك كودتى سكانەرلەپ، تىزىمگە الدى.

  نيجات 4 كورپۋستاعى 300دەن استام تۇرعىننىڭ ۇيىنە بارىپ حىسۋان سىناماسىن الۋعا جاۋاپتى بولدى، بۇل بارىستا ول قول تەلەفون ىستەتۋدى بىلمەيتىن، ەكىلىك كودتى اشا المايتىن قارتتاردى ۇنەمى كەزدەستىرەتىن، سوندا نيجات ۇنەمى ولارعا سابىرلىلىقپەن قولعابىس ەتەتىن؛ تىلدىك قارىم - قاتىناستا قينالعان از ۇلت تۇرعىندارىنا جولىققاندا ول اۋدارماشى بولىپ، كوپشىلىككە ىندەتتەن ساقتانۋ ساياساتىن بەلسەنە تۇسىندىرەتىن.

  ”باكىن - شۇكىن شارۋالار بولعانىمەن، تيتتەي دە شالاعايلىق ىستەۋگە بولمايدى. ىندەتتەن ساقتانۋدىڭ الدىڭعى شەبىندە دە شەگە قاعۋ رۋحىن ساۋلەلەندىرىپ، قىزمەتتى ناقتى، ويداعىداي ىستەۋ كەرەك“، - دەدى نيجات.

  اۆتونوميالى رايوندىق حالىق قۇرىلتايى تۇراقتى كوميتەتى كەڭسەسى كادرلار باسقارماسىنىڭ كادرى لي يارۇڭ سايباق رايونى شيچىڭ كوشەسى باتىس الەۋمەتتىك اۋماعىندا حىسۋان سىناماسىن الۋعا كومەكتەستى. ول جاۋاپتى بولعان عيماراتتا 200دەن استام تۇرعىن بار، ساپاعا، سانعا كەپىلدىك ەتە وتىرىپ سىناما الۋ ءۇشىن، ءار كۇنى تاڭەرتەڭ ساعات 8دەن باستاپ ءۇي - ءۇيدى ارالاپ سىناما الادى. ۋاقىتى ەرتە بولعاندىقتان، كەيبىر تۇرعىندار كەيىگەن سىڭاي تانىتاتىن. الايدا ول: ”كوپشىلىكتىڭ ۇيدە اۋاشالانعانىنا ۇزاق ۋاقىت بولدى، سابىرسىزدانۋى مۇمكىن، ولاردىڭ تۇرعىسىندا تۇرىپ ماسەلەگە وي جۇگىرتۋىم كەرەك“ دەپ ويلايدى. ءار جولى وسىنداي جاعدايعا جولىققاندا، لي يارۇڭ سابىرلىلىقپەن اڭگىمەلەسىپ، كوپشىلىكتىڭ كوڭىل كۇيىن بارىنشا ساباسىنا تۇسىرۋگە تىرىستى.

  ۋاقىت ۇزارا كەلە لي يارۇڭ تۇرعىندارمەن بىرتىندەپ تانىس بولىپ كەتتى، ونىڭ ۇستىنە تۇرعىندار جولىققان ماسەلەلەردى ول ىرىقتىلىقپەن شەشىپ بەرەتىندىكتەن، كوپشىلىك ونى قىزمەتتى ۇقىپتىلىقپەن ىستەيدى دەپ القاسادى.

  ”بۇقارانىڭ مويىنداۋىنا يە بولۋىم بوداۋ بەرۋىمدەگى ەڭ ۇلكەن ءمان“، - دەدى لي يارۇڭ.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار