شي جينپيڭ ليۋكسەمبۋرگتىڭ كىنازى حەنريمەن جۇڭگو مەن ليۋكسەمبۋرگتىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2022.11.18 16:19 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 16 - كۇنى بەيجيڭنەن بەرگەن حابارى. 11 - ايدىڭ 16 - كۇنى مەملەكەت ءتوراعاسى شي جينپيڭ ليۋكسەمبۋرگتىڭ كىنازى حەنريمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 50 جىلدان بەرى، جۇڭگو مەن ليۋكسەمبۋرگ باستان - اياق ءبىر - بىرىنە قۇرمەت ەتىپ، ءوزارا سەنىم ارتىپ، ءىرى، شاعىن ەلدەردىڭ دوس بولىپ ءوتۋىنىڭ، ءوزارا پايدا جەتكىزىپ، سەلبەستىك جاساسۋىنىڭ ۇلگىسىنە اينالدى. ەكى ەلدىڭ ءتۇرلى سالاداعى اۋىس - كۇيىسىنىڭ، سەلبەستىگىنىڭ تابىسى سۇبەلى بولدى، جىڭجوۋ - ليۋكسەمبۋرگ ”كەڭىستىك جىبەك جولى“ جۇڭگو - ەۆروپانى ءوزارا ۇلاستىراتىن، تۇتاستىراتىن كەڭىستىك كوپىرىن سالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، جۇڭگو - ليۋكسەمبۋرگ ىندەتكە قول ۇستاسا قارسى اتتانىپ، ەكى ەلدىڭ دوستىعىنا جاڭا ءمان قوستى. مەن جۇڭگو - ليۋكسەمبۋرگ قارىم - قاتىناسىنىڭ دامۋىنا ايرىقشا ءمان بەرەمىن، كىناز حەنريمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، جۇڭگو - ليۋكسەمبۋرگ قارىم - قاتىناسىنىڭ ۇزدىكسىز اقاۋسىز دامۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
حەنري مىنالاردى ءبىلدىردى: ليۋكسەمبۋرگ - جۇڭگو ديپلوماتيالىق قارىم - قاتىناس ورناتقان جارتى عاسىردان بەرى، ەكى جاقتىڭ ساياسي، ەكونوميكا، گۋمانيتارلىق سياقتى سالالارداعى سەلبەستىگىنىڭ جەتىستىگى قوماقتى بولدى، ەكى ەل حالقىنىڭ دوستىعى ۇزدىكسىز تەرەڭدەدى. ليۋكسەمبۋرگ جاق جۇڭگو جاقپەن بىرگە اۋىس - كۇيىستى جەبەپ، سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.
وسى كۇنى مەملەكەتتىك كەڭەستىڭ زۇڭليى لي كىچياڭ ليۋكسەمبۋرگتىڭ باس ءۋازىرى بەتتەلمەن ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو جاق ليۋكسەمبۋرگ جاقپەن بىرگە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتاۋدى وراي ەتىپ، ەكى جاقتىڭ ءارقايسى سالاداعى ناقتى سەلبەستىگىن تىڭعىلىقتى ىلگەرىلەتىپ، جۇڭگو - ليۋكسەمبۋرگ قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. بەتتەل مىنالاردى ءبىلدىردى: ليۋكسەمبۋرگ جاق ليۋكسەمبۋرگ - جۇڭگو قارىم - قاتىناسىنىڭ دامۋىنا ايرىقشا ءمان بەرەدى، جۇڭگو جاقپەن بىرگە ەكى ەل سەلبەستىگىنىڭ جاڭا سالالارىن ۇزدىكسىز كەڭەيتىپ، ەكى جاقتى قارىم - قاتىناستىڭ ۇزدىكسىز الدىعا قاراي دامۋىن ىلگەرىلەتۋدى قالايدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
