الەم چەمپيوناتىنىڭ اشىلۋ سالتىنداعى الەمدى تاڭ قالدىرعان بالا
2022.11.22 13:58 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ حاۋميڭ 11 - ايدىڭ 21 - كۇنى دوحادان حابارلايدى. 11 - ايدىڭ 20 - كۇنى كەشتە كاتار الەم چەمپيوناتىنىڭ اشىلۋ سالتىندا، قوس بىلەگىنە سۇيەنىپ جۇرەتىن، تەك جوعارعى جارىم دەنەسى عانا بار ۇل بالا شىعاناق فۋتبول الاڭىنىڭ قاق ورتاسىنا شىققان ءسات كورەرمەندەردىڭ ەسىنەن كوتەرىلمەستەي ەلەس قالدىردى.
بۇل ۇل بالا كىم؟ ونىڭ ەسىمى عانىم ءال - مۋفتاح، ول كاتار الەم چەمپيوناتىنىڭ وبىراز ەلشىسى، ونىڭ حيكاياسى الەمدى اسەرلەندىردى.
20 جىلدىڭ الدىندا، مۇفتاح كاتاردا ءومىر ەسىگىن اشقان، ول ەگىزدىڭ سىڭارى، دۇنيەگە كەلگەن ساتتە - اق تۋما قۇيمىشاق ومىرتقاسىنىڭ بۇزىلۋى سىندى كۇردەلى اۋرۋعا شالدىققانى انىقتالعان، بۇل ءبىر ءتۇرلى وتە سيرەك كەزدەسەتىن اۋرۋ. شيپاگەر دياگنوز قويعان سوڭ، نارەستە مۇفتاحتىڭ ءتىرى جاساۋىنىڭ ىقتيمالدىعى مۇلدە بۇلدىر دەپ قاراعان.
الايدا، مۇفتاحتىڭ اتا - اناسى ومىرگە جاڭا كەلگەن تىرشىلىك يەسىنەن ءۇمىت ۇزبەدى، نارەستە مۇفتاحتىڭ كۇن سايىن ەسەيۋى حيكىمەت جاعداي بولىپ سانالدى. تەك جوعارعى جارىم دەنەسى عانا بار بولعانىمەن، ونىڭ اتا - اناسى ونى باسقالار سياقتى قيمىلدارعا قاتىناسۋعا شابىتتاندىردى. ول ءوز دەنەسىنىڭ شەكتەمەسىن ۇزدىكسىز بۇزىپ ءوتىپ، قوس الاقانىنا فۋتبول شاقايىن كيدى، ونىڭ قوس قولى قوس اياعى ىسپەتتى، دوپتى الىپ جۇرگەندە، پاس بەرگەندە، قاقپاعا دوپ ۇرعاندا ەشكىمنەن كەم سوقپايدى.
فۋتبولدان سىرت، ول سۋدا ءجۇزۋدىڭ، سۋعا سۇڭگۋدىڭ، جاياۋ ٴجۇرۋدىڭ جانە سىرعىما تاقتا سپورتىنىڭ شەبەرى. قوس قولىنا سۇيەنگەن مۇفتاح تەڭىز دەڭگەيىنەن 3000 مەتر بيىكتىكتەگى شام تاۋىنا شىققان.
الەم چەمپيوناتىن وتكىزۋدىڭ الدىندا، مۇفتاحتىڭ ەسىمى كاتاردا الدەقاشان ايگىلى بولعان، ونىڭ الەۋمەتتىك جەلىدەگى پاراقشاسىندا ءۇش ميلليوننان استام جانكۇيەرى بار، جۇرت ونىڭ حيكاياسىنان اسەرلەنۋدە، شابىت الۋدا.
كاتار الەم چەمپيوناتىنىڭ وبىراز ەلشىسى بولعان سوڭ، مۇفتاح: «فۋتبول مەن سپورتتىڭ ءتۇرلى مادەنيەتتەر اراسىنداعى تۇسىنىستىكتىڭ كوپىرى بولاتىنىنا سەنىمىم كامىل، وسى ورايدا دۇنيە جۇزىندەگىلەرگە ءوز كەشىرمەمدى بايانداۋدى ءۇمىت ەتەمىن»، — دەدى.
اشىلۋ سالتىنان كەيىنگى الاڭعا كىرۋ سالتىندا، حالىقارالىق فۋتبول بىرلەستىگىنىڭ تۋىمەن بىرگە الاڭعا كىرگەن تۋعا «Football unites the world» (فۋتبول الەمدى ىنتىماقتاستىرادى) دەپ جازىلعان.
ال، مۇفتاحتىڭ كەشىرمەلەرى دە وسى ءبىر سالتاناتتى جارىس ارقىلى بۇكىل الەمدەگىلەرگە كەڭ پەيىلدى، ارمانشىل جانە ىنتىماقتى بولۋ تانىمىن قالىپتاستىرۋدى ءۇمىت ەتەتىنىن ايشىقتاپ جاريالاپ تۇرعانداي.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
