بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ يامايكانىڭ گۋبەرناتورى اللەنمەن جۇڭگو مەن يامايكانىڭ ديپلوماتيالىق قارىم - قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

لي كىچياڭ يامايكانىڭ زۇڭليى حولنەسپەن ءوزارا قۇتتىقتاۋ تەلەگرامماسىن جولدادى

2022.11.22 14:22     كەلۋ قاينارى : حالىق تورابى

  شينحۋا اگەنتتىگى، 11 - ايدىڭ 21 - كۇنى، بەيجيڭ. 11 - ايدىڭ 21 - كۇنى مەملەكەت ءتوراعاسى شي جينپيڭ يامايكانىڭ گۋبەرناتورى اللەنمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: يامايكا − اعىلشىن ءتىلدى كارايب رايونىنداعى جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەردىڭ ءبىرى. ديپلوماتيالىق قارىم - قاتىناس ورناتقان 50 جىلدان بەرى جۇڭگو - يامايكا قارىم - قاتىناسى باستان - اياق تاماشا دامۋ ارىنىن ساقتادى، ەكى جاقتىڭ ساياسي ءوزارا سەنىمى تەرەڭدەپ، ناقتى ىستەر سەلبەستىگىنىڭ ناتيجەسى قوماقتى بولدى، حالىقتاردىڭ دوستىعى كۇن سايىن تەرەڭدەدى. جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو مەن يامايكا ءوزارا قارايلاسىپ، قول ۇستاسا ىندەتكە قارسى اتتانىپ، ەكى ەلدىڭ دوستىق سەلبەستىگىنە جاڭا قوزعاۋشى كۇش ۇستەدى. مەن جۇڭگو - يامايكا قارىم - قاتىناسىنىڭ دامۋىنا ايرىقشا ءمان بەرەمىن، باس گۋبەرناتور اللەنمەن بىرگە قۇلشىنىپ، ديپلوماتيالىق قارىم - قاتىناس ورناتۋدىڭ 50 جىلدىعىن جاڭا باستاما ەتىپ، ءار سالاداعى سەلبەستىكتى تەرەڭدەتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرىپ، جۇڭگو مەن يامايكانىڭ ستراتەگيالىق سەرىكتەستىك قارىم - قاتىناسىن تىڭ ساتىعا كوتەرۋگە بىرگە جەتەكشىلىك ەتىپ، جاڭا داۋىردەگى جۇڭگو - يامايكا تاعدىرلاس ورتاق تۇلعاسىن قول ۇستاسا قۇرۋدى قالايمىن.

  اللەن مىنانى ءبىلدىردى: ديپلوماتيالىق قارىم - قاتىناس ورناتقاننان بەرى يامايكا مەن جۇڭگونىڭ دوستىق قارىم - قاتىناسى ۇزدىكسىز دامىپ، ءار سالاداعى سەلبەستىكتە كورنەكتى تابىستارعا قول جەتتى، بۇل ادامدى شاتتاندىرادى. يامايكا جۇڭگومەن سەلبەستىكتى ۇزدىكسىز كۇشەيتىپ، ەكى ەلدىڭ ستراتەگيالىق سەرىكتەستىك قارىم - قاتىناسىن ونان ارى تەرەڭدەتۋدى قالايدى.

  وسى كۇنى مەملەكەتتىك كەڭەستىڭ زۇڭليى لي كىچياڭ يامايكانىڭ زۇڭليى حولنەسپەن ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: يامايكا − جۇڭگونىڭ كارايب رايونىنداعى ماڭىزدى سەلبەستىك سەرىگى. جۇڭگو جاق يامايكا جاقپەن بىرگە قۇلشىنىپ، جۇڭگو مەن يامايكانىڭ ستراتەگيالىق سەرىكتەستىك قارىم - قاتىناسىنىڭ ونان ارى تەرەڭدەۋىن، ناقتىلانۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايدى.

  حولنەس مىنانى ءبىلدىردى: يامايكا جاق جۇڭگو جاقتىڭ يامايكا ەكونوميكاسىنىڭ ارتۋى مەن قوعامىنىڭ دامۋىنا كورسەتكەن قاستەرلى قولداۋىن بارىنشا القايدى، ەكى جاقتى سەلبەستىكتى كۇشەيتۋگە ۇزدىكسىز كۇش سالىپ، يامايكا مەن جۇڭگونىڭ ستراتەگيالىق سەرىكتەستىك قاتىناسىنىڭ ەكى ەل حالىقتارىنا باقىت جاراتۋىنا كەپىلدىك ەتۋدى قالايمىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار