شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە جالعاستى قاتىناستى
2022.11.21 14:50 كەلۋ قاينارى : حالىق تورابى
سول جەر ۋاقىتى بويىنشا 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ تايلاندتىڭ بانگكوگ قالاسىندا ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە جالعاستى قاتىناستى. شينحۋا اگەنتتىگىنىڭ ءتىلشىسى جۇي پىڭ تۇسىرگەن
«حالىق گازەتى»، 11 - ايدىڭ 19 - كۇنى، بانگكوگ (تىلشىلەر ۋىن حۇڭيان، جاڭ نيانشىڭ). سول جەر ۋاقىتى بويىنشا 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ بانگكوگ قالاسىندا ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە جالعاستى قاتىناستى.
ءماجىلىس باياندى ساۋدا جانە قارجى قوسۋ ماسەلەسىن ارقاۋ ەتە وتىرىپ تالقى جۇرگىزدى، مەملەكەت ءتوراعاسى شي جينپيڭ بىلاي دەپ اتاپ كورسەتتى: ەركىن جانە اشىق ساۋدا، قارجى قوسۋ ازيا - تىنىق مۇحيت ەكونوميكالىق سەلبەستىك ۇيىمىنىڭ ماقساتى جانە پرينسيبى، سونداي - اق 2040 - جىلعا دەيىنگى پۋتراجايا ارمانىن جۇزەگە اسىرۋدىڭ ماڭىزدى تىرەگى.
ناعىز كوپ جاقتىلىقتا تاباندى بولىپ، كوپ جاقتى ساۋدا ءتۇزىلىسىن قورعاۋ كەرەك. ەرەجەنى نەگىز ەتكەن ءتۇزىلىستى باتىل قورعاپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قورعاپ، اشىق، ءادىل، كەمسىتپەيتىن ساۋدا، قارجى قوسۋ ورتاسىن قالىپتاستىرىپ، ازيا - تىنىق مۇحيت ەركىن ساۋدا رايونىن ەرتەرەك قۇرۋ كەرەك.
جالپىعا ءتيىمدى، سيىسىمدى بولۋدان جازباي، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك. دامۋدىڭ قامتىمدىلىعىن كورنەكتىلەندىرىپ، تەڭ تۇرعىدا كەڭەسەتىن، بىرگە ات سالىساتىن، جاپپاي يگىلىككە كەنەلەتىن وڭىرلىك ەكونوميكالىق سەلبەستىك جۇلگەسىن قالىپتاستىرىپ، ءار جاققا تەڭ تيىمدىلىك جەتكىزەتىن ازيا - تىنىق مۇحيت بازارىن جەتىلدىرىپ، ءار جاقتىڭ بىرلەسىپ دامۋ بارىسىندا بىرگە ارتۋدى جۇزەگە اسىرۋىنا مۇمكىندىك جاساپ، ابزالدىقتار ارقىلى ءبىرىن - ءبىرى تولىقتاۋ بارىسىندا سەلبەسىپ تەڭ يگىلىككە كەنەلۋدى جۇزەگە اسىرۋ كەرەك. جۇڭگو جاق اۋىل - قىستاقتى گۇلدەندىرۋ، ورتا، شاعىن كاسىپورىنداردى «ارنايىلاندىرۋ، كەمەلدەندىرۋ، ەرەكشەلەندىرۋ، جاڭاشالاندىرۋ»، سيىسىمدى ساۋداعا قارجى قوسۋ سياقتى باستامالاردى العا قويىپ، دامۋ جانە جاڭالىق اشۋ جەتىستىكتەرىنەن اناعۇرلىم كوپ بۇقارانى يگىلىكتەندىرىپ، ازيا - تىنىق مۇحيت وڭىرىندەگى ءار جاقتىڭ سيىسىمدى جانە باياندى دامۋدى جۇزەگە اسىرۋىنا دەم بەرەدى.
اشىق وڭىرلىك سەلبەستىكتە تاباندى بولىپ، ازيا - تىنىق مۇحيت ءوڭىرىنىڭ گۇلدەنۋىن بىرگە جەبەۋ كەرەك. ەسىك اشۋدى بەلسەندى، ىرىقتى تۇردە كەڭەيتىپ، وڭىرلىك ەكونوميكالىق سەلبەستىكتىڭ دەڭگەيىن جاپپاي جوعارىلاتۋ كەرەك. جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، جۇڭگونىڭ اشىق ەسىگى بارعان سايىن ايقارا اشىلادى. تاياۋدا 5 - كەزەكتى جۇڭگو حالىقارالىق يمپورت كورمەسى تابىسپەن اياقتاپ، جۇڭگونىڭ ەركىن، اشىق ساۋدانى قولداۋ، دۇنيە جۇزىنە بازاردى اشىق ۇستاۋ بەرىك بەكىمىن تاعى ءبىر رەت ايگىلەدى. جۇڭگو ساپالى ونىمدەر مەن قىزمەت وتەۋ يمپورتىن بەلسەنە كەڭەيتىپ، دۇنيە جۇزىنە ءتىپتى دە كوپ بازار ورايىن، ارتۋ ورايىن، سەلبەستىك ورايىن الا كەلەدى.
ماجىلىستە «2022 - جىلعى ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ جارناماسى» مەن «بيولوگيالىق، اينالمالى، جاسىل ەكونوميكانىڭ بانگكوگ نىساناسى» جاريالاندى.
ۋاڭ ي ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
