ەلىمىز ديقان جۇمىسكەرلەردىڭ جۇمىستانۋىن، شارۋاشىلىق قۇرۋىن بەس جاقتان ونان ارى قولدايدى
2022.11.19 16:11 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 18 – كۇنى بەيجيڭنەن بەرگەن حابارى. جۇمىستانۋ جالپى جاعدايىن ورنىقتىرۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ ءۇشىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك دامۋ جانە رەفورما كوميتەتى قاتارلى بەس تاراۋ 11 - ايدىڭ 18 - كۇنى «ديقان جۇمىسكەرلەردىڭ جۇمىستانۋىن، شارۋاشىلىق قۇرۋىن اناعۇرلىم قولداۋ جونىندەگى اتقارۋ پىكىرىن» جاريالاپ، ديقان جۇمىسكەرلەر مەن كەدەيلىكتەن ارىلعان حالىقتىڭ كاسىپتەنۋىن، شارۋاشىلىق قۇرۋىن جەبەۋ جونىندەگى بەس جاقتاعى ساياساتتىق شارانى ايقىندادى.
ءبىرىنشى، ديقان جۇمىسكەرلەردىڭ جۇمىس ورنىن ورنىقتىرۋعا قولداۋ كورسەتىپ، قوعامدىق قامسىزداندىرۋ اقىسىن كەشەۋىلدەتىپ تاپسىرۋ، جۇمىس ورنىن ورنىقتىرىپ قايتارۋ، جۇمىس ورنىندا قالىپ تاربيەلەۋ قوسىمشا قاراجاتى، قوعامدىق قامسىزداندىرۋ قوسىمشا قاراجاتى سياقتى ساياساتتاردى جاپپاي تياناقتاندىرىپ، ديقان جۇمىسكەرلەردىڭ جۇمىستانۋى شوعىرلانعان قۇرىلىس كاسىبى، جاساۋ كاسىبى، قىزمەت وتەۋ كاسىبى كاسىپورىندارىنىڭ وتكەلدەن وتۋىنە ءتۇيىندى تۇردە قولداۋ كورسەتىپ، ۋاقىتشا جۇمىس توقتاتقان كاسىپورىندار مەن جۇمىسشى ىستەتۋى تاپشى كاسىپورىنداردى جۇمىسشى ىستەتۋدە ارتىق - كەمىن رەتتەۋگە ۇيىمداستىرىپ، جۇمىسشى ىستەتۋ بارىسىنداعى ەڭبەكشىلەردىڭ ۇقىق - مۇددەسىن ويداعىداي قامتاماسىزداندىرۋ كەرەك.
ەكىنشى، ديقان جۇمىسكەرلەردى تارتىپپەن سىرتقا شىعىپ جۇمىس ىستەۋگە جەتەكتەپ، وڭىرلىك ەڭبەك سەلبەستىك وداعىن قۇرۋ جونىندە ىزدەنىس جاساپ، ءوڭىر اتتاپ جۇمىستانۋعا قىزمەت وتەۋ مەحانيزمىن اقاۋسىزداندىرىپ، ديقان جۇمىسكەرلەر مەن كەدەيلىكتەن ارىلعان، جان سانى ءبىرشاما كوپ قالا، اۋدان، اۋىل - قىستاق جانە جۇمىستانۋ شوعىرلانعان رايونداردا جۇمىستانۋعا قىزمەت وتەۋ پۋنكتتەرىن ۇيلەسىمدى قۇرىپ، ديقان جۇمىسكەرلەردى سىرتقا شىعىپ جۇمىس ىستەۋگە ۇيىمداستىرۋ مولشەرى ءبىرشاما كوپ، ونىمدىلىگى ءبىرشاما جاقسى ادام كۇشى بايلىعىنا قىزمەت وتەۋ قۇرىلىمدارىنا بەلگىلەمە بويىنشا جۇمىستانۋعا، شارۋاشىلىق قۇرۋعا قىزمەت وتەۋ قوسىمشا قاراجاتىن بەرۋ كەرەك.
ءۇشىنشى، ديقان جۇمىسكەرلەردىڭ جاقىن ماڭدا جۇمىستانۋىن، شارۋاشىلىق قۇرۋىن جەبەپ، اۋدان كولەمىندەگى كاسىپتەردى جەدەل دامىتىپ، اۋدان كولەمىندەگى جۇمىستانۋدىڭ كوتەرىمدىلىك قۋاتىن جوعارىلاتىپ، جىلۋ ورنىنا جۇمىس تاۋىپ بەرۋدى كۇش سالا اتقارىپ، ەڭبەك اقىسىن تاراتۋ كولەمىن مۇمكىندىكتىڭ بارىنشا ارتتىرىپ، شارۋاشىلىق قۇرۋعا قىزمەت وتەيتىن ءبىر توپ ماماندار قوسىنىن قۇرىپ، اۋىلىنا قايتىپ شارۋاشىلىق قۇرعان ديقان جۇمىسكەرلەرگە كاسىپتىك قىزمەت وتەۋ كەرەك.
ءتورتىنشى، ديقان جۇمىسكەرلەردىڭ جۇمىستانۋىنا قىزمەت وتەۋدى قامتاماسىزداندىرۋدى كۇشەيتىپ، جۇمىسسىز قالعان ديقان جۇمىسكەرلەردىڭ تۇراقتاعان جەردە، جۇمىستانعان جەردە، قامسىزداندىرۋعا قاتىناسقان جەردە جۇمىسسىزداردى تىزىمگە الدىرۋىنا، نەگىزگى الەۋمەتتىك جۇمىستانۋمەن بىردەي قىزمەت وتەۋىنە جول بەرىپ، شارت - جاعدايى بار رايونداردىڭ ديقان جۇمىسكەرلەردىڭ جۇمىستانۋى شوعىرلانعان رايونداردا ەڭبەك ۇقىعىن قورعاۋ جونىندە اقىل - كەڭەس بەرۋ قىزمەت وتەۋ تۇيىندەرىن قۇرۋىنا قولداۋ كورسەتىپ، كاسىپورىنداردىڭ جاسىن سىلتاۋ ەتىپ، جاسى ۇلعايعان ديقان جۇمىسكەرلەردى ءبىر شىبىقپەن ايداماۋىنا جەتەكشىلىك ەتىپ، جۇمىستانۋ قاجەتى بار ديقان جۇمىسكەرلەرگە الەۋمەتتىك جۇمىستانۋعا تەگىن قىزمەت وتەۋ كەرەك.
بەسىنشى، قايتا كەدەيلەسۋدەن ساقتانۋ، جۇمىستانۋدان قامال الۋ ارەكەتىن اتقارىپ، كەدەيلىكتەن ارىلعانداردىڭ جۇمىستانۋىن، جۇمىسسىز قالۋىن باقىلاۋ - تەكسەرۋدى ويداعىداي ىستەپ، الدىمەن جۇمىستانۋعا كومەكتەسۋ - سۇيەمەلدەۋدى اتقارىپ، مەملەكەتتىڭ اۋىل - قىستاقتى گۇلدەندىرۋدەگى ءتۇيىندى سۇيەمەلدەنەتىن اۋدانداردى، باسقا جەرگە كوشىرۋدەگى ءىرى ورنالاستىرۋ رايوندارىن بەيىمدەپ قولداۋدى كۇشەيتىپ، قازىرگى ءتۇرلى اۋىل - قىستاق الەۋمەتتىك يگىلىك سيپاتتى جۇمىس ورىندارىن ءبىرتۇتاس جوسپارلاپ، ويداعىداي پايدالانۋ كەرەك، قازىرگى بەلگىلەمەدەن سىرت باسقا دا جاس بەلگىلەۋ سياقتى قاجەتسىز شەكتەۋ شارتتارىن اتقارۋعا بولمايدى، تولىق كۇندىك جۇمىس ورنىنا جاتپايتىن قىزمەتكەرلەردىڭ ءبىر ۋاقىتتا باسقا دا يكەمدى جۇمىستانۋىنا رۇقسات ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
2025-جىلى 4-ايدىڭ 16-كۇنى
بۇل حابارعا باعاڭىز
سۋرەتتى حابار
لەبىز جازۋ
