يندونەزيانىڭ باتىس جاۆا ولكەسىندە 5.6 بال جەر سىلكىنىپ، 56 ادام ءولىپ، 700 نەشە ادام جارالاندى
2022.11.22 15:48 كەلۋ قاينارى : حالىق تورابى
ءتىلشىنىڭ 11 – ايدىڭ 21 - كۇنى جاكارتادان بەرگەن حابارى. جەرگىلىكتى ۋاقىت 11 – ايدىڭ 21 – كۇنى يندونەزيانىڭ باتىس جاۆا ولكەسى سيانيۇر اۋدانىندا 5.6 بال جەر سىلكىندى. ءتىلشى حابار جولداعانعا دەيىن جەر سىلكىنىسىندە 56 ادام ءولىپ، 700 نەشە ادام جارالاندى.
يندونەزيا اۋا رايى، كليمات جانە جەر شارى فيزيكاسى مەكەمەسىنىڭ توراپ بەكەتىندە كورسەتىلۋىنشە، جەر سىلكىنىسى جەرگىلىكتى ۋاقىت ساعات 13 تەن 21 مينۋت وتكەندە (بەيجيڭ ۋاقىتى ساعات 14 تەن 21 مينۋت وتكەندە) تۋىلعان، سىلكىنىس ورتالىعى وڭتۇستىك ەندىك 6.84 گرادۋس، شىعىس بويلىق 107.05 گرادۋس بولىپ، باتىس جاۆا ولكەسى سيانيۇر اۋدانىنىڭ اۋماعىندا، سىلكىنىس قاينارىنىڭ تەرەڭدىگى 10 كيلومەتر بولعان.
جەرگىلىكتى اقپارات قۇرالدارىنىڭ يندونەزيا مەملەكەتتىك اپاتقا قارسى تۇرۋ مەكەمەسىنىڭ حابارىنان سيتات كەلتىرىپ ايتۋىنا قاراعاندا، قازىرگە دەيىن جەر سىلكىنىسىندە 56 ادام ءولىپ، 700 نەشە ادام جارالانعان. ولگەندەردىڭ ىشىندە 40 بالا بار، جارالانعانداردىڭ كوپ ساندىسى مەرتىككەندەر. كوبى قۇرىلىستاردىڭ قۇلاۋىنان ولگەن، جارالانعان.
يندونەزيانىڭ جەرگىلىكتى تەلەۆيزياسىنىڭ كەسكىنىندە كورسەتىلۋىنشە، تاۋلى وڭىردەگى سىلكىنىس ورتالىعى بولعان اۋىل – قالاشىقتاردا ۇيلەر ىعى – جىعى بولىپ، كوپتەگەن ۇيلەر، اعاشتار قۇلاپ، كوپتەگەن تاۋ بەتكەيلەرىندە تاۋ كوشكىنى ءتۇسىپ جولداردى بىتەپ قالعان.
يندونەزيا اۋا رايى، كليمات جانە جەر شارى فيزيكاسى مەكەمەسىنىڭ جاۋاپتىسى كارناۋاتيدىڭ (Karnawati) تانىستىرۋىنا قاراعاندا، سول كۇنى ساعات 16 عا دەيىن اتالعان مەكەمە سىلكىنىس رايونىندا تاعى 25 رەت قالدىق سىلكىنىس تۋىلعاندىعىن ساناققا العان، مۇنىڭ ىشىندە ەڭ ۇلكەن سىلكىنىس 4 بال بولعان. قازىر يندونەزيادا جاڭبىرلى ماۋسىم بولعاندىقتان، كارناۋاتياپاتقا ۇشىراعان حالىققا جارىلعان تاۋ بەتكەيى مەن وزەن جاعاسىنان اۋلاق بولىپ، قالدىق سىلكىنىس پەن جاڭبىردىڭ كەسىرىنەن تاۋ كوشكىنى ٴتۇسىپ جانە وزەن سۋى كۇرت ورلەۋدەن تۋىلاتىن اپاتتان ساقتانۋدى ەسكەرتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
