بيىل شينجياڭ 5 ميلليون مۋعا جۋىق جوعارى ولشەمدى ەگىنجاي سالدى
2022.11.25 15:22 كەلۋ قاينارى : حالىق تورابى
شينجياڭ گازەتىنىڭ ۇرىمجىدەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنشا، بيىل جىل باسىنان بەرى شينجياڭ ەگىستىك جەردى قورعاۋدىڭ ەڭ قاتاڭ ءتۇزىمى مەن جەردى ۇنەمدى پايدالانۋدىڭ ەڭ قاتاڭ ءتۇزىمىن تياناقتاندىرىپ، جوعارى ولشەمدى ەگىنجاي قۇرىلىسىن بەلسەنە ىلگەرىلەتكەن. قازىرگە دەيىن 4 ميلليون 958 مىڭ 900 مۋ جەردەگى جوعارى ولشەمدى ەگىنجاي قۇرىلىسىن تامامداپ، اۋىل شارۋاشىلىعى، اۋىل - قىستاق مينيسترلىگىنىڭ شينجياڭعا تۇسىرگەن 5 ميلليون مۋلىق جىلدىق مىندەتىن، نەگىزىنەن، ورىنداپ بولعان، قالعان قۇرىلىستى جىل سوڭىنان بۇرىن تۇگەل ورىنداپ بولادى ەكەن.
جوعارى ولشەمدى ەگىنجاي دەگەنىمىز اتىزى تەگىس، شوعىرلى ۇلاسقان، قۇرىلعىسى كەمەلدى، سۋ ۇنەمدەۋ ونىمدىلىگى جوعارى، ەگىسكە پايدالاناتىن ەلەكترى سايكەسكەن، توپىراعى قۇنارلى، ەكولوگياسى جاقسى، اپاتقا قارسى تۇرۋ قۋاتى كۇشتى، وسى زامانعى اۋىل شارۋاشىلىعى ءوندىرىسى جانە تيجاراتى ۇلگىسىنە ۇيلەسكەن، قۋاڭشىلىقتا دا، سۋ باسقاندا دا ءتۇسىمى كەمىمەيتىن، مول، ورنىقتى ءونىم الۋعا بولاتىن، ماڭگىلىك نەگىزگى ەگىنجاي ەتىپ بەلگىلەنگەن، ايرىقشا قورعالاتىن ەگىنجاي. بيىل تۇتاس رايون قارجىعا قول جەتكىزۋ ارقىلى كوپ ارنادا ۇسىنىلىمدى ارتتىرىپ، ءتۇزىم جاعىنداعى قامتاماسىزدىقتى كۇشەيتىپ، نىساندى سالۋ، باسقارۋدى ويداعىداي يگەرۋ جانە تەحنيكالىق تىرەكتى كۇشەيتۋ سياقتى ءبىر قىدىرۋ شارالار ارقىلى جوعارى ولشەمدى ەگىنجاي قۇرىلىسىنىڭ اياق الىسىن جەدەلدەتتى.
تاياۋدان بەرى جەر - جەر ىندەتتەن ساقتانۋ - تىزگىندەۋ جانە اۋىل شارۋاشىلىعىن، اۋىل - قىستاقتى دامىتۋ قىزمەتتەرىن ءبىر تۇتاس جوسپارلاپ، ويداعىداي ىستەپ، كۇزگى جيىن - تەرىننەن كەيىنگى جەردىڭ بوس تۇرۋ مەزگىلىنەن پايدالانىپ، جوعارى ولشەمدى ەگىنجاي قۇرىلىسىنىڭ اياق الىسىن جەدەلدەتتى. ءۇشتۇرپان اۋدانىندا جەرگىلىكتى ورىن ءىرى تۇرپاتتى ماشينالاردى ىسكە قوسىپ، 100 مىڭ مۋ جوعارى ولشەمدى ەگىنجاي قۇرىلىسىن جۇرگىزدى، ارىق، توعان، سۋ تيەگى، تامشىلاتىپ سۋارۋ سياقتى ينجەنەريا قۇرىلعىسىن سايكەستىرىپ، كەمەلدەندىرىپ، كەلەر جىلعى مول ونىمگە ويداعىداي نەگىز قالادى. «جوعارى ولشەمدى ەگىنجاي سۋ، تىڭايتقىش، ەگىس ءدارىسى سياقتى اۋىل شارۋاشىلىق ۇسىنىلىمدارىنىڭ مولشەرىن ازايتىپ، ونىمدىلىگىن جوعارىلاتۋدى جەبەۋگە شارت - جاعداي ازىرلەدى، ول اۋىل شارۋاشىلىعىنىڭ جاسىل دامۋىن ىلگەرىلەتىپ، كولەمدەندىرۋ ونىمدىلىگىن جوعارىلاتىپ، اۋىل شارۋاشىلىعىن وسىزامانداندىرىپ دامىتۋدى جۇزەگە اسىرۋدىڭ ماڭىزدى نەگىزى»، - دەدى ءۇشتۇرپان اۋدانى اۋىل شارۋاشىلىعى، اۋىل - قىستاق مەكەمەسىنىڭ باستىعى ءرۇستام ياسىن.
بيىل شينجياڭ كوپ ارنامەن قارجى دايىنداپ جوعارى ولشەمدى ەگىنجاي قۇرىلىسىنا پايدالاندى، جوعارى ولشەمدى ەگىنجاي قۇرىلىسى نىسانىنا قازىنادان وتكەرمەلەپ تولەۋ ارقىلى قولداۋ كورسەتىپ قوسقان قارجى مۋ باسىنا 1500 يۋاننان اسىپ، مەملەكەتتىڭ باعالاۋ، شابىتتاندىرۋ، تەكسەرۋ بويىنشا قازىنادان مۋ باسىنا قوسىلاتىن قارجى ولشەمىنە جەتىپ، جەر تەگىستەۋ جانە جوعارى ءونىمدى سۋ ۇنەمدەۋ ەكى ءتۇرلى وزەكتى قۇرىلىس مازمۇنىن تولىق قامتۋدى، نەگىزىنەن، جۇزەگە اسىرىپ، شينجياڭ اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ جانە تيبىن وزگەرتىپ، دارەجەسىن جوعارىلاتۋ جاعىندا ماڭىزدى رول اتقاردى. مەجەگە قاراعاندا، سالىنىپ بولعاننان كەيىنگى جوعارى ولشەمدى ەگىنجايداعى ءبيدايدىڭ بىرلىك ءونىمى ％5، جۇگەرىنىڭ بىرلىك ءونىمى ％20، ماقتانىڭ بىرلىك ءونىمى ％10 جوعارىلاپ، جەر ايداۋ، تۇقىم سەبۋ، جيناۋ بويىنشا جالپى جاقتان ماشينالاندىرۋ مولشەرى ％90تەن اسادى ەكەن.
ۇعىسۋعا قاراعاندا، 2021 - جىلدىڭ سوڭىنا دەيىن تۇتاس شينجياڭدا (جەرگىلىكتى ورىن) 31 ميلليون 260 مىڭ مۋ جوعارى ولشەمدى ەگىنجاي سالىنىپ بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
