مەملەكەتتىك كەڭەس حىنان ولكەسى انياڭ قالاسى كايشيندا ساۋدا سەرىكتەستىگىندە 11 - ايدىڭ 21 - كۇنى تۋىلعان ەرەكشە اۋىر ءورت اپاتى شىرعالاڭىن تەكسەرۋ گرۋپپاسىن قۇردى
2022.11.24 15:48 كەلۋ قاينارى : حالىق تورابى
حالىق گازەتىنىڭ ءتىلشىسى چيۋ چاۋ - ي 11 - ايدىڭ 23 - كۇنى بەيجيڭنەن حابارلايدى. 11 - ايدىڭ 21 - كۇنى ساعات 16 دا، حىنان ولكەسى انياڭ قالاسى كايشيندا ساۋدا سەرىكتەستىگىنىڭ زاۆود ۇيىندە ەرەكشە اۋىر ءورت اپاتى شىرعالاڭى تۋىلىپ، 38 ادام قازا بولىپ، ەكى ادام جارالاندى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات، دايەكتى تياناقتاندىرۋ ءۇشىن، لي كىچياڭ زۇڭلي قاتارلى مەملەكەتتىك كەڭەستەگى باسشى جولداستاردىڭ بەكىتكەن تالابى بويىنشا، مەملەكەتتىڭ قاتىستى زاڭ - تۇزىمدەرىندەگى بەلگىلەمەلەرگە ساي، مەملەكەتتىك كەڭەس تەكسەرۋ گرۋپپاسىن قۇرۋدى ماقۇلدادى، تەكسەرۋ گرۋپپاسىن قۇرۋعا شۇعىل جاعدايلارعا توتەپ بەرۋدى باسقارۋ مينيسترلىگى جەتەكشىلىك ەتەدى، قوعام حاۋىپسىزدىگى مينيسترلىگى، مەملەكەتتىك باس جۇمىسشىلار ۇيىمى، حىنان ولكەلىك حالىق ۇكىمەتى قاتارلى قاتىستى جاقتار قاتىناسىپ، حىنان ولكەسى انياڭ قالاسىنداعى كايشيندا ساۋدا سەرىكتەستىگىندە 11 - ايدىڭ 21 - كۇنى تۋىلعان ەرەكشە اۋىر ءورت اپاتى شىرعالاڭى جونىندە تەكسەرۋ جۇرگىزەدى.
11 - ايدىڭ 23 - كۇنى تۇستەن بۇرىن، مەملەكەتتىك كەڭەس حىنان ولكەسى انياڭ قالاسى كايشيندا ساۋدا شەكتى سەرىكتەستىگىندە 11 - ايدىڭ 21 - كۇنى تۋىلعان ەرەكشە اۋىر ءورت اپاتى شىرعالاڭىن تەكسەرۋ گرۋپپاسى انياڭ قالاسىندا ءبىرىنشى رەتكى جالپى ءماجىلىسىن اشتى. مەملەكەتتىك كەڭەستىڭ تەكسەرۋ گرۋپپاسىنىڭ باستىعى، شۇعىل جاعدايلارعا توتەپ بەرۋدى باسقارۋ مينيسترلىگىنىڭ ورىنباسار مينيسترى سۇڭ يۋانميڭ تەكسەرۋ قىزمەتى جونىندە ناقتى تالاپتاردى ورتاعا قويدى.
جينالىستا مىنالار باسا دارىپتەلدى: شىرعالاڭدى تەكسەرۋ قىزمەتىندە باس شۋجي شي جينپيڭنىڭ ماڭىزدى نۇسقاۋىنىڭ رۋحى مەن پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات، دايەكتى تياناقتاندىرىپ، «عىلىمي ءارى تىڭعىلىقتى ورىستەتۋ، زاڭ - تۇزىمدەرگە ساي، شىندىقتى ءىس جۇزىنەن ىزدەۋ، ناقتى ونىمدىلىككە ءمان بەرۋ» جانە «ءتورتتى بوساڭسىتپاۋ» پرينسيپتەرى بويىنشا، شىرعالاڭنىڭ سەبەبىن تەز ارادا انىقتاپ شىعۋ، جاۋاپكەرشىلىكتى وبيەكتيۆ، دالمە - ءدال تۇراقتاندىرۋ، ءبىر جاقتى ەتۋ ۇسىنىسىن شىندىقتى ءىس جۇزىنەن ىزدەي وتىرىپ ورتاعا قويۋ، جاۋاپكەرشىلىكتى زاڭ بويىنشا قاتاڭ قۋزاستىرۋ كەرەك. سونىمەن بىرگە، جەرگىلىكتى ورىن ۇكىمەتىنىڭ شىرعالاڭنان مۇقيات ساباق الۋىن، ءبىر ماسەلە ارقىلى باسقا ماسەلەلەردى بايقاپ، ىشكەرىلەي جونگە سالۋىن، جاۋاپكەرشىلىكتى قاتاڭ تياناقتاندىرۋىن، اۋىر حاۋىپ - قاتەردىڭ تۋىلۋىنان ءونىمدى ساقتانۋىن جانە ونى شەشىم ەتۋىن، ەرەكشە اۋىر، توتەنشە اۋىر شىرعالاڭداردىڭ تۋىلۋىن باتىل تەجەۋىن ىلگەرىلەتۋ كەرەك.
مەملەكەتتىك كەڭەستىڭ تەكسەرۋ گرۋپپاسىنىڭ جالپى مۇشەلەرى، ماماندار گرۋپپاسىنىڭ مۇشەلەرى، ورتالىق ءتارتىپ تەكسەرۋ كوميتەتى مەن مەملەكەتتىك باقىلاۋ كوميتەتىندەگى قاتىستى بولىمدەردەگى جاۋاپتى جولداستار، حىنان ولكەسىندەگى، انياڭ قالاسىنداعى قاتىستى جاۋاپتى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
