سىرتقى ىستەر مينيسترلىگىنىڭ مالىمدەمەشىسى: ا ق ش اقىلمەن ايتقان ءسوزدى مۇقيات تىڭداۋى كەرەك
2022.11.23 16:06 كەلۋ قاينارى : حالىق تورابى
شينحۋا اگەنتتىگىنىڭ 11 – ايدىڭ 22 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى جاۋ ليجيان 11 - ايدىڭ 22 - كۇنى بىلاي دەدى: جۇڭگو مەن ا ق ش - تىڭ ەكونوميكا - ساۋدا قاتىناسىنىڭ ءمانى ءوزارا تيىمدىلىك جاساۋ، ءوزارا پايدا جەتكىزۋ، ا ق ش اقىلمەن ايتقان ءسوزدى مۇقيات تىڭداپ، تەكەتىرەستىك ويدى تاستاپ، ەكونوميكا - ساۋدا، عىلىم - تەحنيكا ماسەلەسىن ساياسيلاندىرۋدى، قۇرالعا، قارۋعا اينالدىرۋدى توقتاتۋى كەرەك.
سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەدى: حابارعا قاراعاندا، ا ق ش - تىڭ بۇرىنعى قازىنا مينيسترى سامەرس ا ق ش جۇڭگوعا سوقتىقپاي، قايتا ءوزىنىڭ ەكونوميكالىق باسىمدىلىعىن ورناتۋعا نازار اۋدارۋى كەرەك دەگەندى ءبىلدىردى، بۇدان سىرت، حالىقارالىق اقشا قورى ۇيىمىنىڭ باس القاسى گەورگيەۆا، دۇنيە بانكەسىنىڭ بۇرىنعى باس ەكونوميسى گولدبەرگ قاتارلى قايراتكەرلەر دە تاياۋدا ا ق ش - تى جۇڭگوعا قارسى قوزعاعان ەكونوميكالىق سوعىسى جونىندە تولعانۋعا ۇندەدى. مالىمدەمەشى بۇعان قالاي باعا بەرەدى؟
جاۋ ليجيان بىلاي دەدى: حالىقارالىق قوعامداعى اڭعارلى قايراتكەرلەر جۇڭگو - ا ق ش قاتىناسى جونىندە تالاي رەت اقىلمەن پىكىر ايتتى. «بۇل سەلبەستىك ەكى جاققا دا ءتيىمدى بولاتىندىعى، قاقتىعىسسا ەكى ەل دە بىردەي زيانعا ۇشىرايتىندىعى جۇڭگو – ا ق ش قاتىناسى دامۋىنىڭ بۇلجىماس زاڭدىلىعى ەكەندىگىن تاعى ءبىر رەت دالەلدەدى».
ول مىنالاردى اتاپ كورسەتتى: جۇڭگو مەن ا ق ش ەكونوميكا - ساۋدا بايلانىسىنىڭ ءمانى ءوزارا تيىمدىلىك جاساۋ، ءوزارا پايدا جەتكىزۋ. ساۋدا شايقاسىن، عىلىم - تەحنيكا شايقاسىن جۇرگىزىپ، ادەيى «داۋال سوعىپ، قورعان تۇرعىزىپ»، بار كۇشپەن «تىزبەكتەن اجىراپ، تىزبەكتى ءۇزۋ» بازار شارۋاشىلىعى پرينسيبىنە بۇكىلدەي قايشى، حالىقارالىق ساۋدا ەرەجەسىن بۇلدىرەدى، باسقالارعا زيان جەتكىزەدى.
جاۋ ليجيان بىلاي دەدى: ا ق ش اقىلمەن ايتقان ءسوزدى مۇقيات تىڭداپ، تەكەتىرەستىك ويدى تاستاپ، مەملەكەت حاۋىپسىزدىگى ۇعىمىن جالپىلاستىرۋدى، ەكونوميكا - ساۋدا، عىلىم - تەحنيكا ماسەلەلەرىن ساياسيلاندىرۋدى، قۇرالعا، قارۋعا اينالدىرۋدى توقتاتۋى كەرەك. «جۇڭگو ا ق ش - پەن بىرگە قۇلشىنىپ، جۇڭگو - ا ق ش ەكى ەل باسشىلارىنىڭ بالي ارالىنداعى كەزدەسۋىندە كەلىسكەن ماڭىزدى ورتاق تانىمدى تياناقتاندىرىپ، جۇڭگو - ا ق ش قاتىناسىنىڭ اقاۋسىز، ورنىقتى دامۋ ارناسىنا قايتا ءتۇسۋىن ىلگەرىلەتۋدى قالايدى».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
