شينجياڭ جارنا ۇقىعى ايىرباس ورتالىعى ”اۋىل - قىستاقتى گۇلدەندىرۋ بولىگىن“ قۇرۋدى باستادى
ءتۇرلى اۋىل شارۋاشىلىق كاسىپورىندارىن كاپيتال بازارىمەن ۇشتاسۋعا جەتەكتەيدى
2022.11.28 13:34 كەلۋ قاينارى : شينجياڭ گازەتى
انار بۇلت \شينجياڭ گازەتىنىڭ ءتىلشىسى ۋاڭ يۇڭفي 11 - ايدىڭ 26 - كۇنى ۇرىمجىدەن حابارلايدى. شينجياڭ جارنا ۇقىعى ايىرباس ورتالىعىنان ۇعىسۋىمىزشا، شينجياڭ جارنا ۇقىعى ايىرباس ورتالىعى بۇگىننەن تارتىپ اۆتونوميالى رايوننىڭ ”اۋىل - قىستاقتى گۇلدەندىرۋ بولىگىن“ قۇرۋدى باستاعان. شينجياڭنىڭ اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردى وزەك ەتكەن اۋىل شارۋاشىلىق كاسىپورىندارى ءۇشىن ارنايى قىزمەت وتەيتىن بۇل بولىك كاسىپورىنداردى جەتىلدىرۋ ماقساتىندا كورسەتىپ ۇگىتتەۋ، جارنا ۇقىعى باعاسىن جاريالاۋ، قارجى قوسۋ - قارجى قۇراۋ، كەپىل بولىپ سەنىمدىلىگىن جوعارىلاتۋ، جارنا بازارىنا شىعۋعا باۋلۋ ءبىر تۇلعالانعان كەشەندى فينانستىق قىزمەت وتەيدى.
بولىككە كىرگەن كاسىپورىن ”ساياساتتىق قولداۋ + وڭىرلىك جارنا ۇقىعى بازارىنىڭ قىزمەت وتەۋ قولداۋى“ سىندى قوس قولداۋعا يە بولادى. اۆتونوميالى رايونداعى ءار دارەجەلى اۋىل شارۋاشىلىعى، اۋىل - قىستاق، جەرگىلىكتى فينانستىق باقىلاۋ - باسقارۋ تاراۋلارى ماڭدايشالىق اسىپ كورسەتىلەتىن كاسىپورىندارعا قاتىستى سۇيەمەلدەۋ جانە سيلاۋ، قوسىمشا قاراجات بەرۋ ساياساتتارىن تياناقتاندىرۋدى سايكەستىرەدى ءارى باستاماشى كاسىپورىنداردى تۇراقتاندىرۋدان وتكىزۋ، اۋىل شارۋاشىلىعىن كاسىپ سالالاندىرۋ نىساندارىن قولداۋ جاعىندا بولىككە كىرگەن كاسىپورىندارعا قاراي بەيىمدەلەدى. جەتىلدىرىلگەن كاسىپورىندار قاتىستى شارتتارعا ۇيلەسسە، دەر كەزىندە اۆتونوميالى رايوننىڭ جارنا بازارىنا شىعارىلاتىن زاپاس كاسىپورىندارى بايلىعى قامباسىنا ەنگىزىلەدى ءارى بەلگىلەمە بويىنشا كەزەڭگە ءبولىپ سيلانادى.
11 - ايدىڭ 21 - كۇنى، اۆتونوميالى رايوندىق جەرگىلىكتى فينانستىق باقىلاۋ - باسقارۋ مەكەمەسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى «اۆتونوميالى رايوننىڭ ”اۋىل - قىستاقتى گۇلدەندىرۋ بولىگىن“ قۇرىپ، اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردىڭ جوعارى ساپالى دامۋىن جەبەۋ جونىندەگى حابارلاندىرۋدى» تاراتىپ، شينجياڭ جارنا ۇقىعى ايىرباس ورتالىعىندا اۆتونوميالى رايوننىڭ ”اۋىل - قىستاقتى گۇلدەندىرۋ بولىگىن“ قۇردى ءارى كاسىپورىنداردى بولىككە كىرگىزۋ قىزمەتىن رەسمي باستاپ، وڭىرلىك جارنا ۇقىعى بازارىنىڭ مەملەكەت ستراتەگياسىنا قىزمەت وتەۋىن ونان ارى ىلگەرىلەتتى.
شينجياڭ جارنا ۇقىعى ايىرباس ورتالىعىنىڭ اتقارۋشى القاسى، باس ديرەكتورى چيان ۋي تانىستىرىپ بىلاي دەدى: ”اۋىل - قىستاقتى گۇلدەندىرۋ بولىگىندە“ جەتىلدىرىلگەن 50دەي كاسىپورىن العاشقى توپتا كورسەتىلدى، مۇنان بىلاي بولىككە كىرۋگە ءوتىنىش ەتۋ جىل سايىن ۇيىمداستىرىلىپ وتىرادى. 3 − 5 جىل قۇلشىنۋ ارقىلى اۆتونوميالى رايوننىڭ ”اۋىل - قىستاقتى گۇلدەندىرۋ بولىگىندە“ كورسەتىلەتىن جەتىلدىرىلگەن كاسىپورىندار سانىن 300دەن اسىرۋعا كۇش سالىنادى. شارت - جاعداي تولىسقاندا، اۆتونوميالى رايوننىڭ ”اۋىل - قىستاقتى گۇلدەندىرۋ بولىگىندە“ ساتىعا ءبولىپ باسقارۋ جۇرگىزىلىپ، بايلىقتى جايعاستىرۋدىڭ دالمە - دالدىگى جوعارىلاتىلادى.
اۆتونوميالى رايوننىڭ ”اۋىل - قىستاقتى گۇلدەندىرۋ بولىگى“، باستىسى، اۋىل شارۋاشىلىعىن كاسىپ سالالاندىرۋداعى اۆتونوميالى رايون دارەجەلىدەن جوعارى ءتۇيىندى باستاماشى كاسىپورىندارعا، سونداي - اق تيجارات جاعدايى جاقسى، كاسىپ سالاسىن جەبەۋ قابىلەتى جانە شارۋالارمەن بايلانىس جاساۋ، شارۋالاردى جەتەكتەۋ رولى كۇشتى بولعان ايماق، وبلىس، قالا دارەجەلى باستاماشى كاسىپورىندارعا باعىتتالادى، سونداي - اق بىرتە - بىرتە قۇرىلىمدى جاڭالاۋدى كاسىپورىن قالاۋى ەتكەن نەمەسە ءوندىرىس، تيجارات جاعدايى ءبىرشاما جاقسى اۆتونوميالى رايون دارەجەلىدەن جوعارى شارۋالار كاسىپتىك سەلبەستىك كووپەراتيۆىنەن ۇلگى كورسەتەتىن كووپەراتيۆتەر سياقتى جاڭاشا اۋىل شارۋاشىلىق تيجاراتى تۇلعالارىنا دا اشىق ۇستالادى.
”شينجياڭنىڭ ەرەكشە، باسىمدىققا يە اۋىل شارۋاشىلىعى ونىمدەرىن، باستى قامتاماسىز ەتەتىن اۋىل شارۋاشىلىعى ونىمدەرىن ءوندىرۋدى، وڭدەۋدى، ساۋدا تيجارات قيمىلىمەن شۇعىلدانۋدى نەگىزگى تيجارات ەتكەن باستاماشى كاسىپورىندار، اۋىل شارۋاشىلىعى وزەكتى عىلىم - تەحنيكاسىن زەرتتەپ اشۋ قابىلەتىنە، دەربەس ءبىلىم مەنشىگى ۇقىعىنا، تولىق جەتىلۋ سيپاتىنا يە كاسىپورىندار، اۋىل - قىستاق سەيىل - سەرۋەندىك ساياحات كاسىبى، اۋىل - قىستاق ەلەكتروندىق ساۋداسى سياقتى جاڭا كاسىپ سالاسىمەن، جاڭا كاسىپ كۇيىمەن شۇعىلداناتىن، سونداي - اق كەدەيلىكتەن ارىلعان وڭىرلەردەگى باستاماشى كاسىپورىندار جونىنەن قازىنا ىستەرى شارتىن لايىقتى مولشەردە كەڭەيتۋگە بولادى“، - دەدى چيان ۋي.
چيان ۋي تانىستىرىپ بىلاي دەدى: ”اۋىل - قىستاقتى گۇلدەندىرۋ بولىگىن“ قۇرۋ − اۋىل - قىستاق فينانستىق قىزمەت وتەۋ جۇيەسىن كەمەلدەندىرىپ، وڭىرلىك جارنا ۇقىعى بازارىنىڭ ەرەكشە بولىگى فورماسىمەن باستاماشى كاسىپورىندارعا لايىقتاپ كەشەندى فينانستىق قىزمەت وتەۋدەگى ماڭىزدى تەتىك، ول شينجياڭنىڭ باستاماشى كاسىپورىندارىنىڭ ماركا وبرازىن ءبىر تۇتاس جوعارىلاتىپ، اۋىل - قىستاق كاسىپ سالالارىنىڭ تيبىن وزگەرتىپ، دارەجەسىن جوعارىلاتىپ، جاڭالىق اشا دامۋىن ىشكەرىلەي جەبەيدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
