ما جۇڭياڭ:
نەگىزگى ساتى مادەنيەت شەبىن كۇشەيتىپ قۇرامىز
□ انار بۇلت \ شينجياڭ گازەتىنىڭ ءتىلشىسى گاۋ فىڭ
2022.11.28 13:40 كەلۋ قاينارى : شينجياڭ گازەتى
پارتيا 20 - قۇرىلتايىنىڭ بايانداماسىندا، ”مەملەكەتتىڭ مادەنيەتتى سيفرلاندىرۋ ستراتەگياسىن اتقارىپ، وسى زامانعى الەۋمەتتىك مادەنيەتتىك قىزمەت وتەۋ جۇيەسىن اقاۋسىزداندىرىپ، مادەنيەتتەن حالىقتى يگىلىكتەندىرۋ ينجەنەرياسىن جاڭالىق اشا اتقارۋ“ العا قويىلدى.
”نەگىزگى ساتىنىڭ مادەنيەت شەبىن كۇشەيتىپ قۇرىپ، بۇقارانىڭ رۋحاني مادەنيەت قيمىلدارىن جالپى بەتتىك بايىتىپ، ’ءتورت ساراي، ءبىر ورتالىقتىڭ‘ جانە نەگىزگى ساتى مادەنيەت پۋنكتىنىڭ، مادەنيەت قيمىل ءۇيىنىڭ، مادەنيەت الاڭىنىڭ رولىن ساۋلەلەندىرىپ، ولاردى بۇقارانىڭ ءان ايتىپ، ءبي بيلەۋدە، دەمالىپ كوڭىل اشۋدا ەڭ ۇناتىپ باراتىن جەرلەرىنە اينالدىرامىز“، - دەدى قىزىلسۋ قىرعىز اۆتونوميالى وبلىستىق مادەنيەت، دەنە تاربيە جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ما جۇڭياڭ 11 - ايدىڭ 22 - كۇنى.
قازىر قىزىلسۋ وبلىستىق مۇراجاي ىشكى بەزەندىرۋ - اشەكەيلەۋ جانە كورمەگە قويۋ، ورنالاستىرۋ قىزمەتىن قاۋىرت جۇرگىزۋدە، مەجەمەن جىل سوڭىندا الەۋمەتكە اقىسىز اشىلادى. بۇل ينجەنەرياعا جالپى 50 ميلليون يۋاننان استام قارجى قوسىلعان، تاريح زالى، تابيعات زالى، حالىقتىق سالت - سانا زالى، ساۋدا زالى قاتارلى 6 كورمە زالى ورنالاستىرىلعان.
ما جۇڭياڭ بىلاي دەدى: قىزىلسۋ وبلىستىق مۇراجاي سالىنىپ بولعان سوڭ، قىزىلسۋ وبلىسىنىڭ الەۋمەتتىك مادەنيەتتىك قىزمەت وتەۋ فۋنكتسياسىن اناعۇرلىم كەمەلدەندىرىپ، وبلىستىق ”ءتورت ساراي، ءبىر ورتالىق“ (كىتاپحانا، مۇراجاي، مادەنيەت سارايى، اسەمونەر سارايى جانە بەيزاتتىق مادەنيەت مۇرالار ورتالىعى) پەن اۋداندىق مادەنيەت سارايى، اۋىلدىق ۋنيۆەرسال مادەنيەت پۋنكتى، قىستاق مادەنيەت قيمىل ءۇيى قاتارلى نەگىزگى ساتى مادەنيەت شەپتەرىنە سۇيەنىپ، مادەنيەتتەن حالىقتى يگىلىكتەندىرۋ قيمىلىن ىشكەرىلەي ورىستەتەدى.
بيىل، تۇتاس وبلىستا اۋدان، قالا دارەجەلىدەن جوعارى ءان - ءبي ۇيىرمەسى، مادەنيەت سارايى قاتارلى ورىندار 12 ادەبي - كوركەمونەر شاعىن اترەتىن قۇرىپ، مادەنيەتتەن حالىقتى يگىلىكتەندىرۋ كونسەرت قيمىلدارىن ۇزدىكسىز ورىستەتتى، مادەنيەتتى اۋىلدارعا جەتكىزۋ بويىنشا ينتەرنەت جەلىسىندە جانە ينتەرنەت جەلىسىنەن تىس جالپى 400 الاڭنان (رەت) استام قيمىل ورىستەتىپ، 130 مىڭنان استام بۇقارانى (رەت) يگىلىكتەندىردى.
جەرگىلىكتى ورىن تاعى «<ماناستى> جالعاستىرۋ، قورعاۋ جوباسىن(2016 − 2026)» تياناقتاندىرىپ، قىزىلسۋ وبلىستىق ماناسشىلار قوعامىن قۇرۋعا دايىندالىپ، ماناس مۇراگەرلەرىن باۋلۋ كۋرسىن ۇيىمداستىرىپ، «ماناس» ءان - ءبي تەاترىن قايتا ورىنداپ جانە ەل ءىشى - سىرتىندا ارالاپ كونسەرت قويىپ، جۇڭحۋا مادەنيەتى اسىلىنىڭ دۇنيە جۇزىنە ىشكەرىلەي بەت الۋىن جەبەۋدە.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
