قونىس جاڭالاعاننان كەيىن −
حۇڭچي قىستاعى ەرەكشە كاسىپ سالاسىن ۇزدىكسىز الۋەتتەندىردى
□ انار بۇلت \ شينجياڭ گازەتىنىڭ ءتىلشىسى ءپاريزات ابدۇل
2022.11.28 13:33 كەلۋ قاينارى : شينجياڭ گازەتى
قىس باسى، نيە اۋدانى سالعۇزەك اۋىلى حۇڭچي قىستاعىندا باياعداي جالىندى تىرشىلىك لەبى ەسەدى. تاڭەرتەڭگى تاماعىن ىشكەننەن كەيىن، ءماتروزى وسمان ەلەكترسيكلىنە ءمىنىپ، ءوزى باسقارىپ وتىرعان قوي بورداقىلاۋ سەلبەستىك كووپەراتيۆىنە كەلدى. سەلبەستىك كووپەراتيۆىندە باقتاشى الدەقاشان قاۋىرت جۇمىسقا كىرىسىپ، قوي قورانى تازالاپ، قويلارعا جەم - ءشوپ بەرىپ ءجۇر. جەم جەپ جاتقان قويلارعا قاراپ تۇرىپ، ءماتروزى كوشىپ كەلۋدەن بۇرىنعى جاعدايلاردى ەرىكسىز ەسىنە الدى.
”بۇرىن حوتان قالاسىنا ءار جولى قوي ساتۋعا بارعانىمىزدا، اۆتوكولىكپەن 7 − 8 ساعات جۇرەتىنبىز، كوشى - قون كەزىندە قويلاردى جاياۋ ايدايتىنبىز. كۇندەرىمىز ەرەكشە جاپالى ەدى“. ءماتروزى بىلاي دەدى: ”قازىر وعان ۇقسامايدى، قويلاردى اۆتوكولىكپەن تاسيمىز، مال دا، ادام دا قينالمايدى، حاۋىپسىز دە تەز. بيىل جوعارى قارقىندى تاس جول دا تۇتاستى، حوتان قالاسىنا نەبارى 3 ساعاتتان استام ۋاقىتتا جەتىپ بارامىز، تاڭەرتەڭ بارساق، كەشتە قايتىپ كەلەمىز“.
حۇڭچي قىستاعى نيە اۋدان ورتالىعىنان 50 كيلومەتر قاشىقتىقتا، بۇل ارادا تاكلاماكان ءشولىنىڭ قويناۋىنان جانە كۇنلۇن تاۋى مال شارۋاشىلىق وڭىرىنەن كوشىپ كەلگەن 302 وتباسى، 963 تۇرعىن تۇرادى.
حۇڭچي قىستاعى پارتيا ياچەيكاسىنىڭ شۋجيى ادىل احمەت بىلاي دەدى: ”كوشىپ كەلگەننەن كەيىن حۇڭچي قىستاعى جاقسى داۋىرگە قادام قويدى، ابزال ساياساتتار ارت - ارتىنان جەتتى، باعىمشىلىق كاسىپتىك سەلبەستىك كووپەراتيۆى قۇرىلدى، وتباسىلىق ەگىس الاڭى اشىلدى، مال شارۋاشىلىق ماماندارى ۇسىنىس ەتىلىپ، باعىمشىلىق شەبەرلىگى كۋرسى اشىلدى، باعىمشىلىق كاسىپ سالاسى كولەمدەنۋگە، ولشەمدەنۋگە، ماماندانۋعا قاراي دامىدى“.
قازىر حۇڭچي قىستاعىنداعى وتباسىلاردىڭ ءبارى قوي باعادى، قوراداعى مال 32 مىڭنان اسادى، ءار وتباسىنا ورتا ەسەپپەن 100دەن اينالادى.
حۇڭچي قىستاعىنداعى مايتالمان شوپان ءماتروزى وتباسى 1000 حوتان قويىن باعادى. مۇنان سىرت، ول قوي بورداقىلاۋ سەلبەستىك كووپەراتيۆىن قۇرىپ، جاڭا ءناسىلدى كوپ تولدەيتىن قوي باعىپ وتىر، سەلبەستىك كووپەراتيۆى ءار جىلى 13 مىڭ قوي ساتادى، 6 ادامدى جۇمىستاندىردى، 100 وتباسىن كەدەيلىكتەن ارىلىپ، يگىلىگىن كورۋگە جەتەكتەدى. كىرىسى جوعارىلاعاننان كەيىن، ءماتروزى ءبىر جاڭا اۆتوكولىك تە ساتىپ الدى. ”ۇيىمىزدە مال تاسيتىن ۇلكەن جۇك اۆتوكولىگى مەن پيكا بار، وسى جولى جەڭىل اۆتوكولىك ساتىپ الدىم“، - دەدى ول.
ادىل بىلاي دەپ تانىستىردى: ”كاسىپ سالاسى + شارۋاشىلىق قۇرۋ“ ارقىلى جۇمىستاندىرۋعا جەتەكتەۋ سىندى دامۋ وي جەلىسىن ارقاۋ ەتىپ، حۇڭچي قىستاعى شينجياڭ باۋمين فۋفىڭ ەگىن، مال شارۋاشىلىق شەكتى سەرىكتەستىگىن جانە نيە اۋدانى يۋانفىڭ ەگىمشىلىك، باعىمشىلىق شارۋالار كاسىپتىك سەلبەستىك كووپەراتيۆىن ەنگىزىپ، 2000 مۋ جەردى شوعىرلى وتكەرمەلەپ، 60 ادامدى جۇمىستانىپ كىرىسىن ارتتىرۋعا جەتەكتەدى. مۇنان سىرت، 60 مىڭ يۋان قارجى قوسىپ، بۇرىنعى قىستاق تۇرعىندار كوميتەتىن ەگىنشى - مالشىلاردىڭ شارۋاشىلىق قۇرۋ بازاسىنا وزگەرتىپ، ەرەن بازار، اسحانا، اجارلاندىرۋ دۇكەنى سياقتى 18 شاعىن دۇكەن اشتى، 20 ادام ءوز كۇشىنە سۇيەنىپ شارۋاشىلىق قۇرۋدى جۇزەگە اسىردى.
2021 - جىلى حۇڭچي قىستاعىنىڭ جان باسىندىق تازا كىرىسى 15 مىڭ يۋانعا، قىستاق كوللەكتيۆىنىڭ ەكونوميكالىق كىرىسى 370 مىڭ يۋانعا جەتىپ، اۋىل - قىستاق قونىس ورتاسىن رەتتەۋ - وڭاۋ بويىنشا اۆتونوميالى رايوندىق ”كورىكتى اۋىل - قىستاق“ بولىپ باعالاندى.
2011 - جىلدان بۇرىن ايزىمگۇل تۇردى وتباسى تاكلاماكان ءشولىنىڭ قويناۋىنداعى قاپاقاسقان قىستاعىندا تۇراتىن. بۇل قىستاقتىڭ جاراتىلىستىق شارت - جاعدايى ناشار، بۇقارانىڭ باسىم كوپ ساندىسى مال باعىپ كۇنەلتەتىن. كوشىپ كەلگەننەن كەيىن ونىڭ وتباسى ەلەكترى، سۋى جەتكىزىلگەن بەيقۇت ۇيگە كىردى، ءوزى دە ۇساق - تۇيەك كاسىپپەن اينالىستى.
”بۇرىن اۋداندا كۇندىك جۇمىس ىستەيتىنمىن، كىرىسىم تۇراقتى ەمەس ەدى. بالالى بولعاننان كەيىن، قىستاققا قايتىپ كەلىپ شاعىن دۇكەن اشتىم، ساۋدا جاقسى كەزدە ايىنا ساتىلىم مولشەرى 4000 يۋان اينالاسىندا بولادى. ارەدىك ۋاقىتىمنان پايدالانىپ ۋيشين ساۋداسىن ىستەيمىن، 5 جىل بولدى، كىرىسىم دە جامان ەمەس. كۇيەۋىم سانجىداعى ءبىر قۇرىلىس سەرىكتەستىگىندە جۇمىس ىستەيدى، ايلىق كىرىسى 8000 يۋان“، - دەدى ايزىمگۇل ماقتانا، - تۇرمىسىمىز كۇننەن - كۇنگە جاقسارىپ كەلەدى.
”پارتيا 20 - قۇرىلتايىنىڭ بايانداماسىندا مىنالار العا قويىلدى: اۋىل - قىستاق ەرەكشە كاسىپ سالاسىن دامىتىپ، ديقانداردىڭ كىرىسىن ارتتىرىپ، بايۋ ارناسىن كەڭەيتۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، كەدەي وڭىرلەر مەن كەدەي بۇقارانىڭ ىشكى دامۋ قوزعاۋشى كۇشىن كۇشەيتۋ كەرەك“. ادىل بىلاي دەدى: ”قىستاعىمىز پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرىپ، ەرەكشە كاسىپ سالاسىن زورايتۋمەن، كۇشەيتۋمەن بىرگە، كورىكتى اۋىل - قىستاقتى سۇيەنىش ەتىپ، مادەنيەت، ساياحات، سالت - سانا كوشەسىنىڭ دارەجەسىن جوعارىلاتىپ، كەمەلدەندىرىپ، 1 -، 2 -، 3 - كاسىپتەردىڭ توعىسا دامۋىن ىلگەرىلەتىپ، قىستاق تۇرعىندارىنىڭ باقىتتى تۇرمىسىن تىڭ ساتىعا كوتەرەدى“.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
