ىلياسجان يمىن:
پارتيانىڭ باسشىلىعىندا، قامقورلىعىندا جەڭبەيتىن قيىنشىلىق بولمايدى
□ ەرىكتى ءتىلشى \ چىن جاۋلين
2022.11.28 13:43 كەلۋ قاينارى : شينجياڭ گازەتى
”الەۋمەتتىك اۋماق پارتيا قىزمەتى كوميتەتى ءبىزدىڭ تۇرمىس قامتاماسىزدىعى ماسەلەمىزدى كۇش سالا شەشىپ، بىزگە قاپتال شاپاندى، جىلۋ ساقتايتىن كيىمدى سايكەستىرىپ ازىرلەپ بەردى، تاعى جەيتىن نارسەلەر ساتىپ الىپ بەردى“. 11 - ايدىڭ 25 - كۇنى قاعىلىق اۋدانىنىڭ ىندەتكە قارسى اتتانۋ الدىڭعى شەبىندە ەرلىكپەن شايقاس جاساپ جاتقان قاشقار ايماقتىق ونەركاسىپ جانە ينفورماتسيالاندىرۋ مەكەمەسى كەڭسەسىنىڭ 3 - دارەجەلى مەڭگەرۋشى قىزمەتكەرى ىلياسجان يمىن بىلاي دەدى: ”پارتيا ۇيىمى بىزگە جان - جاقتى كوڭىل ءبولىپ، قامقورلىق جاسادى، ءبىز تىپتەن مىندەتىمىزدى جاقسى اتقارىپ، جاۋاپكەرشىلىگىمىزدى وتەپ، بۇكىل ىنتا - پەيىلىمىزبەن حالىق ءۇشىن قىزمەت ىستەپ، ءبىر جاعادان باس، ءبىر جەڭنەن قول شىعارىپ ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋىمىز كەرەك“.
قاعىلىق اۋدانىنىڭ شيچىڭ 6 - الەۋمەتتىك اۋماعىنا كەلىپ ىندەتتەن ساقتانۋ - تىزگىندەۋ قىزمەتىن ورىستەتكەننەن بەرى، ىلياسجان ىندەت قاتەرى الدىندا قيىندىققا قارسى اتتانىپ، كوكىرەك كەرە العا شىعىپ، باستاماشىلدىقپەن ىندەتكە قارسى اتتانۋدىڭ الدىڭعى شەبىندە اتويلاپ ەرلىكپەن شايقاس جۇرگىزىپ، بۇقارانىڭ قيىنشىلىعىن، تالاپ - تىلەكتەرىن مۇمكىندىكتىڭ بارىنشا كومەكتەسىپ شەشىپ، حالىقتىڭ ءومىرىن، سالاماتتىعىن، حاۋىپسىزدىگىن قامتاماسىز ەتۋگە ءوز كۇشىن قوسىپ كەلەدى.
”الەۋمەتتىك اۋماققا جاڭا كەلگەن كەزىمدە، ءىشىنارا تۇرعىندار ىندەتتەن ساقتانۋ - تىزگىندەۋ ساياساتىنا ءالى دە نارازى ەكەن، كەيىن كەلە ءبىزدىڭ تىنباي قۇلشىنىپ يدەيالىق قىزمەت ىستەپ، ۇگىت - تاربيە جۇرگىزۋىمىزدىڭ ارقاسىندا تۇرعىندار ءبىزدىڭ قىزمەتىمىزدى ءتۇسىندى جانە قولدادى ءارى بەلسەنە سايكەسەتىن بولدى“، - دەدى ىلياسجان. ءار كۇنى تاڭەرتەڭ ەرتە ول قالىڭ قورعانۋ كيىمىن كيىپ، ىندەتتەن ساقتانۋ - تىزگىندەۋ قىزمەتتەرىن تياناقتاندىرا باستايدى. ىلياسجان ءار كۇنى حىسۋان تەكسەرۋ تۇيىنىنە ەڭ الدىمەن بارادى، ورتانى زارارسىزداندىرۋ، ميكروب جويۋدى دا ءبىرىنشى بولىپ ىستەيدى، قوقىر - قوقسىقتى جيناۋ، تازالاۋ، تاسۋ، ەپيدەميولوگيالىق تەكسەرۋ، تەگىن انىقتاۋ، زاتتىق ماتەريالداردى جەتكىزۋ... ىلياسجان الەۋمەتتىك اۋماقتىڭ بىردە - ءبىر ساقتانۋ - تىزگىندەۋ قىزمەتىنەن قالىپ كورگەن ەمەس، ول ءوزىنىڭ ءىس جۇزىندىك ارەكەتى ارقىلى ىندەتتەن ساقتانۋ - تىزگىندەۋدىڭ ەڭ الدىڭعى شەبىندە اتوي سالدى.
كۇندەلىكتى ىندەتتەن ساقتانۋ - تىزگىندەۋ قىزمەتىن ويداعىداي ىستەۋدەن سىرت، ىلياسجان ءار كۇنى تۇرعىنداردىڭ ۋيشين توبىنا وڭ ەنەرگيالى ماقالالاردى جولداپ، ىندەتتەن ساقتانۋ - تىزگىندەۋ ساياسات - شارالارىن ويداعىداي ۇگىتتەپ، تۇرعىنداردىڭ قيىنشىلىقتارىن، تالاپ - تىلەكتەرىن دەر كەزىندە ۇعىسىپ، كەشىكتىرمەي جاۋاپ بەرىپ شەشەدى. ”بۇقارانىڭ قيىنشىلىقتارىن شامامنىڭ جەتىسىنشە سول جەردىڭ وزىندە شەشىپ بەرەمىن، شەشە المايتىندارىمدى الەۋمەتتىك اۋماققا، مالىگە مالىمدەپ، بىرگە سايكەستىرىپ شەشىپ، بۇقارانىڭ تالاپ - تىلەكتەرىنە قالدىرماي جاۋاپ بەرۋگە شىنايى كەپىلدىك ەتتىم“، - دەدى ىلياسجان، قازىرگە دەيىن ول قاراستى اۋماقتاعى تۇرعىنداردىڭ وتباسىلىق جاعدايىن قانىق يگەرىپ بولدى، كىمنىڭ ۇيىندە اۋرۋ ادام بار ەكەنىن، قايسى ۇيلەردەگى قارتتار، بالالار قارايلاسۋدى قاجەت ەتەتىنىن ول ابدەن بىلەدى.
”قازىر الەۋمەتتىك اۋماقتىڭ ىندەتتەن ساقتانۋ - تىزگىندەۋ جاعدايى جاقساردى، الايدا ءبىزدىڭ ەشقاشان بوساڭسۋىمىزعا بولمايدى، ءسوز جوق، ەڭ سوڭىنا دەيىن تاباندىلىق كورسەتۋىمىز كەرەك، شايقاستا جەڭىسكە جەتپەيىنشە تىنبايمىز“ دەپ ءسوزىن ساباقتاعان ىلياسجان: ”ءبىز پارتيانىڭ باسشىلىعىندا، قامقورلىعىندا جەڭبەيتىن قيىنشىلىق بولمايتىندىعىنا سەنەمىز. ءبىزدىڭ پارتيا مۇشەلەرىمىز، كادرلارىمىز باستاماشىلدىق رولدارىن ساۋلەلەندىرىپ، بۇكىل ىنتا - پەيىلىمەن حالىق ءۇشىن قىزمەت ىستەپ، كادرلار مەن بۇقارانىڭ كۇش بىرلىگىن قالىپتاستىرىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمسايتىن بولسا، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە، ءسوز جوق، ەرتەرەك قول جەتكىزە الامىز“، - دەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
