بۇقاراعا جاقسى قىزمەت ەتۋ − ەڭ ماڭىزدى ءىس
− شينجياڭ بۇعالتىر كادرلاردى باۋلۋ ورتالىعىنىڭ پارتيالى ەكپىندىلەر اترەتى ىندەتكە قارسى اتتانۋدىڭ الدىڭعى شەبىندە ەرلىكپەن شايقاس جاسادى
□ انار بۇلت \ شينجياڭ گازەتىنىڭ ءتىلشىسى ران حۋ
2022.11.28 13:41 كەلۋ قاينارى : شينجياڭ گازەتى
”ىندەت الدىندا، پارتيالى كادرلار اتويلاپ الدا ءجۇرۋى ءتيىس، قازىر ادام جەتىسپەي جاتىر، مەن ىستەيىن“. 10 - ايدىڭ 16 - كۇنى اۆتونوميالى رايوندىق قازىنا مەڭگەرمەسىنە قاراستى ءىسورىن شينجياڭ بۇعالتىر كادرلاردى باۋلۋ ورتالىعىنىڭ كادرى گۇلنۇر قۇربان ىرىقتىلىقپەن تىزىمدەلىپ، ەرىكتى قىزمەت وتەۋ جۇمىسىنا ات سالىستى.
الەۋمەتتىك اۋماقتىڭ ىندەتتەن ساقتانۋ قىزمەتىن ويداعىداي ىستەۋىنە دەم بەرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋ ءۇشىن، شينجياڭ بۇعالتىر كادرلاردى باۋلۋ ورتالىعىنداعى 31 كادر پارتيالى ەكپىندىلەر اترەتى بولىپ ۇيىمداسىپ، ءۇرىمجى قالاسى تيانشان رايونى دۇڭچۋانلۋ ءمالىسى سۇيچۋان ورتاڭعى الەۋمەتتىك اۋماعى كۋايپەي شاعىن اۋماعىندا ەرىكتى قىزمەت وتەۋ جۇمىسىن قانات جايدىردى.
تۇرعىندارعا قىزمەت وتەۋدى قامتاماسىز ەتۋ جۇمىسىن ويداعىداي ىستەپ، تۇرمىستىق زاتتىق ماتەريالداردىڭ تۇرعىنداردىڭ ۇيىنە دەر كەزىندە، ءدال جەتكىزىلۋىنە شىنايى كەپىلدىك ەتۋ ءۇشىن، ءار رەت زاتتىق ماتەريال جەتكىزەتىن كەزدە، گۇلنۇر زاتتىق ماتەريالدار قويىلعان جەرگە ەرتە كەلىپ، زاتتىق ماتەريالداردى تۇرگە بولەدى، سانىن الادى جانە زارارسىزداندىرىپ، ميكروبىن جويادى.
تۇرمىستىق قوقىر - قوقسىقتاردىڭ عيمارات دالىزىندە ۇزاق ۋاقىت تۇرىپ، قايتالاي بىلعانۋ تۋدىرۋىنان ساقتانۋ ءۇشىن، قوقسىقتى تازالاپ اكەتەردەن بۇرىن، گۇلنۇر قوقىر - قوقسىقتى تازالاۋ، تاسۋ قۇلاقتاندىرۋىن شاعىن اۋماقتىڭ ۋيشين توبىندا تۇرعىندارعا ءبىر ساعات بۇرىن ۇقتىرادى، قاباتتار، وتباسىلار بويىنشا تۇرمىستىق قوقىر - قوقسىقتاردى جيناپ، شەلەككە سالادى، سودان كەيىن ليفت پەن دالىزدەردى زارارسىزداندىرىپ، ميكروبىن جويادى.
ەرىكتى قىزمەت وتەۋ جۇمىسى وتە جاپالى، الايدا ءار جولى شاعىن اۋماقتىڭ ۋيشين توبىنداعى تۇرعىنداردىڭ الەۋمەتتىك اۋماق قىزمەتكەرلەرى مەن ەرىكتىلەردىڭ قاجىرلى قىزمەتىن القاپ جاتقاندىعىن كورگەندە، گۇلنۇر ىستەگەن ىستەرىنىڭ تەككە كەتپەگەنىن سەزىندى. ”مەن قورعانۋ كيىمىن كيگەن ساتتەن باستاپ، ارقالاعان جاۋاپكەرشىلىگىم مەن بورىشىمدى تەرەڭ سەزىندىم، جاعداي قانشالىق قيىن بولعان سايىن، بۇقاراعا ءتىپتى دە ويداعىداي قىزمەت وتەۋىم كەرەك، مىنە بۇل ەڭ ماڭىزدى ءىس“، - دەدى گۇلنۇر.
”جۇبايىم لاۋحان تازالىق ۇيىندە جىعىلىپ قالدى، سۇيەپ تۇرعىزا المادىم“. كەشكى ساعات 11 بولعان كەز ەدى، كەشكى اسىن ءىشىپ وتىرعان شينجياڭ بۇعالتىر كادرلاردى باۋلۋ ورتالىعىنىڭ پارتيالى ەكپىندىلەر اترەتىنىڭ مۇشەسى گۇڭ ليڭفىڭ سۇن چاڭلين كاريانىڭ كومەك سۇراعان تەلەفونىن قابىلدادى.
”اپاي، ابىرجىماڭىز، مەن دەرەۋ جەتەمىن“. تەلەفوندى قويا سالىسىمەن، گۇڭ ليڭفىڭ تاباندا نەگىزگى ساتىعا بىرگە تۇسكەن قىزمەتتەسى چىن حايچينگە حابارلاسىپ، كاريانىڭ ۇيىنە دەرەۋ جەتتى. جەردە قوزعالا الماي جاتقان حان شياۋشىڭ كاريانىڭ قاسىنا بارىپ احۋالىن ۇعىستى ءارى كاريانى سۇيەپ تۇرعىزىپ، قاراپايىم ءبىر جايلى ەتكەننەن كەيىن، كاريانىڭ زاقىمدالماعانىنا كوزدەرىن جەتكىزىپ بارىپ ءبىر - اق قايتتى.
كەلەسى كۇنى ساعات 9دان اسقاندا، گۇڭ ليڭفىڭ تاعى دا تەلەفون قابىلدادى، حان شياۋشىڭنىڭ تاعى دا جىعىلىپ قالعانىن ەستىگەن ولار دەرەۋ كاريانىڭ ۇيىنە قاراي جونەلدى. ۇعىسا كەلە حان شياۋشىڭدا ميدىڭ ولەتتەنۋى جانە جەڭىل دارەجەدەگى ميعا قان قۇيىلۋ بار ەكەندىگىن، دارەتكە وتىرعاندا كەنەتتەن دارمەنسىزدەنىپ، قايتا - قايتا جىعىلعاندىعىن بىلەدى. كاريادا ءدارى تاپشى ەكەندىگىن بىلگەن سوڭ، گۇڭ ليڭفىڭ مەن چىن حايچين دەرەۋ ءدارى - دارمەك دۇكەنىنە حابارلاستى ءارى شۇعىل قاجەتتى ءدارىنى كاريانىڭ ۇيىنە دەرەۋ جەتكىزىپ بەردى. سۇن چاڭلين تەبىرەنىپ: ”سىزدەر كەلمەسەڭىزدەر، مەن قايتەر ەدىم دەشى، سىزدەرگە راقىمەت“! - دەدى.
”ەكى كاريادا 80دى ارالادى، ۇلدارى 3 جىل بويى حوتان ايماعىنىڭ لوپ اۋدانىندا ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇرۋ قىزمەتىنە قاتىناسىپ جاتىر، ءبىز پارتيالى كادرلاردىڭ ۇيرەنۋ ۇلگىسى، ءبىز ەكى كارياعا جاقسىلاپ قىزمەت وتەپ، بالالارىنىڭ الاڭسىز قىزمەت ىستەۋىنە مۇمكىندىك جاساۋىمىز كەرەك“، - دەدى چىن حايچين.
سوڭعى كۇندەرى شينجياڭ بۇعالتىر كادرلاردى باۋلۋ ورتالىعىنىڭ پارتيالى ەكپىندىلەر اترەتىنىڭ مۇشەلەرى ءار كۇنى تاڭەرتەڭنەن كەشكە دەيىن قاربالاستىققا ءتۇسىپ حىسۋان سىناماسىن الادى، زاتتىق ماتەريالدار جەتكىزەدى، قورشاعان ورتانى زارارسىزداندىرىپ، ميكروبىن جويادى، قوقىر - قوقسىقتاردى تازالاپ، تاسيدى... ولار بۇقارانىڭ ءىسىن قاشاندا كوڭىل تورىنە قويىپ، ارەكەتتەرىندە تياناقتاندىرىپ، شاعىن اۋماق تۇرعىندارىنىڭ اڭىس ەتكەن ءتۇرلى تالاپ - تىلەكتەرىن دەر كەزىندە، جوعارى ونىممەن شەشىپ، كوپشىلىكتىڭ ءبىر اۋىزدان مويىنداۋى مەن جاقسى باعاسىنا يە بولدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
