بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

سىرتقا شىققاندا ويداعىداي قورعاندى، زات ساتىپ الۋ ءتارتىپتى بولدى

− تىلشىلەر ءۇرىمجى قالاسىنىڭ تومەن حاۋىپ - قاتەرلى اۋماقتارىنداعى ءبىر ءبولىم شاعىن اۋماقتاردىڭ ءوندىرىس، تۇرمىس جاعدايىن ناقتى ۇعىستى

□ انار بۇلت \ شينجياڭ گازەتىنىڭ تىلشىلەرى

2022.11.29 14:07     كەلۋ قاينارى : شينجياڭ گازەتى

  قاردان كەيىنگى ءۇرىمجى شۋاققا شومدى.

  11 - ايدىڭ 27 - كۇنى، تىلشىلەر ءۇش باعىتقا ءبولىنىپ، ءۇرىمجى قالاسىنىڭ تومەن حاۋىپ - قاتەرلى اۋماقتارىنداعى ءبىر ءبولىم شاعىن اۋماقتاردى ارالاپ، ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ العى شارتىندا سول جەرلەردىڭ ءوندىرىس، تۇرمىس جاعدايىن ۇعىستى.

  ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) ىرگۇڭ اۋىلى نيڭبوجيە الەۋمەتتىك اۋماعى شينشين مەييۇي شاعىن اۋماعىندا قاردان كەيىن شاعىن الاڭدى قالىڭ قار قىمتاپ، قار - مۇز الەمى بالالاردىڭ سايران باعىنا اينالدى، قاردان ادام جاساعان، قار اتىسىپ ويناعان كوڭىلدى كۇلكى ۇندەرى تولاسسىز ەستىلەدى.

  ”اجە، بىرگە قار اتىسىپ وينايىقشى“، - دەدى 5 جاستاعى چىنچىن اجەسى يۇي گۇيجىعا، جاسى ەگدە تارتقان يۇي گۇيجى قاردا ابايلاي باسىپ، اقىرىن ءجۇردى، قاردا قۋانا ويناق سالعان كىشكەنتەي نەمەرەسى قايتا - قايتا اجەسىنىڭ جەڭىنەن تارتىپ اسىقتىرىپ اكەتىپ بارادى. يۇي گۇيجى ەڭكەيىپ نەمەرەسىنىڭ اياق كيىمىنىڭ باۋىن قاتتىراق بايلاپ جاتىپ ”ماسكانى تاستاماي تاعىپ ءجۇر“ دەپ قاداعالادى.

  ”شاعىن اۋماق تۇرعىندار ۋيشين توبىندا الەۋمەتتىك اۋماق كادرلارى مەن ەرىكتىلەر ىندەتتەن ساقتانۋ - تىزگىندەۋ بىلىمدەرىن قايتا - قايتا بولىسەدى، ۇيدەگىلەر دە سىرتقا شىعاردا ماسكا تاعۋدى، توپتاسپاۋدى، ءوز سالاماتتىعىن ويداعىداي قورعاۋدىڭ ءبىرىنشى جاۋاپكەرشىلىك ارقالاۋشىسى بولۋدى ءبىر - بىرىنە ەسكەرتىپ جاتادى“، - دەدى يۇي گۇيجى.

  شاعىن اۋماقتا تۇرعىندار عيماراتتىڭ الدىندا كۇنگە قاقتالىپ، سەيىلدەپ ءجۇر نەمەسە كىشكەنە اربالارىن سۇيرەپ، سىرتقا شىعىپ زات ساتىپ الۋعا كەتىپ بارادى.

  ساعات 16 مولشەرىندە، ءتىلشى ءۇرىمجى قالاسى ميدۇڭ رايونى گۋمۋدي شىعىس جولىنداعى جياحى حۋافۋ شاعىن اۋماعىنا كەلگەندە، كەيبىر تۇرعىندار شاعىن اۋماق قاقپاسىنداعى ورتا كودىن جايمالاپ، تارتىپپەن كىرىپ - شىعىپ جاتىر ەكەن.

  ”جاڭا عانا تاياۋ ماڭداعى كوشەگە بارىپ اينالىپ كەلدىم، جول - جونەكەي ەرەن بازاردان تۇرمىستىق بۇيىم ساتىپ الدىم“. وسى شاعىن اۋماقتىڭ تۇرعىنى ۋ ياۋ: الەۋمەتتىك اۋماقتىڭ ”شاعىن اۋماقتان شىعىپ، تارتىپپەن قيمىل جاساۋعا بولادى“ دەگەن حابارىن ەستىگەن سوڭ، تۇسكى تاماقتان كەيىن، كۇيەۋىم ەكەۋىمىز سىرتقا شىعىپ كوشە ارالادىق، - دەدى.

  ميدۇڭ رايونى گۋمۋدي شىعىس جولى اۋماعىن باسقارۋ كوميتەتى شياڭرۇي الەۋمەتتىك اۋماعىنىڭ قىزمەتكەرى ياڭ يمەي بىلاي دەپ تانىستىردى: وسى شاعىن اۋماقتا 647 وتباسى، 1368 ادام بار، 11 - ايدىڭ 24 - كۇنى دارەجەسى تومەن حاۋىپ - قاتەرلى شاعىن اۋماققا ءتۇسىرىلدى، 11 - ايدىڭ 27 - كۇنىنەن باستاپ تۇرعىندار شاعىن اۋماقتان شىعىپ - كىرەتىن، تومەن حاۋىپ - قاتەرلى اۋماقتا تارتىپپەن قيمىل جاسايتىن بولدى، ”جاڭا عانا قالىڭ قار جاۋعاندىقتان، ۇيدەن شىققىسى كەلمەگەن تۇرعىندار دا بولدى، دەسەدە ءبىرتالاي ادام ماڭايدان زات ساتىپ الۋعا، كوشە ارالاۋعا شىقتى“.

  جياحى حۋافۋ شاعىن اۋماعىنا ءبىر كيلومەتردەي كەلەتىن حۇڭتاي شينيۋان شاعىن اۋماعىنىڭ تۇرعىندارى دا سول كۇنى شاعىن اۋماقتان كىرىپ - شىعۋعا بولاتىندىعى جونىندەگى ۇقتىرۋدى تاپسىرىپ الدى. تۇرعىن جاۋ يۇيجيە عيماراتتان ءتۇسىپ، جەكە اۆتوكولىگىنىڭ بەتىندەگى قاردى تازالادى. ”ءبىراز ۋاقىت وتكەن سوڭ بارىپ قىسقى دوڭگەلەككە اۋىستىرىپ الامىن“، - دەدى جاۋ يۇيجيە، - ”كولىگىمدى تازالاپ بولعان سوڭ، ءبىراز ەت، كوكونىس جانە تۇرمىستىق بۇيىمدار ساتىپ الىپ، كەشتە ءدامدى تاماق جاساماقشىمىن“.

  شاعىن اۋماقتىڭ سىرتىندا، ءبىر ءبولىم قولايلى دۇكەندەر، جەمىس - جيدەك، كوكونىس دۇكەندەرى، ساتىراشحانالار، قاقتاما دۇكەندەرى جانە تۇزدالعان ونىمدەر دۇكەندەرى اشىلىپ، قوناق قابىلداي باستاپتى، تۇرعىندار ورتا كودىن جايمالاپ تاۋار ساتىپ الىپ جاتىر ەكەن.

  ءۇرىمجى قالاسى چاڭچۇن سولتۇستىك جولىنداعى شينشين مەييۇي شاعىن اۋماعىنىڭ سىرتىنداعى ۋشانفاڭ تۇزدالعان ەت دۇكەنى الدىندا دۇكەن قىزمەتكەرى قاريدارلارعا ورتا كودىن جايمالاۋدى جانە ماسكانى جاقسىلاپ تاعۋدى ءبىر - بىردەن ەسكەرتىپ تۇر. دۇكەندە تاباقتارعا ءدامى ءتىل ۇيرەتىن، ادامدى ەرىكسىز وزىنە باۋرايتىن تۇزدالعان ونىمدەر رەتتى ءتىزىلىپتى، ءبىر اسپاز تاقتادا قاريدارلارعا قاقتالعان ۇيرەكتى جاپىراقتان تۋراپ جاتىر.

  وسى دۇكەندى باسقارۋشى جاۋ ۋپيڭ: ءتۇنى بويى دۇكەنىمىزدىڭ تانىمالى ونىمدەرىن دايىندادىق، ”بۇگىن دۇكەنىمىزدىڭ ساۋداسى وتە جاقسى بولدى“، - دەپ تانىستىردى.

  ءۇرىمجى قالاسى شۇيموگوۋ رايونى ۋىنچۋان شىعىس جولى چييىڭلي ساۋدا كوشەسىندەگى ءبىر ءبولىم ساۋدا دۇكەندەرى تيجارات جۇرگىزىپ جاتىپتى.

  جاسىل كوكونىس، جەمىس - جيدەك دۇكەنىندە، باسقارۋشى ما حۇڭيان دۇكەنگە جاڭادان كەلگەن ءبىر توپ وتتىقتى قازان ماتەريالدارىن، سۋسىن، ۇساق - تۇيەك تاعامداردى رەتتەپ جاتىر ەكەن، قوسىمشا ازىق - تۇلىك تاڭداپ جاتقان قالا تۇرعىنى گاۋ شيانجۇن بىلاي دەدى: ”بۇل دۇكەندەگى زاتتىڭ ءتۇرى مول، ءوزىم جانە وتباسىمداعىلار ۇناتاتىن ازىقتاردى كوپتەپ تاڭداپ الدىم“.

  ىرگەدەگى شاش اسەمدەۋ دۇكەنىندە 3 قاريدار شاش جاساتىپ جاتىپتى. وسى دۇكەننىڭ باسقارۋشىسى بىلاي دەپ تانىستىردى: قاريدارلاردىڭ كۇتىپ وتىرۋ ۋاقىتىن ازايتۋ ءۇشىن، دۇكەنىمىز قازىر الدىن الا كەلىسىپ الىپ شاش جاسايدى، قاريدارلار تەلەفوندا نەمەسە ۋيشيندا الدىن الا كەلىسەدى، كەلىسكەن ۋاقىت بويىنشا كەلسە بولعانى.

  ۋيزىزى ناۋبايحاناسىنىڭ الدىندا، تۇرعىندار سانالى تۇردە ارالىق ساقتاپ قاتاردا تۇر ەكەن. دۇكەن قوجايىنى ارزۇگۇل ابدۇرەشيت پەن كۇيەۋى نان جابۋدىڭ قاربالاستىعىمەن ءجۇر. ”ساعات 11دە دۇكەن اشقاننان قازىرگە دەيىن 200دەن استام نان ساتتىق. بۇگىن الارماندار ەرەكشە كوپ، ءبىز ەرتەڭ كوبىرەك ۇن يلەمەسەك بولمايدى ەكەن“، - دەدى ارزۇگۇل.

  ناۋبايحانانىڭ قارسى جاعىنداعى جينشۇيدۋ ساۋدا دۇكەنى ينتەرنەت جەلىسىندە تاپسىرىس بەرۋ، ينتەرنەت جەلىسىنەن تىس زات الۋ ءتاسىلى ارقىلى، تۇكتى شاپتول سالەمدەمە قورابىنان 120سىن دەرەۋ ساتىپ بولدى. ”جەمىس سالەمدەمە قورابىن ساتۋدان تىس، ءبىز تاعى ءبىر توپ بالكۇلشە بۇيىرتتىق، ساتىلىمى دا وتە جاقسى“، - دەدى وسى ساۋدا دۇكەنىنىڭ باسقارۋشىسى فۋ ميڭ.

  تىلشىلەر ارالاپ تىلشىلىك ىستەۋ بارىسىندا، ەسىك اشىپ ساۋداسىن باستاپ كەتكەن دۇكەندەردەن تىس، جاقىن ارادا ساۋداسىن قالپىنا كەلتىرەتىن ءبىرتالاي ساۋدا دۇكەندەرىنىڭ دە ەسىك الدىنا جينالعان قارلارىن تازالاۋمەن نەمەسە دۇكەن ءىشىن زارارسىزداندىرىپ، ميكروبىن جويىپ، زات تولىقتاپ، ساۋداسىن جۇرگىزۋ دايىندىعىمەن قاربالاس بولىپ جاتقاندىعىن بايقادى.

  (ءتىلشى گو چيان، قاتىناسقان تىلشىلەر ليۋ يميڭ، گان شيڭحۋا، دۇڭ لياڭ)
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار