حال - احۋالىن ۇعىسۋ ىستەرىن ءىرى ءىس رەتىندە ىستەۋ كەرەك
□ جاڭ بەي
2022.11.29 14:08 كەلۋ قاينارى : شينجياڭ گازەتى
11 - ايدىڭ 26 - كۇنى، شينجياڭ اۋا رايى ستانسياسى سۋىق اعىس قىزىل ءتۇستى ساقتىق سيگنالىن جاريالادى، سول كۇنى كەشتە تۇنىمەن قالىڭ قار جاۋىپ، سۋىق اعىس كىردى. وسىنداي سۇركەيلى اۋا رايىندا تاستاي سۋىق ۇيدە سۋىقتان دىردەكتەپ وتىرعان بۇقارا بار ما، جوق پا؟ الەۋمەتتىك اۋماقتىڭ كوكونىسپەن جانە قوسىمشا ازىق - تۇلىكپەن قامداۋى جەتكىلىكتى بولدى ما، جوق پا؟ ءوڭىردى ەلەكترمەن قامداۋ جەتكىلىكسىز بولىپ ءوندىرىس پەن تۇرمىسقا ىقپال جاسادى ما، جوق پا؟ ءار دارەجەلى ۇكىمەت جانە قاتىستى فۋنكتسيالىق تاراۋلار وسى ماسەلەلەردى كوكەيىندە ءتۇيىپ، حال - احۋالىن ۇعىسۋ ىستەرىن ءىرى ءىس، ماڭىزدى ءىس رەتىندە مۇقيات ويداعىداي ىستەپ، ءار ۇلت بۇقاراسىنىڭ قاقاعان ايازدا جاۋراپ قالماۋىنا، كوڭىلدەرىنىڭ الاڭسىز بولۋىنا شىنايى كەپىلدىك ەتۋى كەرەك.
2008 - جىلدان بەرگى شينجياڭداعى تۇڭعىش سۋىق اعىس قىزىل ءتۇستى ساقتىق دابىلىنا قاراتا، بۇكىل رايونداعى جەر - جەر، تاراۋلار بەلسەنە اتتانىسقا كەلىپ، كومەسكى قاتەرلەردى ءبىر - بىرلەپ تەكسەرۋ، شۇعىل جاعدايعا توتەپ بەرۋ بويىنشا قاتەردەن قۇتقارۋ، قامتاماسىز ەتۋدى ورنىقتىرۋ سياقتى جاقتارداعى قىزمەتتەردى ورىستەتتى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى سۋمەن قامداۋ، جىلۋمەن قامداۋ، گازبەن قامداۋ سياقتى حالىق تۇرمىسى قۇرىلعىلارىن ەلەكترمەن قامداۋدى قامتاماسىز ەتۋگە ءتۇيىندى تۇردە نازار اۋدارىپ، ەلەكتر تورىنىڭ شۇعىل جاعدايعا توتەپ بەرۋ بويىنشا قاتەردەن اراشالاۋ دايىندىعىن ۇزدىكسىز ويداعىداي ىستەدى؛ ءۇرىمجى قالاسىنداعى جىلۋمەن قامداۋ تاراۋلارى جابدىقتاردى ارالاپ تەكسەرۋدى كۇشەيتىپ، شۇعىل جاعدايعا توتەپ بەرۋ بويىنشا جەدەل رەمونتتاۋدى ويداعىداي ورىنداپ، جىلۋمەن قامداۋ تەبىنىن بار كۇشپەن قامتاماسىزداندىردى؛ قاشقار ايماعىنداعى ىندەت بايقالعان اۋدان، قالالار قىسقى جىلۋمەن قامداۋ، قۇتقارۋ - كومەكتەسۋ قىزمەتىن بەلسەنە ورىستەتىپ، جالپى بەتتىك ءبىر - بىرلەپ تەكسەرۋ ارقىلى قيىنشىلىعى بار بۇقارانىڭ قىستان ءوتۋ قاجەتىن دەر كەزىندە شەشتى... ءتۇرلى شارالار قاقاعان ايازعا توتەپ بەرۋدىڭ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ قاجەتتى شاراسى بولىپ قالماستان، ونان دا ماڭىزدىسى، حالىق تۇرعىسىنان تاپجىلماۋدىڭ، حالىقتى بارىنەن جوعارى قويۋدىڭ قاجەتتى تالابى.
وسى رەتكى ىندەت تۋىلعاننان بەرى، رايونىمىزداعى ءار ۇلت بۇقاراسى ءجون - جوسىندى ءبىلىپ، ۇلكەن قاعيدانى ۇعىنىپ، كەلەلى جاعدايمەن ساناسىپ، ىندەتتەن ساقتانۋ - تىزگىندەۋ قىزمەتىن بارىنشا ءتۇسىندى، سايكەستى، قولدادى، الايدا، سونىمەن بىرگە كوڭىل كۇي جانە ەكونوميكا سياقتى كوپتەگەن جاقتاردا وراسان زور قىسىمعا ءتوزدى. سارىلا توسىپ ەڭ سوڭعى جەڭىسكە جەتەتىن كەزدە، ءار ۇلت بۇقاراسىنىڭ ءتول مۇددەسىن ءتىپتى دە ويداعىداي قامتاماسىز ەتۋ كەرەك. باسقالاردى وزىندەي ويلاپ، بۇقارانىڭ وندىرىسىنە، تۇرمىسىنا، حال - احۋالىنا قاتىستى ءاربىر ءىستى ءىرى ءىس رەتىندە ىستەگەندە عانا، جۇرت جۇرەگىن جىلىتىپ، جۇرت تىلەگىن ۇيىستىرىپ، ءسوز جوق، جەڭىسكە جەتۋ سەنىمىن كۇشەيتىپ، ءار ۇلت بۇقاراسىن قولايلى ساتتەن پايدالانىپ العا ۇمتىلىپ، ىندەتتەن ساقتانۋ - تىزگىندەۋدىڭ ەڭ سوڭعى جەڭىسىنە قول جەتكىزۋگە ىنتىماقتاستىرۋعا، شابىتتاندىرۋعا بولادى.
قىس ماۋسىمى ءتۇرلى حالىق تۇرمىسى ماسەلەلەرى ءبىرشاما شوعىرلاناتىن مەزگىل، ءار دارەجەلى ۇكىمەتتىڭ قاتىستى تاراۋلارى ءاردايىم قام جەپ تۇراتىن جاۋاپكەرشىلىك سەزىممەن بۇقارانىڭ ءتول مۇددەسىنە قاتىستى ىستەردى ءىرى ءىس رەتىندە ىستەپ، حالىق تۇرمىسىنداعى ماسەلەلەردى شەشۋدىڭ كولەمىن ءارقايسى تۇيىندەرگە، ءارقايسى قاۋىمدارعا دەيىن كەڭەيتىپ، الدەقاشان ورىن تەپكەن ماسەلەلەردى بار كۇشپەن ويداعىداي شەشىپ، ورىن تەبۋى مۇمكىن بولعان ماسەلەلەردى وركەن كۇيىندە شەشىپ، ءاربىر بۇقارانىڭ قىستان الاڭسىز وتۋىنە، قىستان جاۋراماي وتۋىنە مۇمكىندىك جاساۋ كەرەك. قازىر فاڭساڭدا ءالى كوپتەگەن جۇعىمدالۋشىلار بار، ول ارانىڭ جىلۋمەن قامداۋ تەمپەراتۋراسى ولشەمگە تولا ما، جوق پا، دارەتحانا قولايلى ما، جوق پا؟ جەر - جەردە تۇرعىندار وزدەرى جىلىتاتىن كوپتەگەن جەكە سالىنعان ۇيلەر، جالعا بەرىلگەن ۇيلەر بار، ۇگىت جاساۋ، ارالاۋ ارقىلى، كومىرتەگى شالا توتىعىنان ۋلانۋ وقيعاسىنان ساقتانۋ جۇمىستارى ىستەلدى مە، جوق پا؟ قۇرىلىس ورنىنداعى، زاۆودتاعى قاراپايىم جۇمىس لاپاستارىندا ىندەتتىڭ ىقپالىنا ۇشىراپ تابان تىرەر تياناق تابا الماعان سىرتتان كەلگەن جۇمىسكەرلەر بار ما، جوق پا؟ وسى ماسەلەلەر جونىندە اناعۇرلىم تولىق وي جۇگىرتكەندە، شارالاردى ونان ارى ەگجەي - تەگجەيلى ورنالاستىرعاندا، قىزمەتتى ءتىپتى دە ىشكەرىلەي ىستەگەندە عانا، ءبىز بۇقارانىڭ سەنىمى مەن قولداۋىنا ءتىپتى دە ويداعىداي قول جەتكىزە الامىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
