بيىل شينجياڭنىڭ تەمىر جول زات تاسىمال مولشەرى 180 ميلليون توننادان استى
بىلتىرعى تۇتاس جىلدىق تاسىمال مولشەرىن 35 كۇن بۇرىن اسىرا ورىندادى
2022.11.29 14:02 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 11 - ايدىڭ 27 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 11 - ايدىڭ 26 - كۇنىنە دەيىن شينجياڭنىڭ تەمىر جول زات تاسىمال مولشەرى 185 ميلليون 800 مىڭ تونناعا جەتىپ، بىلتىرعى تۇتاس جىلدىق 185 ميلليون 600 مىڭ توننالىق زات تاسىمال مولشەرى 35 كۇن بۇرىن اسىرا ورىندالعان.
”بيىل جىل باسىنان بەرى بازاردىڭ كومىر، مەتال رۋداسى سياقتى زاتتارعا بولعان قاجەتى قاۋىرت ارتىپ، تەمىر جول زات تاسىمالىنا اناعۇرلىم كوپ وراي تۋىلدى. ءبىز بار كۇشپەن جولدار مەن بەكەتتەردىڭ يقۋاتىن كەڭەيتىپ، جاڭالاپ، تاسىمالداعى بوگەتتەردى اشتىق؛ سونىمەن بىرگە ۇيىمداستىرۋدى كۇشەيتىپ، كومىر سياقتى زاتتىق ماتەريالدار تاسىمالىن بار كۇشپەن قامتاماسىز ەتىپ، زات تاسىمال مولشەرىنىڭ ورنىقتى ارتۋىن جۇزەگە اسىردىق“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى زات تاسىمال ءبولىمىنىڭ ورىنباسار مەڭگەرۋشىسى لي شيڭ.
بيىل جىل باسىنان بەرى شينجياڭنىڭ ءىشى - سىرتىن ەلەكترگە پايدالاناتىن كومىرمەن قامداۋدى قامتاماسىز ەتۋ، وڭتۇستىك شينجياڭدى حالىق تۇرمىسىنا قاجەتتى كومىرمەن قامداۋدى قامتاماسىز ەتۋ مىندەتى جاپالى بولدى، بۇل تەمىر جولدىڭ تاسىمال كۇشىنە، تاسىمال قۋاتىنا ءتىپتى دە جوعارى تالاپتار قويدى. شينجياڭنىڭ تەمىر جول تاراۋلارى يقۋاتتى كەڭەيتىپ، جاڭالاۋ ينجەنەرياسىن كۇش سالا اتقارىپ، ولقىلىقتاردى تولىقتاپ، قاتتى بولشەكتەردى كۇشەيتىپ، تاسىمالداعى بوگەتتەردى اشىپ، تاسىمال قۋاتىن جوعارىلاتتى.
بيىل ءۇرىمجى سولتۇستىك ۆوگزالى − جياڭجۇنمياۋ تەمىر جولىنىڭ جاڭادان قوسىلعان ەكىنشى جەلىسى ىسكە قوسىلىپ، تاسىمال كۇشى ەسەلەپ ارتىپ، كاسىپورىنداردىڭ ەلەكتر تاراتۋىنا، جىلۋمەن قامداۋىنا جانە وڭتۇستىك شينجياڭنىڭ حالىق تۇرمىسىنا جۇمسالاتىن كومىردى جەتكىزۋگە، شينجياڭنىڭ كومىرىن سىرتقا تاسۋعا قامتاماسىزدىق ازىرلەدى. شينجياڭنىڭ تەمىر جول تاراۋلارى 3 ايدان استام ۋاقىتپەن، ياعني 8 - ايدىڭ سوڭىندا، ءۇرىمجى باتىس ۆوگزالىنىڭ ەكىنشى الاڭ بولىگىن جاڭالاپ، كەڭەيتىپ سالۋ ينجەنەرياسىن تامامدادى، سونىمەن ۆوگزالدىڭ ءار كۇنى قابىلدايتىن - جونەلتەتىن جۇپ كەزەكشى پويەز سانى 180 جۇپتان 197دەن استام جۇپقا جەتتى.
نەگىزدىك قۇرىلعىلاردى جاڭالاۋ نەگىزىندە شينجياڭنىڭ تەمىر جول تاراۋلارى تاسىمال كومەسكى قۋاتىن اشىپ، كەزەكشى پويەزداردىڭ قاتىناۋ جوباسىن كەمەلدەندىرىپ، ورنالاستىرۋ، تاسىمال، پاراۆوز جۇمىستارى، زات تاسىمالى سياقتى تاراۋلارمەن تىعىز سەلبەسىپ، جوسپار جاساۋ ساپاسىن جوعارىلاتىپ، كومىر، حيميا ونەركاسىبى سياقتى ءتۇيىندى زاتتىق ماتەريالداردى تاسىمالداۋ جاعدايىن قاداعالاي مەڭگەرىپ، پويەزعا تيەۋدى ۇيلەسىمدى، تەڭگەرىمدى ۇيىمداستىرىپ، اينالما جەلىدە پويەزعا تيەۋگە ۇيىمداستىرۋدى كۇشەيتىپ، پويەزداردىڭ كەپتەلىپ قالماۋىنا، جەلى ىشىندە ءساتتى جۇمىس جۇرگىزۋىنە شىنايى كەپىلدىك ەتتى.
”ءبىز جۇندۇڭعا تىكە قاتىنايتىن كەزەكشى پويەزدىڭ قاتىناۋ سانىن كوبەيتۋ ارقىلى 10 مىڭ توننالىق كەزەكشى پويەزدى قاتىناس - تاسىمالعا ۇيىمداستىرۋ جوباسىن ساپالىلاندىرىپ، ءۇرىمجى - جياڭجۇنمياۋ تەمىر جولىندا ءار كۇنگى كەزەكشى پويەزدىڭ قاتىناۋ جۇپ سانىن ارتتىرىپ، 70تىڭ ۇستىنە جەتكىزدىك، تاياۋدا 92 جۇپتان استى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ورنالاستىرۋ ورنى جوسپارلى ورنالاستىرۋ كەڭسەسىنىڭ ورىنباسار مەڭگەرۋشىسى ياڭ جيانفىڭ.
كومىردى سىرتقا تاسۋ مولشەرىنىڭ ءۇرتىس ارتۋى دا شينجياڭنىڭ تەمىر جول زات تاسىمال مولشەرىنىڭ ارتۋىنا دەم بەردى. كەزەكتە شينجياڭ تەمىر جول تاراۋلارىنىڭ ءار كۇنى تۇتاستاي كومىر تاسيتىن 53 زات تاسىمال كەزەكشى پويەزى شينجياڭنىڭ كومىرىن سىرتقا تاسۋ بويىنشا پويەزعا كومىر تيەيتىن 28 تۇيىننەن گانسۋ، سىچۋان، چۇڭچيڭ، يۇننان، چيڭحاي سياقتى جەرلەرگە اتتانادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
