شي جينپيڭ كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، كۋبانىڭ مەملەكەت ءتوراعاسى دياز كانەلمەن كەڭەس وتكىزدى
2022.11.28 14:10 كەلۋ قاينارى : حالىق تورابى
 |
11 - ايدىڭ 25 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، كۋبانىڭ مەملەكەت ءتوراعاسى دياز كانەلمەن كەڭەس وتكىزدى. كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا دياز كانەلگە ارناپ قارسى الۋ سالتىن وتكىزدى. سۋرەتتە: شي جينپيڭ مەن حانىمى پىڭ لييۋان دياز كانەل جانە حانىمى كۋيستامەن سۋرەتكە تۇسۋدە.
سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
|
شينحۋا اگەنتتىگى، 11 - ايدىڭ 25 - كۇنى، بەيجيڭ. 11 - ايدىڭ 25 - كۇنى تۇستەن بۇرىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، كۋبانىڭ مەملەكەت ءتوراعاسى دياز كانەلمەن كەڭەس وتكىزدى.
شي جينپيڭ مىنالاردى اتاپ كورسەتتى: ءسىز جۇڭگو كوممۋنيستىك پارتياسىنىڭ 20 - قۇرىلتايىنان كەيىن جۇڭگوعا لاتىن امەريكاسى جانە كارايب ەلدەرىنەن تۇڭعىش ساپارلاي كەلگەن مەملەكەت باسشىسىسىز، بۇل جۇڭگو، كۋبا ەكى پارتياسىنىڭ، ەكى ەلدىڭ ەرەكشە دوستىق قارىم - قاتىناسىن تولىق ايگىلەدى. كۋبا − باتىس جارتى شاردان جاڭا جۇڭگومەن تۇڭعىش رەت ديپلوماتيالىق قارىم - قاتىناس ورناتقان مەملەكەت، جۇڭگو - كۋبا قارىم - قاتىناسى سوتسياليستىك ەلدەردىڭ ىنتىماقتاسا سەلبەسۋىنىڭ، وركەندەپ كەلە جاتقان ەلدەردىڭ ءوزارا شىنايى كومەكتەسۋىنىڭ ۇلگىسىنە اينالدى. جۇڭگو جاق كۋبا جاقپەن ساياسي سەنىمدىلىكتى ۇزدىكسىز تەرەڭدەتىپ، ناقتى سەلبەستىكتى كەڭەيتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىر - ءبىرىن باتىل قولداپ، حالىقارالىق جانە وڭىرلىك ىستەردە سايكەسۋدى، سەلبەسۋدى كۇشەيتىپ، ءوز ەلىنىڭ ەرەكشەلىگىنە يە سوتسياليزم قۇرۋ جولىندا قول ۇستاسا العا باسىپ، جاڭا داۋىردەگى جۇڭگو - كۋبا قارىم - قاتىناسىن ۇزدىكسىز تەرەڭدەتۋدى قالايدى.
شي جينپيڭ جۇڭگو كوممۋنيستىك پارتياسى 20 - قۇرىلتايىنىڭ ماڭىزدى جەتىستىكتەرىن تانىستىرىپ، بىلاي دەپ دارىپتەدى: جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتەدى، ءبىز پارتيانىڭ جاپپاي باسشىلىعىندا تاباندى بولامىز جانە كۇشەيتەمىز، جۇڭگوشا سوتسياليزم جولىندا تاباندى بولامىز، حالىقتى وزەك ەتكەن دامۋ يدەياسىندا تاباندى بولامىز، رەفورما جاساپ، ەسىك اشۋدى تەرەڭدەتۋدە تاباندى بولامىز، كۇرەس رۋحىن اسقاقتاتۋدا تاباندى بولامىز، مەملەكەت پەن ۇلتتىڭ دامۋىن ءوز كۇشىمىزدىڭ نەگىزىنە قويىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستايمىز. جۇڭگو، كۋبا ەكى پارتياسى تىعىز بايلانىستى ساقتاپ، ەكى پارتيانىڭ نازاريالىق زەرتتەۋ - تالقى ءماجىلىسى سياقتى مەحانيزمدەردەن ويداعىداي پايدالانىپ، اۋىس - كۇيىستى، ءوزارا ۇلگى الۋدى كۇشەيتىپ، سوتسياليزم نازارياسىندا جاڭالىق اشۋدى جانە امالياتتىق العا باسۋدى قول ۇستاسا ىلگەرىلەتىپ، ماركسيزمنىڭ جەرگىلىكتەنۋىنىڭ، زامانالانۋىنىڭ جاڭا ءورىسىن بىرگە اشىپ، وزدەرىنىڭ مەملەكەت جاعدايىنا ۇيلەسەتىن سوتسياليزمدى ويداعىداي قۇرۋى كەرەك.
شي جينپيڭ مىنالاردى دارىپتەدى: جۇڭگو مەن كۋبا − ءبىر - بىرىنە سەنەتىن جاقسى دوستار، مۇراتتاس جاقسى جولداستار، جاپا - ماشاقاتتى بىرگە وتكەرگەن جاقسى باۋىرلاستار. جۇڭگو مەن كۋبانىڭ ءداستۇرلى دوستىعىن اعا بۋىن باسشىلار ءوز قولدارىمەن ورناتقان ءارى دەن قويا جەتىلدىرگەن. ديپلوماتيالىق قارىم - قاتىناس ورناتقان 62 جىلدان بەرى اۋمالى - توكپەلى حالىقارالىق جاعداي الدىندا جۇڭگو مەن كۋبا ەكى جاق ءبىر - بىرىنە شىنايى ادال دوستىقتى مىزعىماي تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىكتى بۇلجىماي ورىستەتىپ، رەفورما، دامۋداعى مىزعىماس سەرىكتەر بولدى. جۇڭگو جاق جۇڭگو مەن كۋبا ەكى پارتياسىنىڭ، ەكى ەلدىڭ قارىم - قاتىناسىنا باستان - اياق ستراتەگيالىق دەڭگەيدە مامىلە جاساپ جانە ونى دامىتىپ، جۇڭگو - كۋبا قارىم - قاتىناسىن باستان - اياق ديپلوماتيالىق جالپى جاعدايدىڭ ەرەكشە ورنىنا قويىپ كەلەدى. حالىقارالىق جاعداي قالاي وزگەرسە دە، جۇڭگو جاقتىڭ جۇڭگو مەن كۋبانىڭ ۇزاق ۋاقىتتىق دوستىعىندا تاباندى بولۋ باعىتى وزگەرمەيدى، كۋبانىڭ سوتسياليزم جولىمەن ءجۇرۋىن قولداۋ بەكىمى وزگەرمەيدى، كۋبا جاقپەن بىرگە حالىقارالىق ادىلدىكتى، تۋراشىلدىقتى قورعاۋ، زورەكەرلىككە، وكتەمدىككە قارسى تۇرۋ ەركى وزگەرمەيدى. جاڭا جاعدايدا ەكى جاق ستراتەگيالىق سەلبەستىكتى نىعايتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ بارىسىندا جۇڭگو - كۋبا تاعدىرلاس ورتاق تۇلعاسىن قول ۇستاسا بىرگە قۇرۋى كەرەك. جۇڭگو جاق كۋبانىڭ مەملەكەتتىڭ يەلىك ۇقىعىن قورعاۋىنا ۇزدىكسىز باتىل قولداۋ كورسەتەدى، سىرتتىڭ كيلىگۋى مەن قۇرساۋلاۋىنا قارسى تۇرادى، كۋبا جاقپەن بىرگە دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن تياناقتاندىرۋدى قول ۇستاسا ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىن بىرگە جەبەۋدى قالايدى. قازىر كۋبالىق جولداستار اسا زور سايىسقا جولىعىپ وتىر. سوتسياليزم ىستەرى ەجەلدەن ەرلىكپەن ءورىس اشۋ بارىسىندا العا باسىپ كەلەدى، ءبىز كۋبالىق جولداستاردىڭ بارلىق قيىنشىلىقتى، ءسوز جوق، جەڭەتىنىنە كامىل سەنەمىز ءارى بار كۇشپەن قولداۋ كورسەتەمىز جانە كومەكتەسەمىز. جۇڭگو جاق كۋبامەن ءار سالاداعى ناقتى سەلبەستىكتى تەرەڭدەتىپ، «ءبىر بەلدەۋ، ءبىر جولدى» بىرگە قۇرۋ سەلبەستىك جوباسىن ويداعىداي تياناقتاندىرىپ، سوتسياليستىك وسىزامانداندىرۋ قۇرىلىسىن قول ۇستاسا ىلگەرىلەتۋدى قالايدى.
شي جينپيڭ مىنالاردى اتاپ كورسەتتى: جۇڭگو مەن لاتىن امەريكاسىنىڭ سەلبەستىگى، ماندىك جاقتان العاندا، وڭتۇستىك پەن وڭتۇستىكتىڭ سەلبەستىگى، ءوزارا قۇرمەت ەتۋدى العى شارت، ءوزارا پايدا جەتكىزىپ، تەڭ يگىلىككە كەنەلۋدى پرينسيپ، اشىق، سيىسىمدى بولۋدى ەرەكشەلىك، بىرگە دامۋدى نىسانا ەتەدى، دۇنيە ءجۇزىنىڭ ۇلكەن اۋقىمى مەن تاريح اعىمىنا سايكەسەدى، وڭىردەگى ەلدەردىڭ ورتاق مۇددەسىنە ۇيلەسەدى. قازىر لاتىن امەريكاسى مەن كارايب ءوڭىرىنىڭ ساياسي جاعدايى جاڭا كەزەكتى تەرەڭ رەتتەۋدى باستان كەشىرۋدە. جۇڭگو جاق جۇڭگو - لاتىن امەريكاسى قارىم - قاتىناسىنىڭ دامۋىنا ايرىقشا ءمان بەرەدى، كۋبانى قامتىعان لاتىن امەريكاسى جانە كارايب ەلدەرىمەن بىرگە «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ىشكەرىلەي ىلگەرىلەتىپ، تەڭ تۇرعىدا ءوزارا پايدا جەتكىزەتىن، بىرگە داميتىن جۇڭگو - لاتىن امەريكاسى جان - جاقتى سەلبەستىك سەرىكتەستىك قارىم - قاتىناسىنىڭ جاڭا داۋىردە اناعۇرلىم جاقسى دامۋىن ىلگەرىلەتۋدى، جۇڭگو مەن لاتىن امەريكاسى حالىقتارىن اناعۇرلىم تاماشا باقىتقا كەنەلتۋدى قالايدى.
دياز كانەل ءتوراعا شي جينپيڭنىڭ ج ك پ - نىڭ 20 - قۇرىلتايى ءساتتى اشىلعاننان كەيىن، لاتىن امەريكاسىنداعى مەملەكەت باسشىسى رەتىندە، ءوزىن جۇڭگوعا تۇڭعىش ساپارلاي كەلۋگە ۇسىنىس ەتكەنىنە شىن جۇرەكتەن العىس ايتتى، كۋبا پارتياسى مەن مەملەكەتى اتىنان ج ك پ 20 - قۇرىلتايىنىڭ جەڭىسپەن اشىلعانىن تاعى ءبىر رەت قىزۋ قۇتتىقتادى، ءتوراعا شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ تاعى دا سايلانعانىن قىزۋ قۇتتىقتادى، جۇڭگونىڭ ءتوراعا شي جينپيڭنىڭ باسشىلىعىندا جۇڭگوشا سوتسياليزم ىستەرىن ىلگەرىلەتۋدە تاريحي تابىستارعا قول جەتكىزگەنىن قىزۋ قۇتتىقتادى. دۇنيە جۇزىندەگى العاباسار كۇشتەردىڭ بۇدان تەرەڭ شابىت الاتىنىن ءبىلدىردى. دياز كانەل مىنالاردى ءبىلدىردى: مەن ءوزىم جانە كۋبا پارتياسىنىڭ جوعارى جىكتەگىلەرى ءسىزدىڭ ج ك پ - نىڭ 20 - قۇرىلتايىندا جاساعان بايانداماڭىزدى مۇقيات ۇيرەندىك. ەرەكشە كۇردەلى، قاتاڭ ساياسي، ەكونوميكا اۋقىمى الدىندا كۋبا جۇڭگونى ۇلگى ەتىپ، سايىستارعا جاسامپازدىقپەن تۋرا قاراپ، سوتسياليزمدى گۇلدەندىرۋ نىساناسىن جۇزەگە اسىرادى.
دياز كانەل مىنالاردى دارىپتەدى: جۇڭگومەن قارىم - قاتىناستى دامىتۋ كۋبانىڭ ديپلوماتيالىق ساياساتىندا بارىنەن ماڭىزدى ورىندا تۇرادى. كۋبا جاق ءبىر جۇڭگو پرينسيبىنە باتىل بويسۇناتىنىن، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى، دۇنيە جۇزىلىك دامۋ باستاماسىن جانە دۇنيە جۇزىلىك حاۋىپسىزدىك باستاماسىن قولدايتىنىن قايتالاي دارىپتەيدى ءارى لاتىن امەريكاسى - جۇڭگو تالقى مىنبەرى، «77 ەل توبى + جۇڭگو» سياقتى وڭىرلىك جانە حالىقارالىق كوپ جاقتى مەحانيزمدە جۇڭگو جاقپەن سايكەسۋدى، سەلبەسۋدى اناعۇرلىم كۇشەيتىپ، لاتىن امەريكاسى مەن جۇڭگونىڭ قارىم - قاتىناسىن ىلگەرىلەتۋگە، وركەندەپ كەلە جاتقان ەلدەردىڭ ورتاق مۇددەسىن قورعاۋعا ۇزدىكسىز ۇلەس قوسۋدى قالايدى. كەڭەستەن كەيىن ەكى ەلدىڭ مەملەكەت باسشىلارى ەكى ەلدىڭ پارتيالار ارا اۋىس - كۇيىسى، سىرتقى ىستەر مينيسترلىگى اراسىنداعى كەڭەس مەحانيزمى، «ءبىر بەلدەۋ، ءبىر جولدى» بىرگە قۇرۋ، ناقتى سەلبەستىك سياقتى ەكى جاقتى قۇجاتتارعا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن كۋبا رەسپۋبليكاسىنىڭ جاڭا داۋىردەگى جۇڭگو - كۋبا قارىم - قاتىناسىن تەرەڭدەتۋ جونىندەگى بىرلەسكەن مالىمدەمەسىن» جاريالادى.
كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا دياز كانەلگە ارناپ قارسى الۋ سالتىن وتكىزدى، تيان - انمىن الاڭىندا 21 رەت قۇرمەت ساليۋتى اتىلدى، ەكى ەلدىڭ مەملەكەت باسشىلارى قۇرمەت قاراۋىلىن كوزدەن كەشىرۋ مىنبەسىنە شىعىپ، جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى.
كەڭەس اياقتاعاننان كەيىن شي جينپيڭ مەن حانىمى پىڭ لييۋان دياز كانەل جانە حانىمى كۋيستا قارسى الۋ قوناعاسىن بەردى.
ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
 |
11 - ايدىڭ 25 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، كۋبانىڭ مەملەكەت ءتوراعاسى دياز كانەلمەن كەڭەس وتكىزدى. سۋرەتتە: كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا دياز كانەلگە ارناپ قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
|
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
