شينجياڭداعى سۋىق اعىس قانشالىقتى كۇشتى بولدى؟ بۇل جەردە ەڭ تومەنگى تەمپەراتۋرا نولدەن تومەن 48.6 سەلتسي گرادۋسقا ءتۇستى
2022.11.29 14:16 كەلۋ قاينارى : حالىق تورابى
انار بۇلت – شينجياڭ گازەتىنىڭ حابارى. بۇل جولعى سۋىق اعىس سولتۇستىك شينجياڭنىڭ كوپ جەرىنە اسەر ەتتى، جۇرت قاتتى سۋىقتى سەزىندى. سوندا قانشالىقتى سۋىق بولدى؟ ءتىلشىنىڭ شينجياڭ اۋا رايى ستانسياسىنان ۇعىسۋىنشا، 11 – ايدىڭ 28 – كۇنى ساعات 8 دە التاي ايماعى كوكتوعاي اۋدانى تۇرعىن اۋىلىنداعى ەڭ تومەنگى تەمپەراتۋرا نولدەن تومەن 48.6 سەلتسي گرادۋسقا تۇسكەن.
«قار جاۋىپ تۇرعاندا سۋىق بولمايدى، قار جاۋىپ بولعان سوڭ سۋىتادى» دەگەن ءسوز بار، ويتكەنى قار جاۋۋ دەگەن گازدىڭ قاتتى دەنەگە اينالۋ بارىسى، بۇل بارىستا جىلۋ ءبولىپ شىعارادى؛ ال، قار ەرۋ بارىسىندا اينالاسىنداعى اۋادان جىلۋ سورادى، سوندىقتان ءتىپتى دە سۋىتادى، سول سەبەپتى «قار جاۋىپ بولعان سوڭ كۇن سۋىتادى» دەگەن ءسوز بار. سۋىق اعىستىڭ اسەرىنەن بولاتىن قاتتى سۋىق قار جاۋىپ بولعان سوڭ ءتىپتى دە كورنەكتى بولادى.
شينجياڭ اۋا رايى ستانسياسىنىڭ باس مالىمدەۋشىسى چىن چۇنياننىڭ تانىستىرۋىنشا، بۇل جولعى سۋىق اعىستىڭ اسەرىنەن شينجياڭنىڭ كوپ جەرىندە بيىلعى قىس كىرگەننەن بەرى ەڭ تومەنگى تەمپەراتۋرا جارىققا شىققان، 11 – ايدىڭ 27 – كۇنى ساعات 8 دەن 28 – كۇنى ساعات 8 گە دەيىن سولتۇستىك شينجياڭنىڭ كوپ جەرىندە، قۇمىل قالاسىندا ەڭ تومەنگى تەمپەراتۋرا نولدەن تومەن 18 سەلتسي گرادۋستان نولدەن تومەن 25 سەلتسي گرادۋسقا تۇسكەن، تيانشاننىڭ تاۋلى رايونى، سانجى حۇيزۋ اۆتونوميالى وبلىسىنىڭ شىعىس بولەگىندە ەڭ تومەنگى تەمپەراتۋرا نولدەن تومەن 25 سەلتسي گرادۋستان نولدەن تومەن 32 سەلتسي گرادۋسقا تۇسكەن، تارباعاتاي ايماعىنىڭ سولتۇستىك بولەگى، التاي ايماعىندا ەڭ تومەنگى تەمپەراتۋرا نولدەن تومەن 38 سەلتسي گرادۋستان نولدەن تومەن 48 سەلتسي گرادۋسقا دەيىن تۇسكەن، وڭتۇستىك شينجياڭنىڭ باسىم كوپ جەرىندە ەڭ تومەنگى تەمپەراتۋرا نولدەن تومەن 7 سەلتسي گرادۋستان نولدەن 12 سەلتسي گرادۋسقا دەيىن تۇسكەن.
سۋىق اعىستان سوڭ وسى اپتادا بۇكىل شينجياڭنىڭ اۋا رايى نەگىزىنەن سۋىق بولادى، وسى اپتانىڭ سوڭىندا ەكى رەت سۋىق اۋا اعىس سولتۇستىك شينجياڭعا اسەر ەتەدى. 11 – ايدىڭ 28 – كۇنى (دۇيسەنبى) كۇندىزدەن 29 – كۇنى (سەيسەنبى) ءتۇن جارىمىنا دەيىن، وڭتۇستىك شينجياڭ ويپاتىنىڭ ورتا، شىعىس بولەگىندە 6 بال شاماسىندا قيىس شىعىس جەلى سوعادى، مەزەتتىك جەل 8 دە 9 بالعا جەتەدى، ءىشىنارا جەرلەردە ۇقساماعان دارەجەدە قۇمدى بوران سوعادى، وڭتۇستىك شيجياڭ ويپاتىنىڭ كوپ ءبولىم جەرىندە تەمپەراتۋرا 8 سەلتسي گرادۋس مولشەرىندە تومەندەيدى، ءىشىنارا جەرلەردە تەمپەراتۋرانىڭ تومەندەۋى 10 سەلتسي گرادۋستان جوعارى بولادى.
11 – ايدىڭ 28 – كۇنى (دۇيسەنبى) ءتۇن جارىمىنان 30 – كۇنى (سارسەنبى) ءتۇن جارىمىنا دەيىن، تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسى، سانجى وبلىسىنىڭ شىعىس بولەگى سياقتى جەرلەردىڭ ءىشىنارا جەرلەرىندە 5 بال اينالاسىندا قيىس شىعىس جەلى سوعادى، مۇنىڭ ىشىندە تارباعاتاي ايماعىنىڭ ەبىسىندە، مايتاس جەلدى، ءوڭىرى، التاي ايماعىنىڭ نوقاي جەلدى وڭىرىندە جەل كۇشى 9 بال اينالاسىندا بولادى، مەزەتتىك جەل 11 بال اينالاسىندا بولادى، ءىشىنارا جەرلەردە قارلى بوران سوعادى.
11 – ايدىڭ 30 – كۇنى (سارسەنبى) ءتۇن جارىمىنان 12 – ايدىڭ 2 – كۇنى (جۇما) ءتۇن جارىمىنا دەيىن، سولتۇستىك شينجياڭنىڭ باتىس بولەگى مەن سولتۇستىك بولەگى، تيانشاننىڭ تەرىسكەيى، قىزىلسۋ قىرعىز اۆتونوميالى وبلىسى سياقتى جەرلەردىڭ ءىشىنارا جەرلەرىندە قىرباق قار جاۋادى، مۇنىڭ ىشىندە ىلە قازاق اۆتونوميالى وبلىسى، تارباعاتاي ايماعى، التاي ايماعى، شىحىزى قالاسىنىڭ وڭتۇستىك بولەگىندەگى تاۋلى رايون سياقتى وڭىرلەردىڭ ءىشنارا جەرلەرىندە ورتاشادان باستاپ قالىڭ قار جاۋادى.
12 – ايدىڭ 4 – كۇنىنەن (جەكسەنبى) كەيىن، سولتۇستىك شينجياڭنىڭ باتىس بولەگى مەن سولتۇستىك بولەگىندە ءبىر رەت قار جاۋىپ تەمپەراتۋرا تومەندەيدى. تەمپەراتۋرانىڭ تومەندەۋىنەن ساقتانىپ، بوراننىڭ، ءىشىنارا جەرلەردەگى قۇمدى بوراننىڭ مال شارۋاشىلىق، اۋىل شارۋاشىلىق ءوندىرىسى، جول قاتىناس تاسىمالى سياقتىلارعا جاسايتىن ىقپالىنان ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
