شي جينپيڭ موڭعۇليانىڭ زۇڭتۇڭى حورەلسۋحپەن كەڭەس وتكىزدى
2022.11.29 15:56 كەلۋ قاينارى : حالىق تورابى
 |
11 - ايدىڭ 28 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەت ىستەرىمەن ساپارلاي كەلگەن موڭعۇليانىڭ زۇڭتۇڭى حورەلسۋحپەن كەڭەس وتكىزدى. كەڭەستەن بۇرىن شي جينپيڭ حالىق سارايىنىڭ سولتۇستىك زالىندا حورەلسۋحتى قارسى الۋ سالتىن وتكىزدى. سۋرەتتە: شي جينپيڭ مەن حانىمى پىڭ لييۋان حورەلسۋحپەن جانە حانىمى بولەرسەگپەن بىرگە سۋرەتكە تۇسۋدە.
سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن
|
شينحۋا اگەنتتىگى، 11 - ايدىڭ 28 - كۇنى، بەيجيڭ. 11 - ايدىڭ 28 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەت ىستەرى ساپارىمەن كەلگەن موڭعۇليانىڭ زۇڭتۇڭى حورەلسۋحپەن كەڭەس وتكىزدى.
شي جينپيڭ حورەلسۋحتىڭ جۇڭگوعا ساپارلاي كەلگەنىن قارسى الدى. شي جينپيڭ بىلاي دەپ اتاپ كورسەتتى: ءبىز ەكى ايدان كەيىن تاعى دا كەزدەستىك، بۇل جۇڭگو - موڭعۇليا قاتىناسىنىڭ جوعارى دەڭگەيىن تولىق ايگىلەدى. جۇڭگو مەن موڭعۇليا − ءوزارا ماڭىزدى كورشى ەلدەر، جۇڭگو مەن موڭعۇليانىڭ ۇزاق ۋاقىتتىق ورنىقتى تاتۋ كورشىلىك، دوستىق سەلبەستىك قاتىناسىن ساقتاۋ ەكى ەل حالىقتارىنىڭ ءتۇبىرلى مۇددەسىنە ۇيلەسەدى. جۇڭگو جاقىن، ادال، ءتيىمدى، كەشىرىمشىل بولۋ ۇستانىمىندا جانە كورشىلەس ەلدەرگە قايىرىمدى بولۋ، ىرگەلەس ەلدەرمەن سەرىك بولۋ سىندى توڭىرەكتىك ديپلوماتيا باعىتىندا تاباندى بولىپ، جۇڭگو مەن موڭعۇليانىڭ دوستىعىن، ءوزارا سەنىمدىلىگىن جانە مۇددەسىن توعىستىرۋدى تەرەڭدەتۋگە باسا ءمان بەرەدى. ەكى جاق قول ۇستاسا وتىرىپ ىندەتكە قارسى اتتانىپ، ءبىر - بىرىنە قارايلاسىپ، ءداستۇرلى دوستىقتى ساۋلەلەندىردى. ەكى ەلدىڭ ءار سالاداعى اۋىس - كۇيىسى مەن سەلبەستىگى ۇزدىكسىز تەرەڭدەپ، ناقتىلانىپ، مەملەكەت پەن مەملەكەت بارىس - كەلىسىنىڭ ۇلگىسىن ورناتتى. ورنىقسىزدىق، تۇراقسىزدىق كۇن سايىن كۇشەيگەن حالىقارالىق ورتا الدىندا جۇڭگو جاق موڭعۇليا جاقپەن بىرگە ەكى ەلدىڭ تاعدىرلاس ورتاق تۇلعاسىن قۇرۋدى جەتەكشى ەتىپ، جۇڭگو مەن موڭعۇليانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ورنىقتى قاداممەن الىسقا جەتۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايدى.
شي جينپيڭ ج ك پ 20 - قۇرىلتايىنىڭ قاتىستى جاعدايلارىن جانە جۇڭگو ۇلگىسىندەگى وسىزامانداندىرۋدىڭ 5 ۇلكەن ەرەكشەلىگىن تانىستىرا كەلىپ بىلاي دەپ اتاپ كورسەتتى: جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتەدى، جۇڭگونىڭ ءوزىنىڭ گۇلدەنىپ - كوركەيۋىن، دامۋىن جۇزەگە اسىرۋمەن بىرگە، جۇڭگونىڭ دامۋى ارقىلى اينالاسىنا، ءتىپتى دۇنيە جۇزىنە تيىمدىلىك جاسايدى. جۇڭگو، موڭعۇليا ەكى جاقتىڭ ۇلتتى گۇلدەندىرۋ مەن مەملەكەتتى وسىزامانداندىرۋ جولىندا قول ۇستاسا العا باسىپ، توعىسپالى دامۋدىڭ، تاعدىرلاس بولۋدىڭ ۇلگىسىن قالىپتاستىرىپ، جاڭاشا حالىقارالىق قاتىناس ورناتۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بىرگە ۇلەس قوسۋىنا ابدەن بولادى.
شي جينپيڭ مىنالاردى دارىپتەدى: جۇڭگو جاق موڭعۇليا جاقپەن ءبىر - ءبىرىنىڭ تاۋەلسىزدىگىنە، يەلىك ۇقىعىنا، تەرريتوريا تۇتاستىعىنا ءوزارا قۇرمەت ەتىپ، ءارقايسىسى تاڭداعان دامۋ جولىنا قۇرمەت ەتىپ، قارسى جاقتىڭ وزەكتى مۇددەسىنە ساياتىن جانە كوڭىل ءبولىپ وتىرعان كەلەلى ماسەلەلەردە ءبىرىن - ءبىرى قولداۋدى قالايدى. ەكى جاق ءارقايسى تاراۋلاردىڭ، ءارقايسى جىكتەگىلەردىڭ تىلدەسۋىن، سەلبەستىگىن جانە ەل باسقارۋداعى اۋىس - كۇيىستى، ءوزارا ۇلگى الۋدى كۇشەيتىپ، «ءبىر بەلدەۋ، ءبىر جول» باستاماسىنىڭ «ساحارا جولى» باستاماسىمەن، دۇنيە جۇزىلىك دامۋ باستاماسىنىڭ موڭعۇليانىڭ «جاڭا گۇلدەنۋ ساياساتىمەن»، جۇڭگونىڭ «ەكى قادامعا ءبولىپ ءجۇرۋ» دامۋ ستراتەگيالىق نىساناسىنىڭ موڭعۇليانىڭ «ۇزاق بولاشاق 2050» ۇزاق ۋاقىتتىق دامۋ ساياساتىمەن ۇشتاسۋىن ىلگەرىلەتىپ، وسى ءۇش ۇلكەن قوزعالتقىش ارقىلى جۇڭگو - موڭعۇليا قارىم - قاتىناسىنىڭ ىشكەرىلەي دامۋىنا قۋاتتى قوزعاۋشى كۇش ۇستەۋى كەرەك. جۇڭگو جاق موڭعۇليا جاقپەن ەكونوميكا - ساۋدا، ەنەرگيا، كەن كاسىبى، ۇلاستىرۋ - تۇتاستىرۋ سياقتى ءتۇيىندى سالالارداعى سەلبەستىكتى كەڭەيتىپ، ينفورماتسيا تەحنيكاسى، مال شارۋاشىلىق ونىمدەرىن جىنتىكتەي مانەرلەۋ سياقتى سالالارداعى سەلبەستىكتى كەڭەيتۋدى قالايدى. ەكى ەلدىڭ باسقارۋشى تاراۋلارى ۇزدىكسىز تىعىز ۇشتاسىپ، ۇلاستىرۋ - تۇتاستىرۋدىڭ جاڭا ارناسىن ەرتەرەك اشىپ، جۇڭگو - موڭعۇليا - رەسەي ەكونوميكالىق ءدالىزى قۇرىلىسى مەن جۇڭگو - رەسەي تابيعي گاز قۇبىرىنىڭ موڭعۇلياداعى بولەگىن توسەۋ نىسانىن بەلسەنە ىلگەرىلەتۋى كەرەك. جۇڭگو جاق موڭعۇليا جاقتىڭ «ءبىر ميلليارد ءتۇپ اعاش ەگۋ» جوسپارىن القايدى، موڭعۇليا جاقپەن بىرگە جۇڭگو مەن موڭعۇليانىڭ شولەيتتەنۋدەن ساقتانۋ جانە ونى تىزگىندەۋ سەلبەستىك ورتالىعىن اقىلداسىپ قۇرۋدى قالايدى. ەكى جاق زاڭ شىعارۋ قۇرىلىمى، ۇكىمەت، ساياسي پارتيا، جەرگىلىكتى ورىن سياقتى تاراۋلار مەن عىلىم - تەحنيكا، وقۋ - اعارتۋ، دەنساۋلىق ساقتاۋ، ساياحات، اقپارات قۇرالدارى، جاستار، گۋمانيتارلىق سياقتى سالالارداعى اۋىس - كۇيىستى، سەلبەستىكتى كۇشەيتىپ، جۇڭگو - موڭعۇليا دوستىعىنىڭ نەگىزىن بەكەمدەۋگە، ەكى ەل حالىقتارىن يگىلىككە كەنەلتۋگە دەم بەرۋى كەرەك. جۇڭگو جاق موڭعۇليانىڭ جاستار - ورەندەر دەنەتاربيە ورتالىعى سياقتى نىسان قۇرىلىستارىن بەلسەنە قولداپ، جۇڭگو - موڭعۇليا دوستىعىنىڭ جاڭا بەلگىسىن قالىپتاستىرۋدى قالايدى.
شي جينپيڭ بىلاي دەپ دارىپتەدى: جۇڭگو مەن موڭعۇليا ازيا - تىنىق مۇحيت وڭىرىندەگى وركەندەپ كەلە جاتقان ەلدەر رەتىندە حالىقارالىق جانە وڭىرلىك ىستەردە كەڭ كولەمدى ورتاق مۇددەگە يە. جۇڭگو جاق موڭعۇليا جاقپەن تىعىز سايكەسىپ، سەلبەسىپ، ناعىز كوپ جاقتىلىقتى بىرگە قورعاپ، توپقا ءبولىنىپ قارسىلاسۋدى تەجەپ، حالىقارالىق قوعامنىڭ ىنتىماعىن، سەلبەستىگىن قورعاۋدى قالايدى.
حورەلسۋح مىنالاردى ءبىلدىردى: مەن ج ك پ 20 - قۇرىلتايىنىڭ جەڭىسپەن اشىلعانىن تاعى دا قۇتتىقتايمىن، ءتوراعا شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ تاعى دا سايلانعانىن قۇتتىقتايمىن. جۇڭگو كوممۋنيستىك پارتياسىنىڭ باسشىلىعىندا جۇڭگو ءبىرىنشى 100 جىلدىق كۇرەس نىساناسىن ءساتتى جۇزەگە اسىردى، موڭعۇليا بۇعان قۋانادى. موڭعۇليا جاق باس شۋجي شي جينپيڭ مەن جۇڭگو كوممۋنيستىك پارتياسىنىڭ جۇڭگو حالقىن ۇزدىكسىز باستاپ، جاپپاي سوتسياليستىك وسىزاماندانعان قۇدىرەتتى ەل قۇرۋدى ۋاعىندا جۇزەگە اسىراتىنىنا كامىل سەنەدى. موڭعۇليا مەن جۇڭگو − تاۋ - سۋى تۇتاسقان ماڭگىلىك كورشىلەر، تاتۋ كورشى، ابزال دوس، سەنىمدى سەرىكتەر، جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى جاق ءوزارا قولداۋ كورسەتىپ، كومەكتەسىپ، دۇنيە جۇزىلىك سىن - سايىسقا بىرگە توتەپ بەرىپ، «قيىن - قىستاۋ ساتتە شىنايى سۇيىسپەنشىلىكتى كورسەتۋدى» جاندى بەينەلەدى. موڭعۇليا جاق جۇڭگو جاقپەن ساياسي بارىس - كەلىستى جيىلەتىپ، ءوزارا تاباندىلىقپەن قولداۋ كورسەتىپ، ءوزارا تاڭداعان دامۋ جولىنا قۇرمەت ەتىپ، موڭعۇليا مەن جۇڭگونىڭ بولاتتاي بەرىك دوستىعىن تەرەڭدەتۋدى قالايدى. مەن مىنانى قايتالاي دارىپتەيمىن: موڭعۇليا جاق ءبىر جۇڭگو ساياساتىن باتىل اتقارادى، بۇل ساياساتتا ەشقانداي وزگەرىس بولمايدى. جۇڭگو − بەيبىتشىلىكتى سۇيەتىن مەملەكەت، تاريحتا باسقا ەلدەرگە شاپقىنشىلىق جاساپ كورمەگەن، ونىڭ ۇستىنە باسقا ەلدەردىڭ دامۋىنا شىن نيەتىمەن كومەكتەسكەن. جۇڭگو جاق العا قويعان دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسى ادامزاتتىڭ بەيبىتشىلىگى مەن دامۋىنا سايادى، موڭعۇليا جاق بار كۇشپەن قولدايدى. جۇڭگومەن ستراتەگيالىق ۇشتاسۋدى كۇشەيتىپ، «ءبىر بەلدەۋ، ءبىر جولدى» بىرگە قۇرىپ، ەكونوميكا - ساۋدا، قارجى قوسۋ، كەن بايلىعى، نەگىزدىك قۇرىلعى، كليمات وزگەرىسىنە توتەپ بەرۋ، جاسىل دامۋ، شولەيتتەنۋدەن ساقتانۋ جانە ونى تىزگىندەۋ سياقتى سالالارداعى سەلبەستىكتى كەڭەيتىپ، جۇڭگو - موڭعۇليا - رەسەي ەكونوميكالىق ءدالىزى قۇرىلىسىن ىلگەرىلەتۋدى قالايدى. قازىر حالىقارالىق، وڭىرلىك جاعدايدا تەرەڭ دە كۇردەلى وزگەرىستەر تۋىلۋدا، ءبىز ازيانىڭ قۇن كوزقاراسىن ساۋلەلەندىرىپ، ازيانىڭ بەيبىتشىلىگىن، ورنىقتىلىعىن جانە دامۋىن بىرگە قورعاۋىمىز كەرەك. موڭعۇليا جاق جۇڭگو جاقتىڭ دۇنيە ءجۇزىنىڭ بەيبىتشىلىگىن، ورنىقتىلىعىن جانە دامۋىن قورعاۋدا، سونداي - اق بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاۋدا قوسقان بەلسەندى ۇلەسىن جوعارى باعالايدى، جۇڭگو جاقپەن حالىقارالىق ىستەردەگى تىلدەسۋدى، سايكەسۋدى كۇشەيتىپ، ءوڭىردىڭ بەيبىتشىلىگى مەن دامۋىن قورعاۋعا ۇلەس قوسۋدى قالايدى.ەكى جاق «جۇڭحۋا حالىق رەسپۋبليكاسى مەن موڭعۇليانىڭ جاڭا داۋىردە جالپى بەتتىك ستراتەگيالىق سەرىكتەستىك قارىم - قاتىناستى ىلگەرىلەتۋ جونىندەگى بىرلەسكەن مالىمدەمەسىن» جاريالاپ، وسىزامانداندىرۋ قۇرىلىسىن قول ۇستاسا ىلگەرىلەتىپ، بەيبىت قاتار تۇرۋ، ءوزارا قارايلاسۋ، سەلبەسىپ تەڭ يگىلىككە كەنەلۋ سىندى ەكى ەلدىڭ تاعدىرلاس ورتاق تۇلعاسىن بىرگە قۇرۋ بەتالىسىنا قاراي قۇلشىنىس جاساۋعا ءبىر اۋىزدان ماقۇل بولدى.
كەڭەستەن كەيىن ەكى ەل باسشىلارى ەكونوميكا - ساۋدا، قارجى قوسۋ، كەدەن، شولەيتتەنۋدى جونگە سالۋ سياقتى كوپتەگەن ەكى جاقتى سەلبەستىك قۇجاتتارىنا قول قويۋعا كۋا بولدى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا حورەلسۋحتى قارسى الۋ سالتىن وتكىزدى. تيان - انمىن الاڭىندا 21 رەت قۇرمەت ساليۋتى اتىلدى. ەكى ەلدىڭ مەملەكەت باسشىلارى قۇرمەت قاراۋىلى مىنبەسىنە شىعىپ، جۇڭگو حالىق ازاتتىق ارمياسىنىڭ قۇرمەت قاراۋىلىن كوردى.
كەڭەس اياقتاعاننان كەيىن شي جينپيڭ مەن حانىمى پىڭ لييۋان حورەلسۋح پەن حانىمى بولەرسەگكە قارسى الۋ قوناعاسىن بەردى.
ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
 |
11 - ايدىڭ 28 - كۇنى مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەت ىستەرىمەن ساپارلاي كەلگەن موڭعۇليانىڭ زۇڭتۇڭى حورەلسۋحپەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا حورەلسۋحتى قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
|
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
