جەرگىلىكتى ورىنداردىڭ بىلە تۇرا زاڭعا قايشىلىق ىستەپ جەردى يەلەپ الۋىنا، جەردەن پايدالانۋدى بەكىتۋىنە قاتىستى 45 دەلو جاريالاندى
2022.11.30 13:46 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ ليبين 11 – ايدىڭ 29 – كۇنى بەيجيڭنەن حابارلايدى. ەگىستىك جەردى يەلەپ الىپ، كول جاساپ، كورىنىس قالىپتاستىرۋ، جەرگىىلكتى ۇكىمەت پەن تاراۋلاردىڭ زاڭسىز تۇردە جەردى يەلەپ الۋعا جەتەكشىلىك ەتۋى، جەرگە ەگىن ەگىلگەنى جانە جەردىڭ قايتادان ەگىستىك جەرگە وزگەرتىلگەنى جونىندە جالعان مالىمەت بەرۋ قاتارلى ىستەر جونىندە جاراتىلىستىق بايلىق مينيسترلىگى 11 – ايدىڭ 29 – كۇنى جەرگە قاتىستى زاڭعا، زاڭدىق تۇزىمدەرگە قايشى تيپتىك دەلولاردان 45 دەلو جونىندە اشىق حابارلاندىرۋ شىعاردى.
حابارلاندىرۋدا مىنالار اتاپ كورسەتىلگەن: 2021 – جىلى مەملەكەتتىك جاراتىلىستىق بايلىق جاعىنداعى قاداعالاۋشى ورىنداردىڭ ەگىستىك جەردى قورعاۋعا قاتىستى قاداعالاۋ قىزمەتى بارىسىندا بايقاۋىنشا، مەملەكەتتىك كەڭەستىڭ كەڭسە مەڭگەرمەسى ەگىستىك جەردى «اۋىل شارۋاشىىلىعىنان باسقا ماقساتتا پايدالانۋدى» باتىل تەجەپ، ەگىستىك جەرگە «استىق ەكپەۋدەن» ساقتانۋ جونىندە قۇجات شىعارعان سوڭ، ءبىر ءبولىم جەرلەر ءالى دە بىلە تۇرا زاڭ – تۇزىمگە قايشىلىق جاساپ، جەردى يەلەپ الىپ، جاساندى كول جاساپ، كورىنىس قالىپتاستىرۋدى، جاسىلداندىرۋدى، ورمان وتىرعىزۋدى جالعاستىرعان، ءىشىنارا نەگىزگى ساتىلارداعى قالالىق، اۋداندىق ۇكىمەتتەر مەن تاراۋلار جەردى زاڭعا قايشى تۇردە يەلەپ الۋدى ىلگەرىلەتۋگە جەتەكشىلىك ەتكەن، ەگىستىك جەردى تولىقتاۋ، ماڭگىلىك نەگىزدىك ەگىستىك اتىزىنا ارنالعان جەردى تولىقتاۋ جاعىنداعى جاۋاپكەرشىلىكتەرىن تياناقتاندىرماعان، كەي جەرلەر ءتىپتى جالعان مالىمەت بەرىپ، ەگىستىك جەردى قورعاۋدىڭ قىزىل سىزىعىنا اۋىر دارەجەدە سوقتىققان، مەملەكەتتىڭ استىق حاۋىپسىزدىگىنە زيان جەتكىزگەن.
حابارلاندىرۋعا قاراعاندا، زاڭعا قايشى كەلگەن بۇل ىستەردىڭ ىشىندە 17 ماسەلە ەگىستىك جەردى يەلەپ الىپ، جاساندى كول جاساپ، كورىنىس قالىپتاستىرۋىنا ساياتىن ماسەلە، 10 ماسەلە جەرگىلىكتى ورىنداعى ۇكىمەت پەن تاراۋلاردىڭ زاڭعا قايشى تۇردە جەردى يەلەپ الۋدى ىلگەرىلەتۋگە جەتەكشىلىك ەتۋىنە، زاڭعا قايشى تۇردە جەردەن پايدالانۋدى بەكىتۋىنە، باقىلاۋ – باسقارۋداعى مىندەتتىك جاۋاپكەرشىلىگىن تياناقتاندىرماۋىنا ساياتىن ماسەلە، 6 ماسەلە ەگىستىك جەردى زاڭعا قايشى تۇردە يەلەپ الىپ، جاسىلداندىرۋ، ورمان وتىرعىزۋ جانە ماڭگىلىك نەگىزدىك ەگىستىك جەرگە ارنالعان جەردى بۇلدىرۋگە ساياتىن ماسەلە، 7 ماسەلە ەگىستىك جەردى تولىقتاۋدى، ماڭگىلىك نەگىزدىك ەگىستىك جەرگە ارنالعان جەردى تولىقتاپ ءبولۋدى شىنايى اتقارماۋعا ساياتىن ماسەلە، 5 ماسەلە زاڭعا قايشى تۇردە قۇرىلىس سالىنعان جەردىڭ بەتىن توپىراقپەن جاي عانا جاۋىپ قويىپ، ەگىستىك جەر دەپ جالعان مالىمدەۋ قاتارلى تاسىلدەرمەن ەگىستىك جەردى قالپىنا كەلتىرۋگە قاتىستى جالعان مالىمەت بەرۋگە ساياتىن ماسەلە.
جاراتىلىستىق بايلىق مينيسترلىگى مىنانى ءبىلدىردى: بۇل دەلولار قاتىستى جەرلەردىڭ ەگىستىك جەردى قورعاۋ تانىمىنىڭ كۇشتى ەمەس ەكەنىن، جەرگىلىكتى ورىنداعى ۇكىمەتتىڭ ەگىستىك جەردى قورعاۋ جاعىنداعى نەگىزگى تۇلعالىق جاۋاپكەرشىلىگىن اتقارماعانىن، سونداي – اق، قاتىستى تاراۋلاردىڭ باقىلاۋ – باسقارۋ جاۋاپكەرشىلىگىن تياناقتاندىرماعانىن، باقىلاۋ – باسقارۋدىڭ پارمەندى بولماعانىن، زاڭ اتقارۋدىڭ قاتاڭ بولماعانىن كورسەتتى. جەرگىلىكتى ءار دارەجەلى ۇكىمەتتەر مەن قاتىستى تاراۋلار وسىدان تەرەڭ ساباق الىپ، رەتتەۋ – وزگەرتۋ جانە تەكسەرىپ ءبىر جاقتى ەتۋدى جەدەلدەتىپ، وسىنداي ىستەردى دە، ادامدى دا ءبىر جاقتى ەتۋى، قاتاڭ شارالاردى قولدانىپ، «استە كەشىرىم ەتپەۋ» پوزيتسياسى بويىنشا، ەگىستىك جەردى «اۋىل شارۋاشىلىعىنان باسقا ماقساتقا پايدالانۋدى» باتىل تەجەپ، «ەگىستىك جەرگە استىق ەكپەۋدەن» ساقتانۋى كەرەك. بۇيرىق بەرىلسە دە اتقارماعان، تيىم سالسا دا توقتاتپاعان جەرلەرگە شاقىرىپ سويلەسۋ، جاۋپكەرشىلىگىن قۋزاستىرۋ، ءتارتىپ تەكسەرۋ جانە باقىلاۋ ورگاندارىنا جوتكەپ بەرۋ قاتارلى جاۋاپكەرشىلىگىن قاتاڭ قۋزاستىرۋ شارالارىن اتقارۋ كەرەك. مەملەكەتتىك جاراتىلىستىق بايلىق جاعىنداعى باقىلاۋشى قۇرىلىمدار قاداعالاۋ بارىسىندا بايقاعان ماسەلەلەردى رەتتەۋ – وزگەرتۋ جاعدايىنا جالعاستى ىزىنە ءتۇسىپ قاداعالاۋ – قۋزاۋ قىزمەتىن ورىستەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
