شينجياڭنىڭ ماقتا جيناۋ قىزمەتى نەگىزىنەن اياقتادى
ءوندىرىستىڭ تۇتاس بارىسىنىڭ ماشينالانۋ سالىستىرماسى ％94كە جەتتى
2022.11.30 16:07 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 11 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، جۋىقتا تۇتاس رايوننىڭ (جەرگىلىكتى ورىن) ماقتا جيناۋ قىزمەتى نەگىزىنەن اياقتاپ، تۇتاس رايوننىڭ ماقتانى ماشينامەن جيناۋ سالىستىرماسى ％80تەن اسىپ، ماقتا ءوندىرىسى تۇتاس بارىسىنىڭ ماشينالانۋ سالىستىرماسى ％94كە جەتىپ، بىلتىرعىدان جوعارىلاي تۇسكەن.
جۋىق مەزگىلدەن بەرى، رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى ەگىس ۋاقىتىن مىقتى يگەرىپ، ىندەتتەن تۋىنداعان ءتيىمسىز ىقپالداردى قۇلشىنا جويىپ، اۋىل شارۋاشىلىعى ماشينالارىن ءبىر تۇتاس جوسپارلاپ ورنالاستىرىپ، جيناۋ بۋىنىنداعى بوگەتتەردى اشىپ، ماقتانى دەر كەزىندە جيناپ الۋعا شىنايى كەپىلدىك ەتتى. كۇشار قالاسى ۇچا قالاشىعىندا جەرگىلىكتى ورىن جۇيەلى ساتىپ الۋ، ەگىس ۋاقىتىن اقساتپاۋ پرينسيبى بويىنشا، ماقتا جيناۋ، تەحنيكالىق قىزمەت وتەۋ، اۆتوكولىك جانە زاتتىق ماتەريالداردى باعىتتامالى اينالىمعا سالۋ جۇمىستارىنىڭ ۋاعىندا جۇمىس ورىندارىنا تياناقتانۋىنا شىنايى كەپىلدىك ەتىپ، ماقتا تاسۋ، مانەرلەۋ، قامبالاۋ سياقتى قىزمەتتەردى ءونىمدى ۇشتاستىرىپ، ماقتا جيناۋدى ءتارتىپتى ىلگەرىلەتتى. ماناس اۋدانى جاڭاشا تايلاۋ ۇلگىسىندەگى ماقتا تەرۋ ماشيناسىن جالپىلاستىرىپ، تەرۋ - جيناۋدى، ءبولۋدى، تازالاۋدى، تايلاۋدى ءبىر جولدا ورىنداپ، ماقتانىڭ ىشىندەگى ارام ءشوپ، جارعاق قالدىعى سياقتى بوگدە زاتتاردى بارىنشا ازايتىپ، ماقتانىڭ ساپاسىن ورنىقتى جوعارىلاتتى.
ماقتا جيناۋ مەزگىلىنە قادام تاستاعاننان بەرى، رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى ماقتا ساپاسىن باسقارۋ جانە جيىن - تەرىن ماشينا جابدىقتارىن دايىنداۋ قىزمەتىن ءتۇيىندى تۇردە ىلگەرىلەتتى. جەر - جەر ماقتا ساپاسىن قاتاڭ باسقارىپ، مەڭگەرىپ، ماشينامەن تەرىلەتىن ماقتانىڭ جاپىراعىن ءتۇسىرىپ، پىسۋىن جەدەلدەتۋدەي جۇمىس ولشەمى بويىنشا، ۇيلەسىمدى ۋاقىتتا جاپىراق ءتۇسىرۋ ءدارىسىن شاشىپ، اشىلۋىن جەدەلدەتۋدە ساپاسىن جوعارىلاتىپ، ماقتا تەرۋ ماشيناسىنىڭ ولشەمدى جۇمىس جۇرگىزۋىن ارناعا ءتۇسىرىپ، ”جاڭا، كونە ءۇش تالشىقتى“ باسقارۋ تەبىنىن ارتتىرىپ، ماقتا ءوندىرىسىنىڭ ساپاسىن قاينارىنان باستاپ جوعارىلاتتى. سونىمەن بىرگە اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى بۇكىل رايونداعى ماقتا جيناۋ ماشينا - جابدىقتارىنىڭ قامداۋ - قاجەتسىنۋ ينفورماتسيالارىن دەر كەزىندە ۇعىسىپ، ماشينا - جابدىقتارىنىڭ رايون اتتاعان جانە سىرتتان ەنگىزىلگەن سانىن عىلمي تۇجىرىمداپ، ءارقايسى قاتىستى تاراۋلارمەن سايكەسۋدى، ۇشتاسۋدى كۇشەيتىپ، جۇمىس بارىسىنداعى قامداۋ - قاجەتسىنۋدى ۇشتاستىرۋدى جانە قىزمەت وتەۋدى قامتاماسىز ەتۋدى كۇشەيتىپ، ماقتانىڭ دەر كەزىندە جينالۋىنا، ساپاسىنىڭ جاقسى بولۋىنا شىنايى كەپىلدىك ەتتى.
ىندەتتەن تۋىنداعان ءتيىمسىز ىقپالدى بارىنشا ازايتۋ ءۇشىن، اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى كەڭسەسى مەن اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى، اۋىل - قىستاقتى گۇلدەندىرۋ مەكەمەسى 140 نەشە كاسىپتىك تىرەكتىنى شىعارىپ، 12 قىزمەتكە جەتەكشىلىك ەتۋ گرۋپپاسىن ۇيىمداستىرىپ، 14 ايماق، وبلىس، قالاعا بارىپ، جۇمىس باسىندا جەتەكشىلىك ەتىپ، اۋىل شارۋاشىلىعىنا كومەكتەسىپ، قيىنشىلىقتى شەشتى. جەر - جەر، قاتىستى تاراۋلار ارناۋلى كولىكپەن اپارىپ - اكەلۋ، جاناسپاي ءىس ءبىتىرۋ سياقتى تاسىلدەردى قولدانىپ، ماقتا تەرۋشى جۇمىسكەرلەردىڭ، شوفەرلاردىڭ، تەحنيكتەردىڭ دەر كەزىندە ورىندارىنا كەلىپ جايعاسۋىنا، ماقتانى جيناۋدىڭ ورنىقتى، ءتارتىپتى بولۋىنا شىنايى كەپىلدىك ەتتى.
ساناققا قاراعاندا، بيىل بۇكىل رايونىمىزدا 7000نان استام ماقتا تەرۋ ماشيناسى ماقتا جيناۋ جۇمىسىنا كىرىسىپ، جەرگىلىكتى ورىننان، بيڭتۋان ماقتا رايونىنان اتتاپ ماقتا جيناۋعا ات سالىسقان ماقتا تەرۋ ماشيناسى 1300دەن اسقان. ماقتانى ماشينامەن تەرۋدى باسقارۋدىڭ ونىمدىلىگى ماقتانى قولمەن تەرۋدىڭ 3 − 5 ەسەسىندەي بولىپ، بۇكىل رايونداعى ماقتا ەگىلگەن جەر اۋدانى، ءونىم مولشەرى تاعى دا تىڭ دەڭگەيگە كوتەرىلدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
