ءۇرىمجى قالاسى قيىنشىلىعى بار بۇقارانىڭ ىندەتتىڭ ىقپالىنا توتەپ بەرۋىنە كومەكتەسۋ ءۇشىن ارناۋلى ساياسات بەلگىلەدى
2022.11.30 11:06 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى يۇي تاۋ، سۋ چۋان – ي 11 – ايدىڭ 29 – كۇنى ۇرىمجىدەن حابارلايدى. ءتىلشىنىڭ 11 – ايدىڭ 29 – كۇنى ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىنشا، ءۇرىمجى قالاسى كىرىسى تومەن ادامدار، كىرىسى جوق ادامدار قاتارلى تۇرمىسىندا قيىنشىلىعى بار بۇقارانىڭ ىندەتتىڭ ىقپالىنا توتەپ بەرۋىنە كومەكتەسۋ ءۇشىن، ارناۋلى ساياسات بەلگىلەگەن.
ءۇرىمجى قالالىق حالىق ۇكىمەتىنىڭ ورىنباسار باس حاتشىسى لي يانمەيدىڭ اقپار جاريالاۋ ماجىلىسىندە ايتۋىنشا، جۋىردا ءۇرىمجى قالاسى تۇرمىسىندا قيىنشىلىعى بار بۇقارانىڭ نەگىزدىك تۇرمىسىن قايتكەندە ويداعىداي قامتاماسىزداندىرۋعا بولاتىندىعى جونىندە زەرتتەۋ جۇرگىزىپ، ءۇش ءتۇرلى جاقتان ساياساتتىق شارالاردى بەلگىلەگەن.
بىرىنشىدەن، كىرىسى تومەن ادامدار، كىرىسى جوق ادامدار قاتارلى تۇرمىسىندا قيىنشىلىعى بار توپتارعا باعىتتاي وتىرىپ، قوعامدىق كومەك بەرۋ، ەڭ تومەنگى شەكتەن تۇسىرمەي قامتاماسىزداندىرۋ شارالارىن اتقارىپ، ءار ادامعا 300 يۋاندىق ولشەم بويىنشا ءبىر رەتتىك تۇرمىستىق كومەك بەردى.
ەكىنشىدەن، ءۇرىمجى قالاسى مايعا بەرەتىن الەۋمەتتىك قامتاماسىزداندىرۋ سيپاتىنداعى تۇرعىن ۇيلەردى مايعا العان وتباسىلار ماي اقىسىن تاپسىرا الماسا، توقتامنىڭ ۋاقىتى تولماعان بولسا، وتباسىن بىرلىك ەتە وتىرىپ، بەس ايلىق ماي اقىسىن ازايتادى نەمەسە كەشىرىم ەتەدى؛ ماي اقىسىن تاپسىرىپ بولعان، توقتام ۋاقىتى تولماعان بولسا، مايعا بەرۋ مەرزىمىن تاعى بەس ايعا ۇزارتادى؛ توقتام ۋاقىتى تولعان قامتاماسىزداندىرىلاتىن وتباسىلار، ەگەر جالعاستى مايعا الۋ شارتىنا ۇيلەسەتىن بولسا، مايعا الۋ توقتامىنا جاڭادان قول قويعان كەزدە، ءۇيدىڭ ماي اقىسىن العاندا، بەس ايلىق ماي اقىسىن ازايتادى نەمەسە كەشىرىم ەتەدى.
ۇشىنشىدەن، جۇمىستانۋدا قيىنشىلىققا ۇشىراعان كىرىسى تومەن توپتارعا الەۋمەتتىك يگىلىك سيپاتىنداعى ءبىر توپ جۇمىس ورىندارىن ازىرلەيدى، جۇمىستانۋدى قاجەت ەتەتىن ادامداردىڭ ءوزى تۇرعان الەۋمەتتىك اۋماققا ءوتىنىش بەرۋىنە بولادى، ءۇرىمجى قالاسى دەر كەزىندە، ۇيلەسىمدى، ويداعىداي ورنالاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
