شينجياڭ جۇمىس ورنىن ورنىقتىرۋ بويىنشا ءبىر ميلليارد يۋانعا جۋىق قارجى قايتاردى
119 مىڭ 400 كاسىپورىنعا سايدى، 2 ميلليون 399 مىڭ 700 جۇمىسشى - قىزمەتكەر يگىلىككە كەنەلدى
2022.11.30 16:08 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى سۋ لۋپيڭ 11 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، 11 - ايدىڭ 24 - كۇنىنە دەيىن تۇتاس رايونىمىز 119 مىڭ 400 كاسىپورىنعا جۇمىس ورنىن ورنىقتىرۋ بويىنشا 953 ميلليون يۋان قارجى قايتارىپ، بۇدان 2 ميلليون 399 مىڭ 700 جۇمىسشى - قىزمەتكەر يگىلىكتەنگەن.
وسى رەتكى ىندەت تۋىلعاننان كەيىن، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى اۋىرتپالىقتى جەڭىلدەتىپ، جۇمىس ورنىن ورنىقتىرۋ، جۇمىستانۋدى كەڭەيتۋ جەلىلەس ساياسات - شارالارىن اتقارۋدى ۇزدىكسىز ىلگەرىلەتىپ، جۇمىس ورنىن ورنىقتىرۋدى قولداۋ سەرپىنىن كۇشەيتىپ، ىندەتتىڭ ادام ىستەتۋشى ورىندار مەن ەڭبەكشىلەرگە تۋدىراتىن ءتيىمسىز ىقپالىن مۇمكىندىكتىڭ بارىنشا ازايتىپ، جۇمىستانۋ جاعدايىن كۇش سالا ورنىقتىردى.
اۋەلى، قيىنشىلىعى بار بۇقارانى تومەنگى شەكتەن تۇسىرمەي قامتاماسىز ەتۋدى ويداعىداي ىستەدى. جۇمىسسىز قالعاندار سياقتى جۇمىستانۋى قيىن ادامدارعا، جۇمىسى توقتاۋ سەبەپتى ۋاقىتشا كىرىسسىز قالعان شينجياڭعا كەلگەن جانە شينجياڭ ىشىندە ءوڭىر اتتاپ جۇمىس ىستەگەن جۇمىسكەرلەرگە، اسىرەسە، سىرتقا شىعىپ جۇمىس ىستەۋ مۇمكىندىگى جوق كەدەيلىكتەن ارىلعان ەڭبەككۇشتەر مەن قاداعالاناتىن وبيەكتىلەرگە مەڭزەس، ءبىر توپ ۋاقىتتىق، وتپەلى الەۋمەتتىك يگىلىك سيپاتتى جۇمىس ورىندارىن تاۋىپ ورنالاستىرىپ، ولاردىڭ جۇمىستانۋىنا، كىرىس كىرگىزۋىنە كومەكتەستى. قازىرگە دەيىن تۇتاس رايونىمىزدا 10 مىڭ 334 ۋاقىتتىق، وتپەلى الەۋمەتتىك يگىلىك جۇمىس ورنى دايىندالدى.
سونىمەن قاتار جۇمىس ورنىن ورنىقتىرىپ، قارجى قايتارۋدى قولداۋ سەرپىنىن كۇشەيتىپ، كاسىپورىنداردىڭ قيىنشىلىقتان قۇتىلىپ، قىسىمىن جەڭىلدەتۋىنە كومەكتەستى. قامسىزداندىرۋعا قاتىناسقان، قىزمەتكەرلەرىن قىسقارتپاعان نەمەسە از قىسقارتقان كاسىپورىندارعا جۇمىسسىزدىق قامسىزداندىرۋىن جۇمىس ورنىن ورنىقتىرۋ بويىنشا قايتارىپ بەرۋ ساياساتىن ۇزدىكسىز اتقارىپ، جۇمىس ورنىن ورنىقتىرۋ بويىنشا ءىرى كاسىپورىندارعا قارجى قايتارۋ سالىستىرماسىن ％30تەن ％50كە جوعارىلاتتى، ورتا، شاعىن، ۇساق كاسىپورىندارعا قارجى قايتارۋ سالىستىرماسىن ％60تەن ％90كە جوعارىلاتتى، قوعامدىق توپتار، قور قوعامدارى، قوعامدىق قىزمەت وتەۋ قۇرىلىمدارى، ادۆوكات ورىندارى، بۇعالتىرلىق ورىندارى، مەكەمە فورماسىندا قامسىزداندىرۋعا قاتىناسقان جەكە ساۋدا - ونەركاسىپشىلەردىكى ورتا، شاعىن، ۇساق كاسىپورىندار ءادىسى بويىنشا اتقارىلدى ءارى ”ءوتىنىش ەتپەي - اق يگىلىكتەنۋ“ سىندى جاڭاشا ءبىتىرۋ ۇلگىسى اتقارىلدى، شارتقا ۇيلەسەتىن قامسىزداندىرۋعا قاتىناسقان مەكەمە - ورىندارعا اشىق جاريالانعاننان كەيىن تىكە تاراتىلىپ، ”ساياساتتى كاسىپورىنعا بەيىمدەپ“، قارجىنىڭ ەسەپكە كىرىپ، كەلتە حات ارقىلى ادام باسىنا ۇقتىرىلۋىنا شىنايى كەپىلدىك ەتتى.
بۇدان سىرت، ىندەتتىڭ ىقپالىنا اۋىر دارەجەدە ۇشىراعان، ۋاقىتشا قالىپتى ءوندىرىستى، تيجاراتتى قالپىنا كەلتىرە المايتىن قامسىزداندىرۋعا قاتىناسقان كاسىپورىندارعا، قامسىزداندىرۋعا قاتىناسقان ءاربىر جۇمىسشى - قىزمەتكەرگە 500 يۋان ولشەم بويىنشا ءبىر رەتتىك جۇمىس ورنىن ساقتاپ قالۋ بويىنشا باۋلۋ قوسىمشا قاراجاتىن تاراتتى. 11 - ايدىڭ 24 - كۇنىنە دەيىن ىندەتتىڭ ىقپالىنا ۇشىراعان 9336 كاسىپورىنعا 68 ميلليون 442 مىڭ 500 يۋان ءبىر رەتتىك جۇمىس ورنىن ساقتاپ قالۋ بويىنشا باۋلۋ قوسىمشا قاراجاتى تاراتىلدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
